Առաջիկա ամիսներին գնաճը Հայաստանում մնալու է ցածր մակարդակի վրա․ ԿԲ խորհրդի անդամ

20/03/2020 schedule12:50

Առաջիկա ամիսներին գնաճը Հայաստանում մնալու է ցածր մակարդակի վրա։ Այս մասին այսօր ՀՀ կառավարության մամուլի կենտրոնում լրագրողների հետ հանդիպմանն ասաց Կենտրոնական բանկի խորհրդի անդամ Արթուր Ստեփանյանը։

«Երբ նայում ենք աշխարհում տեղի ունեցող իրադարձություններին եւ այն իրավիճակին, թե ինչ ջանասիրությամբ է ՀՀ կառավարությունն առաջին անհրաժեշտության ապրանքներին ու գներին վերաբերվում, ապա, ըստ էության, կարող ենք  ասել, որ այստեղ որեւէ ռիսկ չենք տեսնում գնաճի ավելացման հետ կապված»,- նշեց ԿԲ խորհրդի անդամը։

Նա նշեց, որ մարտի 17-ին ԿԲ-ն նվազեցրել է վերաֆինանսավորման տոկոսադրույքը, եւ դա այն դեպքում, երբ տարածաշրջանում շատ երկրներ այն բարձրացրին կամ թողեցին անփոփոխ. «Ուզում եմ բացատրել, թե այս գործողությունն ինչ տրամաբանության ներքո է տեղի ունեցել: Պարզ է, որ ստեղծված իրավիճակում դրամավարկային քաղաքականության դերը սահմանափակ է, քանի որ դրամավարկային քաղաքականության գործիքակազմով հնարավոր չէ ազդել առողջապահական խնդիրներով պայմանավորված իրական տնտեսական զարգացումների վրա եւ ազդել տնտեսության առանձին հատվածների զարգացումների վրա: Սակայն կարեւոր է շարունակել պահպանել մակրոտնտեսական կայունությունը, ինչը թույլ կտա կառավարությանն ավելի արդյունավետ ապահովել թիրախավորված միջոցառումները տնտեսության տարբեր ոլորտների հետ կապված»։

ԿԲ խորհրդի անդամի խոսքով՝ 2015 թվականից Հայաստանում բավական ցածր գնաճային միջավայր կա, ներկայում նույնպես գնաճը ցածր մակարդակի վրա է, եւ այդ քայլով ԿԲ-ն հնարավորություն է տալիս նաեւ հավասարակշռել տնտեսական ակտիվության եւ հիմնական գների կայունության նպատակը:

Նա նշեց, որ ԿԲ-ն ունի նաեւ այլ նպատակ՝ ֆինանսական կայունության ապահովումը. «Մենք, հավատարիմ մնալով լողացող փոխարժեքի քաղաքականությանը, այսօր ունենք բավական բարձր պահուստներ եւ բազմաշերտ գործիքակազմ, որպեսզի կարողանանք նաեւ արտարժութային շուկան զերծ պահել հնարավոր ցնցումներից, որը համենայնդեպս այս պահին տեղի չունենա: 2014-ի դեկտեմբերին ԿԲ-ն շատ հաջողությամբ դուրս եկավ ավելի վատ իրավիճակից, քան այսօր է»։

Ստեփանյանն ընդգծեց՝ Կենտրոնական բանկը տիրապետում է ֆինանսական կայունության ապահովման լայն գործիքակազմի եւ հարկ եղած դեպքում դրանք կարող է կիրառել:

Տպել
894 դիտում

Գյումրիի թաղամասերից մեկում իր տանը հայտնաբերվել է բնակչի դին

Արցախի «Աղավնո» հսկիչ անցակետում ծառայող 4 ոստիկաններ ինքնամեկուսացել են՝ ապահովության նկատառումներով

Տավուշի մարզում կորոնավիրուսով վարակված 6 մարդ կա. մեկուսացած է 96, ինքնամեկուսացած՝ 188 մարդ. մարզպետ

Գյումրիում բժշկական դիմակով անձինք կողոպտել են ՀՀ ՊՆ N զորամասի կին զինծառայողին

Պարետի որոշմամբ՝ 6 ժամով արգելվել է Իջևանի և Ստեփանավանի 2 խանութի, Երևանի մեկ սուպերմարկետի գործունեությունը

Ձնեմարդ՝ ծաղկած այգիների տակ. Արցախում եւս ցրտահարություն է գրանցվել (լուսանկար)

Մարդկանց կորոնավիրուսային մեկուսացման շնորհիվ բնությունը շնչում է, օդը մաքրվում է, պանդաները՝ զուգավորվում

Արաբական կոալիցիան եւս Եմենում հրադադար է հայտարարել

Երեւանը բժշկական պարագաներ է ստացել չինական Չոնգցին գործընկեր քաղաքից

Կորոնավիրուսի համաճարակի հետեւանքով աշխարհում կարող է աղքատանալ 500 միլիոն մարդ

Դանակահարություն Արտաշատում. բերման է ենթարկվել 37-ամյա տղամարդ

ՌԴ-ում մնացած նորածինն ու մայրն արդեն Հայաստանում են, ինքնամեկուսացման մեջ. ՄԻՊ-ը ևս մեկ ընտանիք է վերամիավորել

Հակաճգնաժամային միջոցառումների շրջանակներում բաշխվել է 10 միլիարդ 700 միլիոն դրամի աջակցություն. վարչապետ

Ո՞ր դեպքերում են թույլատրվում միջմարզային և դեպի Երևան ուղևորափոխադրումները (տեսանյութ)

Հրետանային ստորաբաժանումների զինծառայողները պարապմունքներ են անցկացրել

Միջադեպեր, ծեծկռտուք Սիսիանում. կիզակետում Սիսիանի ոստիկանապետի պաշտոնակատարն է

Չգիտեմ, թե ինչն է իմ ԱԱԾ-ում հանդիպման շուրջ անհանգստության եւ անառողջ աժիոտաժի իմաստը. Հակոբ Ճաղարյանը

Հանրային պաշտպանները 108 միջնորդություն են ներկայացրել. կալանավորված 29 անձի խափանման միջոց արդեն փոխվել է

Գագիկ Սուրենյանը գյուղատնտեսներին խորհուրդ է տալիս բացօթյա սածիլում չկատարել. ցուրտ օդային հոսանքները պահպանվելու են

Քաշաթաղի ինքնամեկուսացված համայնքները առաջիկայում կապահովվեն անհրաժեշտ պարենամթերքով. ԱՀ ԱՆ