Երևան
14 °C
Ադրբեջանի նախագահ Իլհամ Ալիեւը ադրբեջանական հեռուստաընկերություններին տված հարցազրույցում քննադատել է ԵԱՀԿ Մինսկի խմբի համանախագահներին՝ նրանց հայտարարությունները համարելով անհստակ, իսկ նրանց միջնորդությամբ բանակցությունները՝ անարդյունք:
Ալիեւին, ինչպես ակնհայտ է հարցազրույցից, բարկացրել է համանախագահների վերջին հայտարարությունը, որ հրապարակվեց Հայաստանի ու Ադրբեջանի արտգործնախարարների մասնակցությամբ տեսակոնֆերանսից հետո: Այդ հայտարարությունում, ինչպես հայտնի է, համանախագահները ընդգծել էին՝ հակամարտությունը ռազմական լուծում չունի: Եվ ահա, մատնելով իր վրդովմունքը այս ձեւակերպման մասին՝ Ալիեւը հարց է բարձրացնում՝ իսկ ո՞վ ասաց:
Երկրորդ ձեւակերպումը, որ Ալիեւին ակնհայտորեն դուր չի եկել այդ հայտարարությունում՝ ժողովուրդներին խաղաղության նախապատրաստման կոչն է եւ խաղաղությանը նպաստող մթնոլորտի պահպանման կարեւորության մասին հիշեցումը:
Ադրբեջանի նախագահը դժգոհ է նաեւ, որ համանախագահները չեն դատապարտել Արցախում տեղի ունեցած ընտրությունները եւ նախագահի երդմնակալության արարողությունը: Դժգոհության կամ ավելի ճիշտ՝ վախի մյուս պատճառը ՀՀ վարչապետի հետեւողականությունն է՝ Արցախը բանակցային սեղան վերադարձնելու հարցում:
Նրա այս հարցազրույցի գլխավոր նորությունը սակայն, Հայաստանի ներքաղաքական խնդիրներին անդրադարձն է (ՀՀ ներքին կյանքի մասին նա սկսել է խոսել միայն վերջերս): Այս անգամ նա Սերժ Սարգսյանին է վախկոտ անվանել:
Ադրբեջանի նախագահի վախերը մեր զրույցում բացահայտել է ԱԺ «Իմ քայլը» խմբակցության պատգամավոր, ԵԽԽՎ-ում Հայաստանի պատվիրակության անդամ, ադրբեջանագետ Տաթեւիկ Հայրապետյանը:
- Տիկին Հայրապետյան, Ադրբեջանի նախագահի քննադատություններն՝ ուղղված ԵԱՀԿ Մինսկի խմբին, ընդունելի՞ են ձեզ համար: Այսպիսի քննադատություններ Հայաստանում եւս հնչում են հանրության որոշ շերտերի կողմից, որոնք մտածում են, թե Ադրբեջանի սադրանքներին համանախագահները ավելի կոշտ պետք է արձագանքեն, քան արձագանքում են: Ըստ էության Ալիեւը եւս դժգոհում է կոշտության բացակայությունից, իհարկե արդեն իր իսկ շահերի կոնտեքստում:
- Անկեղծ ասած համաձայն չեմ այդ քննադատություններին՝ հատկապես Հայաստանի, Ադրբեջանի արտգործնախարարների մասնակցությամբ տեսակոնֆերանսից հետո ԵԱՀԿ Մինսկի խմբի վերջին համատեղ հայտարարության հետ կապված: Ես կարծում եմ՝ Ալիեւի դժգոհությունը պայմանավորված է նրանով, որ տարիներ շարունակ ինքն այդպես էլ չկարողացավ իր համար գերադասելի դրույթները միանշանակորեն առաջ մղել: Ալիեւը հարցնում է՝ իսկ ո՞վ է ասել, որ չենք կարող դիմել ռազմական գործողությունների: Այսինքն ինքը ի՞նչ՝ միջազգային կառույցներից կանաչ քա՞րտ է ակնկալում տարածաշրջանային պատերազմ հրահրելու համար, եւ դա չստանալով սկսում է բողոքե՞լ:
Հետո խոսում է երդմնակալության արարողության մասին եւ հարցնում, թե ինչու դա չի դատապարտվում. որովհետեւ հարգվում է ազգերի ինքնորոշման, ազատ ընտրության իրավունքը: Ինչո՞ւ պետք է Արցախում ընտրված իշխանության երդմնակալությունը դատապարտվի համանախագահների կողմից: Դժգոհության առիթ է տվել նաեւ այն, որ համանախագահները ընդգծել են՝ խնդիրը ռազմական լուծում չունի. ես կարծում եմ հենց սա է, որ նյարդայնացնում է պաշտոնական Բաքվին:
-Նույն հարցազրույցում Ալիեւը խոսում է նաեւ այն մասին, որ համանախագահները չեն քննադատում Հայաստանի վարչապետի՝ Արցախի հարցի լուծման ձեւաչափը փոխելու ջանքերը: Հավանաբար նա նկատի ունի Արցախը բանակցային սեղան վերադարձնելու ջանքերը:
- Ալիեւը շատ լավ գիտակցում է, որ ՀՀ վարչապետը շատ լեգիտիմ պահանջ է առաջ մղում: Եթե ի սկզբանե գործընթացը եռակողմ է սկսվել եւ հրադադարը եռակողմ է կնքվել, Ղարաբաղը ամբողջությամբ հակամարտության մաս է, ապա լեգիտիմ պահանջ է առաջ քաշվում. ո՞ւր է Ղարաբաղը բանակցային սեղանին, ո՞վ է արտահայտում Ղարաբաղի ձայնը բանակցային սեղանի մոտ, որովհետեւ Ղարաբաղում Հայաստանի իշխանություններին քվե չեն տալիս, իրենք ընտրում են իրենց իշխանություններին եւ այդ քվեն արտահայտողների տեղը բաց է մնացել բանակցային սեղանի մոտ: Ալիեւը սարսափում է հենց այս մտքից, թե որքան նպատակային ձեւով ՀՀ իշխանությունները առաջ են մղում այս հարցը եւ շարունակաբար խոսում այս մասին տարբեր միջազգային հարթակներում:
- Ի՞նչ կարող է հետեւել նրա այս քննադատություններին՝ մանավանդ որ հարց է բարձրացնում, թե ո՞վ ասաց, որ խնդիրը ռազմական լուծում չունի:
-Ես չեմ կարծում, որ Ալիեւը կգնա սադրիչ գործողությունների, որովհետեւ այդ ամբողջ ելույթի սկիզբը նվիրված էր կորոնավիրուսի համավարակին, եւ այն բարդ իրավիճակին, որ ստեղծվել է Ադրբեջանում: Այդ պայմաններում քիչ հավանական եմ համարում սադրիչ գործողությունները: Բայց ես կարող եմ մի բան նշել. Ալիեւը մշտապես փորձել է փոխել բանակցային ֆորմատը, բայց մենք նշել ենք եւ նշում ենք, որ բացի Մինսկի խմբի 3 համանախագահության ֆորմատից, այլ բանակցային ձեւաչափ մեզ համար ընդունելի չէ եւ մենք թույլ չենք տա հարցը տեղափոխել այլ հարթակներ: Դա Ադրբեջանի երազանքն է, բայց դա չի իրականանա:
- Այլ հարթակ ասելով ի՞նչ նկատի ունեք:
- Մասնավորապես, օրինակ, փորձեր են եղել տեղափոխել ՄԱԿ-ի հարթակ, փորձել լղոզել… Նույն Եվրոպայի խորհրդի խորհրդարանական վեհաժողովում երբ որ անդրադառնում էին արցախյան հարցին, մենք հստակ նշել ենք, որ սա այն տեղը չէ, որտեղ պետք է խոսվի բանակցային պրոցեսի մասին: Կա հստակ ֆորմատ, դա Մինսկի խումբն է եւ դա փոփոխության ենթակա չէ:
- Տասնամյակներ շարունակ նույն խնդիրը, նույն դժգոհությունները…Այս իրավիճակում, երբ բոլոր երկրների առաջնային խնդիրը ավելի շատ անտեսանելի թշնամին է՝ կորոնավիրուսը, ինչո՞ւ է Ալիեւը կրկին հիշել մեր մասին:
- Ես կարծում եմ ընդհանուր առմամբ տարածաշրջանային գործընթացներից է դժգոհ, նաեւ հեղափոխությունից հետո Հայաստանի ժողովրդավարական զարգացումները միանշանակ իրենց դերը խաղում են մեր երկրի իմիջի փոփոխության հարցում եւ այդ ֆոնին Ադրբեջանի հասարակության եւ իշխանության միջեւ գոյություն ունեցող անջրպետն ավելի է խորանում: Ներքաղաքական դժգոհությունների ֆոնին ինքը փորձում է ցույց տալ, թե տեսեք, ես իմ դժգոհությունն եմ արտահայտում եւ չեմ բացառում նաեւ խնդրի ռազմական լուծումը: Բայց սա նոր չէ, սա Ալիեւի տարիներ շարունակ առաջ քաշվող թեզի մի մասն է: Նորությունն այն է, որ վերջին շրջանի ելույթներում նա փորձում է խաղալ նաեւ Հայաստանի ներքաղաքական դաշտով: Սա նրա արդյունքն է, որ նա վախենում է ուժեղացող ժողովրդավարությունից, քանի որ մնում է դարի շատ քիչ բռնապետերից մեկը: Եվ բնականաբար, իր վախերը արտացոլվում են իր ելույթներում:
- Հավանաբար հենց այդ համատեքստում է նա անդրադարձել Սերժ Սարգսյանին:
- Շատ հետաքրքրական է, որ նա Սերժ Սարգսյանին, ով ժողովրդի ճնշման ներքո եւ անարյուն, ոչ բռնի, թավշյա հեղափոխությամբ հեռացել է իշխանությունից, դրա համար համարում է վախկոտ: Այսինքն ինքը կարծում է, որ իշխանությունը որպես բռնապետ երբեք չպետք է զիջել ժողովրդին: Իր քաջությունը ըստ էության կայանում է իշխանության ամեն գնով պահպանման մեջ եւ դա ասում է մի մարդ, ով իշխանությունը ժառանգել է հորից եւ արդեն ղեկավարում է երկիրը 17 տարի, անհեթեթության է հասնում դա:
- Տիկին Հայրապետյան, ըստ Ալիեւի՝ բանակցություններ հիմա ըստ էության չկան, տեսակոնֆերանսները չունեն նշանակություն, ընդամենը ցույց տալու համար են, որ Մինսկի խումբը գոյություն ունի: Սրա հետ ե՞ւս համաձայն չեք:
- Բնավ ոչ, որովհետեւ տեսակոնֆերանսը համավարակի արդյունք է, ոչ թե բնականոն գործընթացի: Այսքանով հանդերձ գործընթացը շարունակվում է, բնականաբար որոշ պրոցեսներ դանդաղում են, որոշ պայմանավորվածություններ միգուցե հետաձգվում են, ինչպես օրինակ լրագրողական հնարավոր փոխայցելությունները, բայց Ալիեւին մտահոգում է այն, որ համանախագահները շեշտում են՝ մթնոլորտի առողջացումը փոխվստահության մեխանիզմն է: Սրանք հայկական օրակարգի բաղկացուցիչ հարցեր են, եւ դառնում են միջազգային օրակարգի մաս: Ահա սա է բարկացնում Ալիեւին եւ նա չի ուզում նման խոսակցություններ վարել. ի՞նչ մթնոլորտի առողջացում, եթե ինքը քսենոֆոբիկ հանրություն է ձեւավորել իր ելույթներով: Ի՞նչ մթնոլորտի առողջացում, եթե նրանց հերոսը հային կացնահարած մարդասպանն է: Այսինքն այդ իրավիճակում Ադրբեջանը իհարկե պարտություն է կրում. Ալիեւը շատ լավ հասկանում է, թե որտեղ է տանում այդ պրոցեսը, որը շատ երկարատեւ է: Եթե խոսում ենք իրական խաղաղության ձեռքբերման հնարավորությունից, ապա այո, ժողովուրդները պետք է պատրաստ լինեն այդ խաղաղությանը եւ նաեւ Ադրբեջանի ժողովուրդը պետք է պատրաստ լինի: Իսկ ինքը Ադրբեջանի ժողովրդին տասնամյակներով պատրաստում է պատերազմի: Այս իրավիճակում նա բնականաբար պետք է քննադատի համանախագահների խաղաղության կոչերը:
- Ըստ ձեզ համանախագահները կարձագանքե՞ն:
- Դժվարանում եմ ասել, չգիտեմ որքանով դա նպատակահարմար կհամարվի, հատկապես որ նրանք բալանսավորված են եւ միշտ փորձում են հնարավորինս զգուշավոր լինել իրենց հայտարարություններում եւ իրավիճակը հավելյալ չսրեն:
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Ռեստորանում «Ջերմուկ»-ի շիշը կոտրվել է, ապակյա բեկորը վնասել է 32-ամյա երիտասարդի աչքը
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա
Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի
Ճամբարակի սննդի օբյեկտի գործունեության կասեցումը վերացվել է
Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները
Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել
Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը
Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը
Ինչ փոփոխություններ է արձանագրել տարադրամի շուկան մարտի 28-ին
Սերգեյ Նարիշկինը այց է կատարել Հյուսիսային Կորեա
Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել
«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան
Հայկ Մարությանը նոր կուսակցություն է հիմնում
ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան
Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից
Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ
Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է
Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը
Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա
Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի
Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել
Ինդոնեզական բանակը համալրվել է թուրքական տանկերով
Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին
Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան
Վրաց խորհրդարանականներն այցելել են Ծիծեռնակաբերդի հուշահամալիր
Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից
ՔԿԾ-ին անհրաժեշտ են վարորդներ. ովքեր և ինչպես կարող են դիմել
Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան
Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան
Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)
Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան
ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք
Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան
2 զոհ, 7 վիրավոր. վթար Մարգարա-Վանաձոր-Տաշիր ճանապարհին
© 2024 Հայկական ժամանակ