Սահմանափակումներն ավելի են խստացվելու․ ոստիկանության ուժերին միացնելու ենք այլ կառույցներից ուժեր․ Ավինյան

Այս փուլում մեզ համար առաջնային է հանրային առողջության խնդիրը։ Այս մասին այսօր ՀՀ կառավարության մամուլի կենտրոնում ասաց ՀՀ պարետ, փոխվարչապետ Տիգրան Ավինյանը։

«Առաջնահերթ խնդիր է դրված վարակի տարածումը հնարավորինս կանխարգելել եւ նվազեցնել, տնտեսական բլոկի հարցերը շարունակաբար լավարկվելու են, ու նոր ծրագրեր կարող են առաջարկվել։ Փորձելու ենք հնարավորինս լայն շրջանակի մարդկանց ընդգրկել այս ծրագրերում»,- ասաց Ավինյանը։

Նա նշեց, որ այս պահին արդեն իսկ կա 532 կորոնավիրուսով հաստատված դեպք, 30 առողջացած, 3 մահվան ելքով դեպք։ Փետրվարի 3-ից մինչ օրս իրականացրած թեստերից 2533-ը տվել են բացասական արդյունք։

«Մարտի կեսերից մենք արդեն ունեցել ենք լոկալ տարածում, դա արդեն ոչ թե արտերկրից է բերվել, այլ արդեն իսկ կլաստերային տարածմամբ լոկալ տարածումներ ենք ունեցել։ Ունենք Երեւանում եւ 8 մարզում տարածվածություն»,- ասաց պարետը։

Նրա խոսքով՝ բոլոր գործողությունները, որոնք իրենք նախատեսում են, ունեն հիմնականում գիտական հենք. «Եթե, օրինակ, կառավարությունը որեւէ տիպի քայլ չձեռնարկեր, որեւէ սահմանափակում չձեռնարկեր, եւ միջինում վարակի տարածման ինտենսիվությունը համարենք 2․4 գործակցով եւ միջին ինկուբացիոն շրջանն ընդունեինք որպես 5.6 օր միջինում, ապա մարտի 1-ից հետո 75-ից 80 օրվա ընթացքում ՀՀ բնակչության մոտավորապես 89 տոկոսը կլիներ վարակված։ Միայն Երեւանում մենք կունենայինք 8200 ծանր հոսպիտալացված դեպքեր։ Բայց նորից եմ կրկնում՝ դա այն պարագայում, եթե մենք սահմանափակումներ չիրականացնեինք։ Բայց գիտեք, որ կորոնավիրուսի կանխարգելման աշխատանքները սկսվել են դեռեւս հունվարի 30-ից։ Մենք արդեն իսկ փուլ-փուլ տարբեր սահմանափակումներ ենք սկսել մտցնել»։

Խոսելով սահմանափակումների մասին՝ Ավինյանն ասաց. «Առհասարակ ինչի՞ համար է մեզ պետք հետագա սահմանափակումները։ Կանխարգելման աշխատանքները մի նպատակ ունեն, այդ նպատակն է վարակի տարածման ինտենսիվությունը նվազեցնել այնքան, որ դա լինի 1-ից քիչ, այսինքն՝ դա կնշանակի, որ 1 վարակակակիրը միջինում կվարակի 1-ից քիչ անձի»։

Նա նշեց, որ 2 բլոկ ունեն, որոնք աշխատում են այս ուղղությամբ.

«Առաջին բլոկը համաճարակների վերահսկման եւ կանխարգելման ազգային կենտրոնի գործառույթն է, որն առաջին իսկ օրվանից վարակի շղթաներն է հայտնաբերել, այն անձանց շրջանակն է հայտնաբերել, որոնք ունեցել են կոնտակտ վարակակիրների հետ եւ մեկուսացվել են։

Երկրորդ բլոկը վերաբերում էր արդեն գործունեության տեսակների եւ մարդկանց տեղաշարժի սահմանափակումներին։ Այս 2 բլոկի միասնական ներգործությունը մեր կարծիքով այս փուլում տալու է դրական արդյունք։

Մասնավորապես՝ տեխնոլոգիական նոր լուծումները եւ ԱԺ-ում քննարկվող օրենքը, որն այսօր քննարկվում էր, մեզ թույլ է տալու ավտոմատացված կերպով հայտնաբերել մարդկանց, որոնք որ ունեցել են շփում վարակակրի հետ։ Մարդը, եթե ունեցել է վարակակրի հետ շփում, մեր կարծիքով օր առաջ ուզում է տեղեկացված լինել, որ ինքն ունեցել է այդ շփումը»,- ասաց նա։  

Պարետի խոսքով՝ այս գործիքների կիրառումը, ինչպես նաեւ այն նախագիծը, որ քննարկվում էր ԱԺ-ում, այդ նպատակն ունեն։

«Մեր նպատակն է մեկուսացման եւ կանխարգելման աշխատանքներն այնքան էֆեկտիվ դարձնել, որ սահմանափակումներից քիչ-քիչ եւ փուլ-փուլ սկսենք հրաժարվել։ Այսինքն՝ եւս 10 օր երկարաձգումը մեզ թույլ է տալու ամբողջապես ծավալել այս աշխատանքները, օգնել համաճարակների վերահսկման եւ կանխարգելման ազգային կենտրոնին՝ էֆեկտիվորեն հայտնաբերելու այն անձանց, որոնք շփում են ունեցել վարակակրի հետ եւ ինքնամեկուսացնել նրանց»,- նշեց նա։  

Ավինյանի խոսքով՝ իրենց նպատակն է հնարավորինս տեխնոլոգիաները զարգացնելուն համահունչ նաեւ ավելացնել թեստավորման քանակներն ու նաեւ այդ պրոցեսին համահունչ հնարավորինս նվազեցնել սահմանափակումները. «Այս շաբաթ  տեղաշարժի եւ գործունեության տեսակների սահմանափակումներն ամենացայտուն կերպով տեսանելի էին կիրակի օրը։ Կարելի է ասել՝ կիրակի օրը մենք ունեցել ենք մարդկանց տեղաշարժի առումով բացառիկ ցուցանիշ, որը վարակի տարածման կանխարգելման առումով շատ դրական դեր ունի, բայց նաեւ հասկանում ենք, որ տեղաշարժի սահմանափակումներն անվերջ չեն կարող տեւել»։

Պարետն ասաց, որ գնում են այն երկրների ուղղությամբ, որոնք կարողացել են էֆեկտիվ վարակի շղթաները հայտնաբերել, ջարդել այդ շղթաներն ինչ-որ մի կետում։

«Օրինակ՝ նույն Սինգապուրում դպրոցները բաց են, չկա մի գործունեության տեսակ, որ արգելված է, բայց այնքան են տեխնոլոգիապես վերազինվել, որ կարողանում են էֆեկտիվորեն արագ հայտնաբերել եւ մեկուսացնել վարակակիրներին ու նրանց հետ շփված անձանց։ Հետագա 10 օրերի ընթացքում կրկին կարող է մարտավարություն փոխվել։ Սահմանափակումներն ավելի են խստացվելու։ Վերահսկողությունը պետք է ավելի էֆեկտիվ դարձնենք։ Ոստիկանության ուժերին միացնելու ենք այլ կառույցներից տարբեր ուժեր, որովհետեւ այս վերահսկողությունը իրապես շատ ծանր աշխատանք է»,- ասաց նա։

Տպել
2312 դիտում

Երևան-Գյումրի ավտոճանապարհին կատարվում են անվտանգության բարելավման հավելյալ միջոցառումներ

ԿԳՄՍ փոխնախարար Կարեն Գիլոյանը մեկնել է Բելգրադ

Ինչ ունեցվածք է հայտարարագրել ՀՀ արդարադատության նախարար Կարեն Անդրեասյանը

Բռնցքամարտի Հայաստանի հավաքականը 2 մարզում է անցկացրել Սերբիայում

Հայտնի են «Էլ Կլասիկոյում» թիմերի մեկնարկային կազմերը

Հայաստանն ի թիվս եվրոպական տարածաշրջանի երկրների, հռչակվել է «պոլիոմիելիտից ազատ» երկիր

Հայտնի է Կապանի ՏԻՄ ընտրություններում «Շանթ դաշինքի» նախընտրական ցուցակը

Ուզբեկստանում նախագահական ընտրություններ են. դիտորդները անակնկալներ չեն կախատեսում

Բրիտանական Կոլումբիայի ափերի մոտ հրդեհ է բռնկվել նավերից մեկի վրա. բնապահպանական աղետի վտանգ կա

Հրշեջ-փրկարարները 3 օրում մարել են ընդհանուր 341.7 հա տարածքում բռնկված հրդեհները

Դադարեցվել է Երևան քաղաքի Ղափանցյան փողոցի մի հատվածի առանձնատների գազամատակարարումը

ՀՀ նախագահը և Yandex-ի փոխտնօրենը «Մտքերի հայկական գագաթնաժողով»-ում քննարկել են տեխնոլոգիաների հնարավորությունները

Հայտնի է Իջևանի ՏԻՄ ընտրություններում «Քաղաքացիական պայմանագիր» կուսակցության նախընտրական ցուցակի առաջին 20 անունը

Թալիբները չեն մասնակցի Աֆղանստանի հարցով 6 երկրների նախարարական հանդիպմանը

Օդի ջերմաստիճանը կնվազի 8-11 աստիճանով. առաջիկա օրերին սպասվում է անձրև

Երևանում տեղի կունենա Yerevan Jazz Fest միջազգային 7-րդ ջազ փառատոնը

Արփունք գյուղում այրվել է պահեստավորված մեծաքանակ անասնակեր

Թուրքիայի տնտեսությունը նման է վերակենդանացման բաժանմունքում գտնվող հիվանդի. Կարո Փայլան

Հայտնի է Կապանի ՏԻՄ ընտրություններում «Քաղաքացիական պայմանագիր» կուսակցության նախընտրական ցուցակը

Մահճակալային ֆոնդը սպառման եզրին է. բոլորս պետք է համախմբվենք և երկու բան անենք. Ավանեսյան

Արման Եղոյանը հանդիպել է Իտալիայի խորհրդարանի արտաքին հարաբերությունների հանձնաժողովների նախագահների հետ

«Մտքերի գագաթնաժողով»-ներն ավելի լավ աշխարհ ունենալու համար գաղափարներ ու լուծումներ որոնելու ճանապարհ են. Ռոջեր Գրեյսի

Հրդեհ «Հոգեկան առողջության պահպանման ազգային կենտրոն»-ի նկուղում. 60 մարդ է տարհանվել

Երևանի Բաղրամյան պողոտայում 6 ավտոմեքենաներ են բախվել․ կան տուժածներ

Հրդեհ Զանգակատուն գյուղում. այրվել է մոտ 300 հա խոտածածկ

Արցախում կորոնավիրուսային հիվանդության 47 նոր դեպք է գրանցվել

Կիրակի Երևանում պատվաստումների օր է. շարժական կետերը կաշխատեն մինչև երեկո

Հիմնանորոգվում է Ստեփանավանի կենտրոնական` Բաղրամյան փողոցն` իր բոլոր ենթակառուցվածքներով․ Պապիկյան

Մահճակալային ֆոնդն այլևս չի բավարարում, հիվանդանոցներն աշխատում են խիստ ծանրաբեռնված. Թորոսյան

Կորոնավիրուսի մեկօրյա վիճակագրությունն օր օրի աճում է. հաստատվել է 2354 նոր դեպք, գրանցվել՝ 38 մահ

Հայաստանը բռնցքամարտի Եվրոպայի երիտասարդների առաջնության 2 չեմպիոն ունի (տեսանյութեր)

Առողջապահության նախարարն ու տեղակալն այցելել են քովիդ կլինիկայի մանկաբարձագինեկոլոգիական բաժանմունք

20 հայ գերիների անհետացումների ու սպանությունների վերաբերյալ նոր գործեր են ներկայացվել ՄԻԵԴ

«Հանուն Հանրապետության» կուսակցությունը հաստատապես մասնակցելու է տեղական ընտրություններին․ Արման Բաբաջանյան

2 զինված ադրբեջանցիներ տարել են Կոռնիձորի բնակչին պատկանող 107 ոչխար և 5 այծ. ՄԻՊ

Հայաստանի հումանիտար առաքելության խմբի ականազերծած տարածքները հանձնվել են Հալեպի իշխանություններին

Հոլիվուդյան աստղերը տարիներ առաջ և այսօր. նրանց դեմ ժամանակն անզոր է (լուսանկարներ)

Կալանավորվել է ԲՀԿ-ական նախկին պատգամավոր Ջանիբեկ Հայրապետյանը

Հրդեհ Զանգակատուն գյուղում

ԿԽՄԿ-ն ջանքեր է գործադրում գերեվարված զինծառայողների և պատանդառված քաղաքացիական անձանց շուտափույթ վերադարձի համար