Թույլատրվել է դայակների գործունեությունը. առաջիկա շաբաթներին մանկապարտեզները փակ կմնան

Այսօրվանից վերագործարկվեցին տնտեսության մի շարք ոլորտներ ու թույլատրվեցին գործունեության գրեթե բոլոր տեսակները, սակայն շարունակում են փակ մնալ մանկապարտեզները: «Հայկական ժամանակ»-ը փորձեց ճշտել, թե ինչպես կարող են իրացնել իրենց աշխատելու եւ աշխատանքը պահելու իրավունքներն այն ծնողները, որ ունեն մանկահասակ երեխաներ:

«Արդեն թույլատրված է դայակների գործունեությունը»,- մեզ հետ զրույցում նշեց Պարետատան մամուլի խոսնակ Վահան Հունանյանը: Նրա խոսքով՝ մանկապարտեզների առումով այս պահին որոշված է, որ առաջիկա 2-3 շաբաթներին դեռ չեն աշխատի, սակայն կախված իրավիճակի զարգացումներից հընթացս կարող է այլ որոշում ընդունվել: «Մենք հետեւում ենք իրավիճակի զարգացումներին, անընդհատ քննարկումներ ենք ունենում՝ ըստ այդմ, որոշումներ ընդունում սահմանափակումների փոփոխությունների վերաբերյալ»,- ասաց նա:

Այն հարցին, թե գործատուն կարո՞ղ է պահանջել, որ ծնողն օգտվի դայակի ծառայությունից եւ վերադառնա աշխատանքի՝ Վահան Հունանյանը պատասխանեց. «Դայակների գործունեությունը թույլատրվել է՝ որպես իրավիճակը մեղմելու հավանական լուծում, սակայն պարտադրանքի մասին խոսք չկա»:

Աշխատանքի եւ սոցիալական հարցերի նախարարության մամուլի խոսնակ Սոնա Մարտիրոսյանը մեզ հետ զրույցում ընդգծեց, որ Ազգային Ժողովն ընդունել է Կառավարության կողմից առաջարկված Աշխատանքային օրենսգրքի փոփոխությունների նախագիծը, որով արգելվում է լուծարել մինչեւ 12 տարեկան երեխա ունեցող աշխատողի աշխատանքային պայմանագիրը, եթե արտակարգ դրության պայմաններում ուսումնական (այդ թվում՝ նախադպրոցական) հաստատությունների համար նախատեսված արձակուրդների՝ չպլանավորված տեղափոխման կամ չպլանավորված տրամադրման հետեւանքով նա չի ներկայացել կամ ուշացել է աշխատանքից:

Այսինքն՝ չնայած արտակարգ դրությունը կավարտվի մայիսի 14-ին (եթե նորից չերկարաձգվի), բայց օրենքի նշված դրույթները կգործեն մանկապարտեզները փակ մնալու այս ամբողջ ընթացքում:

«Այսինքն, օրինակ՝ այս դեպքում: Մենք հորդորել ենք գործատուներին երեխա ունեցող ծնողների բացակայությունը կամ ուշացումն այս օրերին համարել հարգելի եւ չհամարել աշխատանքից ազատելու պատճառ, քանի որ նախակրթարանները եւ կրթական հաստատությունները չեն գործում, ամեն ծնող չէ, որ ունի դայակի հնարավորություն, եւ գործատուն չի կարող պարտադրել աշխատողին»,- ասաց Մարտիրոսյանը:

Այն հարցին, թե արդյոք հորդորը կարող է պաշտպանել աշխատողին, որ աշխատանքից չհեռացվի կամ ստանա իր հերթական աշխատավարձը՝ Մարտիրոսյանը պատասխանեց. «Մասնավոր կառույցներում շատ իրավահարաբերություններ գործատու-աշխատող պայմանավորությունների վրա են թողնված՝ ելնելով նաեւ աշխատողների հետ ունեցած պայմանագրի դրույթներից: Այսինքն՝ մասնավորի համար հստակ ասել չենք կարող: Դա կախված է նրանից՝ ինչ պայմանագիր ունեն՝ քաղիրավական, աշխատանքի ընդունման: Այնուամենայնիվ, հորդորում ենք բոլոր գործատուներին՝ անգամ նրանց, ովքեր իրենց աշխատողների հետ կնքել են քաղիրավական պայմանագիր, որ այս պահին այս աշխատակիցների բացակայությունները կամ ուշացումները համարեն հարգելի եւ տույժ-տուտուգանքներ չկիրառեն: Մենք պայմանագրի լուծարման արգելքը սահմանել ենք, սակայն կան գործատուներ, որոնց որոշումներին չենք կարող միջամտել՝ ելնելով իրենց եւ աշխատողների պայմանագրի ձեւից»:

Հիշեցնենք, որ թեպետ ոչ աշխատողի մեղքով պարապուրդի համար նախատեսվում է, որ գործատուն կարող է չվճարել՝ ըստ իր հայեցողության, սակայն ոչ լրիվ աշխատանքային օրով աշխատանքի ներկայանալու դեպքում մինչեւ 12 տարեկան երեխա ունեցող աշխատող ծնողի աշխատավարձն ամբողջությամբ պահպանվում է, եթե աշխատանքային օրվա ընթացքում աշխատողը բացակայել է մինչեւ երկու ժամ: Աշխատանքային օրվա ընթացքում երկու ժամից ավելի բացակայելու, ինչպես նաեւ ամբողջ աշխատանքային օրը աշխատանքի չներկայանալու դեպքում աշխատանքը վարձատրվում է առնվազն փաստացի աշխատած ժամանակի կամ կատարված փաստացի աշխատանքին համապատասխան: Ըստ վիճկոմիտեի պաշտոնական տվյալների՝ մեր երկրում մանկապարտեզի սաները եւ մինչեւ 7-րդ դասարանի աշակերտները միասին մոտ 300 հազար հոգի են:

Նշենք նաեւ, որ արտակարգ դրության ռեժիմը Հայաստանում գործելու է մինչեւ մինչեւ մայիսի 14-ը, սակայն այսօրվանից վերացվել են սահմանափակումներն ազատ տեղաշարժի, մանրածախ եւ մեծածախ առեւտրի, մշակող արդյունաբերության ոլորտներում: Գործում են այն ռեստորանները, սրճարանները, բարերը, որոնք բացօթյա տարածք ունեն, բուսաբանական, կենդանաբանական այգիները եւ բնության հատուկ պահպանվող տարածքները, արգելոցները:

Տպել
11141 դիտում

ՍԴ մտնելու պատրվակով աղմուկ առաջացնել, ամեն գնով Քոչարյանի գործով որոշում կայացնել...ինչ սցենարներ կարող են լինել վաղը

Վարդենիսում կհիմնանորոգվի երաժշտական դպրոցը, կկառուցվի եւ կվերակառուցվի լուսավորվածության ցանցը, կասֆալտապատվի 10 փողոց

Հրապարակվել է առաջիկա օրերին կայանալիք չվերթների ցանկը

Հայտնի է Ֆրանսիայի նոր կառավարության կազմը. կան նորեկներ, վերանշանակումներ ու փոխադրումներ

«Առողջ եղիր»՝ հորդորում ու մաղթում են երեխաները գյուղերից

ԱԺ-ն հուլիսի 8-ին արտահերթ նիստ է հրավիրել

Բնակարանային գողություն Ավանում. հափշտակված դրամապանակում նախնական տվյալներով՝ 1307 դոլար և 40 հազար դրամ է եղել

Հիմնանորոգվում է Ծովակ համայնքի խմելու ջրատարի արտաքին ցանցը

Արթիկում 21-ամյա երիտասարդ է դանակահարվել. կասկածյալը տղայի մորաքրոջ 49-ամյա ամուսինն է (տեսանյութ)

Նոր դպրոցի համար կառուցվելիք վերգետնյա անցումը թթվածնի նման անհրաժեշտ է աշակերտներին

Պարենի անվտանգությունը առաջնային նշանակություն ունի. նախագահի հանդիպել է «Սյունիք Ֆուդ» ընկերության սեփականատիրոջը

ՀՀ նախկին վարչապետ Արմեն Դարբինյանը դատի է տվել Իոսիֆ Կուբատյանին

Պետությունը տրիաժ ծառայության համար ֆինանսավորում կտրամադրի «Գյումրի» ԲԿ-ին. կենտրոնում 15 մահճակալանոց մեկուսարան կա

Եթե անորոշությունները շարունակվեն, 3-րդ եռամսյակում բյուջեի եկամուտների մի փոքր ավելի մեծ նվազում կունենանք․ պատգամավոր

Կորոնավիրուսով վարակված բժիշկներն առողջացել, վերադարձել են. «Գյումրի» ԲԿ-ն վերսկսում է պլանային վիրահատությունները

Մահվան ելքով պատահարները նվազել են, իշխանության ներկայացուցչի նկատմամբ բռնություն գործադրելու դեպքերը՝ աճել

Լեռնակերտում կընդլայնվի լուսավորության ցանցը. 38 նոր լուսակետ կավելանա

Արարատի մարզպետը 2019-ին 15 մլն դրամից ավելի եկամուտ է ստացել․ նրա հայրը նոր մեքենա է գնել

Արցախում ցեմենտի արտադրության գործարան կկառուցվի

Երեւանի գործող մանկապարտեզների աշխատակիցները կստանան հավելավճարներ, մյուսները կվճարվեն 100%-ով