Չիպավորման մասին խոսք չի եղել. գյումրեցի քահանան կնոջ մահվան մեջ մեղադրում է «Գյումրի» ԲԿ-ին

Հունիսի 15-ին կորոնավիրուսից մահացած գյումրեցի կնոջ ամուսինը հերքում է պնդումներն այն մասին, թե ինքն ու կինը երկու անգամ գրավոր հրաժարվել են թեստավորումից, հիվանդանոց տեղափոխվելուց:

Ամուսինը տեր Եզնիկ քահանա Գալստյանն է: ՀԺ-ի հետ զրույցում նա պնդեց, որ ո՛չ ինքը, ո՛չ կինը պոլիկլինիկայում ոչինչ ո՛չ գրել են, ո՛չ էլ՝ ստորագրել: Չիպավորման մասին, ըստ քահանայի, ընդհանրապես խոսակցություն չի եղել:

Քահանան կնոջ մահվան մեջ մեղադրում է «Գյումրի» ԲԿ մասնագետներին, նաև զուգահեռ ընդգծում է, որ պոլիկլինիկայում իրենց տեղյակ չեն պահել, թե կինը երկկողմանի թոքաբորբ է ունեցել: «Ուղղակի ասել են՝ թոքաբորբ ունի»,- նշեց Տեր Եզնիկը:

Մինչ կնոջ հիվանդանալը քահանան է հիվանդ եղել: «Մի երկու շաբաթ առաջ էր, ընտանիքով գնացել էինք Թոփառլի: Երեկոյան մի քիչ զով էր, զգացի, որ մրսեցի: Մտածեցի, որ սովորական մրսածություն էր: Թեյ խմեցի, հազի համար դեղ օգտագործեցի, տերաֆլյու օգտագործեցի, քացախով շփումներ արեցի: Մի օր եմ ունեցել ջերմություն, երևի՝ 37.2 կամ 37.3: Մի երկու շաբաթում լավացա, անցավ: Երրորդ շաբաթում կինս սկսեց թուլություն զգալ, հիվանդանալ, վատ զգալ: Որ սրտի վիրահատություն էր տարել, միշտ շունչը լավ չէր, ու մենք դիմեցինք մեր պոլիկլինիկա»,- պատմեց քահանան:

Ըստ քահանայի՝ իրենք պոլիկլինիկա են զանգել երեքշաբթի օրը՝ հունիսի 9-ին: Ընտանեկան բժիշկ Գոհար Խաչատրյանի հետ զրուցել են հեռախոսով: Բժիշկը նրանց պոլիկլինիկա է հրավիրել հինգշաբթի օրը, քանի որ, ըստ քահանայի, չորեքշաբթի այլ զբաղվածություն է ունեցել:

«Գնացինք հինգշաբթի, բժիշկը տեղում չէր, քույրին էր ուղարկել, քույրը եկավ, դիմավորեց: Ջերմություններս չափեցինք, ես չունեի, աղջիկս չուներ, Էմման (մահացած կինը) ուներ՝ 37.3: Էդ օրը թոքերը նկարեցին, բայց թեստավորում չեն առաջարկել՝ չնայած որ մարդն իր ոտով գնացել հասել էր: Չեն առաջարկել, չենք թեստավորվել: Բդի առաջարկեին Էմմային, որովհետև իրա վիճակը լավ չէր»:

Հաջորդ օրը, քահանայի պատմածով, ընտանեկան բժիշկը զանգի միջոցով տեղեկացրել է, որ քահանայի թոքերի ռենտգեն պատասխանը նորմալ է, աղջկա մոտ առկա են լավացման հետքեր միայն, իսկ կնոջ մոտ ախտորոշվել է թոքաբորբ: «Ասաց՝ թող գա թեստավորվի, հիվանդանոց պառկի: Ասացի, եթե թոքաբորբ է, նշանակումներն արեք, թող տանը ստանա: Ասացի՝ ինքը սրտի խնդիրներ ունի, բերեմ-տանիմ, հիվանդ էլ չլինի, ըդտեղ հիվանդանա, թող տունը բուժվի: Մի անգամ արդեն եղել էր նման դեպք: Անցյալ տարի ամառը սրտի վիրահատությունից հետո թոքաբորբ տարավ, նշանակումները տանն ընդունեց, անցավ, բայց էդ ժամանակ էլ բժշկուհին չասաց, որ Էմմայի մոտ երկկողմանի թոքաբորբ է»,- պատմեց քահանան:

Կնոջ հետ խորհրդակցել են, ամուսինը պատմել է, որ բժշկուհին առաջարկում է հիվանդանոցային բուժում: Էմման հրաժարվել է: «Դե, ինքը էս բոլոր լուրերը կնայեր, կլսեր, ինձ ասաց՝ չէ, ուզում ես տանես հիվանդանոց, ընձի քցես ձեռները, որ սպանե՞ն: Չեմ ուզե: Զանգեցի բժշկուհուն, ասացի՝ կինս համաձայն չէ, որ գնա հիվանդանոց, էդ թեստերը, որը սխալ է, տարբեր երկրներից գուկան, կարող է հենց վիրուսը թեստի մեջն է, բժիշկների համար ուրիշ թեստեր կան, քաղաքացիների համար՝ ուրիշ, դե, հազար բան էր լսել մարդը, սիրտն էլ կախ է, չի ուզե հիվանդանոց: Դեղերը նշանակի, տունը թող բուժվի: Ինքն էլ ասաց՝ լավ: Էս է եղել, ոչ մի չիպավորման մասին խոսակցություն»:

Բժշկուհին, ըստ Տեր Եզնիկ քահանա Գալստյանի, նշանակել է միջմկանային ընդունման տարբերակով կիրառվող Ցեֆտրիաքսիոն դեղամիջոց: 3-4 օր անց հասկացել են, որ օգուտ չի տվել դեղը, զանգել, բժշկուհուն տեղեկացրել են: Այնուհետ այլ դեղորայքային նշանակում է արվել կաթիլային ընդունման տարբերակով: Կնոջ վիճակը սկսել է ավելի ծանրանալ:

Երկուշաբթի օրը՝ հունիսի 15-ին, նա անձամբ է ամուսնուն ասել, որ զանգի շտապօգնություն: Եկել է ծառայությունը, առաջարկել տեղափոխել հիվանդանոց:

«Էդ պահին մեր պոլիկլինիկայից զանգեց բուժքույրը՝ Հասմիկը, ասաց՝ բերեք Էմմային թեստավորելու: Ես էլ բացատրեցի, որ շատ վատ է կինս, հնարավո՞ր է՝ դուք գաք, շտապօգնություն ենք կանչել, ասաց՝ մի կերպ բերեք: Ես էլ շտապօգնության բժշկին ասացի՝ հնարավոր է՝ տանեք պոլիկլինկա, թեստավորվի, նոր տանեք հիվանդանոց: Պատասխանեցին, որ՝ ոչ, իրենց երթուղուց շեղվելու իրավունք չունեն: Գնալու ենք ուղիղ հիվանդանոց:

Կինս իր ոտքով տնից իջել է աղջկաս հետ, նստել շտապօգնության մեքենան, ես էլ հետևներից մեքենայով գնացել եմ: Մինչև ես հասել եմ կնոջս արդեն ներս էին տարել, զանգել եմ տնօրենին, ասել, որ կնոջս բերել են ձեր մոտ, թոքաբորբ ունի, բուժումներ էր ստանում: Նա էլ, թե՝ ընչի ես բերել մեր մոտ, բերել ես, որ բժիշկներս վարակվին, մեռնի՞ն: Բժիշկ չի մնացել: Ասացի՝ ես չեմ բերել, օրենքն է բերել, շտապօգնությունն է բերել»,- պատմեց քահանան:

Ըստ նրա՝ վերջին անգամ, երբ հասցրել, խոսել է կնոջ հետ, իմացել է, որ կնոջ հետ լավ չեն վերաբերվել, կոպտորեն թեստավորել են: «Ասաց՝ էդ ինչ վայրենի էր, էդ ինչ բժիշկ էր: Կոկորդս քերեցին: Հետո կաթիլային են ուզեցել միացնել, չեն կարողացել երակ գտնեն: Քրքրել են, վերջը պարանոցից են միացրել: Կնոջս բացատրությունն եմ ասում: Փոխանակ բուժումը կազմակերպեն, ասում են՝ տար տուն թող մեռնի: Դա ասելո՞ւ բան է:

Կարող է տանեի ինֆեկցիոն՝ էլի մահանար, կարող է փրկվեր, Աստված գիտի, բայց, որ իրանք արագացրին մահը, դրա համար պատասխան են տալու Աստծուն: Ինքը էն վիճակում չէր, ինչ որ երկու ժամ հետո ասին՝ վատ է, կես ժամ հետո մահացավ, իրանք սպանեցին էդ կնոջը:

Հետո էլ, որ մահացել էր, ես եմ նասիլկի պոչից բռնել կատաֆալկի վարորդի հետ, դրել մեքենան, տարել դիահերձարան: Բա, որ կորոնավիրուսից մահացավ կինս, ոնց թողեցին, որ ես առանց հանդերձանքի մոտենայի: Բայց բերել, դրել էին առաջին հարկը, ի՞նչ անեի:

Ես, բոլոր վտանգներն անտեսելով, թաղում եմ արել, ժամերգություն եմ արել, մահամերձ հիվանդից հաղորդություն տվել և հատուցեցի կնոջս մահով»,- հայտարարեց քահանան:

«Գյումրի» ԲԿ տնօրեն Արմեն Իսահակյանը ՀԺ-ի հետ զրույցում նշեց, որ քահանայի կինն ընդունվել է, տարվել պալատ, ստացել անհրաժեշտ բուժօգնությունը: Կոշտ խոսակցություն եղել է: Իսահակյանը քահանային ասել է, թե ինչու է կնոջն առանց թեստովորելու բերել հասցրել հիվանդանոց՝ վտանգելով բուժանձնակազմին: Ես չեմ ասել՝ տարեք թող տունը մահանա, ասել եմ՝ ինչի համար եք համարյա մահացած մարդուն բերել, ու հիմա ես ինչ եմ անելու: Թող դիմեն դատարան, ես կասեմ՝ ինչ եմ ասել, արել: Չհասկացանք, իրանք 10 օր չեն նմուշառել, չեն տարել համապատասխան հիվանդանոց, մեղավորը մենք դուրս գա՞նք:

Ժամանակին պոլիկլինիկան ինչի համար ոստիկանությանը տեղյակ չի պահել, որ կորոնավիրուսի կասկածով քաղաքացի կա, որը հրաժարվում է թեստավորումից, կարող է վարակ տարածել: Ինչի համար չեն տեղեկացրել: Գնացեք հարցրեք»,- զայրացավ Արմեն Իսահակյանը:

Ինչո՞ւ պոլիկլինիկան միջոցներ ձեռք չի առել թեստավորումից և հոսպիտակացումից հրաժարվողի նկատմամբ: Պոլիկլինիկայի տնօրեն Հովհաննես Վարձելյանն ասաց՝ այդ մասին ուշ է իմացել: Բժշկուհին ի սկզբանե իրեն դեպքի մասին տեղյակ չի պահել: «Ես իմացել եմ էն ժամանակ, երբ հիվանդն արդեն հիվանդանոցում էր, զայրացած զանգել եմ բժշկուհուն, ասում եմ՝ գոնե գրավոր ունես, որ իրենք հրաժարվել են, ասում է՝ այո, քահանայի հետ նոր եմ խոսել, հիմա գալիս է, որ գրի»,- ասաց Վարձելյանը:

ՀԺ-ի ճշտող հարցին, այսինքն՝ տնօրենը վստահ չէ՝ կա, թե չկա թեստավորումից և հոսպիտալացումից գրավոր հրաժարվելու մասին գրությունը, Հովհաննես Վարձելյանն ասաց՝ անձամբ չի  տեսել: 

Այսօր թեստավորվել են և՛ Տեր Եզնիկ քահանա Գալստյանը, և՛ վերջինիս դուստրը:

Հիշեցնենք՝ երեկ տեղեկացրել էինք, որ Գյումրիում կորոնավիրուսից հունիսի 15-ին մահացած գյումրեցի կինը 2 անգամ հրաժարվել էր թեստավորվել: Նշվում էր, որ նա պնդել է, թե իրեն կչիպավորեն:

Տպել
24406 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում