Նախորդ շաբաթ անչափահասների մասնակցությամբ երկու միջադեպ ավարտվել է դանակահարությամբ

Անցյալ շաբաթվա ընթացքում անչափահասների մասնակցությամբ տեղի ունեցած միջադեպերից երկուսն ավարտվել են դանակահարությամբ: Երևան և Աշտարակ քաղաքներում սուր կտրած-ծակած վերքերով երկու դպրոցահասակներ տեղափոխվել են բուժկենտրոններ:

Ոստիկանության ԶԼՄ-ների հետ կապի, վերլուծության և լրատվության բաժնի պետ Էդգար Ջանոյանի խոսքով՝ փետրվարի 13-ին Երևանում և փետրվարի 15-ին Աշտարակում դանակահարությամբ ավարտված միջադեպերի փաստերով Քննչական վարչությունում գործեր են նախապատրաստվում:

Երկու դեպքում էլ անչափահասների միջև վիճաբանությունը տեղի է ունեցել կեսօրին մոտ: «Փետրվարի 13-ին Երևանի բուժկենտրոններից մեկից ահազանգ է ստացվել, որ իրենց մոտ է տեղափոխվել 16-ամյա պատանի՝ կտրած-ծակած արնահոսող վերքով: Պարզվել է, որ Կորյունի փողոցում անչափահասների միջև տեղի ունեցած վիճաբանության ժամանակ նրան դանակահարել էր 17-ամյա տղա, որ բերման է ենթարկվել»,- ՀԺ-ի հետ զրույցում ասաց Էդգար Ջանոյանը: Նա անպատասխան թողեց ճշտող հարցը, թե Կորյունի փողոցում գրանցված միջադեպն արդյոք չի՞ եղել հենց այնտեղ գտնվող հանրակրթական ուսումնական հաստատությունում՝ չհաստատելով այդ մասին մեր տեղեկությունը, բայց նաեւ չհերքելով: 

«Իսկ փետրվարի 15-ին՝ ժամը 12:00-ի սահմաններում Արագածոտնի մարզի Աշտարակ քաղաքի Տիգրան Մեծի փողոցում ոստիկանության աշխատակիցները նկատել են վիճաբանող մի խումբ անչափահասների: Ոստիկանության Աշտարակի բաժին նրանց տեղափոխելուց հետո ոստիկանները նկատել են, որ պատանիներից մեկը գոտկային շրջանում կտրած-ծակած վերք ունի: 16-ամյա վիրավոր պատանուն տեղափոխել են «Աշտարակ» բժշկական կենտրոն: Պարզվել է նաև դանակահարող 15-ամյա պատանու ինքնությունը: Աշտարակի բաժնից նա տեղափոխվել է Արագածոտնի մարզային քննչական վարչություն».,- հաջորդ դեպքին անդրադառնալով էլ տեղեկացրեց Ջանոյանը:

Այն հարցին, թե ինչն է պատճառ եղել դանակահարությամբ ավարտված վիճաբանության, նա պատասխանեց. «Պատանիներ են, ամեն ինչն էլ կարող է պատճառ լինել, որ իրար վրա ձեռք բարձրացնեն»:

Հիշեցնենք, որ անչափահասների մասնակցությամբ միջադեպերն ավելացել էին անցյալ տարեվերջին: Մեզ հետ զրույցում ՀՀ ոստիկանության քրեական հետախուզության գլխավոր վարչության 3-րդ (անչափահասների իրավունքների պաշտպանության և ընտանեկան բռնության դեմ պայքարի) վարչության պետ, ոստիկանության գնդապետ Նելլի Դուրյանը նշել էր, որ անչափահասների միջև բախումները կանխարգելելու նպատակով Ոստիկանությունը պարբերաբար այցելում է դպրոցներ, զրույցներ վարում անչափահասների հետ հանցագործությունների, թմրամոլության, բռնության թեմաներով, բակերում հատկապես ամառային արձակուրդների շրջանում ակտիվորեն իրականացնում շրջիկ ոստիկանների վերահսկողություն. նրանց միջամտությամբ բազմաթիվ կռիվներ են ընդհատվում կամ կանխվում, դեռահասների մոտից հայտնաբերվում են դանակներ ու կռփազենք (կաստետ):

Կրթության, գիտության, մշակույթի եւ սպորտի նախարարության հանրակրթության պետական չափորոշիչների վերանայման աշխատանքային խմբի համակարգող Աննա Բաբաջանյանի խոսքով՝ նախատեսվում է կրթական ռազմավարության փոփոխություն, որի արդյունքում հանրակրթական ծրագրերում կհավելվի հանդուրժողականության, կոնֆլիկտների կառավարման հմտությունների բաղադրիչը, որ ներառված կլինի ուսուցանվող բոլոր առարկաների՝ թե՛ հումանիտար առարկաների տեքստերի և թե՛ ֆիզիկա-մաթեմատիկայի խնդիրների մեջ:

Տպել
545 դիտում

Արսեն Թորոսյանը հանդիպել է վերակենդանացման բաժանմունքների ղեկավարներին. քննարկվել են ընդհանուր մոտեցումները

ԱՄՆ-ում ցույցերի ժամանակ պղծվել է Դենվերում գտնվող հայկական խաչքարը (լուսանկար)

Հրդեհ Էջմիածին քաղաքի մթերային խանութներից մեկում․ տուժածներ չկան

Հրդեհ Վանաձորում. 7-ամյա երեխային այրվող բնակարանից դուրս են բերել հարեւանները, տան տիրոջը՝ փրկարարները (լուսանկարներ)

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող