ՌԴ-ում մեկնարկել է Սահմանադրության փոփոխությունների հանրաքվեն. Պուտինը կդառնա՞ ՌԴ ցմահ նախագահ

Ռուսաստանում այսօր մեկնարկել է  երկրի Սահմանադրության փոփոխությունների վիճահարույց հանրաքվեն:

Հիշեցնենք, ըստ ՌԴ գործող Սահմանադրության՝ երկրի ղեկավարը չի կարող նախագահել երկու անգամից ավելի: 

Մինչդեռ առաջակվող փոփոխությունների համաձայն, կզրոյացվեն Պուտինի նախորդ 2 նախագահական ժամկետները եւ վերջինս հնարավորություն կունենա կրկին առաջադրվել երկրի նախագահի պաշտոնում:

ՌԴ Կենտրոնական ընտրական հանձնաժողովի ղեկավար Էլլա Պամֆիլովան ավելի վաղ հայտնել է, որ ամբողջ երկրով մեկ բացվել է 96.500 տեղամաս: Մոսկվայի եւ Նիժեգորոդսկի շրջանի բնակիչների համար գործում է նաեւ էլեկտրոնային հեռավար քվեարկության տարբերակ, որը հասանելի է լինելու հունիսի 25-ից 30-ը:

Deutche Welle պարբերականն իր անդրադարձում նշում է, որ քվեարկության արդյունքում առաջարկվում է փոփոխության ենթարկել Սահմանադրության միաժամանակ 22 հոդված: Քաղաքացիները կարող են կողմ կամ դեմ քվեարկել միայն մայր օրենքի փոփոխության ամբողջական փաթեթի համար:

Մարտի 10-ին Սահմանադրության փոփոխություններին ՌԴ-ում հավանություն են տվել Պետդուման, Դաշնային խորհուրդը, շրջանների խորհրդարաններն ու Սահմանադրական դատարանը:

Առաջարկվող փոփոխություններով, 2 ժամկետ պաշտոնավարած նախագահի ժամկետների զրոյացվելուց հետո նա կարող է առաջադրվել նաեւ 2024 եւ 2030 թվականների նախագահական ընտրություններին՝ այդպիսով իշխանության մնալով մինչեւ 2036 թվականը:

Պուտինի պաշտոնավարման ժամկետի զրոյացմանն առնչվող փոփոխությունն առաջարկել է Պետդումայի պատգամավոր Վալենտինա Տերեշկովան, որը 1963 թվականին դարձել էր աշխարհում առաջին կին տիեզերագնացը:

Ընդդիմությունն ու ընդդիմության կողմնակիցները մեղադրում են 67-ամյա Պուտինին՝ ցմահ նախագահ լինելու ձգտումներ ունենալու մեջ:

Սահմանադրական բարեփոխումների հանրաքվեն լինելու է հուլիսի 1-ին, սակայն գործընթացն ընդգրկելու է ամբողջ շաբաթը՝ այսօրվանից սկսած: Սա նշանակում է, որ քաղաքացիներն իրենց քվեն կարող են փոխանցել 1 շաբաթվա ընթացքում ցանկացած հարմար ժամանակ՝ արդեն այսօրվանից: Անհրաժեշտ է լինելու միայն այցելել ընտրատեղամաս, որոնք բաց են լինելու այսօրվանից, մեկ շաբաթ շարունակ եւ թողնել սեփական քվեն, կամ էլ՝ դա անել էլեկտրոնային տարբերակով:  ԿԸՀ-ն հայտարարել է, որ կարելի է անգամ օգտվել տնային քվեարկության տարբերակից, երբ քաղաքացին քվեարկելու է տանը՝ քվեն փոխանցելով շրջիկ տեղամասին:

1 շաբաթ շարունակ իրականացվելիք քնեարկությունն ու դրա՝ նման հրապարակային ձեւաչափը կազմակերպված է, որպեսզի հնարավոր լինի հնարավորինս խուսափել մարդկային կուտակումներից եւ կորոնավիրուսի վարակի տարածումից:

ՌԴ ԿԸՀ նախագահ Էլլա Պամֆիլովան նշել է, որ յուրաքանչյուր ընտրական տեղամասում քվեարկելու հնարավորություն է ունենալու 1 ժամում ամենաշատը 8-12 մարդ, այսինքն՝ ամենաշատը մոտ 150 մարդ ամբողջ օրվա ընթացքում: Եթե ընտրատեղամասի ներսում կա քաղաքացի եւ արդեն իսկ քվեարկում է, այլ քաղաքացի չի կարողանալու մուտք գործել ընտրատեղամաս, մինչեւ չավարտվի նախորդի քվեարկությունը, սա արվում է դարձյալ անվտանգության նկատառումներից ելնելով: 

Ընտրական այս ձեւաչափը բազմաթիվ քննադատությունների թիրախում է հայտնվել: Ընդդիմախոսներն ու դիտորդական կազմակերպությունները նշում են, որ դիտորդների համար չափազանց բարդ ու անհասկանալի աշխատանք է նախատեսված: Խոսքը հիմնականում տնային քվեարկությունների մասին է, երբ քաղաքացին զանգելու է իր ընտրատեղամաս եւ նախանշված ժամին ներկայացուցիչները մոտենալու եւ արձանագրելու են քվեարկությունը: Այդ պարագայում դիտորդների համար բարդ է լինելու այցելել յուրաքանչյուր քաղաքացու տուն: Մեկշաբաթյա քվեարկությունը նաեւ ենթադրում է ընտրական հանձնաժողովների անդամների ու դիտորդական խմբերի մեծաթիվ քանակ, որովհետեւ սպասվում է մեծ ծավալի աշխատանք:

Հունիսի 8-ին ավելի քան 100 ընտրական հանձնաժողովների անդամներ բաց նամակ էին հրապարակել՝ պահանջելով կասեցնել հուլիսի 1-ի հանրաքվեն՝ իրենց կյանքը վտանգի չենթարկելու համար: Նամակում նրանք նշել են, որ ընտրությունները համաճարակի ժամանակահատվածում կազմակերպելը վտանգում է ոչ միայն իրենց, այլեւ իրենց ընտանիքների անդամների կյանքն ու առողջությունը: Ի պատասխան, ԿԸՀ նախագահը հայտնել է, որ կազմակերպչական առումով ընտրություններն ավելի անվտանգ են լինելու, քան սովորական խանութ գնալը:

Որքան էլ ՌԴ իշխանությունների ներկայացուցիչները պնդում են, որ այս ընտրությունները քաղաքական ենթատեքստ չունեն, այնուամենայնիվ, ըստ ընդդիմադիրների, այդ քվեարկությունից անձնական շահ ունի գործող նախագահը եւ իշխանական օղակների ներկայացուցիչներն էլ լծված են սահմանադրական փոփոխությունների օգտին քարոզ իրականացնելու գործին՝ օգտագործելով պետական միջոցներն ու պետական ԶԼՄ-ները:

Հավելենք, որ ՌԴ գործող նախագահ Վլադիմիր Պուտինը նախագահի պարտականությունների կատարմանն է անցել 1999 թվականի դեկտեմբերի 31-ին՝ Ելցինի վաղաժամ հեռացումից հետո: Վերջինս անձամբ է Պուտինին փոխանցել իր լիազորությունները՝ համայն ռուսիո Պատրիարքի օրհնությամբ: 2000 թվականի նախագահական ընտրություններում նա հաղթանակ տարավ՝ նախագահի պարտականությունների կատարողից դառնալով ՌԴ ընտրված նախագահ:

2004 թվականի մարտին նա վերընտրվել է նախագահի պաշտոնում երկրորդ անգամ, 2008 թվականին նա նախագահի լիազորությունները փոխանցեց այդ տարիներին ՌԴ վարչապետ Դմիտրի Մեդվեդեւին: 2012 թվականին կրկին ընտրվեց որպես երկրի նախագահ, այդ ժամանակ կատարված փոփոխություններով նախագահական ժամկետը երկարաձգվեց՝ 4 տարվա փոխարեն դառնալով 6 տարի: Չորրորդ անգամ Պուտինը ՌԴ նախագահ ընտրվեց 2018 թվականին:

Տպել
1583 դիտում

Ղարաբաղյան հակամարտության ռիսկերն անվերահսկելի են դառնում. սարսափելի տեսարանները չպետք է շարունակվեն. ԿԽՄԿ

Ժնևում այսօր նախատեսված հանդիպումը բանակցությունների ինչ-որ սկիզբ է կամ փորձ․ Էդմոն Մարուքյան

«Սմերչ» համալիրներից հրթիռակոծվում են Ստեփանակերտ, Շուշի և Մարտակերտ քաղաքները. կան տուժածներ

1 օրում կորոնավիրուսի 2383 նոր դեպք է հաստատվել. գրանցվել է մահվան 29 նոր դեպք

Ֆրեզնոյում խաղաղ ցույցի ընթացքում հայերը ենթարկվել են հարձակման. 2 հայ դանակահարվել է (տեսանյութ)

Ավագ լեյտենանտ Մկրտչյանը թշնամու 6 ԱԹՍ է ոչնչացրել. մեդալների ներկայացված մերօրյա նոր հերոսները

Ես չեմ խնդրել հայուհի լինել, ինձ պարզապես այդպիսի բախտ է վիճակվել․ Քարդաշյանը կիսվել է ծննդյան նվերով

Հրապարակվել է հայրենիքի պաշտպանության մարտերում նահատակված եւս 51 զինծառայողի անուն

Զոհրաբ Մնացականյանը հեռախոսազրույց է ունեցել ՄԹ Եվրոպական հարևանության և Ամերիկայի հարցերով մշտական քարտուղարի հետ

Թուրքական լիրան արժեզրկման նոր ռեկորդներ է թարմացնում

«Սմերչ»-ի հարվածից Ստեփանակերտում բնակելի տուն է ավերվել. տանտերը և հարևանը վիրավորումներ են ստացել (լուսանկարներ). ԱԻՊԾ

Հատկապես թեժ մարտեր են ընթանում Ասկերանի շրջանի Ավետարանոց, Սղնախ և Ակնաղբյուր հատվածում. Վահրամ Պողոսյան

ՀՕՊ ուժերը ոչնչացրել են թշնամական հերթական «Բայրաքթար» տիպի հարվածային անօդաչուն. ՊԲ

Կեսգիշերից հետո եւ առավոտյան «Սմերչ» համալիրներից հրթիռակոծության են ենթարկվել Ստեփանակերտն ու Շուշին. ՊԲ

Իտալիայի Չերքիարա դի Կալաբրիա քաղաքը ճանաչել է Արցախի Հանրապետության անկախությունը

Ֆրանսիայում ՀՀ դեսպանությունը խստորեն դատապարտում է հայ ցուցարարների դեմ ռասայական հողի վրա հարձակումը

Թող մեր զինվորները վստահ լինեն, որ այս պատերազմը մենք ենք հաղթելու, որովհետև իրենց թիկունքը շատ ամուր է. Արա Գևորգյան

Լեռնային Ղարաբաղում վերսկսված ցեղասպանություն՝ համավարակի ֆոնին. Forbes-ի անդրադարձը

Որն է ԼՂ հակամարտության լուծման իրանական պլանի էությունը. Արաքչին իր շրջայցը սկսել է Բաքվից

«Բարսելոնան» նախագահի նոր պաշտոնակատար ունի