Կորոնավիրուսով վարակվածների մեջ կան դպրոցահասակ երեխաներ. նրանց վիճակը ծանր չէ

Կորոնավիրուսով վարակվածների մեջ կան դպրոցահասակ երեխաներ, նրանք իրենց լավ են զգում, պրակտիկորեն որեւէ սիմպտոմ չունեն: Այս մասին այսօր ասուլիսում նշեց առողջապահության նախարար Արսեն Թորոսյանը: «Կյանքին վտանգ սպառնացող կամ նույնիսկ միջին ծանրություն որեւէ մեկի մոտ առկա չէ, եւ շատ է սրա մասին խոսվել, որ երեխաները միգուցե դառնան վիրուսի տարածման աղբյուր, սակայն իրենց իսկ օրգանիզմի վրա վիրուսի ազդեցությունը մեծ չէ»,- ասաց նա՝ ընդգծելով, որ համենայն դեպս, աշխարհում հրապարակված դեպքերի շարքում կամ գիտական հոդվածների մեջ հակառակի մասին հրապարակում չկա, ինչը նաեւ ակնառու է մեր երկրում արձանագրված դեպքերի պարագայում:

Վարակված երեխաներին խնամում են: «Մեկուսացումն արվում է ծնողների հետ համապատասխան հյուրանոցային վայրերում։ Ապագայում եթե որոշում կայացվի, որ հյուրանոցներում այլևս չենք անելու, դա կարվի իրենց տանը, իրենց իսկ ընտանիքների հետ»,- ասաց Թորոսյանը:

Սակայն, նախարարի խոսքով, երբ մենք նշում ենք որոշակի տարիքային խմբի՝ նվազ խոցելի լինելու մասին, պիտի հաշվի առնենք, որ խոսում ենք տվյալ տարիքային խմբի առողջ ներկայացուցիչների մասին: «Եթե կա, օրինակ, իմունիտետի բնական դեֆիցիտ, կամ ձեռքբերովի, կամ այլ հիվանդության բուժման ժամանակ մենք արհեստական իմունոդեֆիցիտ ենք առաջացնում որեւէ անձի, այդ թվում՝ երեխայի մոտ, նա ավտոմատ դառնում է ռիսկային որեւէ ինֆեկցիոն հիվանդության, նաեւ այս ինֆեկցիոն հիվանդության նկատմամբ: Եվ, այո՛, մենք պիտի հավելյալ ջանքեր գործադրենք քիմիաթերապիա ստացող երեխաների պաշտպանության կամ այլ՝ նշված վիճակներում գտնվող երեխաներին պաշտպանելու համար: Առավել, քան պրակտիկ առողջ երեխաներին, որոնց, իհարկե, պետք է պաշտպանել, որ նրանք չվարակեն այլ երեխաների, վերջիններս՝ մեծերին եւ այդպես՝ ավելի շատ ռիսկի խմբի մարդկանց՝ տարեց, քրոնիկ հիվանդություն ունեցողներին:

Փոխանցման շղթաները պետք է կոտրել բոլոր տիրույթներում: «Հետեւաբար պիտի պահպանենք հեռավորության, ձեռքերը լվանալու եւ շփումների քչությունը պահպանելու կանոնները»,- կրկնեց նախարարը:

Տպել
1596 դիտում

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)

Ստեղծել ենք տեղաշարժման թերթիկի էլեկտրոնային տարբերակը. Տիգրան Ավինյան

Դեռ շատ դիմակներ կպատռվեն

Լրագրողների մուտքն Արցախ ազատ է, անգամ եթե մեքենայում 3 հոգով են, կանցնեն. Հայկ Մհրյան

Մենք կոչված ենք ծառայություն մատուցել ՀՀ քաղաքացիներին, որի համար երդում ենք տվել. Հայկ Մհրյան

Հեռավար կրթությունը Գյումրու սոցիալապես անապահով ընտանիքներից շատերի համար անհասանելի է

Արևմտահայերենով օնլայն հեքիաթներ՝ Թումանյանի թանգարանից

Մարտի 28-ի ժամը 9:00-ի դրությամբ ՀՀ-ում 96 անձ խախտել է մեկուսացման կամ ինքնամեկուսացման կանոնները (տեսանյութ)

ՀՀ նախագահն ինժեներներին առաջարկել է ստեղծել թոքերի պարզագույն օդափոխիչներ, որոնք կարտադրվեն Հայաստանում

Անցած 7 օրում հակառակորդը հրադադարի պահպանման ռեժիմը խախտել է 150 անգամ

Բարև Ձեզ, Ձեզ Նիկոլն է անհանգստացնում Փաշինյան. վարչապետը շարունակում է հեռախոսազրույցը քաղաքացիների հետ (տեսանյութ)

Ուսումնասիրեք երգեհոնի «թոքերը». մշակութային կորոնադադար՝ Արամ Խաչատրյան համերգասրահում (տեսանյութ)

Օտարերկրացիների մուտքը Վրաստան արգելված է. Լարսը բաց է միայն բեռնատարների համար

Երևանի քաղաքապետարանի ենթակայությամբ գործող հաստատությունների աշխատակիցները կվճարվեն հարկադիր պարապուրդի համար

Հրդեհներ են բռնկվել ՀՀ խոտածածկ տարածքներում

Արցախի բուժհաստատություններում պլանային վիրահատությունները ժամանակավորապես կասեցվել են

Լրջության եվ պատասխանատվության մարտահրավերը

Մեծամոր-Արմավիր ավտոճանապարհին «Mazda»-ն շրջվել է. կա զոհ

Մարտի 27-ին մեկուսացման կամ ինքնամեկուսացման կանոնների խախտման 722 արձանագրություն է կազմվել