Քաղաքացին բնակարան գնելու համար List.am-ով գործակալություն է գտել, վճարել 10 միլիոն դրամ, ապա հետքը կորցրել

Երեւան քաղաքի բնակիչ Արֆենյա Գեւորկյանը դիմել է «Հայկական ժամանակի» խմբագրություն՝ հայտնելով, որ խաբեության զոհ է դարձել ու ձեռնունայն մնացել:

Քաղաքացին 2019 թվականի փետրվարին List.am կայքում տեղադրված հայտարարություններից մեկի միջոցով տեղեկացել է անշարժ գույքի գործակալության մասին: Գործակալության մասին տեղեկատվություն է գրված եղել, թե իբր այն միջնորդ է ինչ-որ «ԱԳԱ-ԱՐՄ հայ-ամերիկյան բարեգործական կազմակերպության: Գեւորկյանը որոշել է այդ գործակալության միջոցով ձեռք բերել բնակարան, սակայն հայտնվել է ծուղակում:

Գործակալության մասին նշված է եղել, որ այն հայ ընտանիքներին բնակարաններ է վաճառում շուկայական արժեքից 2-3 անգամ էժան, եւ թոշակառու կինը որոշել է օգտվել: «Այդ ժամանակ ես բնակարան էի փնտրում, բայց հարմար բնակարան գնելու համար գումարս չէր բավարարում: Ոգեւորված դիմեցի այդ գործակալությանը: Տնօրեն Գայանե Խաչիկյանը խոստացավ 1 ամսվա ընթացքում ինձ բնակարանով ապահովել»,- պատմեց Գեւորկյանը:

Քաղաքացու խոսքով՝ միանգամից կնքել է պայմանագիրն ու նախնական գումար վճարել: Գործակալության աշխատակիցները համակարգչով ցույց են տվել մի քանի բնակարններ՝ ասելով, որ Գեւորկյանն անգամ ընտրության լայն հնարավորություն ունի. «Ես կատարեցի ընտրությունս, եւ միջնորդն ասաց, որ այդ բնակարանն աճուրդային կարգով են գնելու, քանի որ դրանք գրավի տակ դրված բնակարաններ են: Վստահեցրեց, որ 1 ամսվա ընթացքում այդ հարցը կլուծվի»:

Չանցած 10 օր՝ գործակալության տնօրեն Գայանե Խաչիկյանը Արֆենյա Գեւորկյանից պահանջել է գումարի մի մասը, ասել, որ ԱՄՆ-ում գտնվող իրենց ղեկավարը ուզում է հեռախոսազրույց ունենալ իր հետ: «Նա ներկայացավ ոմն Արման Արամյան, հետագայում իմացանք, որ կեղծ անունով է ներկայացելեւ իրականում բանտում է: Այդ անձը սաց, որ այդ գումարը փոխանցվելու է ամերիկյան կազմակերպության ֆոնդին»,- պատեց նա:

Քաղաքացին գործակալությանը վճարել է 9 միլիոն 600 հազար ՀՀ դրամ: Ութ ամիս շարունակ գործակալության աշխատակիցները խոստումներ տալով ամեն անգամ տուն են ուղարկել բնակարանի առքով անհանգստացած քաղաքացուն:

Ավելի ուշ իմացել է, որ նույն իրավիճակում են եւս 23 ընտանիք: Ըստ Արֆենյա Գեւորկյանի՝ գործակալությունը նրանցից յուրացրել է ընդհանուր առմամբ 101 միլիոն ՀՀ դրամ: Նա փաստաբանի հետ միասին գնացել է գործակալություն, համաձայագիր են ստորագրել, որով կազմակերպությունը պարտավորվել է մինչեւ 2019 թվականի սեպտեմբերի 31-ը վերադարձնել ամբողջ գումարը: Դրանից հետո տուժող ընտանիքներից մեկը բողոք է ներկայացրել իրավապահ մարմիններին, որից հետո էլ դադարեցվել է Նոր Նորքի Մոլդովական 50/2 հասցեում գտնվող գործակալության գործունեությունը:

Քաղաքացին արդեն 7 ամիս է ապրում է վարձով բնակարանում, քանի որ նրանից շորթել են այն բնակարանի գումարը, որը ինքը վաճառել էր նոր բնակարան գնելու համար: Արֆենյա Գեւորկյանը թոշակառու է, բնակարանի վարձը տալիս է բարեկամների աջակցությամբ:

«Վերջապես այս երկրի խաբեբաներն ու թալանչիները ստանում են իրենց արժանի պատիժը եւ վերադարձնում թալանվածը, որը նրանք անօրինական ճանապարհներով հափշտակել էին ժողովրդից: Բայց դեռ մեր երկրում ապրում են այնպիսի ճիվաղներ, խաբեբաներ, որոնց գործունեությունը դեռ ստվերում է»,- ասում է նա: Գեւորկյանը հույսը չի կորցրել, որ կգտնվեն իրենից գումար շորթած անձինք եւ կենթարկվեն պատասխանատվության:

Նա հայտնեց, որ ամիսներ առաջ բաց նամակով դիմել էին ՀՀ գլխավոր դատախազ Արթուր Դավթյանին: ՀՀ գլխավոր դատախազությունից Գեւորկյանը նամակ է ստացել, որ իր գործն ուղարկվել է Երեւան քաղաքի Ավան եւ Նոր Նորք վարչական շրջանի դատախազ, արդարադատության առաջին դասի խորհրդական Վ. Միլիտոնյանին:

ՀՀ գլխավոր դատախազության հանրային կապերի բաժնի պետ Արեւիկ Խաչատրյանը «Հայկական ժամանակի» հետ զրույցում հայտնեց, որ այդ գործի շրջանակներում դեռեւս 1 մեղադրյալ եւ 1 կասկածյալ կա: Իսկ ընդհանուր առմամաբ շղթայական գործարք է եղել եւ մի ամբողջ հանցախումբ է աշխատել: Տարբեր մարդիկ են ներգրավված այս գործում: Մեղադրյալը գործակալության տնօրեն Գայանե Խաչիկյանն է: Խաչիկյանի նկատմամբ որպես խափանման միջոց է ընտրվել ստորագրությամբ երկրից չհեռանալը: 

Արեւիկ Խաչատրյանից հետաքրքրվեցինք, թե հնարավո՞ր է հանցագործության մեջ ներգրավվածների թվում պաշտոնատար անձինք եւս լինեն: Նա նշեց, որ այս պահին նման տեղեկատվություն չունեն: Գործը նախաքննության փուլում է:

Տպել
5912 դիտում

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին

Մասնագետներն առաջարկում են, որ «Ա1+»-ը պայքարի մայրաքաղաքային սփռման իրավունքի մեկ տեղի համար․ այն դեռեւս ազատ է

Պաշտոնավարումս շարունակելու եմ վարչապետի աշխատակազմի ղեկավարի կարգավիճակում․ Արսեն Թորոսյանը գրառում է արել

Էդուարդ Աղաջանյանն ազատվեց վարչապետի աշխատակազմի ղեկավարի պաշտոնից․ պաշտոնական

Հրապարակվել են նախարարի պաշտոնից Արսեն Թորոսյանի ազատման եւ Անահիտ Ավանեսյանի նշանակեման մասին նախագահի հրամանագրերը

Հունվարի 17-ին և 18-ի առավոտյան հայ-ադրբեջանական շփման գծի ամբողջ երկայնքով պահպանվել է կայուն օպերատիվ իրավիճակ․ ՊՆ

Հ2-ի հաղորդումները, հունվարի 21-ից սկսած, հնարավոր չի լինի դիտել ալեհավաքի միջոցով

Չի հանդուրժվելու անարդյունավետ կառավարում, երբ չկա որևէ շոշափելի արդյունք ոլորտի ու պետության համար. Ռոմանոս Պետրոսյան

Իրանում մեկ օրվա ընթացքում գրանցվել է կորոնաոիրուսի ավելի քան 5,8 հազար դեպք

Շիրակում 2 հրշեջ-փրկարարական ջոկատի մասնաշենք է կառուցվում (տեսանյութ)