Բացի Ադրբեջանից, բոլորի հետ պատրաստ եմ համագործակցել․ Արայիկ Հարությունյան

Ունեցել ենք քաղաքականն շատ ակտիվ, բուռն ժամանակահատված, նաեւ՝ տարբեր գնահատականներ, վերջին օրն էլ՝ անհիմն մեղադրանքներ։ Այս մասին այսօր ասուլիսի ժամանակ հայտարարեց Արցախի նախագահի թեկնածու Արայիկ Հարությունյանը։

Նա անդրադարձավ միայն մի դեպքի, երբ Շուշիում մի կին նկարել էր իր քվեաթերթիկը։ Հարությունյանը շեշտեց, որ այդ կնոջը շատ վաղուց է ճանաչում եւ ափսոսում է, որ նրա նկատմամբ ոչ մարդկային վերաբերմունք են ցուցաբերել։ «Չեմ ուզում կրկնել նրա խոսքերը, այդ մարդուն ես կամ իմ թիմը կաշառելու որեւէ քայլ անելու անհրաժեշտություն չունեինք, քանի որ նա ինձ շատ հարազատ մարդ է»,- ասաց թեկնածուն՝ հավելելով, որ չգիտի՝ միամտորեն, թե մտածելով է կատարել կինն այդ քայլը։ Ըստ Հարությունյանի՝ իրենց փայլուն ընտրարշավը, ընտրությունները կասկածի տակ դնելն ինչ-որ մարդու նկարելու պատճառով արդար չէ։

Հիշեցնենք, որ երեկ Շուշիի 7/1 ընտրատարածքում միջադեպ էր գրանցվել. ընտրողներից մեկը քվեախցում իր ընտրությունը կատարելուց հետո նաեւ լուսանկարել էր իր քվեաթերթիկները։ Այդ մասին իմացել էին տեղամասում ներկա հանձնաժողովի անդամներն ու դիտորդները եւ պահանջել ջնջել լուսանկարները: Քվեաթերթիկները քվեարկված են եղել նախագահի թեկնածու Արայիկ Հարությունյանի եւ նրա ղեկավարած «Ազատ Հայրենիք» կուսակցության օգտին։

Միջադեպին արձագանքել էր Հարությունյանի մամուլի խոսնակ Վահրամ Պողոսյանը եւ այն սադրանք որակել: Նա նշել էր, որ միջադեպի հերոսը նախագահի թեկնածուներից մեկի շտաբի պետի մայրն է:

«Քարոզչության ամբողջ ժամանակահատվածում, դրանից առաջ էլ փորձել են թիրախավորել իմ կուսակցությանը, կուսակցության նախագահին, հետո արդեն՝ դաշինքին՝ փորձելով կասկածի տակ դնել ամբողջ պրոցեսը»,- ասաց նա՝ հավելելով, որ արդյունքներն այսօր արդեն պարզ են, եւ որ իր կարծիքով արդյունքների վրա որեւէ միջամտություն չի եղել։ «Բոլոր գյուղերում գիտեն՝ ով ինչպես է քվեարկել, այդ թվում՝ Ստեփանակերտում»,- պնդեց թեկնածուն։

Ըստ նրա՝ սկզբնական փուլում կասկածի տակ էին դնում ընտրությունները՝ պատճառաբանելով, որ կորոնավիրուսի պատճառով մասնակցողների թիվը քիչ է լինելու։ «Հետո տեսան հոսքը ու փորձեցին մեղադրել մեզ, որ ինչո՞ւ ենք կազմակերպում ընտրություններ։ Իհարկե, ընդունում եմ այդ դիտողությունը, որ կարող է վտանգ լինել, բայց ես նշել եմ, որ եթե իշխանությունները հայտարարեին, որ անհնարին է պահպանել մեր հայրենակիցների առողջության հետ կապված պահանջները, ապա մենք առաջինն ենք լինելու՝ ողջունելու ընտրությունների հետաձգումը»,- հայտարարեց Հարությունյանը։

Թեկնածուի խոսքով՝ նա հենց սկզբից էլ գիտեր, որ երկրորդ փուլի անհրաժեշտություն է լինելու․ «Իմ վերջին հանդիպման ժամանակ ես հայտարարեցի, որ 1-1,5%-ի համար ենք պայքարելու»։ Նա հայտարարեց, որ որեւէ հանդիպումներ չի իրականացնելու երկրորդ փուլի ընթացքում, քարոզչական աշխատանք գուցե լինի՝ կախված ակտիվությունից։

Լրագրողներից մեկը նկատեց, որ Հարությունյանի գլխավորած ուժը ԱԺ-ի ընտրություններում մոտ 40% ձայն է հավաքել, ինչն էլ բավարար չէ կառավարություն կազմելու համար։ Հարցին, թե ո՞ւմ հետ է ցանկանում կոալիցիա կազմել, Հարությունյանը պատասխանեց՝ բոլորի։

«Ես չեմ ուզում հայտարարել առանձին անուններ, ժամանակին հայտարարել եմ, որ կոալիցիա կկազմեմ այն ուժերի հետ, որոնք կընդունեն օրակարգը»,- ասաց Հարությունյանը։ Նա ասաց, որ կա մի կարեւոր պայման․ Արցախի իշխանությունները պարտավոր են համագործակցել Հայաստանի իշխանության հետ։ Ըստ նրա՝ միայն մի հարցում կարող է լինել տարաձայնություն․ դա Արցախի խնդիրն է։ «Փառք Աստծո, այսօր որեւէ տարաձայնություն չկա մեր քաղաքական ուժի եւ Հայաստանի իշխանությունների դիրքորոշումներում»,- ասաց թեկնածուն։

Նա հայտարարեց՝ պատրաստ են համագործակցել այն ուժերի հետ, որոնք կգործեն այս պայմանների շրջանակում։ Հավելեց նաեւ, որ չի կարող այսքանից ավելի բան ասել, քանի որ դեռ չի հանդիպել որեւէ մեկի հետ։ «Արցախում ես հակառակորդ, թշնամի չունեմ։ Ես Մայիլյանի հետ ունեմ անցած ճանապարհ, հարեւաններ ենք։ Սամվել Բաբայանը եղել է մեր հրամանատարը, երբ ես ծառայում էի։ Թեկնածուներից 2-ը սանիկներս են․ ես, որ սկսեմ թվարկել՝ ում հետ ինչ հարաբերություններ ունեմ․․․  Բոլորի հետ ընկերներ ենք»,- ասաց Հարությունյանը՝ հավելելով, որ իր խնդրանքը մշտապես եղել է, որ հայաստանյան լրատվությունը չփորձի արհեստական սեպ խրել իրենց մեջ։ «Այսօր եթե մենք տրոհվենք, մենք կորցնում ենք շատ բան։ Աղետը դեռ գալիս է։ Եթե մինչեւ հուլիս, օգոստոս շարունակվի այս համաճարակը, ՀՀ-ն եւ Արցախը ունենալու են ծանր խնդիր։ Բացի Ադրբեջանից, բոլորի հետ պատրաստ եմ համագործակցել»,- ասաց թեկնածուն՝ հավելելով, որ Արցախն իր պարենային խնդիրը լուծել է. «Ինչպե՞ս եք պատկերացնում՝ Արցախի պահեստներում ցորենը լիքը լինի, Հայաստանում չլինի»։

Տպել
1502 դիտում

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ

Մայր Աթոռ Սուրբ Էջմիածնում նշվեց հայոց առաջին լուսավորիչների տոնը (լուսանկարներ)

ՏԿԵ նախարարը վերահաստատել է հայ–իրանական համագործակցությանն ուղղված հայկական կողմի պատրաստակամությունը

Երեկ 10-ից ավելի զինծառակողներ չեն գերեվարվել. Հայկական միասնական տեղեկատվական կենտրոնը հերքում է տարածված լուրերը

«Մշտապես զգացել ենք բարեկամ Ֆրանսիայի աջակցությունը». վարչապետն ընդունել է հումանիտար առաքելության պատվիրակությանը

Կալանավայրում վարչապետի հրաժարականը պահանջող Վահագն Վերմիշյանը դադարեցրել է հացադուլը

ՄԻԵԴ-ն Ադրբեջանից հայ գերիների մասին փաստաթղթավորված տեղեկություն է պահանջել

Մինչև մեր երեխաները չհասնեն տուն, ոչ մի սանտիմետր մեր հողից. Երևանում բողոքի ակցիա են անցկացրել արվեստագետները

Հայաստանը կարևորում է Ալբանիայի հետ համագործակցության զարգացումը.Նիկոլ Փաշինյանը շնորհավորական ուղերձ է հղել Էդի Ռամային

Վաղարշակ Հարությունյանը հանդիպել է ԿԽՄԿ ներկայացուցիչների հետ (լուսանկարներ)

2020թ. մարտից մինչև նոյեմբերի 1-ը ԱՆ-ն կորոնավիրուսի դեմ պայքարում ծախսել է 15.168.400.586 դրամ

Բարձր ենք գնահատում Ֆրանսիայի կողմից ցուցաբերված ցանկացած աջակցություն. Արսեն Թորոսյան

Տեղի կունենա ՀԱՊԿ անդամ երկրների արտաքին գործերի նախարարների խորհրդի նիստ