Հալեպն ամբողջությամբ ազատագրված է, կվերագործարկվի օդանավակայանը. երկրում տոն է (լուսանկարներ, տեսանյութ)

Սիրիական բանակի հրամանատարությունն այսօր հանդես է եկել հայտարարությամբ՝ պաշտոնապես հայտնելով, որ Հալեպը, ինչպես նաեւ քաղաքի արեւմտյան եւ հյուսիսարեւմտյան գյուղերը 8 տարի անց ամբողջությամբ ազատագրվել են: Խոսքը Շեյխ Ալի, Օրամ Քոպրա, Օրամ Սուղրա, Քաֆար Նահա, Քաֆար Տահայել, Քաֆար Համրա, Շանթարա, Պապիս, Մաարեթ Արթիք, Ուեյջել, Հրեթան, Հայյան, Անատան, Պեանուն, Լերամուն գյուղերի մասին է, որոնք ներառում են նաեւ կարեւոր նշանակության բազմաթիվ գործարաններ եւ հասարակական նշանակության այլ կառույցներ:

Հալեպի արեւմուտքում՝ Միզնար բնակավայրում եւ Իդլիբի նահանգի Մաջիրզե բնակավայրում պատասխանատու մարմինները, Սիրիայի բանակի հետ համատեղ, բացել են 2 հումանիտար միջանցքներ՝  ՝ ժողովրդի ապահով ելքն ու հումանիտար օգնության տեղակայումն ապահովելու համար դեպի ահաբեկիչներից մաքրված, ազատագրված տարածքներ:

 

Հրամանատարությունը հայտնել է, որ սիրիական բանակը բուռն մարտեր է մղել զինյալ ահաբեկչական խմբավորումների դեմ եւ Հալեպն այսուհետ հայտարարվում է ամբողջովին ազատագրված տարածք:

Հրամանատարությունը հիշեցրել է, որ ազատագրված տարածքները   «Ջաբհաթ-ան-Նուսրա» զինյալ ահաբեկչական խմբավորման հսկողության տակ էին գտնվում 2012 թվականից ի վեր: Այդ տարիներից մինչ հիմա Սիրիան հիշյալ տարածքներում հարյուրավոր մարդկային կորուստներ է ունեցել, զինյալ ահաբեկչական խմբերը հրթիռակոծել են բնակելի գյուղերը, զինված գործողություններ կատարելլ տեղի բնակչության նկատմամբ:

Արաբական SANA լրատվական գործակալությունը հայտնում է, որ Հալեպի արեւմտյան եւ հյուսիսարեւմտյան գյուղերի ազատագրումից հետո Սիրիայի տրանսպորտի եւ հաղորդակցության նախարար Ալի Համմութը պաշտոնապես հայտարարել է, որ առաջիկա չորեքշաբթի, փետրվարի 19-ին, Հալեպի օդանավակայանը կվերաբացվի երկար դադարից հետո եւ հենց այս շաբաթ կկարգավորվեն Հալեպ-Դամասկոս, Հալեպ-Կահիրե թռիչքները: Սիրիական բանակը հայտարարել է, որ Դամասկոսի եւ Հալեպի օդային տարածքն ամբողջությամբ վերահսկվում է եւ անվտանգ է օդային փոխադրումների համար:

լուսանկարում՝ Հալեպի օդանավակայանը

Ի դեպ, արաբական լրատվամիջոցները նաեւ հայտնում են, որ Հայաստանի քաղաքացիական ավիացիայի ղեկավար Տաթեւիկ Ռեւազյանը հայտարարել է, որ Երեւանն ու Դամասկոսը այս տարի մտադիր են օդային փոխադրումների շուրջ համաձայնագիր կնքել:

Ռեւազյանն այս մասին հայտնել է՝, ընդգծելով, որ Սիրիայի եւ Հայաստանի միջեւ ավիահաղորդակցության մասին հարցը քննարկվում է երկրի բարձր օղակներում: Լրատվամիջոցը նշում է, այժմ քննարկումներն առավել իրատեսական են դառնում, քանի որ մեծ են անվտանգության երաշխքիները:

Սիրիական արաբական բանակի հրամանատարությունն ու խմբերը սկսել են սանրել ահաբեկիչներից ազատագրված տարածքների ամեն մետրը՝ հայտնաբերելով մի քանի տասնյակ թունելներ, ահաբեկչական խմբերին ծառայող գետնափոր շտաբ-բնակարաններ: Գրեթե բոլոր թունելների հատուկ պահեստարաններից հայտնաբերվել է հսկայական քանակությամբ զենք եւ ռազմամթերք, որը պատկանել է «Ջաբհաթ-ան-Նուսրա» խմբավորման զինյալներին:

ստորգետնյա թունելները

ահաբեկիչներին պատկանող գետնափոր շտաբ-բնակարաններից մեկը

SANA-ն հայտնում է, որ եղել են հատուկ ստորգետնյա ճանապարհներ՝ միայն զինամթերքի փոխադրման համար:

Միաժամանակ, աշխարհի տարբեր կետերում անհանգստացած են Իդլիբում ահաբեկչական գործողությունների շարունակականությամբ:

ՌԴ ԱԳ նախարար Սերգեյ Լավրովը, ելույթ ունենալով Մյունխենի համաժողովին, հաստատել է Իդլիբից ահաբեկչական խմբավորումների անհապաղ հեռացման անհրաժեշտությունը՝ կոչ անելով թուրքական իշխանություններին  կատարել Սոչիի պայմանավորվածությունների իրենց բաժինը:

Հիշեցնենք, Իդլիբում արդեն տեւական ժամանակ է՝ մարտեր են թուրքական բանակի եւ սիրիական ուժերի միջեւ: Գործողությունը Թուրքիայի նախագահը որակել է որպես ահաբեկիչների դեմ պայքար:

Մյունխենում Լավրովը նաեւ հայտարարել է, որ չնայած բոլոր կոչերին, Իդլիբում ահաբեկչական խմբերը շարունակում են հարվածներ հասցնել Սիրիայի բանակի դիրքերի, ինչպես նաեւ Հմեյնիմ ռազմակայանի ուղղությամբ:

Արաբական մայրցամաքի երկրներն էլ հայտնում են, որ Իդլիբում եւս հաղթանակն անխուսափելի է:

Ստորեւ լուսանկարներում՝ ահաբեկչական խմբավորումներից ամբողջությամբ մաքրված գյուղական բնակավայրերը.

պատերազմից տուժած այս բնակավայրերը վերականգնելու համար բավական ժամանակ կպահանջվի. ամենուր բարիկադներ են, քարե պատնեշներ.

տեսանյութում՝ Հալեպի բնակչության տոնակատարությունն է՝ քաղաքի ու հարակից գյուղերի ազատագրման առթիվ.

Տպել
1902 դիտում

Քաղաքացիների ուղարկած խախտումների լուսանկարներն ու տեսանյութերը վարչապետը հրապարակել է ֆեյսբուքյան իր էջում

Կապանի գործով տուժողի նկատմամբ անվտանգության միջոց է կիրառվել. պաշտպանական կողմը աննախադեպ է որակում

Բժիշկները պայքարում են արդեն 50 օր թոքերի արհեստական օդափոխության սարքով շնչող պացիենտի կյանքի համար. Գևորգ Սիմոնյան

Եվրամիությունն այնքան էլ ուրախ չէ G7-ի կազմում Ռուսաստանին հետ կանչելու Թրամփի առաջարկով

Պարետի որոշմամբ ՀՀ-ում կարգելվեն շղթայական ռեակցիայի (ՊՇՌ) մեթոդով լաբորատոր հետազոտությունները

Դժգոհ չենք լինի, եթե այս տարի ՀՀ-ում ներքին զբոսաշրջության 150 տոկոս աճ ունենանք, 2019-ին 41 տոկոս ունեինք. վարչապետ

Խնդրում եմ հակահամաճարակային կանոնների խախտման դեպքերը նկարահանեք եւ ուղարկեք իմ ֆեյսբուքյան էջին. վարչապետ

Վանաձորի «Գլորիա» ֆաբրիկան պարետի որոշմամբ վաղը առավոտից կփակվի 72 ժամով. վարչապետ

Այրվել են Թումանյան եւ Նալբանդյան խաչմերուկում տեղադրված 4 աղբամանները. հրդեհողները 26-ամյա տղա ու 23-ամյա աղջիկ են

Երկրում դե յուրե շատ խիստ ռեժիմ է սահմանված այսօր, խնդիրը դե ֆակտոյի մեջ է. վարչապետ

Վանաձորի «Գլորիա» ֆաբրիկայի աշխատողները տեղափոխվում են գերբեռնված ավտոբուսով. վարչապետը լուսանկար է հրապարակել

Sputnik-ի պրոդյուսերից բացի, ԱՄՆ-ում տուժել են այլ ԶԼՄ-ների աշխատակիցներ. նահանգապետը ներողություն է խնդրել (տեսանյութ)

Դեպի ԵՄ երկրներ թռիչքների արգելքը չի վերաբերում միջազգային ավիաընկերություններին. քաղավիացիայի կոմիտեի արձագանքը

Իրավապահների վրա առանձնակի պատասխանատվություն է դրված. սահմանված կանոնների խախտումներին կլինի կոշտ ու չոր վերաբերմունք

Հայկական ավիացիայի մուտքը Եվրոպական Միության օդային տարածք արգելվեց. Հայաստանն այդպիսի 16 երկրներից մեկն է

Արարատ Միրզոյանը եւ իր ընտանիքի անդամները կորոնավիրուսի թեստ են հանձնել, պատասխանները բացասական են

Ուժեղացված վերահսկողություն է իրականացվել Մալաթիա-Սեբաստիա վարչական շրջանի նախադպրոցական ուսումնական հաստատություններում

Մարտի համեմատությամբ կորոնավիրուսային հիվանդության դեպքերն ապրիլին աճել են 3, մայիսին՝ 13 անգամ. ՀՎԿԱԿ տնօրեն

12 մարզադաշտերը, որոնք 10 օրից պետք է սկսեին ընդունել Եվրո 2020-ի խաղերը, եթե չլիներ կորոնավիրուսը

Կայացվել է 1393 կազմակերպության գործունեության դադարեցման որոշում