Կրթության ոլորտում ձեռնարկված փոփոխությունների դեմ պայքարը չի ավարտվել. բողոքի ցույցի մասնակիցները սպասում են պատասխանի

Արդեն որքան ժամանակ է՝ Կրթության, գիտության, մշակույթի եւ սպորտի նախարարության կողմից մշակված «Բարձրագույն կրթության եւ գիտության մասին» օրենքի նախագծի՝ բուհերի ոչ մասնագիտական ֆակուլտետներում հայոց լեզու, հայ գրականություն եւ հայոց պատմություն առարկաների ոչ պարտադիր ուսուցման դրույթի դեմ ցույցեր չեն իրականացվում: Արդյո՞ք բողոքողներըը դադարեցրել են իրենց պայքարը, թե՞ հարաբերական անդորրը երկար չի տեւելու:

Մեր հարցին ի պատասխան, Երեւանի պետական համալսարանի Հայ բանասիրության ֆակուլտետի 4-րդ կուրսի ուսանող Գեւորգ Գյուլումյանը նշեց, որ իրենց տրամադրվածությունը չի փոխվել, ինչպես եղել է նոյեմբերի 6-ին՝ դասադուլի առաջին օրը, նույն ձեւով շարունակվում է այսօր: Ցույցերը դադարել են, քանի որ այս պահին նախագիծը քննարկման փուլում է, որեւէ բողոքի ակցիա իրականացնելն անիմաստ կլինի, իսկ իրենք միտված չեն իրավիճակը սրելու:

Եթե քննարկումներից հետո նախագիծն իրենց սրտով չլինի, արդյո՞ք նախատեսվում է նորից ցույցեր իրականացնել, հարցին հստակ պատասխան չտվեց. նախագծի հետագա զարգացումը կարող է մի քանի՝ 3-4 տարբերակ ստեղծել:

Անկախ ամեն ինչից իրենց ֆակուլտետի մի շարք ուսանողների նախաձեռնությամբ ստեղծված «Հանուն ազգային կրթության» շարժումը, որին միացել են նաեւ այլ ֆակուլտետների ուսանողներ, շահագրգիռ երիտասարդներ, շարունակելու է իր գործունեությունը հանուն ազգային կրթության. «Անկախ այս օրենքի ընդունվել-չընդունվելուց՝ շարժումը գործելու է: Նպատակն է՝ պահպանել ազգային բջիջը մեր կրթական ոլորտում»:

ՀՅԴ Հայաստանի երիտասարդական միության անդամ Քրիստինե Վարդանյանն էլ շեշտեց, որ իրենց պայքարը ոչ միայն չի դադարեցվել, այլեւ շարունակվելու է նոր թափով:

Անցած հինգշաբթի նամակ են փոխանցել կառավարություն՝ ուշադրություն հրավիրելու կրթության ոլորտում իրենց մտահոգող 6 կետերի վրա, որոնցից մեկը վերաբերում է «Բարձրագույն կրթության եւ գիտության մասին» օրենքի նախագծին: Այս պահին երիտասարդները սպասում են պատասխանի:

«Քանի որ մեր բարձրաձայնած խնդիրներում դեռեւս որեւէ էական լուծումներ չենք նկատվում, մեր պայքարը շարունակվում է»,- նշեց ՀՅԴ ՀԵՄ անդամը՝ հավելելով, որ սպասվող գործողությունների մասին իրենք կհայտարարեն:

Նշենք, որ ՀՀ կառավարությանը ներկայացրած 6 պահանջները հետեւյալն են՝

1․ Կրթության, գիտության, մշակույթի եւ սպորտի ոլորտներում արդիական պահանջներից եւ ազգային պետություն ունենալու հրամայականից բխող համապատասխան ռազմավարությունների մշակում եւ հրապարակում։

2․ Կրթության, գիտության, մշակույթի եւ սպորտի ոլորտների պետական ֆինանսավորման էական ավելացում։

Առաջիկա տարիների համար անհրաժեշտ է ռազմավարական նպատակ ունենալ կրթությանը հատկացվող միջոցների ծավալի մեծացումը` այնպես, որ այդ միջոցները կազմեն ՀՆԱ 3-4 տոկոսը, իսկ գիտության պարագայում` այդ թիվը պետք է գերազանցի ՀՆԱ 1 տոկոսը:

3․ Ապահովելով Հայոց լեզու եւ Հայոց պատմության առարկաների՝ բուհերում դասավանդման պարտադիր սկզբունքը` ձեռնամուխ լինել համապատասխան հայեցակարգերի ու մասնագիտական ծրագրերի մշակմանը։

Հայոց լեզու առարկայի դասավանդման շրջանակներում պետք է ձեռք բերվեն հիմնավոր գիտելիքներ, որոնք թույլ կտան բուհի շրջանավարտներին տիրապետել մասնագիտական տերմինաբանությանը։ Հայոց պատմություն առարկայի պարագայում ուսանողների շրջանում պետք է ձևավորել քննական մտածողություն եւ սեփական հայրենիքի առջև ծառացած մարտահրավերների խորքային ընկալում։

4․ Ապահովելով Հայոց Եկեղեցու պատմություն առարկայի պարտադիր դասավանդումը դպրոցներում՝ ուշադրություն դարձնել առարկայի շրջանակներում ազգային ինքնության անքակտելի մասը կազմող Հայ Առաքելական Եկեղեցու էության ներկայացմանը, աշակերտների շրջանում պետականամետ եւ հայաստանակենտրոն մտածելակերպի ամրապնդմանը։

5․ Շրջանառությունից հանել կամ արմատապես վերանայել «Բարձրագույն կրթության եւ գիտության մասին» օրենքի նախագիծը։

Ձեռնամուխ լինել ԲՈՒՀ-երի իրական ակադեմիական ազատության եւ կառավարման ինքնավարությանը նպաստող նախագծի ներկայացմանը, որը նպատակ պետք է ունենա ապահովելու ԲՈՒՀ-գիտություն-աշխատաշուկա կապը:

Նախագծում պետք է որոշակի լինի նաև գիտության զարգացման գործում Գիտությունների Ազգային Ակադեմիայի դերը:

6. Այս փոփոխությունների կարևորությունն անտեսող կամ ազգային օրակարգը հեգնող ցանկացած պաշտոնյա պետք է օր առաջ ազատվի զբաղեցրած պաշտոնից:

Հիշեցնենք, որ տեւական ժամանակ ԵՊՀ Հայ բանասիրության եւ մի շարք այլ ֆակուլտետների ուսանողներ բողոքի ակցիա էին իրականացնում Մայր բուհի եւ ԿԳՄՍ նախարարության շենքի դիմաց, որտեղ նստացույց էին իրականացնում նաեւ ՀՅԴ ՀԵՄ անդամները:

Անի Ավագյան

Տպել
821 դիտում

Քաղաքական դաշտ մտնելով՝ ցույց եմ տալիս նաև, որ հավատարիմ եմ 18 թվականի հեղափոխությանը. Գնել Սարգսյան

Ազոխում դիեր են գտնվել. 80-ամյա Յուրիկը գյուղից չի հեռացել կամովին, 55-ամյա Սերժիկը նկուղում է մնացել պատահաբար

Արա Այվազյանը Դավիդ Զալկալիանիի հետ տարածաշրջանային անվտանգության, փոխկապակցվածության հարցերին է անդրադարձել(տեսանյութ)

9 մարզի 101 դպրոցում 18 առարկա չի դասավանդվում ուսուցիչների բացակայության հետևանքով

Իր գործունեությունն է սկսել «Կրթության զարգացման և նորարարության ազգային կենտրոն» հիմնադրամը

Սիսիան-«Զանգեր» ճանապարհահատվածում բուք է, Սարավանի լեռնանցքում՝ տեղ-տեղ մերկասառույց

Երկրաշարժ է գրանցվել Նախիջևանից 34 կմ հյուսիս-արևելք. ցնցումները զգացվել են Վայքում և Սյունիքում

7 մետր սահելուց հետո մեքենան հայտնվել է Արփա գետում

Մահացել է ամերիկացի լեգենդար հեռուստամեկնաբան Լարի Քինգը

Պատերազմից հետո Արցախում աշխատուժի պակաս է զգացվում

Օպերլիազորը հետախուզվողից 400 եվրո է հափշտակել. ՀՀ ոստիկանություն

Ֆրանսիայում աննախադեպ վիրահատություն է իրականացվել․ երկու ձեռքի փոխպատվաստումն արվել է հայ բժշկի գլխավորությամբ

Ես ինձ խաբված եմ զգում, մենք 20-30 տարի անզեն զինվորի ենք ոգեւորել մեր երգերով․ Համլետ Գեւորգյան

Սարավան-«Զանգեր» հատվածում, Սյունիքի մարզի ավտոճանապարհներին առկա է մերկասառույց

Դավիթ Բաբայանը Զարեհ Սինանյանի հետ քննարկել է Արցախում սփյուռքի ներուժի ներգրավվածության հնարավորությունները

Արցախն ու Հայաստանը կունենան միասնական օպերատիվ աշխատանքային օրակարգ

Հայաստան է տեղափոխվել կողոպուտի մեղադրանքով հետախուզվող

Վահան Քերոբյանն Իրանում ներկայացրել է ՀՀ տնտեսության զարգացման ընթացիկ և հեռանկարային ծրագրերը

Հունաստանի իրավապահների կողմից հետախուզվողը հայտնաբերվել է Օձունում

Արցախում փայտե բնակարաններ են կառուցվում. այս պահին կացարանի կարիք ունի 10.000 ընտանիք

Ջերմաստիճանը կբարձրանա 7-ից 10 աստիճանով

Հայաստանում COVID-19-ի համաճարակային իրավիճակը կայուն է

Լարսը փակ է միայն բեռնատար ավտոմեքենաների համար

Տեղահանված արցախցիները Հայաստանում բոլոր բուժծառայություններից օգտվում են անվճար (տեսանյութ)

Արայիկ Հարությունյանն ընդունել է Զարեհ Սինանյանի գլխավորած պատվիրակությանը. «Արմենպրես»

Ճանաչենք մեր հերոսներին. խոցել են հրետանային, ռեակտիվ և ականանետային մարտկոցներ, տանկեր

Մարտունիում և Ասկերանում կիրականացվի չպայթած և վտանգավոր ռազմամթերքի վնասազերծում

Մեկ օրում Երևանից Ստեփանակերտ է վերադարձել 131 արցախցի

Անցած մեկ օրում ՀՀ-ում գրանցվել է ճանապարհատրանսպորտային 8 պատահար

Ոստիկանության գործավարության և գաղտնիության ռեժիմի ապահովման վարչության պետն Արագածոտնում կհանդիպի քաղաքացիների հետ

Միջպետական և հանրապետական նշանակության ավտոճանապարհները բաց են. Վարդենյաց լեռնանցքը փակ է կցորդիչով մեքենաների համար

Հայաստանում այս տարվա հոկտեմբերին մարդահամար է անցկացվելու․ այն հետաձգվել էր մեկ տարով

Շահութահարկի նվազեցում, ԱԱՀ գումարի վերադարձի նոր մեխանիզմ. ՊԵԿ-ը բիզնեսի համար սպասված նորություններ է հրապարակել

Բաղրամյան պողոտայում մեքենաներ են բախվել. կան տուժածներ

Հաստատվել է կորոնավիրուսի 198 նոր դեպք. առողջացել է 276, մահացել՝ 4 մարդ

Լարսը փակ է. ռուսական կողմում 760 բեռնատար է կուտակված

ՊԲ-ն հրապարակել է զոհված 72 զինծառայողի անուն

Լուսադեմին Աշոցքում ունեցել ենք մինչև -35 աստիճան սառնամանիք. Գագիկ Սուրենյան

Գյումրիում ավտոմեքենա է այրվել. 25-ամյա վարորդը մահացել է

Որոնողական աշխատանքների ընթացքում ևս 5 զինծառայողի աճյուն է գտնվել