Դեբեդում 4-ամյա երեխայի խեղդվելուց հետո փակված մանկապարտեզը վաղվանից կգործի

Ալավերդի քաղաքի Սանահին կայարան թաղամասում գտնվող թիվ 3 մանկապարտեզը, որտեղից 4-ամյա երեխան ինքնուրույն դուրս էր եկել եւ Դեբեդ գետն ընկնելով՝ խեղդվել, վաղվանից կրկին սաներին կընդունի իր հարկի տակ: armtimes.com-ի հետ զրույցում այս մասին տեղեկացրեց Ալավերդու քաղաքապետի տեղակալ Արթուր Վարոսյանը՝ հավելելով, որ այսօր քաղաքապետարանի համապատասխան վարչության աշխատակիցն ու իրավաբանը կայցելեն կրթօջախ՝ հանձնման-ընդունման վերջին ստուգումներն իրականացնելու:

«Արդեն իսկ նոր դաստիարակ ունենք, ում վրա ժամանակավորապես նաեւ տնօրենի պարտականություններն են դրված: Նա մանկավարժական երկար տարիների փորձ ունեցող, քաղաքում հարգանք վայելող, միջին տարիքի կին է՝ Աննա Սաքանյանը: Սաքանյանը նախկինում էլ 10 տարուց ավելի դաստիարակ է աշխատել, այնուհետ տեղափոխվելէ  Ռուսաստան: Այժմ հետ է վերադարձել եւ մեր առաջարկով անցել աշխատանքի»,- նշեց Արթուր Վարոսյանը:

Ալավերդու փոխքաղաքապետը, սակայն ընդգծեց, որ Աննա Սաքանյանը չի ցանկանում վերջնականապես ստանձնել տնօրենի պարտականությունները՝ զգուշանալով վարչական աշխատանքի հնարավոր բարդություններից: «Բայց համաձայն է շարունակել դաստիարակի աշխատանքը, երբ նոր տնօրեն նշանակվի: Նա հոգով-սրտով դաստիարակ է, երեւի ուզում է իր մանկավարժական գործունեությունը շարունակել: Ինչ վերաբերում է նոր տնօրեն, ապա վերջինս պետք է նշանակվի ավագանու նիստից հետո: Չնայած որ ավագանու հաջորդ նիստը նշանակված է փետրվարի 27-ին, օրակարգում այդ հարցն ընդգրկված չէ: Բացի այդ, այս պահի դրությամբ հարմար թեկնածու, որպես այդպիսին, չկա: Իսկ մենք դժբախտ դեպքից հետո ուզում ենք լավագույնից լավագույնին գտնել»,- նշեց մեր զրուցակիցը:

Արթուր Վարոսյանը տեղեկացրեց, որ մանկապարտեզի սաների ծնողները դիմում են ներկայացրել Ալավերդու քաղաքապետարան՝ խնդրելով աշխատանքից չազատել նախկին տնօրենին եւ դաստիարակին, սակայն քաղաքապետը մերժել է վերջիններիս դիմումը:

Հիշեցնենք, որ փետրվարի 14-ին, Լոռու մարզի Ալավերդի քաղաքում ողբերգական դեպք էր տեղի ունեցել: Առավոտյան 10:00-ի սահմաններում 4-ամյա Ռոբերտ Դալլաքյանն ինքնուրույն դուրս էր եկել Սանահին կայարան թաղամասում գտնվող թիվ 3 մանկապարտեզից:

Ավելի ուշ, երեխայի մարմինը հայտնաբերել էին Դեբեդ գետում եւ մահացած վիճակում տեղափոխել Ալավերդի բժշկական կենտրոն: Դժբախտ դեպքի հաջորդ օրն իսկ մանկապարտեզի գործունեությունը ժամանակավորապես դադարեցվել էր: Կրթօջախի տնօրենն ազատման դիմում էր գրել, դաստիարակը՝ հեռացվել աշխատանքից: 

Տպել
6194 դիտում

«Տոնոյանը խոսում է նոր բարենպաստ դիրքերի զբաղեցման մասին, իսկ ադրբեջանցիները՝ 2 դիրքի կորստի և 17 հոգու մահվան մասին»

Դավիթ Տոնոյանը մշտական կապի մեջ է ԵԱՀԿ գործող նախագահի անձնական ներկայացուցիչ Անջեյ Կասպրշչիկի հետ

Խստորեն դատապարտում ենք ադրբեջանական զինված ուժերի կողմից Տավուշի մարզի ուղղությամբ հրադադարի խախտումները. ԱԳՆ

Հակառակորդի բոլոր փորձերը չեզոքացվում են, հայկական զինված ուժերը կորուստներ և վիրավորներ չունեն. ՊՆ խոսնակ

Կարևոր եմ համարում միջազգային համարժեք արձագանքը, այդ թվում ՀԱՊԿ–ի կողմից՝ ուղղված Ադրբեջանին․ Լիլիթ Մակունց

Հակառակորդը թանկարժեք թռչնակ էլ կորցրեց՝ ԱԹՍ. Արծրուն Հովհաննիսյան

Այս պահին Արցախի սահմանի ամբողջ երկայնքով հարաբերական հանգիստ է տիրում. Վահրամ Պողոսյան

Ադրբեջանական կողմը վերսկսել է հրետակոծել ՀՀ նույն դիրքի ուղղությամբ 82 մմ ականանետից և տանկից. ՊՆ

Հրապարակվել են ՀՀ ԶՈՒ կողմից սահմանին խոցված ադրբեջանական «ՈՒԱԶ»-ի լուսանկարները

Կորոնավիրուսն ու դրա դաշնակիցները

Փաստորեն մեր զինծառայողները շատ հմտորեն են ցավեցրել ադրբեջանցի զինծառայողներին. Շուշան Ստեփանյան

Պետություն-հասարակություն հարաբերությունների հիմնաքարը

Փրկարարները դադարեցրել են արդեն 3 օր կորած համարվող քաղաքացու որոնողական աշխատանքները

Նորմերի խախտման դեպքերով երեկվա դրությամբ կայացվել է 4372 կազմակերպության գործունեության դադարեցման որոշում

Շենգավիթ վարչական շրջանում վերահսկողություն է իրականացվել հանրային տրանսպորտում

Կուրթան համայնքի 5 բնակիչ սնկային թունավորմամբ տեղափոխվել է հիվանդանոց. 2-ի վիճակը ծանր է

Ադրբեջանի ՊՆ-ն հայտնում է 2 սպանվածի ու 5 վիրավորի մասին

Նուբարաշենի աղբավայրում hրդեհաշիջման աշխատանքները վերսկսվել են. աշխատանքներ են տարվում արդեն մի քանի օր

Ինչպես է բերման ենթարկվել «Վստրեչի ապեր»-ը. ոստիկանությունը տեսանյութ է հրապարակել

Շենգավիթ վարչական շրջանում խախտումներ են արձանագրվել միայն մեկ խանութում