Ապրիլյանի քննիչ հանձնաժողովի հրավիրյալը երկրից դուրս լինելու պատճառով չէր եկել նիստին․ նրան հարցեր կուղղեն այլ ձեւաչափով

Ապրիլյան պատերազմի հանգամանքներն ուսումնասիրող խորհրդարանական քննիչ հանձնաժողովն այսօր հերթական փակ նիստն անցկացրեց։ Այն, սակայն, ի տարբերություն նախորդ՝ մի քանի ժամ տեւած նիստերի՝ նույնիսկ կես ժամից շուտ ավարտվեց։

Բանն այն է, որ հրավիրյալը, որը մեր հետախուզության համակարգում բավականին բարձր պաշտոն զբաղեցրած գեներալ է, այս պահին Հայաստանի սահմաններից դուրս է գտնվում եւ չի կարողացել գալ նիստին։ Այս պատճառով հանձնաժողովականները որոշեցին վերջինիս այլ ձեւաչափով հարցեր ուղղել․ տեսակապով, թե հեռախոսազանգով՝ լրագրողներին հայտնի չդարձավ։

Քննիչ հանձնաժողովի նախագահ Անդրանիկ Քոչարյանը լրագրողների հետ զրույցում ասաց, որ հրավիրյալը հիմա բարձր պաշտոն է զբաղեցնում Հայաստանի սահմաններից դուրս․

«Հանձնաժողովում պիտի լսեինք մեր շատ լավ սպաներից մեկին, որն այն ժամանակ պատասխանատու է եղել որոշակի հետախուզական գործառույթների համար, որի վերաբերյալ մենք շատ կարճ հարցադրումներ ունենք։ Դրանց պատասխաններն ստանալուց հետո ամբողջական պատկեր կունենանք, որը կներառվի մեր զեկույցների մեջ»,- հայտնեց Քոչարյանը։

«Հայկական ժամանակ»-ի հարցին՝ հանձնաժողովի մոտ կես տարվա աշխատանքների մասին զեկույց կլինի՞ մինչեւ ուսումնասիրության ժամկետը երկարաձգելը, Քոչարյանը հստակ պատասխան չտվեց, միայն ասաց, որ զեկույցների ուղղությամբ արդեն իսկ աշխատում են, ամեն նիստից հետո տեւական ժամանակ աշխատում են արձանագրությունների վրա, բայց դա ահռելի աշխատանք է, քանի որ մի քանի ժամանոց տասնյակ տեսագրություններ կան։

Քննիչ հանձնաժողովի փորձագետները բուն ուսումնասիրությանը զուգահեռ աշխատում են նաեւ խորհրդատուների հրավերի հարցը լուծելու համար։ Քոչարյանի փոխանցմամբ՝ ԱԱԾ-ն այդ հնարավորությունն արդեն տալիս է հանձնաժողովականներին, ինչը պետք է որ նպաստի աշխատանքի որակին ու ծավալներն ընկալելի դարձնելուն։

Ավելի վաղ Քոչարյանը լրագրողների հետ զրույցում հայտնել էր, որ Պաշտպանության նախկին նախարար Վաղարշակ Հարությունյանն արդեն մի քանի անգամ խորհրդատվական աջակցություն է ցուցաբերել հանձնաժողովին, նման առաջարկ ստացել է նաեւ գեներալ-լեյտենանտ Նորատ Տեր-Գրիգորյանցը, որը, սակայն, մե՛կ համաձայնել է, մե՛կ հրաժարվել։

Լրագրողի այն դիտարկմանը, որ մինչեւ այս պահը հանձնաժողով են հրավիրվել նրանք, որոնք կապ են ունեցել Զինված ուժերի հետ, իսկ օղակը որքան հասնի վերեւներին, այնքան ավելի դժվար է լինելու նրանց «բերման ենթարկել» հանձնաժողով, Անդրանիկ Քոչարյանն արձագանքեց․

«Մեր հանձնաժողովը բերման ենթարկելու համար չէ։ Մենք հրավիրում ենք տարբեր մարդկանց, եւ առայժմ որեւէ մեկը չի մերժել, մասնակցել է աշխատանքներին։ Ընդ որում, միայն ԶՈՒ-երը չեն, հրավեր ենք պատրաստվում ուղարկել նաեւ այլ ուժային կառույցներ, որոնք այդ ժամանակաշրջանի հետ կապված պիտի որ տնօրինեին մեզ հետաքրքրող տեղեկատվության»։

Ինչպես նախորդ նիստերից հետո, այս անգամ եւս լրագրողներին հետաքրքրեց, թե առանցքային դեմքերին, մասնավորապես Սերժ Սարգսյանին, Սեյրան Օհանյանին հրավեր ուղարկե՞լ են, քանի որ, ի վերջո, նրանց տված ինֆորմացիան եղելությունը բացահայտելու առանցքային մասն է լինելու։ Հանձնաժողովի նախագահն ասաց, որ հրավիրված յուրաքանչյուր անձ ինչ-որ չափով առանցքային դեմք է եղել, նույնիսկ զինվորը, որը մարտ է վարել, եղել է այդ դիրքի առանցքային անձը․

«Հանգամանքների բացահայտման համար շարունակելու ենք հրավիրել մարդկանց, իհարկե, առանց նրանց լսելու հնարավոր չի լինելու եզրահանգման գալ, եւ վերջին հաշվով արդեն ակնհայտ է, որ Սերժ Սարգսյանը հրավիրվելու է։ Իրենց տնօրինության տակ գտնվող մամուլի հրապարակումներից էլ երեւում է, որ կա անհանգստություն, որ նրանք հրավիրվելու են։ Բայց պետք է պատրաստ լինեն գալու։ Չգալն էլ իրենց իրավունքն է, հանձնաժողովը որեւէ մեկին իրավասու չէ պարտադրել, բայց այս պահի դրությամբ մենք բոլոր զինվորականների, հրավիրվածների հետ բարձր գիտակցումով ու ներդաշնակ ենք աշխատում»,- ասաց հանձնաժողովի նախագահը՝ հավելելով, որ եթե ոմանք չգան, իրենք ոչ մի կաշկանդվածություն չունեն նրանց տրվելիք հարցերը հնչեցնելու, իսկ չգալը ենթադրում է քաղաքական պատասխանատվություն։

Տպել
892 դիտում

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն

Հղի կանանց աջակցության ծրագրով վճարումներն սկսված են

Արժույթի միջազգային հիմնադրամը նախատեսում է ավելացրել Հայաստանին տրամադրվելիք օժանդակությունը մինչեւ 280 մլն դոլար

Հայաստանում կկառուցվի COVID-19-ից մահացած անձանց համար դիահերձարան

Ալեքսանդր Կարապետյանի ու Էրիկ Վարդանյանի «Սոչին» կրճատել է ֆուտբոլիստների աշխատավարձը

29-ամյա քաղաքացու ինքնասպանության փորձը կանխվել է

COVID-19-ով վարակված քաղաքացիներից 8-ի վիճակը ծայրահեղ ծանր է, 40-ինը՝ ծանր