Լոռու մարզի Գյուլագարակ համայնքում աշնանացանը չի ծլել. սկսվել է հաշվառման գործընթաց (լուսանկարներ)

Լոռու մարզի Գյուլագարակ խոշորացված համայնքում աշնանացան ցորենի ցանքատարածությունների կեսից ավելին այդպես էլ չի ծլել եղանակային անբարենպաստ պայմանների պատճառով:

Խոշորացված համայնքի ղեկավար Մհեր Գեւորգյանը բնակավայրերի վարչական ղեկավարներին հանձնարարել է հաշվառել իրենց համայնքների ցորենի ցանքատարածությունները: Հաշվառումից հետո տվյալները հավանաբար կներկայացվեն մարզպետարան, որտեղից էլ՝ կառավարություն՝ աջակցություն ստանալու ակնկալիքով:

Գյուլագարակ խոշորացված համայնքի Վարդաբլուր բնակավայրի վարչական ղեկավար Ռուսլան Օհանյանը «Հայկական ժամանակ»-ի հետ զրույցում հայտնեց՝ սկզբնական շրջանում նկատել են, որ ցանքատարածությունները չեն ծլում, տեղեկացրել են մարզպետարան, որտեղից առաջարկել են սպասել եղանակաների տաքանալուն՝ վերջնական վիճակը տեսնելու համար: Եղանակները տաքացել են, իսկ ցանքատարածություններն այդպես էլ չեն ծլել. «Երկու օր առաջ համայնքապետարանում ժողով էր, խոշորացված համայնքի ղեկավարը առաջարկեց սկսել հաշվառման գործընթացը: Հիմա դեռ դիմումներն ենք վերցնում, թե որ դաշտում քանի հեկտար ցորեն կա ցանած: Որը որ չի ծլել, դիմումները կվերցնենք, համայնքապետարանում ստեղծված հանձնաժողովը տեղում կուսումնասիրի, կակտավորի, ու կդիմենք մարզպետարան»:

Վարդաբլուրում մոտ 450 հա աշնանացան է արվել, կեսից ավելին չի ծլել: Գյուղացիների մի մասը չծլած ցանքսերում վերացանքս է արել, մի մասն էլ կարտոֆիլ ու գարի է ցանել: Ինքը վարչական ղեկավարը եւս գարու վերացանքս է արել. «Երբ ցանեցինք, խոնավություն չկար, անձրեւ չկար, երբ հատիկը պետք է արդեն մեծանար ու ծլեր, ցուրտ արեց վնասվեց: 2017 թ.-ին ենք նման դեպք ունեցել, երբ 100 տոկոսով չէին ծլել: Այն ժամանակ հարկերի զիջման տեսքով փոխհատուցվեց գյուղացու վնասը»:

Վարչական ղեկավարն ասում է՝ այս պահին արդեն մոտ 80 դիմում է ստացել, բնակիչները շարունակում են համայնքապետարանում դիմումներ գրել. «Մարդիկ հողը վարել են, ցանել, տեխնիկա վարձակալել, մեծ վնասներ են կրել… բնակչի մեղքը այստեղ շատ քիչ է, պարզապես տարին էր անբարենպաստ»,- ասաց Ռուսլան Օհանյանը:

Իրավիճակը նույնն է նաեւ Կուրթան համայնքում: Վարչական ղեկավար Նարեկ Նալբանդյանը մեզ հետ զրույցում ասաց, որ շուրջ 400 հա աշնանացան է արվել: Այս պահին ելնելով ստացված դիմումների քանակից, կատարված ուսումնասիրություններից՝ մոտ 30 տոկոս ու ավելի չծլած ցանքս կա: Վերջնական թիվը, ըստ վարչական ղեկավարի, հայտնի կդառնա մոտ օրերս, երբ գյուղացիներից կստանան բոլոր դիմումներն ու ամբողջական ուսումնասիրություններ կանեն:

Խոշորացված համայքի կազմի մեջ մտնող բնակավայրերի բնակիչների հույսը կառավարությունն է, որտեղից աջակցություն են ակնկալում: Աջակցության տեսակ չեն մատնանշում, ասում են՝ ինչ էլ լինի, կարեւորը կարողանան դուրս գալ ստեղծված իրավիճակից:

Տպել
1444 դիտում

Red Wings ավիաընկերության այսօրվա Մոսկվա-Երևան չվերթը կիրականացվի ուշացումով

Մոսկվայի կենտրոնում ՀՀ քաղաքացու դի է հայտնաբերվել՝ ցանկապատից կախված վիճակում, խոշտանգված

«Ուշադրություն, խոսում է ՀՀ կառավարությունը, բոլորիդ կոչ ենք անում կրել դիմակներ». ոստիկանական մեքենաներն իրազեկում են

Էդմոն Մարուքյանը նշանակվել է ԵԽԽՎ համազեկուցող

Կապանի գործով մեղադրյալ Լեւոն Համբարձումյանը դատարանի որոշմամբ կալանավորվեց

Մարզերում 24 ժամով կասեցվել է հանրային սննդի մի շարք կետերի, այդ թվում՝ «ԳՆԹՈՒՆԻՔ»-ի գործունեությունը

Հայաստանում ուժգին երկրաշարժ չի գրանցվել. ԱԻՆ-ը հերքում է համացանցում շրջանառվող տեղեկությունը

ՄԻԵԴ-ը հրապարակել է Ռոբերտ Քոչարյանի գործով խորհրդատվական կարծիքը

Նարեկ գյուղից դեպի «Գյոլասոր» հատվածում փրկարարները գտել են մոլորված կնոջն ու նրա 3 երեխաներին

Մինչև համավարակի ավարտը Ռոբերտ Քոչարյանը կմնա «Իզմիրլյան» ԲԿ-ում

Շարունակվում են ՀՀ զբոսաշրջային ենթակառուցվածքների բարելավման աշխատանքները. հայտնում է էկոնոմիկայի նախարարությունը

Մահացել է ռեժիսոր Սամվել Գասպարովը. նա «Մոսկվան արցունքներին չի հավատում» ֆիլմի աստղ Նատալյա Վավիլովայի ամուսինն էր

Հայաստանը համերաշխություն է հայտնում Իսպանիային համավարակի դեմ պայքարում. Արմեն Սարգսյանը ցավակցել է Իսպանիայի թագավորին

Բարեկարգվում են Խոր Վիրապ վանքի ավտոկայանատեղին եւ հարակից տարածքները

Վճռաբեկ դատարանը բավարարել է Ախթալայի կամրջի վրա 2015թ. սպանության փորձի գործով դատախազության ներկայացրած բողոքը

Արմավիրի մարզի ընդհանուր իրավասության դատարանի նախագահը դատի է տվել Արման Բաբաջանյանին

Մայիսի 29-ի կեսօրից հետո շրջանների զգալի մասում սպասվում է կարճատեւ անձրեւ

ԱՄՆ-ի Մինեապոլիս քաղաքում ցուցարարներն այրել են ոստիկանության բաժանմունքի շենքը

Հայաստանում կա մոտ 432 հազար բնակարան, որոնց 64%-ի կադաստրային արժեքը 3 միլիոն դրամից ցածր է․ Թունյան

«Ձորակ» հոգեկան առողջության խնդիրներ ունեցող անձանց կենտրոնում մեկուսացված անձանց թեստերի պատասխանները բացասական են