ՀՀ-ում քննվող բոլոր գործերը ծանոթացնե՞նք պաշտպաններին, ինչ է թե նրանք հայտարարում են, որ թաքցնելու բան ունենք. դատախազ

Երեւանի ընդհանուր իրավասության դատարանի Շենգավիթի նստավայրում՝ դատավոր Աննա Դանիբեկյանի նախագահությամբ, այսօր շարունակվում է Ռոբերտ Քոչարյանի եւ մյուսների գործով դատական նիստը:

Նախորդ նիստին, հիշեցնենք, պաշտպանական կողմը դատարանին միջնորդել էր ՀՀ հատուկ քննչական ծառայությունից պահանջել եւ իրենց տրամադրել Մարտի 1-ի՝ նախաքննության փուլում գտնվող մայր գործի ողջ նյութերը. պաշտպանների կարծիքով՝ հնարավոր է, որ դրանցում առկա լինեն մեղադրանքը հերքող ապացույցներ:

Այսօրվա դատական նիստին այդ միջնորդության դեմ առարկեց մեղադրող կողմը՝ այն որակելով անհիմն եւ դատարանից խնդրելով մերժել: Մասնավորապես մեղադրող դատախազ Գեւորգ Բաղդասարյանը ասաց, որ ինչպես պաշտպաններն են պնդում, այնպես էլ Եվրոպական դատարանն է արձանագրել, որ կողմերի հավասարությունը արդար դատաքննության ամենակարեւոր երաշխիքներից մեկն է, եւ իրենք դրան չհամաձայնել չեն կարող, սակայն, ըստ դատախազի, տվյալ դեպքում իրենք անհավասար պայմաններում չեն էլ գտնվում. «Պաշտպանության կողմը այդ հավասարությունը փորձում է տարածել սույն վարույթից դուրս, փորձ է անում տեղեկություններ ունենալ մի քրեական գործի վերաբերյալ, որը քննվում է այլ մեղադրյալների նկատմամբ, որոնց մի մասը հետախուզվում են, եւ որի քննության ուղղությունը, որքան էլ առնչվում է, ունի անմիջական առանձնահատկություն, ապացուցման ինքնուրույն առարկա, եւ, համենայն դեպս, սույն գործի հանգուցալուծման վրա չի ազդում»,- ասաց դատախազը՝ շեշտելով նաեւ, որ այդ գործը դեռեւս նախաքննության փուլում է, ուստի գործում է նախաքննական տվյալների գաղտնիության սկզբունքը.

«Մենք չենք ներկայացրել որեւէ փաստարկ, որ չկա քրեական գործում, եւ չենք պատրաստվում ներկայացնել մի փաստարկ, որին հակադարձելու հնարավորություն պաշտպանական կողմը չի ունենա, այդ պարագայում գործ կունենանք պաշտպանության իրավունքի խախտման, անհավասար «զենքերի» հետ, բայց սույն գործով մեր ունեցած «զենքը» դատարան ներկայացված փաստական տվյալներն են, որ առկա են դատական գործում, որոնց ծանոթանալու եւ պաշտպանական տակտիկա մշակելու հնարավորություն կողմը ունեցել է»,- ասաց Բաղդասարյանը:

Նրա խոսքով՝ պաշտպանության կողմի փաստարկների ծայրահեղությունը արտահայտվում էր հատկապես նրանում, որ նրանք իրենց տակտիկան ընտրելու հնարավորությունները փորձում էին կապել մեղադրանքի կողմի հետ, փորձում էին նախաքննության փուլում գտնվող քրեական գործով տեղեկություններ ունենալ իրենց պաշտպանական տակտիկան ճիշտ որոշելու համար. «Պաշտպանության կողմն ակնկալում է փոխել մեղադրանքի պաշտպանության զենքերը՝ ըստ իր հարմարության, բայց մենք մեղադրանքը պաշտպանում ենք այս գործի նյութերով, մեղադրանքի կողմն է որոշում՝ ինչ ապացույցներով մտնի քրեաիրավական վեճի մեջ, մենք այս ապացույցներով ենք դատարանից ակնկալում դատական ակտ»,- ասաց նա:

Բաղդասարյանի խոսքով՝ եթե ցույցերի խաղաղ լինել-չլինելու կամ ցանկացած այլ հանգամանքի վերաբերյալ պաշտպանության կողմը որեւէ տվյալ ունի, զրկված չէ դա դատարանին ներկայացնելու հնարավորությունից. «Հանրապետությունում քննվող բոլոր քրեական գործերը ծանոթացնե՞նք պաշտպաններին, զուտ էն պատճառով, որ նրանք ԶԼՄ-ների առջեւ հայտարարում են, թե սրանով մեղադրող կողմը փորձում է հանրությունից որեւէ բան թաքցնել»,- հարց բարձրացրեց նա՝ ասելով, որ եթե թաքցնելու խնդիր ունենային, ջանք չէր գործադրվի, որ հրապարակային դատաքննության ընթացքում հրապարակվեն գործում առկա ապացույցները:

Ըստ դատախազի՝ պաշտպանների միջնորդությունը դատավարական վեճի մեջ օգտագործվող միջոցների հավասարության մասին է, սակայն այդ հավասարությունը, ըստ նրա, ներկայացվեց աղավաղված ձեւով. «Ես շատ բանից կարող եմ տեղեկացված լինել, օպերատիվ տեղեկություններ ունենալ, երբ դրանք դատարանում օգտագործեմ, պաշտպանության կողմը դրանց ծանոթանալու հնարավորություն կունենա, եւ հաջորդիվ կողմը միջնորդություն է ներկայացնելո՞ւ, որ ես ինչքան օպերատիվ տեղեկություն ունեմ, անկեղծանամ դատարանում, որ հոգով հավասար լինենք այս վեճի մեջ»,- դարձյալ հռետորաբար հարցրեց նա՝ հավելելով. «Եթե մեղադրանքի կողմը գտներ, որ սույն գործով ամբաստանյալներին մեղադրելիս պետք է կամ կարող էին օգտագործվել այլ զենքեր, դրանք կներկայացվեին դատարան, վստահեցնում եմ, հավասար հնարավորություններով»,- եզրափակեց նա:

Տեւական քննարկումից հետո դատարանն ի վերջո որոշեց միջնորդության քննությունը հետաձգել. դատավոր Աննա Դանիբեկյանը պարզաբանեց, որ միջնորդության լուծումը հետաձգվում է մինչ սույն գործում առկա բոլոր ապացույցների հետազոտումը:

Տպել
801 դիտում

Հատկապես թեժ մարտեր են ընթանում Ասկերանի շրջանի Ավետարանոց, Սղնախ և Ակնաղբյուր հատվածում. Վահրամ Պողոսյան

ՀՕՊ ուժերը ոչնչացրել են թշնամական հերթական «Բայրաքթար» տիպի հարվածային անօդաչուն. ՊԲ

Կեսգիշերից հետո եւ առավոտյան «Սմերչ» համալիրներից հրթիռակոծության են ենթարկվել Ստեփանակերտն ու Շուշին. ՊԲ

Իտալիայի Չերքիարա դի Կալաբրիա քաղաքը ճանաչել է Արցախի Հանրապետության Անկախությունը

Ֆրանսիայում ՀՀ դեսպանությունը խստորեն դատապարտում է հայ ցուցարարների դեմ ռասայական հողի վրա հարձակումը

Թող մեր զինվորները վստահ լինեն, որ այս պատերազմը մենք ենք հաղթելու, որովհետև իրենց թիկունքը շատ ամուր է. Արա Գևորգյան

Լեռնային Ղարաբաղում վերսկսված ցեղասպանություն՝ համավարակի ֆոնին. Forbes-ի անդրադարձը

Որն է ԼՂ հակամարտության լուծման իրանական պլանի էությունը. Արաքչին իր շրջայցը սկսել է Բաքվից

«Բարսելոնան» նախագահի նոր պաշտոնակատար ունի

ՃՏՊ Երևան-Մեղրի ավտոճանապարհին․ տուժածը հոսպիտալացվել է Եղեգնաձորի բժշկական կենտրոն

Թուրքիան փորձում է լիրայի արժեզրկումը զսպել ինտերվենցիաներով, բայց այնուհանդերձ խնդիրը խորանում է. Արտակ Մանուկյան

Մենք խաղաղ բնակիչներից մեր անհաջողությունների վրեժը չենք լուծելու. ՊՆ ներկայացուցիչ

Բերձորի ուղղությամբ մեր ստորաբաժանումներին հաջողվել է որոշակի դիրքային բարելավումներ իրականացնել. Արծրուն Հովհաննիսյան

«Արարատ-Արմենիան» երկարաձգել է պայմանագիրը իր առաջատարներից մեկի հետ

Այս պատերազմը գնալով ավելի է մոտենում հենց կամքի ու խելքի գործոնների կարևորությանը. ՊՆ ներկայացուցիչ

Մտքում վատ, սարսափելի երեւույթներ, հրեշներ մի՛ ստեղծեք․ մասնագետի հոգեբանական խորհուրդները բոլորին

Շուշիում այսօր վիրավորված փրկարարներից Գեղամ Գրիգորյանը վիրահատվում է. Արցախի ԱԻՊԾ

Ֆուտզալի Հայաստանի հավաքականը Եվրո-2022-ի ընտրական փլեյ-օֆֆ փուլի հանդիպումները Վառնայում

Հայաստանը և Արցախը, ի տարբերություն մեր երկու հարևանների, ոչ թե հյուրընկալում, այլ պայքարում են ահաբեկիչների դեմ. ԱԳՆ

Բացահայտվել են Արցախից Հայաստան անօրինական ճանապարհով զենք-զինամթերք տեղափոխելու դեպքեր․ ԱԱԾ