ԱԺ-ն ամբողջությամբ ընդունեց շրջիկ առեւտրի ոլորտը կարգավորող օրինագծի փոփոխված տարբերակը․ ԼՀԿ-ն դեմ քվեարկեց

ՀՀ Ազգային ժողովը շարունակում է հունվարի 20-ին մեկնարկած հերթական քառօրյա նիստի աշխատանքները:

Պատգամավորներն առաջին եւ երկրորդ ընթերցումներով ընդունելու համար քվեարկեցին մի շարք նախագծեր։

ՀՀ Ազգային ժողովը երկրորդ ընթերցմամբ ընդունեց «Իմ քայլը» խմբակցության պատգամավոր Սիսակ Գաբրիելյանի կողմից ներկայացված Առեւտրի եւ ծառայությունների մասին ՀՀ օրենքում փոփոխություն եւ լրացումներ կատարելու մասին եւ կից ներկայացված օրենքների նախագծերի փաթեթը։

Այս նախագծի հիմնական նպատակը Երեւան քաղաքում շրջիկ առեւտրի կետերի հետ կապված հարաբերությունների կարգավորումն է:

Ինչպես ներկայացրեց նախագծի հեղինակ Սիսակ Գաբրիելյանը, այս պահի դրությամբ օրենքում միայն կա ձեւակերպում, թե ինչ է շրջիկ առեւտրի կետը, բայց չկա, թե հատկապես ով է կարգավորելու շրջիկ առեւտրի կետերի հետ կապված մի շարք իրավահարաբերություններ, մասնավորապես, թե ինչ ապրանքներ կարող են նրանք վաճառել, որ վայրերում, ինչպիսի ծառայություններ կարող են մատուցել այդ կետերի միջոցով եւ որ ժամերին:

Առաջարկվում է այդ լիազորությունը տալ Երեւան քաղաքի ավագանուն, մասնավորապես՝ Երեւան քաղաքի ավագանին այս փոփոխության արդյունքում կկարողանա հաստատել այն վայրերը, որտեղ կթույլատրվի իրականացնել շրջիկ առեւտուր, կսահմանի ժամերը եւ ծառայությունները: Առաջին ընթերցմամբ քննարկմանն առաջարկվում էր, որ սահմանվի տեղական տուրք՝ 50 հազար դրամի չափով:

Երկրորդ ընթերցմամբ քննարկմանը որոշ փոփոխություններ են կատարվել: «Իմ քայլը» խմբակցության պատգամավոր Վարազդատ Կարապետյանի միջնորդությամբ հանդիպել են շրջիկ առեւտրով զբաղվող մի քանի կազմակերպությունների ներկայացուցիչների հետ, որոնք ստեղծել են ՀԿ:

Ընդառաջելով տնտեսավարողներին՝ օրենքում հնարավորություն են տալիս, որ թույլտվություններն առանձին վայրերում ավագանու որոշմամբ կարող են տրամադրվել մինչեւ 3-օրյա ժամկետով՝ նախապես առաջարկված 1 օրվա փոխարեն: Եվ այդ վայրերում այդ տնտեսավարողներին կթույլատրվի 23:00-ից հետ չտեղաշարժել իրենց մեքենաները, որոնցով իրականացնում են շրջիկ առեւտուրը։

Սահմանվել է նաեւ, որ քաղաքապետը կարող է թույլտվությունը մերժել բացառապես այն դեպքերում, եթե տվյալ տնտեսավարող սուբյեկտի ներկայացրած չափանիշները չեն համապատասխանում ավագանու կողմից հաստատված նորմերին, եւ այդ թույլտվությունը կարող է տրամադրվել կամ մերժվել ներկայացված պահից 10-օրյա ժամկետում:

Նախագիծն ընդունվեց 74 կողմ, 41 դեմ եւ 0 ձեռնպահ ձայներով։ ԼՀԿ խմբակցությունը դեմ քվեարկեց՝ պատճառաբանելով, որ շրջիկ առեւտրի առանձնահատկությունները հաշվի չեն առնվել եւ հնարավոր է՝ մենաշնորհային դիրք ստեղծվի որոշների համար։

 

Տպել
1619 դիտում

Աշխատանքային խումբ է գործուղվել Մեղրիի բժշկասանիտարական հսկիչ կետ

Թատրո՞ն, կինո՞, թե՝ համերգ. Երևանի քաղաքապետարանը կանանց միջազգային օրվա առիթով նվեր է պատրաստել (տեսանյութ)

Գրառումներիս պատճառը նոր կառավարության կողմից պաշտոն չստանալն ու, հետևաբար, վրեժխնդիր լինելը չէ. Հասմիկ Պապյան

Դեռ ԽՍՀՄ տարիներին տեխնոլոգիական աշխարհում Հայաստանը համարվել է Խորհրդային միության «Սիլիկոնյան հովիտ»-ը. Հակոբ Արշակյան

Ստեփանծմինդա-Լարս ավտոճանապարհը բեռնատարների համար մնում է փակ

Նախկինների «օբշչակի» պահպանության վերջին բաստիոնը

ՀՀ տարածքում կան փակ և դժվարանցանելի ավտոճանապարհներ

ՀՀ ԱԺ պատգամավորները հանդիպել են Դանիայի խորհրդարանական օմբուդսմեն Քլավս Քիններափ Հեդի հետ

Ոստիկանության կենտրոնական բաժնում արձանագրված գողությունները բացահայտվել են

Կապանում 5000 ՌԴ ռուբլուն նմանվող թղթադրամի նմուշ է իրացվել. բերման են ենթարկվել 17 եւ 19-ամյա աղջիկներ

Ալեն Սիմոնյանը կգործուղվի Մոնտեվիդեո, Լիլիթ Մակունցը՝ Վաշինգտոն. այլ գործուղումներ ևս կան

Երևանի Մյասնիկյան պողոտայում «Կամազ»-ը վրաերթի է ենթարկել քաղաքացուն

Երևանի բնակարաններից մեկում կնոջ դի է հայտնաբերվել. ԱԻՆ

Ապօրինի ծառահատման դեպք Ստեփանավանում. Պուշկինոյի անտառից բոխի տեսակի ծառեր են հատվել

Աղմկահարույց սպանություն Էջմիածնում. 36-ամյա տղամարդու սպանության մեջ կասկածվողը ձերբակալված է

«Բավրա» սահմանային անցակետում հետախուզվող է հայտնաբերվել

Փողն ընդդեմ պետական շահի

Երևանում բուժաշխատողի շուրջ 60 թափուր հաստիք կա. առաջարկվում է 18,000 - 273,000 դրամ աշխատավարձ՝ հարկերը ներառյալ

Արա Շահվերդյան, Ռոբերտ Բեգլարյան. հայտնի են Իրանի խորհրդարան անցած հայ պատգամավորների անունները

Հայաստանն ու Շվեյցարիան կհամագործակցեն Մասնագիտական կրթության և ուսուցման ոլորտում