Վերաքննիչ դատարանը վերահաստատել է Ծառուկյանին մեղսագրվող արարքում հիմնավոր կասկածը. պաշտպանները հավանաբար կբողոքարկեն

Վերաքննիչ քրեական դատարանը, դատավոր Մխիթար Պապոյանի նախագահությամբ, հուլիսի 8-ին կայացրած որոշմամբ հաստատված է համարել հիմնավոր կասկածն առ այն, որ Գագիկ Ծառուկյանն առնչվում է իրեն մեղսագրվող արարքներին:

«Հայկական ժամանակ»-ի հարցին ի պատասխան՝ այս մասին ասաց գլխավոր դատախազի խորհրդական Գոռ Աբրահամյանը՝ հավելելով, որ դատարանն անդրադարձել է նաեւ քրեական գործի՝ քննչական ենթակայության հարցին եւ իրավաչափ է համարել դատախազության որոշումը՝ վարույթը ԱԱԾ քննչական դեպարտամենտի քննիչներին հանձնելու մասին: Նշենք, որ պաշտպանական կողմը այն դիրքորոշմանն է, որ այս քրեական գործը պետք է քննվեր ոչ թե ԱԱԾ-ում, այլ ՀՔԾ-ում:

Գագիկ Ծառուկյանը մեղադրվում է ՀՀ քրեական օրենսգրքի 154.2-րդ հոդվածի 2-րդ մասով՝ ընտրողին անձամբ կամ միջնորդի միջոցով ընտրողի կամ այլ անձի համար կաշառք տալու համար, եւ առաջադրված մեղադրանքը քաղաքական հետապնդում է որակում: Հունիսի 21-ին Երեւան քաղաքի ընդհանուր իրավասության դատարանը դատավոր Ռոբերտ Պապոյանի նախագահությամբ, մերժել էր նրան կալանավորելու միջնորդությունը՝ դարձյալ արձանագրելով, որ առկա է հիմնավոր կասկած, որ նա կատարել է իրեն մեղսագրվող արարքները: Դատարանի որոշումը բողոքարկել էին երկու կողմերն էլ: Մասնավորապես, դատախազությունը վերաքննիչ բողոք էր ներկայացրել կալանավորման հիմքերի բացակայության դեմ՝ խնդրելով բեկանել դատարանի որոշումը եւ կալանավորել Ծառուկյանին: Հուլիսի 8-ին արդեն վերաքննիչ դատարանը մասնակի էր բավարարել դատախազության բողոքը. առաջին ատյանի դատարանի որոշումը բեկանվել էր, սակայն Ծառուկյանը չէր կալանավորվել, եւ գործը հետ էր ուղարկվել նոր կազմով նոր քննության:

Մեր զրույցում գլխավոր դատախազի խորհրդական Գոռ Աբրահամյանն ասաց, որ վերաքննիչ դատարանի որոշումը ստացել են եւ ուսումնասիրել դրա հիմնավորումներն ու պատճառաբանությունները: Աբրահամյանի խոսքով՝ ներկայումս որոշման վերաբերյալ վճռաբեկ բողոք է պատրաստվում. «Վերաքննիչ դատարանը, բեկանելով հանդերձ առաջին ատյանի դատարանի որոշումը, չի բավարարել Գ. Ծառուկյանի նկատմամբ կալանքը որպես խափանման միջոց կիրառելու դատախազության միջնորդությունը, այլ ուղարկել է առաջին ատյանի դատարան՝ նոր քննության: Մեր դիրքորոշումն այն է, որ ամրագրելով հանդերձ, որ առաջին ատյանի դատարանը պատշաճ չի գնահատել կալանքը որպես խափանման միջոց կիրառելու հիմքերի առկայության վերաբերյալ վարույթն իրականացնող մարմնի ներկայացրած հիմնավորումները, ինքը կարող էր դա անել եւ որոշում կայացնել: Դրանով է հիմնականում պայմանավորված Վճռաբեկ բողոք ներկայացնելու՝ դատախազության դիրքորոշումը»,- ասաց Աբրահամյանը:

Ինչ վերաբերում է պաշտպանական կողմի բողոքին, վերաքննիչ դատարանի որոշմամբ այն մերժվել է: Նշենք, որ պաշտպանները վերաքննիչ բողոք էին ներկայացրել առաջին ատյանի դատարանի որոշման դեմ նախ հիմնավոր կասկածը հաստատված համարելու մասով: Պաշտպանները նշել էին նաեւ, որ խուզարկություն իրականացնելու պահի դրությամբ հաղթահարված չի եղել Գագիկ Ծառուկյանի պատգամավորական անձեռնմխելիությունը, եւ որ խախտվել է նրա արդար դատաքննության իրավունքը, երբ կալանավորման միջնորդությունը դատավոր Պապոյանին էր մակագրվել ոչ թե համակարգչային եղանակով, այլ դատարանի նախագահի հայեցողությամբ:

Մեր զրույցում Գագիկ Ծառուկյանի պաշտպանական թիմի անդամ, փաստաբան Էմին Խաչատրյանն ասաց, որ վերաքննիչ դատարանի որոշումը ստացել են հուլիսի 27-ին, դեռ մակերեսային են ծանոթացել, ուստի դրա հիմնավորումների վերաբերյալ առայժմ մանրամասներ հայտնել չեն կարող: Պաշտպանը շեշտեց նաեւ, որ այն պարունակում է նախաքննական գաղտնիք, եւ դրա շուրջ դեռ պետք է պաշտպանական թիմի բոլոր անդամներով խորհրդակցեն:

Էմին Խաչատրյանի խոսքով՝ ամենայն հավանականությամբ որոշման դեմ վճռաբեկ բողոք կներկայացնեն. «Դատարանի պատճառաբանությունը կոնկրետ հանգամանքի է առնչվում, որը, մեր կարծիքով, իրավաչափ չէ, հանգամանքները չեմ կարող ներկայացնել, բայց եթե մերժել են մեր բողոքները, ըստ  էության, դատարանը մեր նշած պատճառաբանությունները արժանահավատ չի համարել»:

Ինչ վերաբերում է կալանավորման հիմքերին, Էմին Խաչատրյանի խոսքով՝ վերաքննիչ դատարանը ոչ թե նշել է, որ առաջին ատյանի դատարանը սխալ է վարվել՝ արձանագրելով, որ կալանավորման հիմքեր չկան, այլ ուղղակի պատճառաբանական հատվածի մի մասը ընդունելի չի համարել, այդ իսկ պատճառով էլ ուղարկել է հետ՝ նոր քննության:

Ըստ պաշտպանի՝ իրենց կողմից բարձրացված իրավական հարցեր կան, որոնց դատարանները չեն անդրադառնում՝ նշելով, որ տվյալ փուլում դա հնարավոր չէ, եւ գուցե հնարավոր լինի հետագայում՝ գործի ըստ էության քննության ժամանակ: Այդպիսի հարցերից է, օրինակ, պատգամավորի անձեռնմխելիությունը. Էմին Խաչատրյանի խոսքով՝ խուզարկություն կատարելու միջնորդության մեջ առկա են այնպիսի ձեւակերպումներ, որոնցով ակնհայտ է դառնում, որ այդ պահից է սկսվել Ծառուկյանի նկատմամբ քրեական հետապնդումը, իսկ այդ պայմաններում, ըստ նրա, դատարանը պիտի հաշվի առներ Սահմանադրությամբ երաշխավորված անձեռնմխելիությունը եւ մերժեր խուզարկության միջնորդությունը, քանի որ Ազգային ժողովի համաձայնությունը՝ պատգամավորի նկատմամբ քրեական հետապնդում իրականացնելու համար, դեռ չէր ստացվել:

Էմին Խաչատրյանը նշեց, որ իրենք բողոքարկել էին նաեւ խուզարկության թույլտվություն տալու մասին դատարանի որոշումը, սակայն վերաքննիչ դատարանը, դատավոր Ալեքսանդր Ազարյանի նախագահությամբ, այն եվս մերժել է. «Սակայն բողոքը մերժել է ոչ թե անհիմն լինելու հիմքով, այլ արձանագրելով, որ տվյալ փուլում դատարանի տրամադրության տակ առկա փաստաթղթերը բավարար չեն եւ հնարավորություն չեն ընձեռում եզրահանգումներ կատարելու համար»:

Մեր հարցին, թե գործնականում ինչպես են պատկերացնում նախքան խուզարկությունը դրա համար Ազգային ժողովի համաձայնությունը ստանալը, պաշտպանը պատասխանեց. «ԱԺ համաձայնությունը կարող են ստանալ ոչ խուզարկության համար, այլ քրեական հետապնդում սկսելու համար, իսկ եթե արդյունավետության մասին է խոսքը, որ անձը չպիտի իմանա, որ իր նկատմամբ քրեական հետապնդում է իրականացվում, ապա պարոն Ծառուկյանի՝ հունիսի 5-ի ելույթից հետո վարչապետի խոսնակը հայտարարություն արեց՝ ասելով, որ պարոն Ծառուկյանը երեւի մտահոգված է մի շարք քրեական գործերով, այդ թվում՝ ընտրակաշառքի, եթե այդպիսի արդյունավետության մասին ենք խոսում, ապա դա ապահովելը գործնականում անհնարին էր, իսկ զուտ տեսականորեն, օրինակ, դատավորի խուզարկության համար վարույթն իրականացնող մարմինը տեղեկացնում է ԲԴԽ-ին, ի՞նչ բարդություն կար, եթե ԱԺ նախագահին էլ տեղեկացնեին, որ այսինչ պատգամավորի տանը պատրաստվում են խուզարկություն իրականացնել»: Դիտարկմանը, որ նման օրենսդրական կարգավորում չկա, պաշտպանն արձագանքեց. «Եթե մի բան սահմանված չէ օրենքով, բայց արգելված չէ, ապա հնարավոր է կիրառել. չէ՞ որ այդ երկու անձեռնմխելիությունները, ըստ էության, հավասարազոր են»: Հարցին՝ եթե ԱԺ նախագահը տեղեկացված լիներ, այդ պարագայում պաշտպանական կողմը այն կարծիքին կլիներ, որ պատգամավորական անձեռնմխելիությունը հաղթահարվե՞լ է, պաշտպանը պատասխանեց հումորով. «Այդ դեպքում մեր լեզուն գոնե մի քիչ կարճ կլիներ»:

 

Տպել
4894 դիտում

42 hաջողակ կին գործարար 1 մլն դրամ կստանա. «Իմ քայլը» հիմնադրամն ամփոփել է հայտերի ուսումնասիրման աշխատանքը (տեսանյութ)

54 տարվա գարաժս հանին, բայց սիրտս չի ցավում. Շենգավիթ վարչական շրջանում հանգստի գոտիներ են շահագործվել (տեսանյութ)

Պետությունը լուծարած որոշ խմբակներ չեն կարող Հայաստանում հանդես գալ որպես խորհրդարան. Առաքելյանը՝ ԼՂ խմբակցություններին

Նոր էջ բացելու համար անհրաժեշտ է, որ Անկարան համարձակ քայլ անի, ընդունի միջազգային իրավունքի դրույթները. Հունաստանի ՊՆ

ՆԳ նախարարն ԱՄՆ պատվիրակության հետ այցելել է Պարեկային ծառայության և Օպերատիվ կառավարման կենտրոնի վարչական նոր համալիր

ԱՄՆ-ն Վրաստանին հրավիրել է մասնակցելու ՆԱՏՕ-ի գագաթնաժողովին

Նելլի Ղուլյանն ազատվել է Ազգային ժողովի նախագահի մամուլի քարտուղարի պաշտոնից

Մոսկվայի մարզի Ֆրյազինոյի ինստիտուտի հրդեհի զոհերի թիվն աճել է. բալոններ են պայթում (լուսանկարներ, տեսանյութ)

Տեղի կունենա Երևանի ավագանու նիստը․ ինչ հարցեր են օրակարգում

Արմավիրը տաք և ծաղկող քաղաք է. Աննա Հակոբյանը տեսանյութ է հրապարակել

Տարոն Մարգարյանը ԱԺ-ի աշխատավարձով է «ապրում». ում է պատկանում Ավանի նրա հայտնի առանձնատունը, ինչ է հայտարարագրվել

Թաղապետարանի խաչմերուկում մեքենաներ են բախվել, մեկը կողաշրջվել, հայտնվել է մայթին. կան վիրավորներ

Այսօրվա մայրամուտը. Գագիկ Սուրենյանը լուսանկար է հրապարակել

3200 հա ոռոգված տարածք՝ Հայաստանի ամենաբերրի հարթավայրում. ՀՀ-ում Ֆրանսիայի դեսպանն այցելել է Վեդիի ամբարտակ

ԿԸՀ նախագահի գլխավորած պատվիրակությունը հրավիրվել է Էստոնիա

Կենտրոնական բանկը UBPAY հայաստանյան և KWIKPAY արտասահմանյան համակարգերի համագործակցության թույլտվություն է տրամադրել

Վանաձոր-Ստեփանավան ճանապարհին մեքենաներ են բախվել. կա 1 զոհ, 5 վիրավոր

Հայաստանի բասկետբոլի հավաքականը՝ Լոս Անջելեսի միջազգային մրցաշարի հաղթող

Պետք է մեկտեղել ուժերն ընդհանուր գաղափարի շուրջ՝ ունենալու մարդու իրավունքների պաշտպանության ամուր համակարգ․ Մանասյան

Անհրաժեշտ է ՀՀ-Մեքսիկա գործարար նոր կապերի ստեղծման քայլեր ձեռնարկել. նախագահը ընդունել է Սան Լուիս Պոտոսիի նահանգապետին

Առկա է չօգտագործված ներուժ. Գևորգ Պապոյանը Մեքսիկայի պատվիրակությանը ներկայացրել է, թե որ ոլորտներն են հեռանկարային

Դաղստանում իրականացված ահաբեկչության զոհերի թիվը հասել է 20-ի

Արարատ Միրզոյանը հեռախոսազրույց է ունեցել Պաղեստինի Պետության ԱԳ նախարարի հետ

ԳՇ պետն այցելել է ՊՆ կենտրոնական հավաքակայան, զրուցել զորակոչիկների հետ, մաղթել անվտանգ ծառայություն

Մոսկվայի մարզի Ֆրյազինո քաղաքի «Պլատան» գիտահետազոտական ինստիտուտում հրդեհ է. կան զոհեր (տեսանյութ)

Մեկնել է 2024-ի Երևան-Բաթումի-Երևան առաջին գնացքը. ինչ չվացուցակ է գործում, ինչպես ձեռք բերել տոմսեր

«Իմ Քայլը» հիմնադրամում ծրագիր է ամփոփվել. վերապատրաստման դասընթաց անցած 3 զինծառայող համակարգիչ է ստացել (տեսանյութ)

Ոստիկանության մեկ ծառայող ազատվել է աշխատանքից, մյուսին խիստ նկատողություն է տրվել (տեսանյութ)

Հորբատեղ գյուղում սողանք է տեղի ունեցել, ճանապարհը փակվել է

Նախ բռունցքով, հետո մահակով ծանր մարմնական վնասվածք է պատճառել 2 եղբայրների. 1 անձի նկատմամբ քրհետապնդում է հարուցվել

Դաղստանում ահաբեկչությունից հետո եթե Ռուսաստանն օգնություն խնդրի՝ ՀԱՊԿ դաշնակիցներն անտարբեր չեն մնա. Տասմագամբետով

Բարձր կպահեն հայրենիքի ու հայ զինվորի պատիվը. զինծառայության են մեկնել Մարտունիի նորակոչիկները

Հոնկոնգի հատուկ վարչական շրջանի կառավարության հետ համաձայնագիր է ստորագրվել. ինչ է այն նախատեսում

Ավտովթարից հետո տեղի է ունեցել վիճաբանություն. դանակահարված 3 անձ է տեղափոխվել հիվանդանոցներ

Քաղաքական կամքի առկայության դեպքում Հայաստանը և Ադրբեջանը կարող են շատ շուտով ստորագրել խաղաղության համաձայնագիրը. Կլաար

Հայերն այստեղ ապրել են տասնյակ հազարավոր տարիներ. ԱՄՆ դիվանագիտության հատուկ ներկայացուցիչն այցելել է Սյունիք

2 կալանավոր է տեղափոխվել բժշկական կենտրոն. ինչ է տեղի ունեցել հացադուլավորների համար նախատեսված խցում

Զինվորական ծառայության են մեկնել Վանաձոր և Փամբակ համայնքների նորակոչիկները (լուսանկարներ)

Տղամարդը, խաբեությամբ ստանալով էլեկտրոնային դրամապանակների գաղտնաբառերը, 3 քաղաքացուց 2 մլն 500 հազար դրամ է հափշտակել

Կարևորվել է Հայաստան-Բրազիլիա համագործակցության զարգացումը. վարչապետն ընդունել է դեսպան Ֆաբիո Վազ Պիտալուգային