Մայրն ահազանգում է, որ ինքն ու սեռական բռնության ենթարկված իր երեխան վտանգի մեջ են. կոտրել են նրա մեքենան

Քաղաքացի Մարինե  Ա.-ն վստահ է, որ իր որդուն սեռական բռնության ենթարկած մարդիկ փորձում են վախեցնել իրեն, համակել անընդհատ վտանգի մեջ լինելու զգացումով: 2016-ին Երևանի X վարչական շրջանում 6-ամյա տղային պարբերաբար սեռական բռնության ենթարկելուց, իրավապահների հետ մտերմության միջոցով պատժից խուսափելուց և 2019-ին երեխային կրկին սեռական բռնության ենթարկելուց հետո բռնարարները, ըստ նրա, փորձում են հիմա էլ ահաբեկել իրեն, որ, թերևս, դադարի արդարության համար պայքարել. երեկ կոտրել են նրա ավտոմեքենան: Այս մասին «Հայկական ժամանակ»-ին հաղորդեց Մարինե Ա.-ն՝ նշելով, որ կոտրել են, երբ մեքենան կայանած է եղել բակում: Դեպքի մասին ինքն անմիջապես հաղորդել է Ոստիկանությանը:

«Ես նշեցի, որ մեքենայիս կոտրելը կապում եմ իմ տղայի դատական գործի հետ: Սրանով ինձ ցույց են տալիս, որ ես ու տղաս վտանգի մեջ ենք: Անմիջապես, երբ նկատել եմ, դիմել եմ ոստիկանություն, հաղորդում եմ տվել, հաղորդմանս վերջում էլ նշել եմ, որ մեզ վտանգ է սպառնում, գրավոր խնդրել եմ, որ ոստիկանությունը որեւէ կերպ ապահովի մեր անվտանգությունը: Բայց ոստիկանությունից ստացա շատ անորոշ պատասխան, չգիտեմ՝ հիմա իրենք ինձ կօգնեն, թե չէ»,- ասաց նա:

Մարինե Ա.-ն հավաստեց, որ սեռական բռնության քրգործի շրջանակում ընթացող քննչական գործողությունների՝ ոչ պատշաճ իրականացման արդյունքում իր եւ որդու կյանքը կարծես փակուղի է մտել. «Դպրոցում գիտեն իր նկատմամբ կատարված այդ բռնությունների մասին, երեխային վատ չեն վերաբերվում, բայց, միեւնույնն է, այդ միջավայրում լինել ինքը դժվարանում է: Կորել է հետաքրքրությունը թե՛ դասերի, թե՛ ամեն ինչի նկատմամբ: 10 տարեկան երեխա է, չեմ կարողանում թողնել՝ իջնի բակում խաղա, ամբողջ օրը տանն ենք՝ բանտարկյալների պես: Միայն երբեմն երեխայիս տանում եմ զարգացման կենտրոն, լեզուներ է պարապում, բայց հիմա նաեւ դա չի ուզում անել, քանի որ սպասողական, անընդհատ լարված դրությունն ազդում է նաեւ իր նյարդերի վրա: Եթե մեր իրավապահ համակարգը չի կարող այս խնդիրը լուծել, թող գոնե անկեղծորեն ասի, մենք էլ վեր կենանք, այս երկրից գնանք»,- ասաց մայրը:

Նրա խոսքով՝ չեն արվում քննչական այն գործողությունները, որ կարող էին բավական արագ արդյունքներ տալ. երեխան նշել է իր նկատմամբ բռնություններին նախորդած հեռախոսազանգերի մասին, սակայն բջջային օպերատորից չեն վերցվում, չեն վերծանվում այդ զրույցները, իրենք նկարագրում են մեքենան, որով իրենց հետեւել, եւ որի մեջ իր երեխայի նկատմամբ բռնություն է իրականացվել, նշում են նաեւ համարանիշը, սակայն այդ մեքենան այդպես էլ «չի գտնվում»: Կնոջ խոսքով՝ նախկինում գործը ոչ պատշաճ քննած քննիչներից մեկի պաշտոնն էլ բարձրացրել են. «Էլ ես ի՞նչ վստահություն ունենամ իրենց նկատմամբ: Գոնե այդ նշված անձանց որեւէ կարգավիճակ տան, որ մենք զգանք, որ ինչ-որ բան է արվում, միայն հասարակությանը ցույց են տալիս, թե գործ են անում: Միայն խոսում են, թե գործ են անում»:

Մարինե Ա.-ի հետ զրուցել եւ իրենց աջակցությունն են առաջարկել Մարդու իրավունքների պաշտպանը, պատգամավորներ Անի Սամսոնյանն ու Աննա Կոստանյանը, սակայն իրական վտանգի դեմ, իրական խնդրի առաջ նա իրեն մենակ է տեսնում, ինչի եւս մեկ ապացույց է համարում կոտրված մեքենան. «Արդեն չգիտեմ՝ երեխային պաշտպանելու համար ինչ անել: Ամեն օր զանգահարում եմ կառավարություն, զրուցել եմ վարչապետի աշխատակազմի ներկայացուցչի հետ, ներկայացրել եմ խնդիրն ամբողջությամբ, ասել եմ, որ ուզում եմ իմ բոլոր փաստաթղթերը վերցնեմ, գնամ, հանդիպեմ վարչապետին: Հասկանո՞ւմ եք՝ ես մենակ եմ, իրենք շատ են, չեմ կարողանում այս ամենի դեմ»:

Մարինե Ա.-ի փաստաբան Ինեսսա Պետրոսյանի հետ այսօր կապվել չհաջողվեց: Նրա հետ զրուցել էինք 5 օր առաջ եւ տեղեկացել, որ, ըստ էության, որեւէ տեղաշարժ տեսանելի չէ. «Ճիշտ է, գործը Քանաքեռի քննչական բաժնից տեղափոխվել է հատկապես կարեւոր գործերի բաժին, եւ դրանից հետո նախաքննական մարմինը երեւի թե քննչական պլան է մշակել, բայց, իմ ունեցած տվյալներով, դեռ ներգրավված մեղադրյալ չկա: Գիտեմ, որ նախաքննություն է ընթանում: Եվ քանի որ փորձաքննությունների հարց է առաջ քաշվում, ուստի այդ կապակցությամբ նախաքննական մարմինը որոշում է կայացնում, օրինակ, սկզբում ստանալ որոշակի եզրակացություններ, հետո՝ իրականացնել այլ գործողություններ: Հիշենք նաեւ, որ խոսքն անձանց՝ առանձնապես ծանր հանցանքների մեջ մեղադրելու մասին է»:

Մեր այն հարցին, որ նման իրավիճակն արդյոք ռիսկային չէ կնոջ համար, քանի որ ծանր հանցանքի մեջ մեղադրվող անձինք ազատության մեջ են եւ գիտեն մոր ու երեխայի բնակության վայրը, փաստաբանը պատասխանել էր. «Իհարկե, ես՝ որպես երեխայի ներկայացուցիչ, այս պահին գտնում եմ, որ քննչական մարմնի գործողություններն այդքան էլ արագ չեն կատարվում, եւ արդեն իսկ պիտի հնարավոր լիներ, որ այդ առերեւույթ հանցագործություն կատարած՝ երեխայի կողմից մատնանշված անձինք ունենային մեղադրյալի կարգավիճակ: Սակայն վարույթն իրականացնող նախաքննական մարմինը նախատեսում է այլ գործողություններ կատարել, նոր անդրադառնալ այդ հարցերին»: Այլ հարցեր Պետրոսյանը չէր մեկնաբանել՝ նշելով. «Անչափահաս, մանկահասակ երեխայի լավագույն շահից ելնելով՝ չենք կարող շատ մանրամասնել, թե ինչպիսի քննչական գործողություններ են կատարվում. նախաքննությունն ամբողջ ծավալով պիտի իրականացվի»:

Քննչական կոմիտեի տեղեկատվության եւ հասարակայնության հետ կապերի բաժնի պետ Արամ Ավետիսյանն այսօր մեզ հետ զրույցում նշեց. «Գործի շրջանակներում կատարվում է բազմակողմանի օբյեկտիվ քննություն, արդյունքները շուտով կերեւան»: Անդրադառնալով ծնողի եւ փաստաբանի այն դիտարկումներին, որ երեխան մատնանշում է իր նկատմամբ թե՛ նախկինում եւ թե՛ վերջերս բռնություն գործադրած անձանց, սակայն գործում ներգրավված մեղադրյալներ չկան՝ նա ասաց. «Մեր քննիչների աշխատանքին հավատարիմ մնալով եւ հավատալով՝ վստահ եմ, որ շուտով արդյունքներ կլինեն: Չի կարող այս քննությունն արդյունքներ չունենալ»:

Ոստիկանության ԶԼՄ-ների հետ կապի, վերլուծության եւ լրատվության բաժնի պետ Էդգար Ջանոյանը հաստատեց, որ Քանաքեռից երեկ 16:10-ի սահմաններում ստացվել է ահազանգ քաղաքացի Ա.Ա.-ի կողմից՝ մեքենայի ապակին կոտրելու հանգամանքի մասին: «Կատարվում են քննչական գործողություններ կատարվածի բոլոր հանգամանքները պարզելու, հանցագործություն կատարած անձանց ինքնությունը պարզելու եւ նրանց հայտնաբերելու ուղղությամբ»,- նշեց նա։ Այն հարցին, թե ինչ է նախատեսում անել ոստիկանությունը կնոջ եւ երեխայի անվտանգությունն ապահովելու խնդրանքին ի պատասխան, նա պատասխանեց, որ որոշակի աշխատանքների ավարտից հետո կնոջը պատասխան կտրվի. «Կինը դեպքը կապում է որոշակի քրեական գործի հետ, բայց հնարավոր է՝ սովորական գողություն է եղել: Պիտի մեր գործողություններն ավարտենք, հետո՝ կպատասխանենք»:

Հիշեցնենք, որ Մարինե Ա.-ի որդու նկատմամբ պարբերաբար սեռական բռնություն է կիրառվել, երբ նա եղել է 6 տարեկան. բռնությունն իրականացնողները, ըստ երեխայի մոր, նրան տնից հեռացրել են, բռնության ենթարկել եւ նվաստացրել: Երեխան մատնանշել է իր նկատմամբ բռնություն գործադրած անձանց (որ կապ ունեն երեխայի կենսաբանական հոր հետ) եւ այն վայրերը, որտեղ եղել է բռնությունը: Փորձաքննությունն արձանագրել է պարբերաբար սեռական բռնության ենթարկված լինելու փաստը, սակայն մեղադրյալներ չեն ներգրավվել, եւ այդ՝ առաջին քրեական գործը, կարճվել է: Այն հիմա բողոքարկվում է Վերաքննիչ դատարանում:

Երկրորդ քրեական գործը հարուցվել է այս տարեմուտին, երբ Մարինե Ա.-ն բացահայտել է, որ բռնությունը որդու նկատմամբ շարունակվում է, եւ դա իրականացնելուն նպաստում է իր մայրը, ում բռնարարները վճարում են այդ ծառայության համար: Հարուցվել է քրգործ, ոստիկանների միջամտությամբ հնարավոր է եղել տնից հեռացնել նշված տատիկին: Սակայն Մարինե Ա.-ի խոսքով՝ անհրաժեշտ ոչ մի բան կարծես չի կատարվում: Նա մտավախություն ունի, որ այս անգամ էլ արդարության հասնելու փոխարեն ուղղակի նյարդերի անտանելի լարումով ինքը կխոսի, կբողոքի, տարբեր ատյանների ուշադրությունը հրավիրել կփորձի, իսկ ոստիկանությունում, քննչական մարմիններում իրենց քրեական շոշափուկները տարածած հանցագործ խմբավորումը կրկին կխուսափի պատժից:

Տպել
2794 դիտում

«Ես Աստված եմ... ես սպանելու եմ մեծ քանակությամբ բիոաղբ». Կազանի դպրոցի հրաձիգի գրառումն ու ողբերգությունը

Իսրայելը հրթիռակոծվում է. հարյուրավոր հրթիռներ՝ Թել-Ավիվի ուղղությամբ. թիրախավորվել է օդանավակայանը (տեսանյութ)

Կոտայքի մարզպետը Չարենցավանի բժշկական կենտրոնում ծանոթացել է համավարակի դեմ պատվաստումային գործընթացի ակտիվությանը

Քոչարյանը մերժել է Գեւորգ Պետրոսյանին. նախկին ԲՀԿ-ականը նոր ցուցակ է փնտրում

Գյումրիում փակվել են Covid բաժանմունքները. չինական պատվաստանյութը դեռ Շիրակ չի հասել

Ընթանում են Արտաշատ քաղաքի Իսակով փողոցում ասֆալտապատման թերությունները շտկելու աշխատանքները

Արտաշատ քաղաքում վաճառված հասարակական օգտագործման կանաչ տարածքների գործով տեսչական մարմինը դիմել է դատախազություն

Ադրբեջանի հայատյացության քաղաքականությունն ապացուցում է՝ արցախահայերը չեն կարող անվտանգ ապրել նրա կազմում․ Միրզոյան

Իսպանացի պատգամավորներն ու սենատորներն Ադրբեջանից պահանջում են ազատ արձակել հայ ռազմագերին

Լինենք պատասխանատու․ Նիկոլա Ազնավուրը պատվաստվել է կորոնավիրուսի դեմ

Ֆուտբոլի Հայաստանի առաջնությունը նոր առաջատար ունի

Անկախության 30-ամյա հոբելյանին ընդառաջ՝ Հայաստանի պատմության թանգարանը կազմակերպում է հանրապետական գիտաժողով

Ընդունելության քննություններին մասնակցելու հայտ է ներկայացրել 13360 դիմորդ․ երկրորդ փուլի հայտագրումը՝ հուլիսի 19-26-ին

Վերաբնակեցման նպատակով Արցախ է տեղափոխվել 54 ընտանիք

Ջրային մարզաձևերի Եվրոպայի առաջնությունում հանդես կգան Հայաստանի 9 ներկայացուցիչներ

Արտակ Ապիտոնյանը և ՖԽՎ պատվիրակությունը անդրադարձել են գերիների անվտանգ հայրենադարձմանը

Նիկոլ Փաշինյանը հաստատել է Հայ-լեհական ռազմատեխնիկական համագործակցության հանձնաժողովի հայկական կողմի նոր կազմը

Պաղեստինաիսրայելական լարվածությունը պահպանվում է, հրթիռակոծությունը չի դադարում

Վստրեչի Ապերը 2 միլիոն դրամ գրավով ազատ է արձակվել. դատախազությունը բողոք է ներկայացրել

Գիլոյանը Սոֆիայում քննարկել է Տոկիոյի Օլիմպիական խաղերի մրցավարական կազմում Հայաստանից ներկայացուցիչ ունենալու հարցը

Հայաստանի բացառիկ կենդանական աշխարհը․ գորշ արջերը՝ Վայոց ձորում (լուսանկարներ)

Արսեն Զախարյանն ընդգրկվել է Ռուսաստանի հավաքականի ընդլայնված ցուցակում

Ծեծկռտուքի դեպքով ձերբակալվել են Կենտրոնի փոխթաղապետն ու գլխավոր մասնագետը

Բաղրամյան պողոտայից բերման ենթարկված Աչաջուրի բնակչի մոտ կանեփի նմանվող զանգված է հայտնաբերվել (տեսանյութ)

Գիտակրթական ոլորտում հայ-ռուսական համագործակցությունը մեծ ներուժ ունի. Արմեն Սարգսյանն այցելել է Լոմոնոսովի համալսարան

Վրաստանի վարչապետ Իրակլի Ղարիբաշվիլին Հայաստանում կհանդիպի Նիկոլ Փաշինյանի հետ. օրակարգը հայտնի է

Ուկրաինական Ռադան դավաճանության մեղադրանքներ է առաջադրել պատգամավորներ Վիկտոր Մեդվեդչուկի և Տարաս Կոզակի դեմ

Արման Թաթոյանը ցավակցել է ՌԴ ՄԻ դաշնային հանձնակատարին՝ Կազանում տեղի ունեցած ողբերգական դեպքի հետ կապված

Հատկապես ծանր է գիտակցումը, որ հրեշավոր հարձակումը կատարվել է դպրոցում. Արմեն Գրիգորյանը ցավակցական հեռագիր է հղել

ՀՀ նախագահ Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին Կազանի ողբերգության կապակցությամբ

Ամենայն հայոց կաթողիկոսն իր ցավակցություններն է հղել Կազանի ողբերգության կապակցությամբ

Առցանց ապառիկ գնումներ ՎՏԲ-Հայաստան Բանկի և «ԻԴԵԱԼ համակարգ»-ի միջոցով

Թուրքիայում հակաիսրայելական ցույցերով խախտվել են հակահամաճարակային սահմանափակումները

Արցախի ՄԻՊ-ը մասնակցել է Եվրոպական խորհրդարանի պատգամավորների կողմից կազմակերպված առցանց համաժողովին

Իրավիճակը սահմանին կայուն մարտավարական է

Ադրբեջանը փորձում է գերիների վերադարձի պարտավորության չկատարումն արդարացնել անհիմն մեկնաբանություններով. Մանե Գևորգյան

Հունիսին Իրանում կանցկացվեն նախագահի ընտրություններ

Համակարգիչս կոտրեցին, 15 հոգով խփում էին. Կենտրոնի թաղապետարանի ծեծված աշխատակիցը մանրամասներ է հայտնում

Ալիեւը մոռանում է, որ Արցախն Ադրբեջանի տարածք չէ․ Արտակ Բեգլարյանի արձագանքը

Խորապես ցնցված եմ տեղի ունեցած ողբերգության լուրից․ Նիկոլ Փաշինյանը ցավակցական հեռագիր է հղել Վլադիմիր Պուտինին