Երեւանն ինձ զարմացրեց, ուրախ քաղաք է. ՀՀ ֆուտբոլի հավաքականի նոր գլխավոր մարզիչը՝ թիմի ու Հայաստանի մասին

Հայաստանի ֆուտբոլի ազգային հավաքականի նորանշանակ իսպանացի գլխավոր մարզիչ Խոակին Կապառոսը տպավորված է Երեւանով: Մասնագետը, որը մարտի 10-ին է գլխավորել ՀՀ ընտրանին, քաղաքին ծանոթանալու հնարավորություն է ունեցել եւ իր տպավորություններով կիսվել աշխարհում մարզական ամենախոշոր լրատվամիջոցներից մեկի՝ իսպանական Marca պարբերականի հետ: Նա խոսել է նաեւ կորոնավիրուսից, Հայաստանում դրա դեմ պայքարից, հավաքականում իր առջեւ եղած նպատակներից ու «Սեւիլիայում» անցկացրած ժամանակաշրջանի մասին:

- Հայաստան եք հասել կորոնավիրուսի պատճառով ողջ աշխարհում ստեղծված ճգնաժամի ընթացքում: Ձեզ տեղեկացրե՞լ են, թե ինչ իրավիճակ է այդտեղ:

- Այստեղ վարակվածության դեպքերը շատ չեն: Ամեն ինչ վերահսկվում է: Շատ փոքրիկ երկիր է, որտեղ ամեն ինչ վերահսկվում է: Մեզ ստուգեցին երկիր մտնելուց հետո եւ նաեւ հետագայում: Խանութներն ու սրճարանները բաց են: Քաղաքի փողոցներում շարժ կա: Այն, ինչ լսում եմ Իսպանիայի մասին... հնարավոր չէ պատկերացնել: Պետք է ամեն ինչի շատ լուրջ վերաբերվել: Այստեղ նույնպես դադարեցվել են առաջնությունները, հավաքականի հետ էլ ընկերական 2 խաղ ունեինք, կհետաձգեն (խմբ. արդեն հետաձգել են): Կարծում եմ՝ վաղը (խմբ. մարտի 17-ին) կհայտարարեն: Ֆուտբոլը պետք է օրինակ ծառայի, գուցե նույնիսկ ուշացել ենք: Պետք է լուրջ վերաբերվել:

- Թվում է, թե ֆուտբոլ չենք ունենալու: Ֆուտբոլը պե՞տք է կանգ առնի, ինչպես մյուս սոցիալ-տնտեսական բոլոր ասպեկտները:

- Իհարկե: Այս ճգնաժամը տնտեսական առումով իր ազդեցությունն ունի: Միջոցները, որ ձեռնարկված են դադարեցնելու եւ չմարզվելու ուղղությամբ, ճիշտ են, եւ պետք է ենթարկվել նրանց: Ֆուտբոլը հայելու նման է հասարակության համար: Ավելին՝ մեր մարզաձեւը կենտրոն է, որի շուրջ հավաքվում են և ոչ միայն մարզադաշտերում, սրճարաններում կամ բարերում...

- Ձեր նոր աշխատավայրը եւ վերադարձը պահեստայինների նստարան զարմացրեց: Չե՞ք կարողանում մնալ առանց մարզումների:

- «Սեւիլիան» իմ տուն է, իսկ պահեստայինների նստարանը՝ կյանքը: Ակտիվություն էի ցանկանում՝ նաեւ հաշվի առնելով իմ առողջական վիճակը, որի մասին մի քանի ամիս առաջ հայտնել ենք: Հիվանդություն ունեմ, բայց հիվանդ չեմ: Պետք է ակտիվ լինեմ, ունեմ դրա կարիքը: Որպեսզի մարդը շարունակի ակտիվ լինել, նրա ուղեղը պետք է աշխատի: Ակտիվությունս մարում էր: Ըմբոստանում էի դրա դեմ: Ինձ զանգահարեց ընկերս՝ Խինես Մելենդեսը, որին ճանաչում եմ 1986 թվականից: Իմ ուսուցիչն է եղել: Խոսեցի ընտանիքիս անդամներին հետ, որոնք քաջալերեցին այս նոր մարտահրավերն ընդունելու որոշումս, որը շատ բարդ է, հատկապես, որ հիմա իմ մտերիմներիս կողքին չեմ:

- Ի՞նչ գիտեիք Հայաստանի մասին մինչեւ այնտեղ մեկնելը: Google Maps-ով փնտրելու կարիք ունեցե՞լ եք:

- (Ծիծաղում է) Ինձ դա «Եվրատեսիլը» հիշեցրեց, երբ նայում էինք, թե նրանք մեզ քանի միավոր են տվել՝ քաղաք, որը շատ ուրախ է: Ինձ Մարչենան էր պատմել, որ այստեղ եղել է հավաքականի հետ: Ինչ վերաբերում է ֆուտբոլին, ակադեմիա ունեն, լավ մարզաբազա մարզվելու համար, որտեղ 10 մարզադաշտ կա: Մեր գլխավոր նպատակն աշխարհի առաջնության եզրափակիչ փուլ դուրս գալն է, որ նրանց մոտ երբեք չի ստացվել: Եվ հարցն այն է, որ ինձ միշտ նորարար եմ համարել: Միշտ ըմբոստացել եմ նրանց դեմ, ովքեր ասում են, որ հնացած եմ: Միշտ փորձել եմ մարզումների նոր եղանակներ գտնել՝ ինձ շրջապատելով շատ պատրաստ եւ նորարար մարդկանցով: Այս ամենը Խինեսի հետ մեկտեղ, որը էական դեր է ունեցել այն հարցում, որ հիմա այստեղ եմ:

- Ինչպիսի՞ն է հավաքականը, որը պատրաստվում եք մարզել:

- Չի որակավորվել Եվրո 2020-ին: Տեսնենք: Աշխատելու ենք 35-4 ֆուտբոլիստների հետ: Կապ ենք հաստատելու եվրոպական լիգաներում խաղացող խաղացողների հետ, որոնք շատ չեն: Ինձ ասել են, որ երբ հարցը հասնում է ազգային հավաքականի գույները պաշտպանելուն, տրամադրվածությունը բարձր մակարդակի է լինում:

- Այս մարտահրավերը գալիս է երկար տարիներ «Սեւիլիայում» անցկացնելու հետո՝ որպես մարզիչ, հետո՝ որպես ֆուտբոլի զարգացման տնօրեն, եւ մինչեւ հիմա մոտ էիք մանկապատանեկան մարզադպրոցին: Երբեւէ պատկերացրե՞լ եք, որ նման արկած եք սկսելու:

- Այլ հավաքականներում լինելու թեմաներ եղել են, սակայն չեն հասունացել: Շատ բարձր եմ գնահատում Խինես Մելենդեսի: Այն, որ նա ինձ ընտրեց, ստիպեց, հեշտացրեց իմ քայլերը դեպի այս նոր փորձը: Չէի պլանավորում հենց հիմա, քանի որ իմ տանն էի, ամեն ինչ լավ էր, ու երջանիկ էի: Բայց այսպիսին է կյանքը: Հնարավորություններ են առաջանում: Այստեղ «Սեւիլիայի» եւս մեկ դեսպան եմ: Այստեղ գալուց հետո «Սեւիլիայի» շարֆեր եմ նվիրել:

- Քիչ առաջ խոսեցիք Ձեր առողջական վիճակից: Ինչպե՞ս եք զգում:

- Լավ, լավ: Հիվանդություն ունեմ, սակայն հիվանդ չեմ: Ապրում եմ նորմալ կյանքով եւ ուզում եմ անել այն, ինչ ամենից շատ եմ սիրում՝ մարզել:

- Ի՞նչ է Ձեզ տվել «Սեւիլիան»:

- Շատ բան: Ճանաչեցի «Սեւիլիան» մյուս կողմից: Տեսա, թե ինչպիսի մեծ ակումբ է՝ բարդ իրավիճակներով հանդերձ, երբ, օրինակ, մարզիչներ են հեռանում կամ տնօրեններ, ինչպիսին է Մոնչին, սակայն ակումբը շարունակում է աճել: Կան մարդիկ, որոնց մասին թերթերում չեն գրում, սակայն նրանք այնպես են անում, որ ակումբն աճի: Ապացուցվել է, որ ակումբը շատ ամուր է: Չնայած այն ամենին, ինչ մեզ հետ տեղի ունեցավ՝ հաջողությունները շարունակվեցին, ակումբը մասնակցեց եզրափակիչների եւ որակավորվեց եվրագավաթներին: Ակումբը նույնիսկ եկամուտ բերեց իր բաժնետերերին: Մարզաբազա ունենք, որը կարող է օրինակ լինել: «Սեւիլիան» երբեք կանգ չի առնում:

- Իսկ եթե «Սեւիլիան» նորից «թակի» Ձեր դուռը...

- «Սեւիլիան» ինձ շատ բան է տվել այն 2 փուլերում, որ եղել եմ այնտեղ: Դա ասում եմ հիմա եւ միշտ էլ կասեմ: Միշտ շնորհակալ կլինեմ:

Տպել
783 դիտում

«Հին օրերի երգը» ֆիլմի պես լիներ՝ ներկայացման պահին մեկն ու մեկդ բղավեիք՝ վերջացա՜վ․ Վերելք ներկայացումը էլ չի հետաձգվի

«Ֆոնսեկայի երեք տենորները». Մխիթարյանի ու թիմակիցների գերազանց խաղը՝ իտալական պարբերականի աչքերով

Ֆրանսիայի եւ Ռուսաստանի նախագահներն ըդգծել են կրակի դադարեցման պայմանավորվածությունների պահպանման կարևորությունը

Տեսնես` ինչքա՞ն «Բայրաքթար» ունեն. Շուշան Ստեփանյանը լուսանկարներ է հրապարակել

Թուրքը, որ մեզ քնած չկարողացավ սպանել, էլ վերջ, արդեն հայը վեր է կացել. արկակոծումները՝ ականատեսների աչքերով

Տիգրան Բալայանը նշանակվել է Լյուքսեմբուրգի Մեծ Դքսությունում Հայաստանի արտակարգ և լիազոր դեսպան

Ջիվան Մովսիսյանը հետ է կանչվել Մոլդովայում Հայաստանի դեսպանի պաշտոնից, Բելառուսում ՀՀ դեսպան Արմեն Ղեւոնդյանը կհամատեղի

Փոխգնդապետ Սամվել Թավադյանը պարգեւատրվել է «Մարտական խաչ» 2-րդ աստիճանի շքանշանով

Գնդապետներ Աշոտ Ղազարյանն ու Գեղամ Գաբրիելյանը հետմահու պարգեւատրվել են «Մարտական խաչ» 1-ին աստիճանի շքանշանով

Վարչապետի որոշմամբ՝ Տաթեւ Անտոնյանն ազատվել է անվտանգության խորհրդի գրասենյակում զբաղեցրած պաշտոնից

Արթուր Դավթյանը տարբեր երկրների գործընկերներին է ներկայացրել ադրբեջանական զինված ուժերի հանցագործությունները

Պատրաստ եմ միանալ հայկական բանակին, եթե դրա կարիքը լինի․ Լևոն Արոնյանը վերադառնում է Հայաստան

Կոմանդոսն է այցելում, օպերային երգիչներ են բացահայտվում, անգլերենի պարապմունք է արվում․ առաջնագծի համար ցանցեր գործելիս

Ռազմաբժշկական վարչությունը ժամանակավորապես դադարեցնում է զինծառայողների առողջական վիճակի մասին դիմումների ընդունումը. ՊՆ

Բազմաթիվ հարկ վճարողներ ունեն զինծառայողների կյանքին և առողջությանը պատճառված վնասների հատուցման գծով պարտավորություններ

Վահան Բադասյանի առողջական վիճակում դրական դինամիկա կա. նա արդեն խոսում է․ Կուրղինյան

Թե՛ պատերազմը սկսելիս, թե՛ հրադադարը խախտելիս նրանք սկսեցին հրետակոծել Ստեփանակերտը. նախագահը` France 24-ին (տեսանյութ)

Պետք է վճռականորեն մեր մարտը վարենք, հետո կտեսնենք, թե ինչ հարգանքով մեզ կվերաբերվեն միջազգային կառույցները. Շ. Քոչարյան

Ադրբեջանն Արցախի խաղաղ բնակչության դեմ արգելված զենք է կիրառում. Արցախի ԱԻՊԾ

Ամենակարևոր հարցերից է, որ միջազգային կառույցները գան, իրենց աչքով տեսնեն՝ Արցախում ինչ է կատարվում․ ՀՀ ՄԻՊ