Հրայր Թովմասյանի բնակարանի խուզարկությունն ավարտվեց

ՀՀ սահմանադրական դատարանի նախագահ Հրայր Թովմասյանի բնակարանի խուզարկությունը քիչ առաջ ավարտվեց:

Այս մասին լրագրողների հետ զրույցում ասաց նրա պաշտպան Ամրամ Մակինյանը՝ նշելով, որ խուզարկության արդյունքում ոչինչ չի հայտնաբերվել եւ չի առգրավվել. «Փնտրում էին փաստաթղթեր, որոնք չէին կարող լինել իրականության մեջ, առնվազն՝ Հրայր Թովմասյանի բնակարանում»:

Հարցին՝ ի վերջո պաշտպանական կողմը ծանոթացավ դատարանի որոշմանը թե ոչ, Ամրամ Մակինյանը պատասխանեց. «Ինչպես սկզբում ասել եմ, ինձ տրամադրվել է, ես ծանոթացել էի, չի տրամադրվել Հրայր Թովմասյանին եւ Միհրան Պողոսյանին: Պարոն Թովմասյանը խնդրեց, չտրամադրվեց, հատվածական ընթերցվեց, մենք միջնորդել, հորդորել, խնդրել ենք, որ ծանոթացնի, սակայն ծանոթացումը չի նշանակում, որ քննիչը ընթերցի իր ուզած հատվածները»:

Հարցին, թե Քրեական դատավարության օրենսգրքի ո՞ր հոդվածով է սահմաված, որ այդ որոշումը պիտի իրենց տրամադրվեր հենց այդ պահին, պաշտպանը պատասխանեց. «Կան դատարանների որոշումներ, ըստ որոնց՝ դատավարական ցանկացած փաստաթուղթ, որոնց կողմը իրավունք ունի ծանոթանալ, կարող է պատճենով տրամադրվել, մենք միջնորդեցինք մեր միջոցներով պատճենել, անձամբ ես նաեւ միջնորդեցի թույլ տալ լուսանկարահանել, սակայն քննիչը մերժեց»:

Լրագրողների մյուս հարցին, թե ինքը բնակարանում տեսանկարահանում անելու թույլտվություն ունե՞ր, պաշտպանը պատասխանեց. «Այստեղ հանրային եւ մասնավոր շահի հավասարակշռման խնդիր կա, մենք իրացրել ենք պարոն Թովմասյանի պաշտպանության իրավունքը»:

Ամրամ Մակինյանը նշեց, որ բողոքարկելու են ինչպես դատարանի որոշումը, այնպես էլ քննիչի գործողությունները:

Հիշեցնենք՝ Հրայր Թովմասյանի բնակարանում վաղ առավոտից խուզարկություն է իրականացվում, ինչը պաշտպանների խոսքով՝ ուղեկցվում է խախտումներով: Մասնավորապես, նրանք պնդեցին, թե քննիչը թույլ չի տվել աբողջ ծավալով ծանոթանալ խուզարկության որոշմանը, ինչին րոպեներ անց արձագանքեց ՀՔԾ-ն՝ասելով, թե այդ պնդումը ապատեղեկատվություն է:

Նա, հիշեցնենք, մեղադրվում է ՀՀ ՔՕ-ի 308-րդ հոդվածի 2-րդ մասով (պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ):

Տպել
1380 դիտում

Աշխատանքային խումբ է գործուղվել Մեղրիի բժշկասանիտարական հսկիչ կետ

Թատրո՞ն, կինո՞, թե՝ համերգ. Երևանի քաղաքապետարանը կանանց միջազգային օրվա առիթով նվեր է պատրաստել (տեսանյութ)

Գրառումներիս պատճառը նոր կառավարության կողմից պաշտոն չստանալն ու, հետևաբար, վրեժխնդիր լինելը չէ. Հասմիկ Պապյան

Դեռ ԽՍՀՄ տարիներին տեխնոլոգիական աշխարհում Հայաստանը համարվել է Խորհրդային միության «Սիլիկոնյան հովիտ»-ը. Հակոբ Արշակյան

Ստեփանծմինդա-Լարս ավտոճանապարհը բեռնատարների համար մնում է փակ

Նախկինների «օբշչակի» պահպանության վերջին բաստիոնը

ՀՀ տարածքում կան փակ և դժվարանցանելի ավտոճանապարհներ

ՀՀ ԱԺ պատգամավորները հանդիպել են Դանիայի խորհրդարանական օմբուդսմեն Քլավս Քիններափ Հեդի հետ

Ոստիկանության կենտրոնական բաժնում արձանագրված գողությունները բացահայտվել են

Կապանում 5000 ՌԴ ռուբլուն նմանվող թղթադրամի նմուշ է իրացվել. բերման են ենթարկվել 17 եւ 19-ամյա աղջիկներ

Ալեն Սիմոնյանը կգործուղվի Մոնտեվիդեո, Լիլիթ Մակունցը՝ Վաշինգտոն. այլ գործուղումներ ևս կան

Երևանի Մյասնիկյան պողոտայում «Կամազ»-ը վրաերթի է ենթարկել քաղաքացուն

Երևանի բնակարաններից մեկում կնոջ դի է հայտնաբերվել. ԱԻՆ

Ապօրինի ծառահատման դեպք Ստեփանավանում. Պուշկինոյի անտառից բոխի տեսակի ծառեր են հատվել

Աղմկահարույց սպանություն Էջմիածնում. 36-ամյա տղամարդու սպանության մեջ կասկածվողը ձերբակալված է

«Բավրա» սահմանային անցակետում հետախուզվող է հայտնաբերվել

Փողն ընդդեմ պետական շահի

Երևանում բուժաշխատողի շուրջ 60 թափուր հաստիք կա. առաջարկվում է 18,000 - 273,000 դրամ աշխատավարձ՝ հարկերը ներառյալ

Արա Շահվերդյան, Ռոբերտ Բեգլարյան. հայտնի են Իրանի խորհրդարան անցած հայ պատգամավորների անունները

Հայաստանն ու Շվեյցարիան կհամագործակցեն Մասնագիտական կրթության և ուսուցման ոլորտում