Ալիկ Պետրոսյանի հարազատները պատրաստ են դատարանի դեպոզիտ հաշվին փոխանցել մինչեւ 20 միլիոն դրամ գրավ. պաշտպան

Երեւանի ընդհանուր իրավասության դատարանի Ավանի նստավայրում դատավոր Վարդան Գրիգորյանի նախագահությամբ այսօր սկսվեց ԱԺ նախկին պատգամավոր, «ՄԱՊ»-ի Ալիկ անունով հայտնի Ալեքսան Պետրոսյանի գործով նախնական դատական նիստը, որի ժամանակ քննվեց նրա խափանման միջոցի՝ կալանավորման հիմնավորվածության հարցը: 

Պետրոսյանը, սակայն, դատարան չէր բերվել առողջական խնդիրների պատճառով:

Նա մեղադրվում է 38-190-րդ հոդվածի 3-րդ մասի 1-ին կետով՝ փողերի լվացմանն օժանդակելու համար: Այս քրեական գործով անցնում է նաեւ նրա որդին՝ Մակար Պետրոսյանը, ում մասով դեռ նախաքննության ավարտ չի հայտարարվել: Ըստ մեղադրանքի՝ հայր եւ որդի Պետրոսյաններն օժանդակել են Բնապահպանության նախկին նախարար, հետախուզման մեջ գտնվող Արամ Հարությունյանին:

Այսօրվա դատական նիստին մեղադրող դատախազ Հայկ Պետրոսյանը հայտարարեց, որ Ալեքսան Պետրոսյանի կալանավորման հիմքերը չեն վերացել. «Օբյեկտիվ իրականության մեջ որեւէ բան չի փոխվել բացի նրանից, որ քրեական գործն ուղարկվել է դատարան: Կալանավորման հիմքերը, այդ թվում՝ գործի ճշմարտացի բացահայտման եւ օբյեկտիվ քննության վրա ազդեցության հնարավոր ռիսկը պահպանվել են»: Պետրոսյանը հիշեցրեց, որ կալանավորումը որպես խափանման միջոց կիրառելու համար անհրաժեշտ է երկու նախապայման՝ կալանավորման հիմքեր եւ հիմնավոր կասկած. «Հիմնավոր կասկածի առկայությունը դատարանների կողմից մինչդատական վարույթում արդեն իսկ փաստվել է, եւ հիմնավորվել է Ալեքսան Պետրոսյանի ենթադրյալ առնչությունը փողերի լվացման հանցակազմին: Դրա մասին են վկայում ոչ միայն ցուցմունքները, այլեւ մի շարք օբյեկտիվ ապացույցներ, այդ թվում՝ իրավական օգնության շրջանակում արտերկրից ստացված պատասխանները»:

Մեղադրող դատախազը ընդգծեց, որ երեկ առաջին ատյանի դատարանը, որը քննարկում էր գրավը որպես խափանման միջոց կիրառելու հարցը, մերժեց այն՝ նշելով, որ այս փուլում դեռեւս պահպանվում են մեղադրյալի կողմից ոչ իրավաչափ վարքագծի դրսեւորման ռիսկը. «Միաժամանակ Վերաքննիչ դատարանը երեկ անփոփոխ թողեց կալանավորման որոշումը՝ մերժելով դրա դեմ տարված բողոքը: Դատարանը գտավ, որ այս փուլում մեծ է ռիսկը, որ մեղադրյալը կարող է խոչընդոտել գործի քննությանը»,-շեշտեց դատախազը՝ պնդելով, որ երկու դատական ակտերն էլ իրավաչափ են:

Հայկ Պետրոսյանի խոսքով՝ առկա է նաեւ քննությունից եւ պատասխանատվությունից խուսափելու ռիսկ. «Սույն քրեական գործով բոլոր մեղադրյալները գտնվում են փախուստի մեջ, վարույթն իրականացնող մարմնի տրամադրության տակ մնացել են միայն այն մեղադրյալները, որոնք ի սկզբանե տվել են խոստովանական ցուցմունք: Այնպես չէ, որ ով խոստովանում է մեղքը, նրա համար ընտրում ենք այլ խափանման միջոց, բայց հենց մեղքը խոստովանելը եւ վարույթն իրականացնող մարմնին աջակցելը գնահատում ենք որպես քննությանը չխոչընդոտելու դրսեւորում, իսկ եթե ոչ միայն չի ընդունում, այլ նաեւ շեղում է քննությունը, գտնում ենք, որ այդ ռիսկը առկա է»:

Հայկ Պետրոսյանը հայտարարեց, որ եթե փոխառության պայմանագիրը ուշադիր նայեն, կտեսնեն, որ այն կնքվել է նույն անձին պատկանող երկու կազմակերպությունների միջեւ: Տվյալ դեպքում խոսքը Ալեքսան Պետրոսյանի մասին է. «Նույն անձը իր մեջ կնքում է փոխառության պայմանագիր, որ ինքն իրենից փող ստանա՞: Դրա՞ մասին է խոսքը: Այս պայմաններում գտնում եմ, որ առկա է եւ վկաների վրա ազդեցության ռիսկը, եւ հիմնավոր կասկած առ այն, որ ազատության մեջ մնալով՝ նա կարող է փաստական տվյալներ վրա ազդեցություն ունենալ: Ասեմ ավելին. դեռեւս նախանցած տարի իրավական օգնություն է ուղարկվել արտասահման՝ Ալեքսան Պետրոսյանին պատկանող կազմակերպոթյան 2 այլ հաշվեհամարներին եղած գումարները եւ դրանց շարժը պարզելու համար, որի պատասխանը դեռեւս չի ստացվել, եւ ազատության մեջ մնալով՝ նա կարող է ոչնչացնել այն փաստաթղթերը, որոնք մենք ակնկալում ենք ստանալ»:

Ալեքսան Պետրոսյանի պաշտպան Միհրան Պողոսյանը առարկեց դատախազի հայտարարությունների դեմ՝ ասելով, որ տպավորություն էր, թե դատախազը միջնորդություն է  ներկայացնում իր պաշտպանյալի կալանավորման ժամկետը երկարաձգելու համար. «Անձը այս հոդվածով մեղադրվելու համար պիտի գիտակցի, որ այդ գույքը ունի հանցավոր ծագում եւ գիտակցաբար օժանդակի դրա օրինականացմանը, իսկ տվյալ դեպքում չի ներկայացվել որեւէ փաստարկ առ այն, որ մեղադրանքի որոշման մեջ առկա ձեւակերպումները օբյեկտիվ իրականության մեջ գոյություն ունեն»: Պաշտպանը պնդեց՝ Ալեքսան Պետրոսյանը Արամ Հարությունյանից հարցրել է, թե դրանք ինչ գումարներ են, նա էլ ասել է, որ իր բիզնեսից ստացված գումարներ են, ուստի նրան որեւէ կերպ չէր կարող հայտնի լինել դրանց ծագումը:

Ըստ մեղադրանքի՝ 6 միլիոն դոլարը Սիլվա Համբարձումյանը Արամ Հարությունյանին տվել է կանխիկ, 8 միլիոնը իր նախաձեռնությամբ փոխանցել է Հարությունյանի մատնանշած անձի՝ Արաքս Դիլանյանի Դուբայում գտնվող հաշվեհամարին: Հետագայում Դիլանյանն էլ այդ գումարը բաշխել է 4 անձանց՝ Արմեն Խաչատրյանի, Վիկտոր Մարտիրոսյանի, Գագիկ Կարապետյանի եւ Արամ Հարությունյանի մեջ, ինչից հետո Վիկտոր Մարտիրոսյանի եւ Արամ Հարությունյանի հաշվեհամարներից գումարները փոխանցվել են «Տառասկո» ՓԲԸ-ին: Դա հենց այն ընկերությունն է, որը, դատախազի խոսքով, պատկանում է Ալեքսան Պետրոսյանին.

«Նոյեմբերի 12-ին ստացվել է ընկերության իրական սեփակաանտիրոջ՝ Ալեքսան Պետրոսյանի մասին տվյալներ, ու միայն այս հանգամանքը հիմք է տվել ենթադրելու, թե առկա է փողերի լվացում, սակայն լավագույն դեպքում կարելի էր արձանագրել միայն մեկ տվյալ. Ալեքսան Պետրոսյանին պատկանող ՓԲԸ ընկերությունը Արամ Հարությունյանից եւ նրան փոխկապակցված անձանցից ստացել է 5 միլիոն ԱՄՆ դոլար փոխառությու,ն որը որ վերադարձվել է Արամ Հարությունյանին»:

Միհրան Պողոսյանի խոսքով՝ հիմնավոր կասկածի առկայությունը նախաքննական մարմինը հիմնավորել է Սիլվա Համբարձումյանի ցուցմունքով. «Սակայն նրա ցուցմունքում այդպիսի տվյալ չի նշվում, ուստի հիմնավոր կասկածը բացակայում է, այն կազմված է  ենթադրությունների շրջանակում, ինչի պատճառով էլ նախաքննություն տեղի չի ունեցել »:

Պողոսյանը շեշտեց, որ մեղադրողի մատնանշած ռիսկերը բացակայում են. «Չկա նաեւ որեւէ վկա, ում վրա մենք կարող ենք ազդեցություն գործադրել, եթե լիներ, նախաքննության ընթացքում այդ անձինք մեղադրող ցուցմունքներ կտային եւ առերեսում կլիներ, բայց նման բան չի եղել, եւ այդ վկաներն անգամ չեն հարցաքննվել»:

Պաշտպանն ասաց՝ Ալեքսան Պետրոսյանը 63 տարեկան է, հանդիսանում է «ՄԱՊ» խոշոր ընկերության բաժնետեր, իրականացնում է դրա փաստացի կառավարումը, 14 տարի եղել է ԱԺ պատգամավոր, իր խնամքին է չաշխատող կինը, նախաքննական մարմնի ամեն զանգով պատշաճ ներկայացել է, եւ սույն գործով մեղադրյալ է հանդիսանում նաեւ նրա որդին. «Բացի այդ, իմ պաշտպանյալն ունի առողջական խնդիր, ենթարկվել է վիրահատության, ինչից հետո վեց ամիսը մեկ հետազոտվում է Բեռլինի բժշկական հաստատությունում, իսկ պարբերական այս ստուգման գործողությունները պետք է իրականացվեն, ընդ որում, դրա համար պիտի նախ ՀՀ-ում էլ հետազոտություն անցնի: Նա նաեւ 1995 թ տարել է գլխի ինսուլտ, սակայն բժշակական փաստաթղթերը չեն պահպանվել, եւ հնարավորություն էլ չունենք կրկին հետազոտվելու՝ հասկանալու, թե այդ հիվանդությունը ինչ նահանջ կամ ակտիվացում է ապրել»:

Միհրան Պողոսյանը խնդրեց վերացնել իր պաշտպանյալի նկատմամբ ընտրված կալանավորումը. «Սակայն եթե դատարանը գտնի, որ ամեն դեպքում առկա է հիմնավոր կասկած, խնդրում ենք քննարկել նաեւ գրավի թույլատրելիության հնարավորությունը. Ալեքսան Պետրոսյանի հարազատները պատրաստակամ են դատարանի դեպոզիտ հաշվին փոխանցել գումար մինչեւ 20 միլիոն ՀՀ դրամի չափով:

Լսելով կողմերին` դատարանը հեռացավ խորհրդակցական սենյակ՝ Ալիկ Պետրոսյանի խափանման միջոցի վերաբերյալ որոշում կայացնելու:

 

 

Տպել
2854 դիտում

«Պատերազմից հետո ինձ ֆիլմ հետ բերեց մաեստրո Մանսուրյանը»․ տեղի ունեցավ երկար սպասված «Զուլալիի» պրեմիերան

Բյուրեղավան համայնքում ավարտվել են ներհամայնքային ճանապարհների կապիտալ ասֆալտապատման աշխատանքները

ՅՈՒՆԻՍԵՖ-ն Արմավիրի առողջության առաջնային պահպանման կենտրոնների համար բժշկական սաքավորումներ է տրամադրել

ՔՈՎԻԴ-19-ի դեմ պատվաստված անձինք 12 անգամ ավելի քիչ են հոսպիտալացվում․ ԱՄՆ-ում իրականացված հետազոտություն

Արման Եղոյանը ԵՄ Թվինինգ ծրագրի շրջանակներում հանդիպումներ է ունեցել Իտալիայի խորհրդարանի գործընկերների հետ

Կարմիր Կատար լեռը ներառվեց բնության հուշարձանների ցանկում

Մեղրաշատ գյուղում այրվել է մոտ 40 հա խոտածածկույթ

Ես չեմ տեսնում պետականամետ ընդդիմություն, նրանք ավելի շատ ռևանշիստներ են, մուռ հանողներ, վրեժ լուծողներ․ Մհեր Արմենիա

Եվրամիությունն աջակցում է տարածաշրջանում խաղաղության ամրապնդմանը․ Արշակ Կարապետյանն ընդունել է Տոյվո Կլաարին

Ալեն Սիմոնյանը Աթենքում հանդիպել է ԵԱՀԿ խորհրդարանական վեհաժողովի նախագահ Մարգարետա Սեդերֆելթի հետ

Ֆրանսիայի Սենատի փոխնախագահն Ալեն Սիմոնյանին է փոխանցել Սենատի նախագահի հրավերը՝ այց կատարելու Ֆրանսիա

Ռուստամ Բադասյանը և Իրանի մաքսային ծառայության ղեկավարը կարևորել են Մեղրիի սահմանային անցակետի արդիականացումը

Կորոնավիրուսից մահացել է Տիգրան Կարապետյանը

Տրամադրվել է առաջին լիցենզիան՝ Տիեզերական գործունեություն իրականացնելու համար

Ալեն Սիմոնյանը բարձր է գնահատել Սլովենիայի հավասարակշռված մոտեցումը ԼՂ հիմնահարցում

Բադասյանը և Ռուսլան Դավիդովն արձանագրություն են ստորագրել. կարդիականացվի մաքսային ոլորտի իրավապայմանագրային դաշտը

Միրզոյանը և ԱՄՆ պետքարտուղարի եվրոպական և եվրասիական հարցերով տեղակալը քննարկել են տարածաշրջանային անվտանգության հարցեր

Մեկ բնակարան, մեկ հողամաս և մեկ մեքենա. ինչ ունեցվածք ունի Շիրակի մարզպետը

Արտակարգ դեպք Արմավիրի մարզում. 19-ամյա զինվորը տեղափոխվել է հիվանդանոց. shamshyan.com

Սկսում ենք կրկնակի դիպլոմների շնորհման գործընթացը․ Հայաստանի եվրոպական համալսարանը նշում է հիմնադրման 20-ամյակը

ՀՀ քաղաքացիություն ստանալու դիմումների քննարկման ժամկետը 6 ամսվա փոխարեն կսահմանվի 90 աշխատանքային օր. ԱԺ (լուսանկարներ)

ՔՊ-ն հեղափոխական իր ամենակարևոր խոստումը պահել է՝ մենք ընտրությունները թողնում ենք ժողովրդին. Արմավիրի համայնքապետ

Արշակ Կարապետյանը ՆԱՏՕ-ի ներկայացուցչի հետ հանդիպմանը նշել է 44-օրյա պատերազմում ՆԱՏՕ-ի անդամ երկիր Թուրքիայի դերի մասին

Շվեյցարիան աջակցում է ՀՀ-ի հակակոռուպցիոն ջանքերին․ նախարարն ընդունել է Շվեյցարիայի Գործերի ժամանակավոր հավատարմատարին

Արարատ Միրզոյանը Տոյվո Կլաարի հետ քննարկել է տարածաշրջանային անվտանգության ու կայունության հարցերը (լուսանկարներ)

Տարածաշրջանում կան խնդիրներ, որոնք սպասում են իրենց լուծմանը․ վարչապետն ընդունել է Խավիեր Կոլոմինա Պիրիսին

ԱԺ նախագահը ԵԽ գլխավոր քարտուղարի հետ զրույցում անդրադարձել է Ադրբեջանի կողմից ռազմագերիներին պատանդության մեջ պահելուն

Բարեկամական կապերի խորացման գործում իր ներդրումն ունի Ֆրանսիայի հայկական համայնքը․ կաթողիկոսն ընդունել է Անն Լույոյին

Միրաք գյուղում այրվել է մոտ 660 հակ կուտակած անասնակեր

ԵՄ-ն հանձնառու է խորացնելու գործընկերությունը ՀՀ-ի հետ. վարչապետն ընդունել է ԵՄ հատուկ ներկայացուցչին (լուսանկարներ)

Հայաստանը համարվում է Հյուսիսատլանտյան դաշինքի վստահելի գործընկերը․ Արարատ Միրզոյանն ընդունել է Խավիեր Կոլոմինա Պիրիսին

Մուշեղ Բաբայանը նշանակվել է Հակակոռուպցիոն կոմիտեի նախագահի տեղակալի պաշտոնակատար

Սպանության փորձ մոր նկատմամբ. 56-ամյա գյումրեցին, մորը հատակին գցելով, ձեռքից վերցրել է ձեռնափայտը և հարվածել. ՔԿ

Քրեակատարողական նոր օրենսգրքի նախագծի հանրային քննարկմանը ԱՄՆ դեսպանատան ներկայացուցիչները ևս մասնակցել են

Օրակարգում Հայաստանում ռուսական դպրոցներ բացելու հարց չկա. Դումանյան

Զորամասերից մեկը մարտավարական զորավարժություն է անցկացրել (լուսանկարներ)

5 կողմ, 4 ձեռնպահ. ԱԺ հանձնաժողովը հավանություն տվեց հունվարի 2-5-ը և 7-ը աշխատանքային դարձնելու նախագծին

Հայաստան է ժամանել Լեհաստանի Մրցակցության և սպառողների շահերի պաշտպանության գրասենյակի երկրորդ պատվիրակությունը

996 ուսուցչից 468-ն է անցել կամավոր ատեստավորումը. ամենաբարձրը մաթեմատիկա առարկայի արդյունքներն են

ՆԱՏՕ-ն արժևորում է Հայաստանի հետ համագործակցությունը. Խավիեր Կոլոմինա Պիրիզը ՀՀ նախագահին (լուսանկարներ)