«Էրեբունի պլազա» ներխուժած երիտասարդը տեղափոխվել է Նուբարաշենի հոգեբուժական հիմնարկ. պաշտպան

«Էրեբունի պլազա» բիզնես կենտրոն ներխուժած եւ կրակոցներ արձակած 32-ամյա Արթուր Թորոսյանի նկատմամբ դատահոգեբուժական փորձաքննություն է նշանակել:

Որոշումը կայացրել է Երեւանի ընդհանուր իրավասության դատարանը՝ դատավոր Աննա Մաթեւոսյանի նախագահությամբ:

Այս մասին «Հայկական ժամանակ»-ի հետ զրույցում ասաց նրա պաշտպան Էդուարդ Աղաջանյանը՝ հավելելով, որ դրանից հետո Թորոսյանը տեղափոխվել է Նուբարաշենում գտնվող հոգեբուժական հիմնարկ՝ ստացիոնար փորձաքննությունն այնտեղ անցկացնելու:

Հիշեցնենք՝ հունվարի 23-ին Արթուր Թորոսյանը ներխուժել էր «Էրեբունի պլազա» եւ կրակոցներ արձակել: Նրա հետ բանակցություններ էր վարել անձամբ ՀՀ ոստիկանապետի պաշտոնակատար Արման Սարգսյանը, ինչի արդյունքում նա հանձնել էր զենքը, ապա վնասազերծվել:

Թորոսյանին մեղադրանք է առաջադրվել ՀՀ քր. օր. 185-րդ հոդվածի 2-րդ մասի 1-ին կետով (գույքի դիտավորյալ վնասումը, որը կատարվել է վտանգավոր եղանակով), եւ 218-րդ հոդվածի 2-րդ մասի 2-րդ, 3-րդ, 7-րդ կետերով (պատանդ վերցնելը, որը կատարվել է զենքի գործադրմամբ՝ երկու կամ ավելի անձանց նկատմամբ կյանքի կամ առողջության համար վտանգավոր բռնություն գործադրելով): Նրա նկատմամբ որպես խափանման միջոց է ընտրված կալանավորումը:

Թորոսյանի պաշտպան Էդուարդ Աղաջանյանը շաբաթներ առաջ մեր զրույցում նշել էր, որ Թորոսյանն առաջադրված մեղադրանքը չի ընդունել, եւ պայմանավորված հարցաքննության ժամանակ տված ոչ տրամաբանական պատասխաններով (նա նշել էր, թե Արթուր Թորոսյանը ցանկացել  է հանդիպել Ռոբերտ Քոչարյանի ավագ որդուն՝ Սեդրակ Քոչարյանին, եւ պարզել, թե իրեն ինչու են ծրագրավորել), դատահոգեբուժական փորձաքննության անհրաժեշտություն է եղել:

- Պարոն Աղաջանյան, Արթուր Թորոսյանը փորձաքննության վերաբերյալ ի՞նչ կարծիք է հայտնել, առարկություններ չի՞ ունեցել:

- Նա ներկա է եղել այդ նիստին, ելույթ չի ունեցել, բայց որեւէ առարկություն էլ չի ներկայացրել:

- Ձեր գնահատմամբ՝ նա արտաքնապես ի՞նչ վիճակում էր, սթա՞փ էր:

- Այո, որեւէ արտառոց բան ես չեմ նկատել: Արտառոց միայն նրա ցուցմունքն էր, որը որոշակի կասկած հարուցեց: Մնացած առումներով Արթուր Թորոսյանի վարքագիծը որեւէ կասկած չի առաջացնում:

- Հնարավո՞ր է՝ միջնորդած լինեք Ձեր նախընտրած բժիշկ-փորձագետին հանձնաժողովի կազմում ընդգրկելու համար:

- Ճիշտն ասած՝ ոչ, որովհետեւ հանձնաժողովի կազմում ներգրավված են համապատասխան մասնագետներ, եւ այս պահի դրությամբ պաշտպանական կողմը որեւէ հիմք չի տեսնում փորձագետներից որեւէ մեկին անվստահություն հայտնելու:

- Իսկ մինչ փորձաքննության նշանակվելը նոր հարցաքննություն եղե՞լ է:

- Ոչ, որեւէ նոր հարցաքննություն, քննչական նոր գործողություն նրա մասնակցությամբ չի եղել:

- Պարոն Աղաջանյան, մեր նախորդ զրույցի ժամանակ Դուք ասել էիք, որ նա ցանկացել է Սեդրակ Քոչարյանից պարզել, թե ինչու են իրեն ծրագրավորել: Հաշվի առնելով նրա այս պնդումը՝ անհրաժեշտություն տեսնո՞ւմ եք, որ Սեդրակ Քոչարյանը եւս հարցաքննվի:

- Այդ հարցը երեւի թե ուղղեք վարույթն իրականացնող մարմնին, համենայն դեպս, այս պահի դրությամբ, քանի դեռ նա գտնվում է փորձաքննության մեջ, ես ձեռնպահ եմ մնում նրա ցուցմունքներին որեւէ իրավական գնահատական տալուց: Կստանանք եզրակացությունը՝ այդ ժամանակ պարզ կլինի:

- Դուք նշել էիք նաեւ, որ իրեն առաջադրված մեղադրանքի վերաբերյալ Արթուր Թորոսյանը իրավական վերլուծություն է ներկայացրել՝ ասելով, որ այն ունի խրախուսական նորմ: Որքանո՞վ եք հնարավոր համարում, որ նման վերլուծություններ անող անձը կարող է հոգեկան առողջության խնդիրներ ունենալ:

- Քանի որ ինքն ունեցել է իրավաբանական կրթություն, շատ հնարավոր է, որ ծանոթ լիներ այդ նորմին: Դրանից բացի, մինչ մեղադրանք առաջադրելը՝  ես, լինելով նրա պաշտպանը, պարտավոր եմ եղել իրազեկել նրան, թե ինչ մեղադրանք է առաջադրվելու եւ ծանոթացնել այդ խրախուսական նորմին, ինչն էլ արել եմ: Այսինքն՝ եթե նույնիսկ ընդունենք, որ նա մինչ այդ չի իմացել այդ խրախուսական նորմի մասին, այն պահին, երբ ես նշանակվել եմ նրա շահերի պաշտպան, նրան իրազեկել եմ:

- Հաշվի առնելով, որ Դուք նաեւ կասկածի տակ էիք առել զենք ձեռք բերելու համար իրեն տրամադրված տեղեկանքի իրավաչափությունը, այդ ուղղությամբ որեւէ քայլ ձեռնարկե՞լ եք:

- Այդ հարցին ճիշտ կլինի անդրադառնալ դատահոգեբուժական փորձաքննության եզրակացությունը ստանալուց հետո: Վարույթն իրականացնող մարմինը երեւի թե համապատասխան միջոցներ կձեռնարկի՝ կախված նրանից, թե ինչ եզրակացություն կստանանք: Եթե պարզվի, որ անձը տառապում է հոգեկան որեւէ հիվանդությամբ, բայց այդ դեպքից մեկ շաբաթ առաջ նրան տեղեկանք են տվել, որ հոգեկան որեւէ հիվանդություն չունի, բնականաբար, որոշակի հարցեր կառաջանան:

- Այս ընթացքում Արթուր Թորոսյանի ընտանիքի անդամները նրան տեսակցե՞լ են:

- Չեմ բացառում, որովհետեւ որեւէ սահմանափակում վարույթն իրականացնող մարմինը չի դրել:

- Պարոն Աղաջանյան, Դուք բողոքարկել էիք Թորոսյանի նկատմամբ կալանավորումը որպես խափանման միջոց ընտրելու որոշումը: Բողոքն արդեն քննվե՞լ է:

- Որոշումը բողոքարկել էինք այն ստանալուց 1-2 օր հետո, բայց մինչեւ հիմա դատական նիստ չի նշանակվել: Համենայն դեպս, այս պահի դրությամբ ես Վերաքննիչ դատարանից որեւէ ծանուցագիր  չեմ ստացել, տեղեկություն էլ չունեմ՝ այն մակագրվել է որեւէ դատավորի, թե ոչ:

Տպել
2812 դիտում

Ցանկանում եմ ապագա սերունդներին թողնել ՀՀ կադաստրի լրացված և ամբողջական վկայական. Փաշինյան

Դեբեդ գետից քաղաքացու դի է դուրս են բերվել

«Աբովյան» ՔԿՀ-ում նշվել է երեխաների պաշտպանության միջազգային օրը

Դատախազը հանձնարարել է. կվերացվի 16-ամյա տղային ծեծող քրեականի պետի նկատմամբ հետապնդում չհարուցելու որոշումը

Հեռախոսազանգերի միջոցով փորձում են ԱՀ քաղաքացիներից տեղեկություններ հավաքագրել. Արցախի ԱԱԾ

Մի անգամ ինձ հարցրին՝ ո՞վ է քաղաքական գործչի Ձեր իդեալը, ես երկու մարդու անուն եմ տվել. Նիկոլ Փաշինյան (տեսանյութ)

Ինչ դիրքորոշում ունի Հայաստանը Ուկրաինայի պատերազմի վերաբերյալ. Նիկոլ Փաշինյանը փակագծեր է բացել

Նիկոլ Փաշինյանը հայտնել է, թե ինչպիսի հարաբերություններ ունի Վլադիմիր Պուտինի հետ

Ինչ են պայմանավորվել Փաշինյանն ու Ալիևը հնգակողմ հանդիպման ժամանակ. վարչապետը ներկայացնում է Մոլդովայի հայ համայնքին

Լաչինի միջանցքը ոչ միայն ճանապարհ է, այլև 5 կմ լայնությամբ անվտանգության գոտի. վարչապետի հարցազրույցը CNN primanews-ին

Մայիսի 27-ին Կոտայքում տեղի ունեցած ողբերգական ավտովթարի հետևանքով ծայրահեղ ծանր վիրավորում ստացածներից մեկը մահացել է

Ինչ հարցեր են քննարկվել հնգակողմ հանդիպման ընթացքում

Կհանդիպենք Բրյուսելում. հնգակողմ հանդիպումից հետո Շառլ Միշելը հայտարարություն է արել

Այսօր նաև ադրբեջանական ագրեսիաներին զոհ գնացած հարյուրավոր երեխաների օրը պետք է լիներ, ԱՀ ՄԻՊ

Հետմահու պարգևատրվել է փոխգնդապետ Կարեն Հակոբյանը

Քիշնևում ավարտվել է Փաշինյան-Ալիև-Միշել-Մակրոն-Շոլց հնգակողմ հանդիպումը

Արսեն Ղայթմազյանի լիազորությունները կասեցվել են. տղային ծեծելու փաստը հաստատվել է․ ՆԳՆ ոստիկանության պարզաբանումը

ՊԵԿ-ը 2023 թ․ հունվար-մայիսին ապահովել է 912.2 մլրդ դրամ հարկային եկամուտներ և պետական տուրքեր

Քիշնևում մեկնարկել է հնգակողմ հանդիպումը (տեսանյութ)

Երևանում անցկացվելու է միջազգային վազքարշավ, կենտրոնական որոշ փողոցներ փակ կլինեն

Ռուստամ Բադասյանը կմեկնի արձակուրդ. հայտնի է՝ ով կփոխարինի նրան

Կնոջ եւ 1-ամյա երեխայի մահվան առթիվ նախաձեռնվել է վարույթ՝ սպանության եւ ինքնասպանության հասցնելու հատկանիշով

Այսօրվանից №100 ավտոբուսը Ֆրանսիայի հրապարակից «Զվարթնոց» և հակառակ ուղղությամբ ուղևորափոխադրում կիրականացնի

Իլհամ Ալիևը «ոտքի վրա» զրուցել է Օլաֆ Շոլցի և Էմանուել Մակրոնի հետ

Ալլա Պուգաչովան այնքան է ուժասպառ եղել, որ երեխաներին վստահել է հոր խնամքին (լուսանկար, տեսանյութ)

«Մովսես Խորենացի» մեդալով են պարգևատրվել սփյուռքահայ մտավորական Արա Քեթիբյանը և Հայր Վահան ծայրագույն վարդապետ Օհանյանը

Տեղի է ունեցել Շառլ Ազնավուրի ծննդյան 100-ամյակի հոբելյանական հանձնաժողովի հերթական նիստը

Մեզ համար կարևոր էր, որ իշխանության ներկայացուցիչները քաղհասարակության հետ նստեն մի սեղանի շուրջ. Իոաննիսյան

«Երևանի գինու օրեր» ամենամյա փառատոնով պայմանավորված՝ որոշ փողոցներ փակ կլինեն

Արցախից 14 բուժառու տեղափոխվել է Հայաստանի բժշկական կենտրոններ

Հունիսի 1-ին Անգլիական այգում երեխաներին զվարճաչրեց 77-ամյա լարախաղացը

Մայրաքաղաքում հատված թթենիները խանգարել են նոր բերված «ՄԱՆ» ավտոբուսների երթեւեկությանը. ՀՈԱԿ-ի պարզաբանումը

Հայաստանի և Ադրբեջանի միջև խաղաղության բանակցությունները բխում են ողջ տարածաշրջանի շահերից. Իրակլի Ղարիբաշվիլի

Փաշինյանն ու Մակրոնը Քիշնևում կարճատև զրուցել են

Նիկոլ Փաշինյանը Քիշնևում կարճատև զրույցներ է ունեցել մի շարք երկրների ղեկավարների հետ (տեսանյութ)

Քրեականի պետը ամբողջությամբ զղջում է կատարածի համար. ՔԿ-ն աղմկահարույց դեպքից մանրամասներ է հայտնել

Ադրբեջանն ապատեղեկատվությամբ փորձում է հիմնավորել իր կրակը գյուղատնտեսական աշխատանքով զբաղվող քաղաքացիների վրա

ԱԺ բակն այսօր լի էր հունիսմեկյան գույներով. աղջիկներիս հետ միասին միջոցառումներին մասնակից դարձա նաև ես. Մանավազյան

Դոլարն ու եվրոն թանկացել են. աճ տարադրամի շուկայում

Արայիկ Հարությունյանն ընդլայնված խորհրդակցություն է անցկացրել. քննարկվել են առկա մարտահրավերները