Կորոնավիրուսի դեմ պայքարում հաջողության բանաձեւ՝ «Իմ քայլը» խմբակցությունից, եւ ամեն դեպքում, Նոբելյան մրցանակ ԲՀԿ-ին

Ազգային ժողովում երեկ գրեթե բոլոր օրինագծերի շուրջ քննարկումները ընթացքում վերածվում էին կորոնավիրուսիային իրավիճակի վերլուծության եւ քաղաքական ուժերի կողմից միմյանց ուղղված փոխհրաձգությունների:

Դահլիճում հրաձգության հիմնական կողմերը «Բարգավաճ Հայաստան» ու «Իմ քայլ»-ը խմբակցություններն էին: Ամեն ինչ սկսվեց ԲՀԿ-ական պատգամավոր Միքայել Մելքումյանի ելույթից: Հայաստաննում ստեղծված իրավիճակը մուգ գույներով ներկայացնելուց հետո նա ԱԺ նախագահին կոչ արեց խմբակցություններին արտահերթ քննարկման հրավիրել:

«Մենք գտնվում ենք վատատեսական սցենարի մեջ եւ եթե վատատեսական սցենարի մեջ ենք, պառլամենտը պետք է արտահերթ հավաքվի, քննարկի, փակ ենք անում, բաց ենք անում, պիտի քննարկենք` պատախանատվության ինստիտուտ կա՞, թե՞ չկա: Ես ուզում եմ պարզ հարցադրում անել՝ արդյոք բոլոր նախարարներն իրենց ֆունկցիաները կատարո՞ւմ են գերազանց: Եթե գերազանց են կատարում, ուրեմն սցենարն է սխալ, եթե բացթողումներ ունեն, դրանց պատասխանատվության հարցը քննարկենք»,- հայտարարեց Մելքումյանը եւ ընդգծեց` հիմա պատասխանատվության ժամանակն է:

Պատգամավորի կարծիքով՝ կառավարման հակաճգնաժամային համակարգը  պետք է վերանայել, կոնկրետ, հրատապ քայլեր կատարել:

«Հիմա ես ԱԺ նախագահին դիմում եմ, որ հրատապ բոլոր խմբակցություններից խորհրդակցություն հրավիրի, կանչենք գործադիրին, հասկանանք ով ինչ չի անում, վերջապես պետք է խառնվենք այս գործերին»,- իրեն հատուկ գործնական տոնով ասաց Մելքումյանը:

Նրան հետեւեց նույն խմբակցությունից Նաիրա Զոհրաբյանը՝ էլ ավելի մգեցնելով գույները: «Մենք նկատում ենք վտանգավոր մի տենդենց, շատ անազնիվ մի տենդենց, որ ամբողջ պատասխանատվությունը գցում են քաղաքացու վրա»,- սկսեց Զոհրաբյանը եւ նկատի ունենալով վարչապետի խոսքը՝ շարունակեց.

«Այո՛ քաղաքացին պարտավոր է լինել օրինապահ, այո՛ քաղաքացին պարտավոր է հետեւել կանոններին, բայց մի հատ եկեք հասկանանք՝ ի՞նչ են արել համաճարակի համար պատասխանատու կառույցները, որ այսօր չխոսեն սպեցնազի մասին, դուբինկաներով առողջությունը պարտադրելու մասին: Ստեղծվել է մի իրավիճակ, երբ որ մենք կանգնած ենք կատարյալ անպատասխանատու, քաոտիկ իրավիճակի եզրին: Եվ հիմա ոչ թե պիտի մեղավորներ փնտրել, այլ կառավարությունը պիտի իր ռեսուրսները մոբիլիզացնի»:

ԱԺ փոխխոսնակ Ալեն Սիմոնյանն ասաց, թե արդար չէ ասել, որ Կառավարությունը մեղքը գցում է քաղաքացիների վրա, երբ այդ Կառավարությունը իրեն ժողովրդի մի մասն է համարում:

«Այո պատերազմ է, եւ մենք միասնական ձեւով պետք է պաշտպանենք ՀՀ քաղաքացիներին՝ օրինակ ծառայելով»,- ընդգծեց նա:

Իր մեկ այլ ելույթում Սիմոնյանը դիմեց ՀՀ քաղաքացիներին. «Կորոնավիրուսի հարցում, սահմանադրական փոփոխությունների հարցում մենք պետք է մեր խաչը տանենք, մենք որեւիցե մեկի վրա պետք է հույս չդնենք»:

«Իմ քայլ»-ից Արման Եղոյանը Նաիրա Զոհրաբյանի ելույթը վարչապետի ուղիղ եթերում ասված խոսքի աղավաղում համարեց եւ ԲՀԿ-ին խորհուրդ տվեց մի պահ վերադառնալ 5 տարի առաջվա Հայաստան.

«Եկեք պատկերացնենք Սերժի ժամանակներն ա, խնդրում եմ ձեզ պահեք Սերժի ժամանակների պետականամետության կոնցեպտի ներքո: Խնդրում եմ չօգտագործել համավարակը՝ այլ թաքնված քաղաքական հոսանքներ այստեղ տանելու համար»,- նկատեց պատգամավորը:

Գեւորգ Պապոյանը վարչապետի ելույթի կոնկրետ հատված ընթերցեց՝ ցույց տալու համար, որ Զոհրաբյանը խեղաթյուրում էր վարչապետի «լայվի» ողջ միտքը.

«Ես խոսքով, հաղորդակցությունով եմ ՀՀ վարչապետ դարձել: Հիմա պետք է սպեցնազը հանեմ եւ ծեծուջա՞րդ անեմ ժողովրդի մեջ, որ կարգուկանոնը պահպանեմ: Ես ո՞նց անեմ այդպիսի բան, ես սովոր չեմ: Ես հաղորդակցության ուրիշ կուլտուրայով եմ եկել, երբ որ մենք իրար հետ խոսելով եւ պայմանավորվելով ենք արել դա: …Հիմա սա ուզում ենք փոխարինել դուբինկաներով պարի հե՞տ: Սա պրոբլեմ է, սա իմը չէ, այսպես կարելի է վարվել հանցավոր շրջանակների հետ, սեփական ժողովրդի հետ ինչպե՞ս կարելի է այդպես վարվել»:

Ավարտելով մեջբերումը՝ Պապոյանն առաջարկեց հասկանալ, թե այդ խոսքից ինչպե՞ս կարելի է ենթադրել, որ վարչապետը վախեցնում է սպեցնազով, դուբինկաներով, կամ պատասխանատվությունը իր վրայից գցում է:

Անդրադառնալով ընդդիմադիրների մեկնաբանություններին, թե իրենք վաղուց էին զուշացրել այս ամենի մասին, իսկ Առողջապահության նախարարն ու իշխանության ներկայացուցիչները իրենց վերաբերմունքով մարդկանց դրդեցին անլուրջ վերաբերվել վիրուսին, «Իմ քայլ»-ից Ռուբեն Ռուբինյանն ասաց, որ համաճարակը ունենում է փուլեր, առաջին շաբաթը կարող է պահանջվել մի տեսակի միջոցառում, երկրորդ շաբաթը մի տեսակի, չորրորդ շաբաթը կարող է հայտնի դառնալ մի այնպիսի բան, որ այլ պահանջ լինի: Այնուհետեւ դիմելով ԲՀԿ-ականներին՝ Ռուբինյանը հավելեց.

«Եթե ուզում եք այնպես անենք, որ հաջողենք այս համաճարակի դեմ պայքարում, կարող եք սկսել ձեր խմբակցության պատգամավորից (նկատի ունի Գագիկ Ծառուկյանին-խմբ.) եւ փորձեք անել այնպես, որ դիմակ կրի»:

ԲՀԿ-ից Արման Աբովյանն արձագանքեց, թե բոլորը խոսում են Ծառուկյանի դիմակ չկրելու մասին, սակայն նա դահլիճում չէ, որովհետեւ դիմակ չի կրում: Այնուհետեւ անդրադարձավ Նաիրա Զոհրաբյանի խոսքին հաջորդած արձագանքներին.

«Տիկին Զոհրաբյանը էդ ի՞նչ տենց ասեց, որ բոլորը՝ տիկին Զոհրաբյանը սենց, տիկին Զոհրաբյանը նենց: Ընդհանուր կոնտեքստի մեջ տիկին Զոհրաբյանի դիրքորոշումը լիովին ճիշտ է»,- ասաց խմբակցության քարտուղարը:

Չնայած Աբովյանի արձագանքին՝ «Իմ քայլ»-ի ներկայացուցիչները շարունակեցին պնդել, որ իշխանություններն իրենց վրայից որեւէ պատասխանատվություն չեն գցում:

Միքայել Զոլյանն, օրինակ, անդրադառնալով Միքայել Մելքումյանի պնդումներին՝ ասաց, որ բոլորի պատասխանատվության ժամանակը գալու է, սակայն հիմա դեռ գործելու ժամանակն է:

«Երբ որ այս ամենը ավարտվի, Աստված տա շուտ լինի, մենք կքննարկենք, թե ով ոնց է գործել. Կառավարությունը ոնց է գործել, ընդդիմությունը ոնց է գործել, հանրային կարծիքի առաջնորդները ոնց են գործել, բիզնեսը ոնց է գործել, արդյոք օրինակ խոշոր բիզնեսը կատարե՞լ է իր սոցիալական պատասխանատվությունը, ցուցաբերե՞լ է համերաշխություն, պատրա՞ստ է եղել կրել որոշակի կորուստներ, որ աղքատ քաղաքացիները իրենց առողջությունը եւ կյանքը պահպանեն»,- նշեց նա:

«Իմ քայլ»-ի պատգամավորներից Տիգրան Կարապետյանն էլ ասաց, որ եթե ԲՀԿ-ի բոլոր խորհուրդները ճիշտ են եղել, ապա դրանք կարող են հավակնել նաեւ Նոբելյան մրցանակի, որովհետեւ այս շրջանում դեռ ոչ ոք չգիտի՝ կորոնավիրուսի հետ կապված ինչն է ճիշտ, ինչը սխալ:

Սուրեն Գրիգորյանը, որը թեեւ ԲՀԿ-ից չէ, սակայն կարծես թե գիտի՝ որն է կորոնավիրուսի հետ կապված պայքարում հաջողության բանաձեւը. նա համարում է, որ հաջողության բանաձեւը յուրաքանչյուրի պատասխանատվության մեջ է.

«Ինչո՞ւ ենք մենք համոզված, որ մեր հաջողության բանաձեւը յուրաքանչյուրիս պատասխանատվության մեջ է. մենք ունենք հաջողության պատմություն, դա 2018 թվականի ոչ բռնի, թավշյա հեղափոխությունն է»,- ասաց նա:

Պատգամավորը նշեց, որ չնայած տարիներ շարունակ ընդդիմության տարած պայքարին, սակայն 2018-ին հեղափոխությունը իրողություն դարձավ այն բանի շնորհիվ, որ բոլորը մեկ մարդու պես սկսեցին փողոց փակել, չտրվել սադրանքների, միասին գնալ Հանրապետության հրապարակ եւ հետ վերադառնալ տուն:

«Ես հավատում եմ՝ եթե մենք ինչպես 2018-ին բոլոր գործողությունները մեկ մարդու պես կատարենք հիմա, ուզում է կորոնավիրուս չլինի, ինչ ուզում է լինի, մենք չհաղթելու տարբերակ չունենք»,- եզրափակեց Գրիգորյանը:

Այս քննարկումն ավարտվեց Գայանե Աբրահամյանի ելույթով: Այս պատերազմական իրավիճակում ներքաղաքական անկայունություն հրահրելու փորձերը, այսպես կոչված ընդդիմադիր, իսկ իրականում՝ նախկին քրեաօլիգարխիկ եւ մերժված խմբակների կողմից վարչապետի հրաժարականի կոչերը, պատգամավորի համոզմամբ  քաղաքական սխալ կամ անհեթեթ հաշվարկ չէ, քաղաքական հայտ ներկայացնելու ֆալստարտ չէ, այլ պետության ու սեփական ժողովրդի դեմ գործելու վառ ապացույց է։

«Օրեցօր ակնհայտ է դառնում, որ մեր դեմ գործում են ուժեր, որոնց համար պետական ու հանրային շահը, պետական ու հասարակական անվտանգությունը ոչինչ է, իրենց անձնական, քաղաքական նկրտումների նկատմամբ եւ այս մարդիկ ոչնչի առաջ կանգ չեն առնելու։ Մենք այսօր ապրում ենք, մի իրականության մեջ, որտեղ նախկին վարչապետն է հեռահար խորհուրդներ տալիս Ալիեւին պատերազմ սկսելու նպատակահարմարության մասին»,- ասաց Աբրահամյանը:

«Իմ քայլ»-ի պատգամավորը համախմբման կոչ արեց ՀՀ քաղաքացիներին՝ հույս հայտնելով, որ չնայած համացանցից ու հեռուստաեթերից տարածվող ստին ու վախին, ժողովրդի բանականությունը հաղթելու է:

Տպել
4126 դիտում

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի

Մտածում էի՝ այստեղ միակ հնդիկն եմ լինելու. գրող Արջուն Կրիշնա Լալիի արկածները Հայաստանում (տեսանյութ)

15 օրվա ընթացքում վճարելու դեպքում տուգանքը կնվազի 30 տոկոսով․ երբ կսկի գործել համակարգը

ՀՀ-ն պատրաստ է Ադրբեջանի հետ արդեն համաձայնեցված սկզբունքների հիման վրա գնալ խաղաղության պայմանագրի անհապաղ ստորագրմանը

Որևէ մեկի դեմ ուղղված լինելու պնդումները անհիմն և արհեստածին են․ ԱԳՆ խոսնակը ՀՀ-ԱՄՆ-ԵՄ բարձր մակարդակով հանդիպման մասին

Իրավիճակը հասարակներից չէ, մինչև ապրիլի 5-ը վտանգն առկախված է, ներքին առումով ևս հանգիստ չէ. Հարություն Մկրտչյան

Վերանորոգված և արդիականացված «Մհեր Մկրտչյան» արտիստական թատրոնն իր դռները կբացի առաջնախաղով (տեսանյութ)

ՀՀ-ն կարևորում է ԵՄ դիտորդական առաքելության տեղակայումը Հայաստան-Ադրբեջան սահմանին․ Ալեն Սիմոնյանը՝ Անն-Լորանս Պետելին

13-ամյա թոռը պապին հայտնաբերել է կախված վիճակում

Մոսկվայում պայթյունի սպառնալիքի պատճառով տարհանվել է «Щука» առևտրի կենտրոնը (տեսանյութ)