«Սեդրակ Առուստամյանի մեղադրանքի հիմքում բացառապես փաստաթղթեր են». պաշտպանը ԱԱԾ հաղորդագրությունը չի մեկնաբանում

«Մուլտի Գրուպ Կոնցեռն» ՍՊ ընկերության տնօրեն Սեդրակ Առուստամյանի կալանավորման որոշումն այսօր բողոքարկվել է Վերաքննիչ դատարան:

Այս մասին «Հայկական ժամանակ»-ի հետ զրույցում ասաց Առուստամյանի պաշտպան Հովիկ Սուքիասյանը:

Հիշեցնենք՝ ապրիլի 23-ին Առուստամյանը ձերբակալվել էր, ինչից հետո նրան մեղադրանք էր առաջադրվել ՀՀ ՔՕ-ի 312-րդ հոդվածի 3-րդ մասով (առանձնապես խոշոր չափի կաշառք տալը) եւ 38-190-րդ հոդվածով (փողերի լվացման օժանդակությունը): Նախաքննական մարմինը միջնորդություն էր ներկայացվել դատարան կալանավորումը որպես խափանման միջոց ընտրելու համար: Միջնորդությանը զուգահեռ դատարանը նաեւ քննել էր պաշտպանի բողոքը՝ Առուստամյանի ձերբակալման որոշման դեմ: Արդյունքում, Առուստամյանը կալանավորվել էր, սակայն նրա ձերբակալումը ճանաչվել էր ոչ իրավաչափ:

Մեր զրույցում պաշտպան Հովիկ Սուքիասյանը մանրամասնեց, որ ձերբակալումը ոչ իրավաչափ ճանաչելով՝ դատարանը արձանագրել է, որ բացակայում էին ձերբակալման հիմքերն ու նպատակը. «Նրան հրավիրվել էին հարցաքննության վկայի կարգավիճակով եւ հենց այդ ժամանակ էլ ձերբակալել»: Ինչ վերաբերում է կալանավորման որոշմանը, դատարանը գտել է, որ ազատության մեջ գնալով՝ Առուստամյանը կխոչընդոտի գործի քննությանը եւ հնարավոր է՝ խուսափի վարույթն իրականացնող մարմնից:

Խոսելով նրան առաջադրված մեղադրանքից՝ պաշտպան Հովիկ Սուքիասյանը նշեց, որ Առուստամյանը մեղադրանքի շուրջ հարցաքննվել է եւ այն չի ընդունել: Ըստ պաշտպանի՝ մեղադրանքի հիմքում բացառապես փաստաթղթեր են. «Նա փոխառության երկու պայմանագիր է կնքել 2009 եւ 2011 թվականներին, մեղադրանքի հիմքում այդ պայմանագրերն են, դրանց ժամկետը երկարաձգելու համաձայնագրերը եւ բանկային փոխանցումները»: Թե ում հետ է կնքվել պայմանագիրը, պաշտպանը հրաժարվեց ասել, բայց նշեց՝ փոխառության գումարներն ու տոկոսները Առուստամյանին չեն վերադարձվել, եւ դրա հիման վրա է նախաքննական մարմինը ենթադրություն կատարել, թե փոխանցված գումարները ոչ թե փոխառություն են, այլ կաշառք. «Բայց կողմերի միջեւ փոխադարձ պայմանավորվածություն է եղել, այդ մարդիկ երբեք չեն ժխտել, որ այդ գումարները, տոկոսները տալու են, դա ընթացքի մեջ է, այսինքն՝ սպասվում է, որ վերադարձվեն, իսկ պայմանագրերը գործող, ուժի մեջ գտնվող պայմանագրեր են, որ մինչեւ այսօր իրավական ուժ ունեն»:

Մեր դիտարկմանը, որ ԱԱԾ այսօրվա հաղորդագրությունից պարզ է դառնում, որ գումարները փոխանցվել են Գագիկ Խաչատրյանին, պաշտպանն ասաց, որ բարոյական եւ մասնագիտական էթիկայից ելնելով՝ հաղորդագրությանը որեւէ մեկնաբանություն տալ չի կարող: Հարցին՝ ամեն դեպքում, Գագիկ Խաչատրյանի կամ նրա որդիների հետ առերեսումներ եղե՞լ են, պաշտպանը պատասխանեց. «Ես անուններ չեմ տալիս, բայց որեւէ մեկի հետ առերեսում չի եղել, եւ դատարան չի ներկայացվել մի ապացույց, որ այս դրվագով որեւէ մեկը քննվել է, մենք գործ ունենք բացառապես փոխառության պայմանագրերի, դրանք երկարաձգելու համաձայնագրերի եւ պայմանագրերով նախատեսված գումարների՝ բանկային փոխանցումների հետ, մնացածը իրենց վերլուծությունն է, հարցրեք իրենց»:

Թե արտասահմանյան ինչ ընկերությանն են փոխանցվել այդ գումարները, պաշտպանի խոսքով, իրենց չի առնչվում. «Կա փոխառության պայմանագիր, կողմերն են փոխառուն եւ փոխատուն. փոխատուն գումարը վճարում է այն կարգով, որով փոխառուն է ուզում, փոխառուն այս դեպքում ասել է՝ փոխանցեք այս հաշվիներին, նա էլ փոխանցել է»:

Հավելենք, որ, ԱԱԾ այսօրվա հաղորդագրության համաձայն, բացահայտվել է ՀՀ խոշոր հարկատուների ցանկում ընդգրկված կոնցեռնի գլխավոր տնօրենի կողմից ՊԵԿ նախկին նախագահի, ապա Ֆինանսների նախարարի պաշտոնը զբաղեցրած անձին առանձնապես խոշոր չափի՝ ավելի քան 22 միլիոն ԱՄՆ դոլար կաշառք տալու դեպք: Նշված ժամանակահատվածում այդ պաշտոններին եղել է Գագիկ Խաչատրյանը, իսկ ենթադրյալ կաշառքի գումարները, ըստ ԱԱԾ-ի, նրա որդիների նախաձեռնությամբ փոխանցվել են արտասահմանյան կազմակերպությունների հաշվեհամարներին:

Տպել
972 դիտում

Գյումրու ինֆեկցիոն հիվանդանոցում կորոնավիրուսով 47 հիվանդ է բուժվում. տնային ինքնամեկուսացման ցուցում ունի 304 քաղաքացի

ԱԱԾ տնօրեն Էդուարդ Մարտիրոսյանն այցելել է պետական սահմանը վերահսկող ուղեկալներ

Արտակարգ դրությամբ պայմանավորված, Լարսը բաց է միայն բեռնատարների համար

Կորոնավիրուսի հետ զուգահեռ ապրելու համար առաջնահերթ պետք է դրսևորել անհատական բարձր պատասխանատվություն. վարչապետ

Ոչ հերքում եմ, ոչ՝ չեմ հերքում, չեմ մեկնաբանում. Արթուր Վանեցյանը հրավիրվել է ՀՔԾ

Ռուբեն Հայրապետյանի որդին չի կալանավորվի. դատարանը մերժել է միջնորդությունը

Շիրակի մարզի 8 գյուղական բնակավայրում անօթևանների համար 55 բնակարան կկառուցվի

Ոստիկանությունը հորդորում է առաջիկա ոչ աշխատանքային օրերին զերծ մնալ մասսայական միջոցառումներից

Կորոնավիրուսի պատճառով հետաձգվել է Չեռնոգորիայի նախագահ Միլո Ջուկանովիչի ծրագրված պաշտոնական այցը Հայաստան

Կապանում ձերբակալված երրորդ քաղաքացին եւս ազատ արձակվեց. նրա ձերբակալումը ճանաչվել է ոչ իրավաչափ

Մայիսի 27-ին դեպի Երեւան 3 չվերթ կիրականացվի՝ Մինսկից, Դամասկոսից, Սանկտ-Պետերբուրգից

Հայաստանը NBA-ի մանկապատանեկան մրցաշար անցկացնելու բացառիկ հնարավորություն է ստացել

Ադրբեջանը շարունակում է հրադադարի խախտման փորձերը. Արարատ Միրզոյանը հեռախոսազրույց է ունեցել Գեորգի Ծերեթելիի հետ

Ախուրյանի ոստիկանները խուզարկությամբ մարիխուանա և կռփազենք են հայտանաբերել (տեսանյութ)

Սեյրան Օհանյանի պաշտպաններից մեկի մոտ կորոնավիրուս է հաստատվել, մյուսը թեստ է հանձնել. նիստը կհետաձգվի

Հանրային հեռուստաընկերությունում COVID-19-ով վարակման դեպք կա․ մեկնաբանները եթեր կմտնեն դիմակով

Կոչ եմ անում, խնդրում և հորդորում եմ. առաջիկա ազատ օրերին հավաքույթներ չկազմակերպել. վարչապետ (տեսանյութ)

Արցախի նախագահ Արայիկ Հարությունյանը համագործակցության հուշագիր է ստորագրել Սամվել Բաբայանի հետ

Դիլիջանի թունելի լուսավորությունն ամբողջությամբ վերականգնվել է

Այս վարակը կարգապահություն ու աչալրջություն է պահանջում. միշտ նկատի ունեցեք՝ գուցե արդեն վարակված եք