Պաշտպանը միջնորդեց Ռոբերտ Քոչարյանին գրավի դիմաց ազատ արձակել կորոնավիրուսի հիմքով

Երեւանի ընդհանուր իրավասության դատարանի Շենգավիթի նստավայրում Ռոբերտ Քոչարյանի եւ մյուսների գործով այսօրվա դատական նիստին անձնական երաշխավորության միջնորդությունից բացի պաշտպանական կողմը ներկայացրեց նաեւ մեկ այլ միջնորդություն՝ կորոնավիրուսի հիմքով Քոչարյանին գրավի դիմաց ազատ արձակելու վերաբերյալ:

Մասնավորապես, պաշտպան Արամ Վարդեւանյանը հիշեցրեց, որ այս միջնորդությունը ներկայացրել է ապրիլի 17-ին, երբ դատավոր Աննա Դանիբեկյանը վերադարձել էր աշխատանքի, դեռեւս արձակուրդ չէր մեկնել, եւ հենց դա հաշվի առնելով էր այն ներկայացրել՝ անհապաղ քննության հույս ունենալով: Վարդեւանյանը շեշտեց, որ դեռեւս այդ օրվա դրությամբ՝ ապրիլի 17-ին, Հայաստանի Հանրապետությունում արձաանգրված էր կորոնավիրուսի վարակի հաստատված 1201 դեպք եւ, ցավալիորեն, 19 մահ: Նրա խոսքով՝ միայն այսօրվա՝ մայիսի 8-ի տվյալներով՝ մեկ օրում արձանագրվել է 145 նոր դեպք, վարակի ընդհանուր թիվը 3029 է, իսկ մահվան դեպքերը 42-ն են:

Պաշտպանը պարզաբանեց, որ այս ցուցանիշները հրապարակում է՝ ցույց տալու համար, թե ՀՀ-ում ինչ իրավիճակ է: Նա տեղեկացրեց, որ վերջրես Արդարադատության նախարարություն է դիմել՝ հետաքրքրվելով, թե ՔԿՀ-ներում 65 տարեկանից բարձր քանի կալանավոր կա, եւ առհասարակ քանի կալանավոր է թեստավորվել այս ընթացքում. «Իմ հարցմանն ի պատասխան՝ Արդարադատության նախարարությունից տեղեկացրել էին, որ 65-ից բարձր տարիքային խմբում գտնվող 8 կալանավոր կա, իսկ համակցված հիվանդություն ունեցող՝ նման 3 անձ: Հետաքրքիր էր այն, որ ապրիլի 28-ի դրությամբ արդեն 5 կալանավորված անձից վերցրել են կորոնավիրուսի վարակի թեստ, իսկ թեստ, ինչպես գիտենք, վերցնում են ախտանիշների առկայության դեպքում»: Վարդեւանյանը նշեց, որ այս ընթացքում եղել է մեկուսարանում եւ կարող է ասել, որ այնտեղ գոյություն չունի որեւէ նորմի պահպանում, որը սահմանվել է Առողջապահության նախարարության կողմից. «Այն, որ մենք հիմա դատական նիստ ենք անում, սա էլ է ռիսկային լուրջ հարց»,- ասաց նա:

Վարդեւանյանն ընդգծեց, որ հայտարարությամբ է հանդես եկել ՀՀ մարդու իրավուքների պաշտպանը՝ խորհուրդ տալով իրավապահ համակակարգին կիրառել այլընտրանքային խափանման միջոցներ: Դրանից բացի, նա շեշտեց, որ ՀՀ-ն, լինելով Եվրոպայի խորհրդի երկիր, պիտի ուշադրություն դարձնի նաեւ Մարդու իրավունքների հանձնակատարի հայտարարություններին եւ առաջարկություններին. «Իսկ Մարդու իրավունքների հանձնակատարը արձանագրել է, որ բոլոր դեպքերում, երբ խոսքը ռիսկային խմբում գտնվող անձանց մասին է, պետք է կիրառվի այլընտանքային խափանման միջոց, եւ խնդրում եմ ուշադրություն դարձրեք այն արտահայտությանը, որ դա պետք է կիրառվի առանց խտրականության»:

Պաշտպանը տեղեկացրեց, որ այս ընթացքում, երբ նիստերը չէին կայանում, այս հարցով ինքը դիմել է Գլխավոր դատախազին. «Գլխավոր դատախազը ոչ միայն ի պաշտոնե ղեկավարում է միասնական համակարգ դատախազությունը, այլ նաեւ սույն գործով մեղադրանքը պաշտպանող դատախազն է: Ներկայացնելով բժշկական գաղտնիք պարունակող տեղեկություններ եւ հղում տալով Խոշտանգումների կանխարգելման հայտնի զեկույցին, հղում տալով նաեւ ՀՀ առողջապահության նախարարի խորհրդականի, գլխավոր սրտաբան պրոֆեսոր Հայրապետյանի եզրակացությանը՝ խնդրել էի նախաձեռնել դատական նիստ, այսինքն՝ միանալ մեր գործողություններին՝ խափանման միջոցը փոխելու վերաբերյալ»: Պաշտպանն ասաց, որ դիմումին պատասխանել է մեղադրող դատախազ Պետրոս Պետրոսյանը՝ մի քանի էջ գրության վերջում եզրակացնելով, որ այդ ամենը կիրառելի չէ Ռոբերտ Քոչարյանի նկատմամբ. «Մինչդեռ Դատախազությունը գործընթաց է նախաձեռնել, սեփական նախաձեռնությամբ խափանման միջոց է փոխել, բայց Ռոբերտ Քոչարյանի դեպքում դա կիրառելի չէ: ԵԽ-ի հայտարարությունը, որ դա պիտի արվի առանց խտրականության, հենց այս իրավիճակների համար է»:

Պաշտպանն ընդգծեց, որ ՀՀ իրավակիրառ պրակտիկան բավականին օրինակելի գործողություններ է ձեռնարկել այս ժամանակահատվածում. «Հատկապես դատավոր Դավիթ Հարությունյանի նախագահությամբ մարտի 24-ի որոշմամբ դատարանը գործերից մեկով արձանագրել է խոչընդոտելու ռիսկի առկայություն, արձանագրել դա գրավով զսպելու հնարավորություն, եւ նաեւ կորոնավիրուսային վարակից ելնելով՝ գրավը կիրառել, մի քանի օր առաջ էլ այդ դատական ակտը Վերաքննիչ դատարանը թողեց ուժի մեջ»:

Պաշտպանի խոսքով՝ առկա է իսկապես վտանգավոր միջավայր, քանի որ կորոնավիրուսը պարզապես գրիպ չէ, այդ կարծիքը հայտնում է ոչ թե ինքը, այլ ՀՀ Կառավարությունը. «Արտակարգ դրություն հայտարարելու որոշման մեջ այն դիտարկվել է որպես սպառնալիք, հատկապես՝ 60 տարեկանից բարձր անձանց համար»: Որպես օրինակ՝ Վարդեւանյանը նշեց, որ մի քանի տարի առաջ Ֆրանսիայում ահաբեկչություն արած անձանց խափանման միջոցն անգամ այս ընթացքում փոխել են. «Եթե որեւէ մեկի մտքով կարող է անցնել, թե այս գործով պիտի լինի այն իրավիճակը, որը եղավ մեկ այլ հայտնի գործով, երբ անձի առողջական վիճակով պայմանավորված՝ Դատախազությունը նիստ նախաձեռնեց (հավանաբար նկատի ունի Մանվել Գրիգորյանի վերաբերյալ գործը-, խմբ.), այդպես չի լինելու, եւ ես վստահ եմ, որ նույնիսկ Դուք դա թույլ չեք տալու»,- դիմելով դատարանին՝ ասաց նա:

Շարունակելով ներկայացնել գրավի միջնորդությունը՝ Արամ Վարդեւանյանն անդրադարձ կատարեց 2019 թվականի աշնանը խափանման միջոցի վերաբերյալ քննարկված հարցերին. «Խափանման միջոցը փոխելու մեր միջնորդությունը սեպտեմբերին Դուք մերժել էիք՝ ի թիվս այլնի հաշվի առնելով նաեւ խոչընդոտելու ռիսկը՝ իրավացիորեն արձանագրելով նաեւ, որ թաքնվելու ռիսկի մասին խոսք լինել չի կարող: Հոկտեմբերին ընդունվեց ՍԴ 1480 որոշումը, որի հիմքով մենք դարձյալ ներկայացրինք գրավի վերաբերյալ միջնորդություն. ՍԴ-ն արձանագրել էր, որ խոչընդոտելու ռիսկը կարող էր զսպվել գրավով, եւ մենք հենց գրավի միջնորդություն էինք ներկայացրել, սակայն նոյեմբերին Դուք այն կրկին մերժեցիք՝ ներկայացնելով իրավական մի տրամաբանություն, որին մենք համաձայն չենք»: Վարդեւանյանի խոսքով՝ դատարանն արձանագրել էր, որ Քրեական դատավարության օրենսգիրքը չի նախատեսում կառուցակարգ գրավի գումարը պետական եկամուտ դարձնելու համար. «Ձեր այդ որոշման դեմ մեր բողոքի քննության ժամանակ մեր եւ Դատախազության ողջ բանավեճը ծավալվեց այդ հարցի շուրջ: Դատախազության դիրքորոշումը եւս այն էր, որ այդ գումարը չի կարող պետական եկամուտ դառնալ: Սակայն ապրիլի 14-ին ԱԺ-ն ընդունեց Քրեական դատավարության օրենսգրքում փոփոխություններ անելու փաթեթ, որով 143-րդ հոդվածում ամրագրվեց, որ գրավ կիրառվում է պատշաճ վարքագիծ ապահովելու ռիսկերից որեւէ մեկի դեպքում, եւ գումարը պետական եկամուտ է դարձվում: Սրանից ավելի էլ ի՞նչ պիտի լինի, որ գրավը այդպիսի ռիսկի նվազած պայմաններում ի զորու լինի ապահովելու անձի պատշաճ վարքագիծը: Պետական եկամուտ դարձնելու խնդիրն էր՝ դա էլ լուծվեց»:

Անդրադառնալով իրենց մեկ այլ միջնորդությանը՝ քրեական հետապնդումը դադարեցնելու վերաբերյալ, պաշտպանն ասաց, որ մարտի 3-ին, երբ այդ հարցի լուծումը հետաձգվեց, դատարանը բավականին հետաքրքիր դիրքորոշում հայտնեց. «Դուք գրեցիք, որ ենթադրյալ արարքների առնչությամբ անձի գործառութային անձեռմխելիության առկայության կամ բացակայության հանգամանքը կարող է պարզվել մեղադրանքի հիմքում դրված փաստերի ստուգման արդյունքում: Հետաքրքիրն այն է, որ երբ ես սեպտեմբեր ամսին միջնորդություն էի ներկայացրել գործառութային անձեռմխելիության հիմքով կալանավորումը վերացնելու վերաբերյալ, հիմքերից մեկը հենց այն էր, ինչ Դուք ասացիք մարտի 3-ին. այո՛, հնարավոր չէ պարզել Ռոբերտ Քոչարյանի գործառութային անձեռնմխելիությունը ամբողջությամբ հաղթահարված է թե ոչ, եւ այդ պարագայում չի կարող լինել կալանավորում»,- եզրափակեց նա՝ խնդրելով դատարանին թույլատրելի համարել գրավի կիրառումը՝ դրա ողջամիտ չափը թողնելով դատարանի հայեցողությանը:

Տպել
1311 դիտում

Մեկ ժամ առաջ ադրբեջանական զինված ուժերը կրակել են Երասխ համայնքի վրա, հրդեհվել է խոտի դեզը. Թաթոյան (տեսանյութ)

Մահացել է Վանո Սիրադեղյանը

Հենց ձեր միջոցով են խնդիրները վեր հանվում և լուծումներ ստանում. Գնել Սանոսյանը շնորհավերել է Հայ մամուլի օրը

930 ծանր, 222 ծայրահեղ ծանր պացիենտ կա, 89 մարդ միացված է թոքերի օդափոխման սարքին. խորհրդակցություն վարչապետի մոտ

Քասախ գյուղի տներից մեկում հետախուզվող է հայտնաբերվել

Աշխատանքային այցով Ալավերդիում են եղել Լոռու մարզպետն ու ԱԺ պատգամավոր Արեն Մկրտչյանը (լուսանկարներ)

Արգել գյուղի ցուցանակի մոտ մեքենան բախվել է մետաղյա սյանը. կա զոհ

«ԱստրաԶենեկայի» հիմքում շիմպանզեի ադենովիրուսն է, որը գենետիկորեն փոփոխվել է և չի կարող ինտեգրվել մարդու ԴՆԹ-ի մեջ. ԱԱԻ

Մաքսատանը պահվող մոմի արտադրության հումքը տրամադրվել է Մայր Աթոռին, բայց խնդիրը վերջնական լուծված չէ

Հայտնաբերվել է 14 խախտում, 2 մեքենա տեղափոխվել է պահպանվող տարածք. դիտարկվել է Շենգավիթի հանրային տրանսպորտը

Սպանություն Տավուշում. Վազաշենի անտառի առվակում տղամարդու դի է հայտնաբերվել

Առանձին շրջաններում սպասվում են անձրև և ամպրոպ. օդի ջերմաստիճանը կնվազի

Հրդեհ է բռնկվել Դալար գյուղի տներից մեկում

Շենգավիթ վարչական շրջանի սուպերմարկետներում հակահամաճարակային վերահսկողություն է անցկացվել

ՀՀ-ում լիցենզավորված է պալիատիվ բժշկական օգնություն և սպասարկում իրականացնող 30 բուժհաստատություն

12 բնակարան, 1 բնակելի տուն, 7 ավտոկայանատեղի. ինչ ունեցվածք ունի Հայկ Մարությանը

Վահագն Դավթյանը հնարավոր է՝ չմասնակցի Աշխարհի առաջնությանը. Տոկիոյում նրան մեկուսացրել են

Տեղեկությունները «պաշարված» դիրքերի և հրամանատարական դիտակետի մասին չեն համապատասխանում իրականությանը. ՊԲ

Տիգրան Արզաքանցյանը նշանակվել է «Ալյանս» կուսակցության Գերագույն խորհրդի նախագահ (տեսանյութ)

Տաշքենդի իրավապահների կողմից հետախուզվողը հայտնաբերվել է «Զվարթնոց» օդանավակայանում

Նախագահական նստավայրում տեղի է ունեցել դատավորների երդման արարողություն (տեսանյութ)

Դալար գյուղի 20-ամյա բնակիչը ձերբակալվել է՝ համագյուղացու սպանության կասկածանքով. ՔԿ

Ավարտվել է Իրանի Իսլամական Հանրապետության գլխավոր դատախազի եռօրյա այցը Հայաստան

Նոյեմբերյանի բնակիչը գողացել է Կողբի եկեղեցու գանձանակի գումարը

Հաղթանակ թաղամասի բնակիչը կալանավորվել է սպանության մեղադրանքով. ՔԿ

Արմեն Սարգսյանը պետական բարձր պարգև է հանձնել «Հրայր և Աննա Հովնանյան» հիմնադրամի նախագահ Էդել Հովնանյանին (տեսանյութ)

Քովիդի այս թվերի հետևում կանգնած են հակապատվաստումային քարոզիչները, կեղծ հավաստագիր վաճառող բուժաշխատողները. Դավոյան

Վաղը ՀՀ վեց մարզի 9 համայնքում կանցկացվեն ՏԻՄ ընտրություններ. այսօր լռության օր է

Հովտամեջում ևս 15 տուն ապահովվել է կանոնավոր ջրամատակարարմամբ

Ավան վարչական շենքի հարևանությամբ կգործի գյուղմթերքի տոնավաճառ

Ինձ ասում են՝ եկեղեցում ես ծառայում, դուրս ես գալիս ռինգ ու մենամարտում․ հարցազրույց եկեղեցում ծառայող բռնցքամարտիկի հետ

Խոշոր ավտովթար Երևանում. «Կամազը» կողաշրջվել և փակել է ճանապարհը

Վիրավոր զինվորների ապաքինումն ընթանում է առանց բարդության. Կամո Վարդանյանն այցելել է Ստեփանակերտի զինվորական հոսպիտալ

Հաստատվել է կորոնավիրուսի 1863 նոր դեպք. մեկ օրում 41 մարդ է մահացել

Դալարում 30-ամյա տղամարդ է սպանվել. ձերբակալվել է սպանվածի 20-ամյա համագյուղացին

Չեխիայի համար Հայաստանը տարածաշրջանում կարևոր գործընկեր է. Մարտինա Տաուբերովա

Երասխում երեկ բռնկված հրդեհը մարվել է

Ձերբակալվել է Արմավիրում դեղատների աշխատակիցների նկատմամբ ավազակային հարձակումները կատարած կինը. ՔԿ

Տարածվող տեղեկությունը՝ իբր գնդակոծվում են Արցախի Հարավ գյուղին հարակից դիրքերը, չի համապատասխանում իրականությանը. ՊԲ

Տեսչական մարմինը քննարկել է տեխնիկական անվտանգության ոլորտի կարգավորման խնդիրները