ԿԳՄՍ նախկին փոխնախարար Գեւորգ Լոռեցյանը կմնա կալանավորված․ դատարանը հիմնավոր է համարել նրա խափանման միջոցը

2 միլիոն դրամ կաշառք ստանալու մեջ մեղադրվող ԿԳՄՍ նախկին փոխնախարար Գեւորգ Լոռեցյանը կմնա կալանավորված․ Երեւանի ընդհանուր իրավասության դատարանը՝ դատավոր Արտուշ Գաբրիելյանի նախագահությամբ, քիչ առաջ հրապարակել է այս որոշումը՝ այդպիսով, հիմնավոր համարելով Լոռեցյանի նկատմամբ ընտրված խափանման միջոցը։

Դատարանը միաժամանակ մերժել է պաշտպանական կողմի գրավի միջնորդությունը․ Լոռեցյանի պաշտպան Լեւոն Սահակյանը միջնորդել էր նրան ազատ արձակել 1․5 միլիոն դրամ գրավի դիմաց։

Գեւորգ Լոռեցյանը կալանավորված է 2019 թվականի դեկտեմբեր ամսից։ Նրա եւ եւս երկու անձի վերաբերյալ քրեական գործով ԱԱԾ-ն նախորդ ամիս նախաքննության ավարտ հայտարարեց, եւ քրեական գործն ուղարկվեց դատարան՝ ըստ էության քննության։ Այսօր դատարանը նախնական նիստ էր հրավիրել՝ քննարկելու հենց Լոռեցյանի կալանավորման հիմնավոր լինել-չլինելու հարցը։ 

Դատավոր Արտուշ Գաբրիելյանը, սակայն, թույլ չտվեց լրագրողներին մասնակցել դատական նիստին․ նրա աշխատակազմից ասացին միայն, որ այս փուլում կալանավորման հարցը ենթակա է դռնփակ քննության։ Նշենք, սակայն, որ դատարան ուղարկված գործերի քննությունը, այդ թվում` խափանման միջոցի հիմնավորվածության վերաբերյալ, քննության են ենթակա դռնբաց ռեժիմով։ Մասնավորապես, Քրեական դատավարության օրենսգրքի 16-րդ հոդվածը սահմանում է դատական վարույթի հրապարակայնության սկզբունքը՝ նշելով, որ քրեական գործը դատարանում քննվում է դռնբաց նիստով՝ բացառությամբ այն դեպքերի, երբ քննվում են անձանց մասնավոր կյանքի, պատվի, արժանապատվության, անչափահասների, պետական անվտանգության եւ նմանատիպ այլ հարցեր։

Լրագրողների կողմից լուսաբանվել են խափանման միջոցի հիմնավոր լինել-չլինելու վերաբերյալ բազմաթիվ նիստեր, ինչպես, օրինակ, ՊԵԿ նախկին նախագահ Գագիկ Խաչատրյանի, նրա եղբորդորդու՝ Կարեն Խաչատրյանի կամ Ռոբերտ Քոչարյանի վերաբերյալ նիստերն էին։

Գեւորգ Լոռեցյանի պաշտպան Լեւոն Սահակյանը «Հայկական ժամանակ»-ի հետ զրույցում նշեց, որ նիստի սկզբում ինքը միջնորդել է, որ նիստն անցկացվի դռնբաց ռեժիմով, սակայն դատարանը միջնորդությունը մերժել է․ «Ես նման միջնորդություն ներկայացրի՝ հաշվի առնելով, որ նախաքննությունն ավարտված է, եւ որեւէ մեկը նախաքննական գաղտնիքով կաշկանդված չէ, ուստի անտրամաբանական է թեկուզ այդ հարցի քննությունը դռնփակ դատական նիստով իրականացնելը, բայց դատարանը որոշեց, որ ամեն դեպքում, դռնփակ պետք է իրականանա, եւ մենք, այնուամենայնիվ, առարկեցինք դատարանի գործողությունների դեմ՝ նշելով, որ նիստը դռնփակ անցկացնելը անհիմն սահմանափակում է պարոն Լոռեցյանի հրապարակային արդար դատաքննության իրավունքը»,- ասաց նա։

Դատական նիստի դռնբաց քննությանը կողմ էր նաեւ մեղադրող դատախազ Արթուր Մանուկյանը։

Նշենք, որ սա դատավոր Արտուշ Գաբրիելյանի կողմից լրագրողների իրավունքների խոչընդոտման առաջին դեպքը չէ․ լրագրողների իրավունքները խոչընդոտվել են, օրինակ, նաեւ առողջապահության նախկին փոխնախարար Արսեն Դավթյանի եւ «Հանրապետական ծննդատան» տնօրեն Ռազմիկ Աբրահամյանի գործով դատական նիստին, երբ դատարանը տեսանկարահանման եւ ձայնագրման արգելքը պահպանեց անձնական տվյալ պարունակող ապացույցների հրապարակման ավարտից հետո եւս։

Գեւորգ Լոռեցյանի եւ մյուսների վերաբերյալ քրեական գործով, հիշեցնենք, ամբաստանյալի կարգավիճակում է երեք անձ։  Լոռեցյանը մեղադրվում է «Լուառ» եւ «Էլիտ Սպրտ» առևտրային կազմակերպությունների սեփականատեր եւ գործադիր տնօրեն Հրաչիկ Քանանյանից առանձնապես խոշոր չափերով՝ 2․000․000 ՀՀ դրամ կաշառք պահանջելու մեջ։ Ըստ մեղադրական եզրակացության՝ դրա դիմաց նախարարը պետք է ապահովեր ընդհանուր հովանավորչություն, Քանանյանի ներկայացրած առևտրային կազմակերպությունների կողմից նախարարության կազմակերպած գնման գործընթացներին մասնակցություն եւ դրանցում հաղթելու դեպքում՝ մատակարարվող ապրանքներն ընդունելիս խոչընդոտներ չստեղծելու եւ հնարավոր խնդիրներից զերծ մնալու առավելություն։

Էդուարդ Հովհաննիսյանը, որ զբաղեցրել է ՀՀ ԿԳՄՍՆ վարորդի պաշտոնը եւ սպասարկել Գևորգ Լոռեցյանին, մեղադրվում է Լոռեցյանին տեղեկատվություն եւ միջոցներ տրամադրելու, ինչպես նաև խչընդոտները վերացնելու եղանակով առանձնապես խոշոր չափերով կաշառք պահանջելուն օժանդակելու համար։ Իսկ Հրաչիկ Քանանյանին մեղադրանք է առաջադրվել Գևորգ Լոռեցյանին առանձնապես խոշոր չափի կաշառք խոստանալու համար։ 

Գեւորգ Լոռեցյանն առաջադրված մեղադրանքը չի ընդունում։

Տպել
1623 դիտում

Նիկոլ Փաշինյանը շնորհավորական ուղերձ է հղել Իրանի Իսլամական Հանրապետության նորընտիր նախագահին

Երթևեկության փոփոխություն Գայի պողոտայում

Որոշ երկրներում կորոնավիրուսը գլուխ է բարձրացնում

Արարատ Միրզոյանը հանդիպեց ԵԱՀԿ/ԺՀՄԻԳ դիտորդական առաքելության ղեկավարի հետ

Անտոնիո Գուտերեշը վերընտրվել է ՄԱԿ-ի գլխավոր քարտուղարի պաշտոնում

Դաշինքի թեկնածուն, ՃՈ ծառայողն ու ևս 1 անձ ձերբակալվել է կաշառք բաժանելու և կաշառքի միջնորդություն կատարելու կասկածանքով

Ընտրական գործընթացները չպետք է որևէ կերպ ազդեն սահմանների անվտանգության վրա. նախագահի հեռախոսազրույցը Հարությունյանի հետ

Հայաստանը «Սպուտնիկ Վի»-ի նոր խմբաքանակ է ձեռք բերել

Կանայք ԴԱՀԿ-ի աշխատակիցների կողմից ծեծի չեն ենթարկվել. ծառայությունը հերքում է տարածված տեղեկությունը

Իրանում վթարվել է քվեատուփերով ուղղաթիռը. մեկ մարդ զոհվել է

Եվս 1 զինծառայողի աճյուն է հայտնաբերվել է Վարանդայի (Ֆիզուլի) շրջանի որոնողական աշխատանքների արդյունքում

Ձերբակալվել է «Պատիվ Ունեմ» դաշինքի պատգամավորության թեկնածու Գոռ Սեդրակյանը. Արսեն Բաբայան

Իբրահիմ Ռաիսին հաղթում է Իրանի նախագահի ընտրություններում

Արգելվում է զենքով ընտրատեղամաս մուտք գործելը. այս և այլ հիշեցումներ ՀՀ դատախազությունից

Նիգերիայի իսլամիստ զինյալների թիրախում դարձյալ դպրոցականներն են

ԱԺ նախագահ Արարատ Միրզոյանն ընդունել է ՀԱՊԿ ԽՎ դիտորդական առաքելության անդամներին

Նախագահ Արմեն Սարգսյանն հեռախոսազրույցներ է ունեցել ԱԱԾ պետ Արմեն Աբազյանի և ոստիկանության պետ Վահե Ղազարյանի հետ

Պենտագոնը դուրս է բերում իր զինուժի մեծ մասը Մերձավոր Արևելքից

Միրզոյանը ԱՊՀ միջխորհրդարանական վեհաժողովի պատվիրակությանն է ներկայացրել ռազմագերիների վերադարձի ձգձգման խնդիրը

ՀՀ գլխավոր դատախազությունը վաղն ակնկալում է քաղաքացիական բարձր գիտակցության դրսևորում և իրավահպատակ վարքագիծ

Յալթայում ջրհեղեղի հետևաքով 18 մարդ տուժել է, 1-ը՝ մահացել

Արցախում հաստատվել է կորոնավիրուսային հիվանդության 2 դեպք

Նախագահ Արմեն Սարգսյանը պետական պարգև է հանձնել սրտային վիրաբույժ Միհիր Սուսանիին

Կոչ եմ անում անպայման գնալ ընտրատեղամասեր, կատարել ձեր ընտությունը. Նիկոլ Փաշինյանը դիմել է ժողովրդին (տեսանյութ)

Մեր հայրենիքի համար վճռական օրվա շեմին ենք. Ամենայն Հայոց Կաթողիկոսը դիմել է ժողովրդին (տեսանյութ)

Բայդեն-Պուտին հանդիպումը կնպաստի ԵՄ-Ռուսաստան երկխոսությանը

Պացիենտներին հարկադրաբար հավաքի տանելու մասին տեսանյութի կապակցությամբ ստուգողական գործողություն կիրականացվի

Ընտրական իրավունքի իրականացմանը խոչընդոտելու առերևույթ հանցագործության դեպքերի վերաբերյալ ստացվել է 18 նյութ. ՔԿ

Ավիավթար Ռուսաստանի Կեմերովոյի մարզում

ՀՀ դատախազությունը ընտրությունների օրը հնարավոր հանցավոր գործողություններից զերծ պահելու նպատակով տեսանյութ է հրապարակել

Ոստիկանությունը հրապարակել է ՀՀ ընտրողների ռեգիստրում ընդգրկված ընտրողների ընդհանուր թիվը

Ոչ պաշտոնապես հայտնի է Իրանի նախագահի ընտրություններում հաղթած թեկնածուն

Զինծառայողների աճյունների որոնումներն այսօր շարունակվում է Վարանդայի (Ֆիզուլի) շրջանում

Հաստատվել է կորոնավիրուսի 81 նոր դեպք. փաստացի բուժում է ստանում 2.578 պացիենտ

Գորիսի «Գուսան Աշոտ» մշակույթի կենտրոնի տնօրենը կալանավորվել է. Քննչական կոմիտե

Քվեարկե՛ք արդար ու ազատ, հաշվետու եղեք միա՛յն ձեր խղճին. ՀՀ նախագահ (տեսանյութ)

Ոստիկանության անձնագրային և վիզաների վարչությունը կաշխատի շաբաթ և կիրակի ոչ աշխատանքային օրերին

Չարչյանն ընդունել է ձերբակալման օրը գործընկերների հետ ունեցած զրույցի փաստը. Գոռ Աբրահամյան

ՀՀ տարածքում ավտոճանապարհներն անցանելի են

Այսօր լռության օր է. հունիսի 20-ին Հայաստանում կանցկացվեն արտահերթ խորհրդարանական ընտրություններ