«Ոստիկանության տեսանյութը մոնտաժված էր». Արմեն Թավադյանի պաշտպանն ակնկալում է քրեական գործի կարճում

«Գործի նյութերին ծանոթանալով՝ կարող եմ ասել, որ այստեղ առհասարակ հանցագործության մասին խոսք լինել չի կարող ինչպես Արմեն Թավադյանի, այնպես էլ Վարուժան Մկրտչյանի կողմից»:

Այս մասին այսօր հրավիրված ասուլիսի ժամանակ հայտարարեց «5-րդ ալիք»-ի սեփականատեր Արմեն Թավադյանի պաշտպան Հովհաննես Խուդոյանը:

Թավադյանը, հիշեցնենք, մեղադրվում է կազմակերպված խմբի կողմից Մարտի 1-ի գործով տուժողին սուտ ցուցմունք տալու նպատակով կաշառելու մեջ: Նույն քրեական գործի շրջանակում մեղադրանք է առաջադրվել Ռոբերտ Քոչարյանի աջակից Վարուժան Մկրտչյանին, որը, ըստ Ոստիկանության տեսանյութի, Մարտի 1-ի գործով տուժողին գումարի եւ հետագայում պաշտոնի դիմաց ցուցմունքից հրաժարվելու առաջարկ էր արել: Ըստ ՀՔԾ հաղորդագրության՝ ենթադրյալ կաշառքի գումարը 5 միլիոն դրամ է:

Այսօրվա ասուլիսին պաշտպան Հովհաննես Խուդոյանը նշեց, որ ի սկզբանե քրեական գործը շատ թերություններ է ունեցել, եւ դրանցից յուրաքանչյուրը հերիք էր, որ քրեական հետապնդում չիրականացվի, եւ Թավադյանի նկատմամբ կալանավորումը չկիրառվի. «Բայց ցավոք, այնպես ստացվեց, որ կալանքի միջնորդությունը երկու անգամ քննարկվեց մի դատավորի կողմից, որի անունն ամեն ինչ ասում է (խոսքը Երեւանի ընդհանուր իրավասության դատարանի դատավոր Մնացական Մարտիրոսյանի մասին է,- խմբ.):

Ըստ Հովհաննես Խուդոյանի՝ ծանոթանալով գործի նյութերին՝ հասկացել են, որ Ոստիկանության կողմից հրապարակված տեսանյութը այլ տեսանյութերից է մոնտաժվել. «Դրանց ամբողջական բովանդակությանը ծանոթացանք, եւ տեսանք, որ այդ տեսանյութերը լրիվ հակառակ բանն են ապացուցում, ինչը բավականին պրոֆեսիոնալ, բայց անբարեխիղճ մոնտաժի արդյունքում հանրությանը ներկայացվել է այլ կերպ»: Խուդոյանի խոսքով՝ երբ առաջիկայում դռնբաց նիստեր կլինեն, կանդրադառնան այդ տեղեկատվությանը, հասանելի կդարձնեն այն եւ կհետեւեն այն մարդկանց ռեակցիաներին, ովքեր, այս ընթացքում խախտելով անմեղության կանխավարկածը, բարոյականության սահմաններն անցնելով, իրենց իրավունք են վերապահել կարծիք արտահայտել. «Բնականաբար, կարծիք արտահայտելու իրավունք ունեն բոլորը, բայց այդ կարծիքը պիտի լինի հավասարակշռված, ոչ թշնամական եւ անմեղության կանխավարկածը չխախտող»: Պաշտպանը դժվարացավ նշել՝ այդ տեսանյութը պատվիրված էր թե՝ ինքնագործունեության արդյունք, բայց պնդեց՝ դրան իրավական քայլեր հաջորդելու են. «Նախ կսպասենք Դատախազության հետագա գործողություններին, ըստ էության, իրենց լիազորությունների շրջանակներում է իրենց ենթակայության տակ գտնվող վարույթներում հանցագործության հատկանիշներ հայտնաբերելիս դրանց պատշաճ իրավական գնահատական տալը, հույս ունեմ, որ Դատախազության մեր գործընկերները այնքան հեռատես կլինեն, որ նման որակի, նման մակարդակի գործը չեն ուղարկի դռնբաց դատական քննության»: Պաշտպանը հայտնեց, որ դատախազին էլ է ասել, որ ակնկալում է քրեական գործի կարճում, որովհետեւ բացակայում են քրեական հետապնդման հիմքերը:

Հրավիրված ասուլիսին մասնակցում էր նաեւ «5-րդ ալիք»-ի տնօրեն Հարություն Հարությունյանը, որի կարծիքով՝ ապացուցվել են իրենց այն կասկածները, որ իրենց հեռուստատեսության սեփականատերը կալանավորվել էր ալիքին վնասելու, դրա աշխատանքները խոչընդոտելու, լրագրողներին անհարմար դրության մեջ դնելու նպատակներով. «Անցած 79 օրերին, երբ մեր սեփականատերը գտնվում էր կալանքի տակ, մեր հեռուստաալիքը ապրեց ծանր օրեր ոչ միայն բարոյական, այլեւ մնացած առումներով, մենք արդեն պատրաստվում էինք դրամահավաքի մարաթոն կազմակերպել, որպեսզի կարողանայինք մեր աշխատանքները շարունակել, եւ փառք աստծո, որ բանը դրան չհասավ»:

Մեղադրյալ Արմեն Թավադյանն էլ իր հերթին նշեց, որ դատարանի որոշմամբ պարզ դարձավ, որ իր մեղադրանքը եւ այն կալանքը, որում գտնվում էր, անօրինական ու անհիմն էին. «Ես ենթադրում եմ, որ այդ ամենը կատարվել է նրա համար, որ ճնշում գործադրվի ԶԼՄ-ների վրա, որոնցից մեկի սեփականատերն էլ ես եմ, սա ճնշում է խոսքի ազատության վրա»,- նշեց Թավադյանը:

Հիշեցնենք նաեւ, որ Վերաքննիչ քրեական դատարանը՝ դատավոր Ալեքսանդր Ազարյանի նախագահությամբ, մարտի 11-ին բավարարեց պաշտպան Հովհաննես Խուդոյանի բողոքը՝ Թավադյանի կալանավորման որոշման դեմ: Այդպիսով, նա ազատ արձակվեց: Դրանից հետո քրեական գործով դատավարական հսկողություն իրականացնող դատախազը կայացրեց որոշում՝ նրա նկատմամբ երկրից չհեռանալու մասին ստորագրությունը որպես խափանման միջոց ընտրելու վերաբերյալ:

Տպել
713 դիտում

Իրականացվել է «Գրադարանավարների վերապատրաստման դասընթացներ» ծրագրի գործնական փուլը

Կոռուպցիոն երևույթները չհանդուրժող քաղաքացիներ ունենալու դեպքում Հայաստանը կդառնա լավագույն երկրներից մեկը․ Անդրեասյան

Սփյուռքի 16 երկրներից 20 երիտասարդ դեսպաններ սկսեցին մեկամյա ծրագիրը

Տարբեր զորամասերի զինծառայողներ այցելել են քաղաքային պանթեոններ և հուշահամալիրներ (լուսանկարներ)

Տեսուչները մշտադիտարկել են էրեբունի վարչական շրջանի հանրային տրնասպորտը

Պերուի նորանշանակ դեսպանն իր հավատարմագրերի պատճենն է հանձնել ԱԳ նախարարի տեղակալին

Հայաստանում անցկացվեց «ԳՌՈՄ-2021» զորավարժությունը (տեսանյութ)

Վարորդները շարունակում են հասարակական տրանսպորտում զարդ ու սրբապատկեր կախել. պատասխանատվության ենթարկվողներ դեռ չեն եղել

Կյանքից հեռացել է Հալեպում ՀՀ գլխավոր հյուպատոսության խորհրդական Վարդան Հովհաննիսյանը

Հաղորդակցության ուղիների ապաշրջափակումը կարևոր դեր կարող է ունենալ կայուն խաղաղության գործում. ԱԽ քարտուղարը՝ Թրեյսիին

Երեւանի պետական համալսարանի բակում իրականացվել է մոմավառություն՝ ի հիշատակ պատերազմում զոհված համալսարանականների

Հակառակորդի արձակած կրակոցից հայ զինծառայողի հրազենային վնասվածք ստանալու դեպքի առթիվ հարուցվել է քրեական գործ

Քաղաքացիների անվտանգության համար արգելապատնեշներ են տեղադրվում փողոցներում․ քաղաքապետարան

Ռուստամ Մուրադովն Ադրբեջանի պաշտպանության նախարարին է ներկայացրել ռուս խաղաղապահների նոր հրամանատարին

Մոտ ժամանակներում լարվածությունը դժվար թե բախման վերածվի. արևելագետը՝ Իրան-Ադրբեջան հակասությունների մասին

Լուկաս Սելարայանը հանդես կգա Հայաստանի ազգային հավաքականում (տեսանյութ)

Ադրբեջանանը պատասխանատվություն են կրում Կութ գյուղի մոտակայքում զինծառայողին հրազենային վիրավորում հասցնելու համար. ՄԻՊ

Երեկ մոմավառություն ու երթեր են կազմակերպվել ՊՆ զորամասերում (լուսանկարներ)

Ալեն Սիմոնյանն այցելել է Կարեն Դեմիրճյանի թանգարան, առանձնազրույց է ունեցել Ռիմա Դեմիրճյանի հետ (լուսանկարներ)

Վրաստանի վարչապետը կմեկնի Բաքու

Արցախի ՄԻՊ-ն անդրադարձել է երեկ Ստրասբուրգում ընդունված ԼՂ հակամարտության հումանիտար հետևանքների վերաբերյալ բանաձևին

Վթար Էջմիածին-Շահումյան ավտոճանապարհին․ կա տուժած

Սա նոր մեղադրանքի հարց չէ. Մարտի 1-ի գործով դատախազը՝ ՄԻԵԴ-ի՝ «Հայկական ժամանակ»-ի վերբարյալ կայացրած որոշման մասին

Գորիս-Կապան ճանապարհի իրավիճակը, կորոնավիրուսն ու բարեփոխումները՝ ԱՄՆ դեսպանի ու ՀՀ փոխվարչապետի քննարկման առանցքում

Ալիևը չի առարկում ՄԽ համանախագահների միջնորդությամբ Նիկոլ Փաշինյանի հետ հանդիպման հարցում

Ձերբակալվել է «Հաղթանակ» զբոսայգու մոտ 27-ամյա կնոջ սպանության մեջ կասկածվողը. ՔԿ

Հայաստանում բացվել է մանկական պալիատիվ խնամքի առաջին կլինիկան

Ադրբեջանի ԶՈՒ-ն կրակել է Կութի հայկական դիրքերի ուղղությամբ, հայ զինծառայող է վիրավորվել. ՊՆ

Ուսանողներին մասնակից դարձնել երկրում ընթացող բարեփոխումներին. Անդրեասյանը հանդիպել է ուսանողների հետ

Ղարաբաղի շուրջ ձեռք բերված եռակողմ համաձայնության գլխավոր արդյունքը կայունությունն Է. Լավրով

Ինչո՞ւ են անընդհատ փորձում անպատվել նրան. պատգամավորը՝ Ղազինյանի՝ 5-րդ անգամ հանձնաժողովի փոխնախագահ չընտրվելու մասին

Որպես անհետ կորած որոնվող կինն ու որդին հայտնաբերվել են

Պարեկները ապօրինի զինամթերք են հայտնաբերել

Կցրտի ևս մի քանի աստիճանով. առաջիկա օրերն անձրևոտ են լինելու

Վահրամ Դումանյանի գլխավորած պատվիրակությունը 6 օրով կմեկնի Ֆրանսիա

20 բ/կ գրեթե ամբողջությամբ ծառայում է կորոնավիրուսով հիվանդ պացիենտների բուժման համար. Ավանեսյան

Աշխարհում ամեն օր կորոնավիրուսի դեմ օգտագործվում է 24,98 միլիոն դոզա պատվաստանյութ

«Հյուսիս-Հարավ»-ի գործով ֆինանսական և կոռուպցիոն չարաշահումների մասին 7 անձի վերաբերյալ քրգործը մտել է դատական փուլ

Հայ ազգը շատ հյուրընկալ է, այստեղ սիրում են Սերբիան և սերբերին. Ալաշկերտի նորանշանակ մարզիչ (տեսանյութ)

Ռոբերտ Քոչարյանի և Արմեն Գևորգյանի գործով դատական նիստը հետաձգվեց. Գևորգյանը նոր պաշտպան ունի