Երևան
16 °C
ՀՀ կենտրոնական բանկը երեկ նվազեցրեց վերաֆինանսավորման տոկոսադրույքը միանգամից 0.5 տոկոսով եւ սահմանեց այն 6.75 տոկոս: Ոչ մասնագետներին այս ցուցանիշը թերեւս ոչինչ չի ասում: Սակայն սա շատ կարեւոր իրադարձություն է Հայաստանի տնտեսական կյանքում:
Ավելին, եթե դիտարկենք սա այլ իրադարձությունների ֆոնին, ապա հեշտ է նկատել, որ սրա տակ կա նաեւ քաղաքական ենթատեքստ: Հնարավորինս խուսափելով նեղ մասնագիտական սահմանումներից, ներկայացնենք իրավիճակը: Վերաֆինանսավորման տոկոսադրույքի նվազեցումը նշանակում է, որ առեւտրային բանկերը կարող են էժան վարկեր վերցնել Կենտրոնական բանկից եւ հետեւաբար ցանկության դեպքում կարող են նվազեցնել նաեւ տնտեսվարողներին տրվող վարկերի տոկոսները: Դա, անշուշտ, խթան է հանդիսանում տնտեսության աշխուժացման համար: Բայց դա ունի իր վտանգը: Ցածր տոկոսներով վարկերը բերում են նաեւ գնաճի: Եվ եթե գնաճի ցուցանիշը բարձր է լինում, ԿԲ-ն պետք է բարձրացնի վերաֆինանսավորման տոկոսադրույքը գնաճը զսպելու նպատակով: Սա՝ դասական տնտեսագիտության տեսանկյունից:
Սակայն Հայաստանում այդ կանոնը չէր գործում: Հայաստանում արդեն ամիսներ շարունակ արձանագրվում է գների անկում, սակայն մեր ԿԲ-ն ընդգծված ժլատությամբ էր նվազեցնում վերաֆինանսավորման տոկոսադրույքը: Նվազեցումը այնքան դանդաղ էր արվում, որ բանկերի կողմից տնտեսվարողներին տրվող վարկերի տոկոսները ոչ միայն չէին նվազում, այլեւ նույնիսկ աճում էին: Դա էլ իր հերթին հանգեցնում էր առանց այդ էր շատ ծանր վիճակում գտնվող տնտեսության պասիվացմանը: Ու հանկարծ ՀՀ ԿԲ-ն որոշում է միանգամից կես տոկոսով նվազեցնել վերաֆինանսավորման տոկոսադրույքը: Այս տարվա ընթացքում ԿԲ-ն արդեն 6 անգամ վերանայել է այդ տոկոսադրույքը եւ միայն մեկ անգամ` մայիսին նվազեցրել այն 0.5 տոկոսով: Մյուս դեպքերում նվազեցումը կազմել է 0.25 տոկոս: Կարո՞ղ ենք արդյոք պնդել, որ այսպիսով ԿԲ-ն աջակցում է նորանշանակ վարչապետ Կարեն Կարապետյանին՝ տնտեսությանը թթվածին տալու եւ այն աշխուժացնելու համար պայմաններ ստեղծելու հարցում:
Սա, իհարկե, բավարար չէ նման պնդում անելու համար: Սակայն անցած շաբաթ` սեպտեմբերի 20-ին ԿԲ-ն եւս մի որոշում է կայացրել, որը շատ ավելի մեծ ազդեցություն է թողնում վարկերի տոկոսների նվազման վրա: ԿԲ-ն որոշել է, որ բանկերը իրենց կողմից ներգրաված միջոցների դիմաց պարտադիր պահուստավորելու են ոչ թե այդ միջոցների 20 տոկոսը, ինչպես նախկինում, այլ 18 տոկոսը: Սա եւս ոչ մասնագետների համար ոչինչ չասող ցուցանիշ է: Բայց պատկերը ներկայացնենք հնարավորինս պարզ: Եթե նախկինում դուք որեւէ բանկում ավանդ էիք ներդնում 100 դոլար, ապա բանկը պետք է դրա 20 տոկոսի չափով, այսինքն 20 դոլարին համարժեք դրամ տաներ ու պահուստավորեր ԿԲ-ի նկուղում: Բանկին մնում էր 80 դոլար, որը նա պետք է վարկ տրամադրեր ձեր հարեւան գործարարին: Այսինքն բանկը անորոշ ժամկետով կորցնում է 20 դոլար եւ իր կորուստները փոխհատուցելու համար բարձրացնում էր գործարարին տրվող վարկի տոկոսադրույքը:
Հիմա բանկը պետք է ԿԲ-ի նկուղ տանի ոչ թե 20 դոլարին, այլ 18 դոլարին համարժեք դրամ: Առաջին հայացքից սա փոքր թիվ է երեւում, սակայն ընդհանուր ավանդների ծավալները հաշվի առնելով՝ կտեսնենք որ խոսքը միլիարդավոր դրամների մասին է, որոնք նկուղներում պահվելու փոխարեն կարող են մտնել տնտեսություն, մի քիչ թթվածին տալ տնտեսությանը:
Բնական հարց է ծագում, իսկ ինչո՞ւ ԿԲ-ն հանկարծ որոշեց 20 ամիս շարունակ անփոփոխ մնացած այդ պարտադիր պահուստավորման տոկոսը նվազեցնել, իսկ մի քանի օր անց էլ «առատաձեռնորեն» նվազեցնել նաեւ վերաֆինանսավորման տոկոսադրույքը: Եթե ուշադիր նայենք վերջին ամիսներին սոցիալ-տնտեսական մեր ցուցանիշները, ապա ոչ մի փոփոխություն նկատած չենք լինի: Գնանկումը արդեն արձանագրվում է ամիսներ շարունակ, տնտեսությունը կայուն կիսամեռ վիճակում է...: Այլ կերպ ասած՝ ոչինչ չի փոխվել, եւ նույն այս երկու որոշումները ԿԲ-ն պետք է կայացներ ամիսներ առաջ, եթե, իհարկե, առաջնորդվեր զուտ տնտեսագիտական նկատառումներով: Բայց փոխվել է, շատ մեծ բան է փոխվել: Եվ այդ փոփոխությունը քաղաքական է. Հայաստանում նշանակվել է նոր վարչապետ եւ գրեթե ձեւավորվել է նոր կառավարություն: Այլ կերպ ասած, ՀՀ կենտրոնական բանկը հզոր աջակցություն է ցուցաբերել Կարեն Կարապետյանի կառավարությանը: Այնպիսի աջակցություն, որից այդպես էլ չօգտվեց Հովիկ Աբրահամյանի կառավարությունը: Պատահականությո՞ւն է սա, թե՞ մտածված ու ծրագրված դիրքորոշում, թերեւս քաղաքական վերլուծաբանների քննարկման նյութ է: Սակայն փաստերը ցույց են տալիս, որ ԿԲ-ի այս երկու որոշումների վրա ազդող զուտ տնտեսական բնույթի գործոնները նվազագույն մակարդակի էին:
Ի դեպ, երեկ վարչապետ Կարեն Կարապետյանը հանդիպել է բանկային համակարգի ներկայացուցիչների հետ: «Մեր նպատակն է, որպեսզի բիզնեսը «շնչի», այդ տեսանկյունից ես ակնկալում եմ, որ դուք առաջարկներ ներկայացնեք, նշելով, թե ինչ կոնկրետ միջոցառումներ պետք է իրականացվեն՝ տնտեսության համար լրացուցիչ վարկավորում ապահովելու նպատակով: Գործնական լուծումներ առաջարկելու ժամանակն է»,- նշել է Կարեն Կարապետյանը:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ