Եվրոպայի կեսից ավելիի երթեւեկությունը կաթվածահար արած հայերը խոստանում են շարունակել բողոքը

Հայաստանում եւ սփյուռքում ապրող հայերը շարունակում են  հնարավոր բոլոր տարբերակներով աշխարհին փոխանցել ղարաբաղա-ադրբեջանական սահմանին արդեն 20 օր ձգվող զինված հարձակումների մասին՝ փորձելով ամեն գնով հասնել Արցախի ճանաչման, օգնել՝ հնարավորինս շատ  բարձրաձայնելու, աշխարհի հեղինակավոր պարբերականների էջերին Ադրբեջանի ու Թուրքիայի հարձակումների մասին հասցնելու համար:

Այսօրվա ցույցերի մասնակիցներն ու կազմակերպիչները խաղաղ, կազմակերպված ձեւով  վաղ առավոտից մի քանի ժամ շարունակ փակել էին Եվրոպայի կարեւորագույն մայրուղիներ: 

Համաեվրոպական ցույցերի մասնակիցների հիմնական պահանջների թվում էր իրենց բողոքի ցույցերի, պատերազմի ու Արցախի անկախության մասին պատշաճ լուսաբանում: Այս պահանջը մասնակի բավարարվեց, որովհետեւ փակ փողոցներ կարճ ժամանակում ժամանեցին տարբեր լրատվամիջոցների ներկայացուցիչներ՝ հիմանականում ֆրանսիացիներ:

Միայն առավոտյան 08:30-ից 8:40-ն ընկած ժամանակահատվածում Ֆրանսիայի ազգային ինտերակտիվ ճանապարհային քարտեզը՝ Bison Futé- ն հաղորդել է 10 կիլոմետրանոց կուտակումների մասին՝ Լյուքսեմբուրգից Բելգիա տանող ավտոճանապարհներին:  Վարորդներին զգուշացվել է, որ ստիպված են շրջանցել ճանապարհներն ու օգտվել այլ երթուղիներից:

Franceinfo ռադիոկայանը հայտնել է, որ Ֆրանսիայից դեպի Լյուքսեմբուրգ եւ Բելգիա ելք ունեցող ավտոմայրուղիները փակվել են վաղ առավոտից՝ Ֆրանսիայի հայ համայնքի նախաձեռնությամբ: Փակ են եղել A31 եւ N52 միջպետական ավտոճանապարհները:

Ռադիոկայանը նշել է, որ ակտիվիստների 150-ից 200 տրանսպորտային միջոցներ արգելափակել են երթևեկությունը երկու ուղղություններով նշված երկու մայրուղիներում: Հայ համայնքի ներկայացուցիչները մեքենաները հակառակ ուղղությամբ են կայանել՝ կաթվածահար անելով երթեւեկությունը:

Ըստ ճանապարհային քարտեզի, այս ուղղությամբ A31 ճանապարհը փակ է եղել հյուսիս-հարավ ուղղությամբ Զուտգենից 1 կմ հեռավորության վրա: A30 ճանապարհով շրջանցում է իրականացվել:

Նույն իրավիճակը N52- ում  է եղել՝ Բելգիայի հատվածում: Խցանված է եղել հարավ-հյուսիս ուղղությամբ ՝ դեպի Արլոն (Բելգիա), Ռեոնի եւ Մոն-Սեն-Մարտին՝  6 կիլոմետր: Ռադիոկայանը հիշեցրել է արդեն 2 շաբաթից ավել Ղարաբաղի սահմանի ողջ երկայնքով ձգվող ռազմական գործողությունների մասին եւ նշել, թե ինչու են հայ համայնքի ներկայացուցիչները փակել ճանապարհներ ու որն է նրանց հիմնական պահանջը:

Հայ համայնքի բողոքի ակցիային անդրադարձել է նաեւ FederalPress-ը՝ հղում անելով Franceinfo-ի հաղորդած տվյալներին եւ նշելով, որ քաղաքացիները ճանապարհները փակել են՝ օգտագործելով սեփական մեքենաները: Այստեղ եւս հակամարտության մասին  նախորդ հրապարակումներից հիշեցումներ են եղել:

Հայ համայնքի ակցիան խաղաղ ընթացք է ունեցել եւ ավարտվել ֆրանսիացի լրագրողների տեղ հասնելուն ու լուսաբանելուն պես:

Ֆրանսիայի ազգային ռադիոն հայտնում է, որ ճանապարհով ընթացող մեքենաները ստիպված են եղել փոքր-ինչ երկար ճանապարհով շարունակելով ընթացքը: Երթեւեկությունը միջպետական ավտոճանապարհներին կարգավորվել եւ բնականոն հունով շարունակվել է մոտ 2 ժամ անց:

Տեղում են եղել ֆրանսիական ոստիկանության ծառայողներ եւ հատուկ ջոկատայիններ:

Լրատվամիջոցները հայտնում են, որ հայ համայնքի ներկայացուցիչները երկրի տարբեր հատվածներում նախապես միմյանց հետ պայմանավորվել են, Փարիզից ավտոերթով, շարասյունով եկել են ու փակել Ֆրանսիա-Բելգիա միջպետական մայրուղին, այնտեղ նրանց են միացել Բելգիայում ապրող հայերը ու ճանապարհը փակվել է երկկողմանի: Նշվում է, որ ցուցարարների կողմից կաթվածահար է արվել Եվրոպայի կեսից ավելիի երթեւեկությունը:

Մեկ այլ խումբ, կազմակերպված ձեւով փակել է Ֆրանսիա-Իսպանիա միջպետական ճանապարհը:

Շվեյցարիայից Ֆրանսիա տանող մեկ այլ՝ հատուկ կարեւորության մայրուղին եւս փակ է եղել: Առավոտյան ժամը 07-ից այն փակ պահելու համար հայ համայնքի ներկայացուցիչները հավաքվել են գիշերվանից:

Ժամեր շարունակ փակ է մնացել նաեւ Ֆրանսիան Իտալիային կապող մայրուղին, Բելգիա-Նիդեռլանդներ ճանապարհահատվածը, Իտալիա-Լյուքսեմբուրգ, Նիդեռլանդներ-Ֆրանսիա ճանապարհները:

Եվրոպայի համար կարեւորագույն նշանակություն ունեցող Գերմանիա-Դանիա ճանապարհահատվածը  փակ է եղել Համբուրգի կողմից, վաղ առավոտից: ճանապարհն ամբողջությամբ հեղեղված է եղել հայկական ու արցախյան դրոշներով, այնտեղ երիտասարդները պահանջել են աշխարհին՝ լուռ չմնալ ու չեզոք դիրքորոշում չդրսեւորել: Այս ճանապարհահատվածը փակ, իսկ երթեւեկությունն այնտեղ կաթվածահար է մնացել մոտ 3 ժամ:

Այս բոլոր ավտոմայրուղիները փակ են մնացել նվազագույնը 2 ժամ, որոշ ճանապարհներ՝ 4 ժամ ու ավելի, մի քանի հատվածներում ցուցարարները որոշել են մնալ շատ ավելի երկար:

 Հայ համայնքի ներկայացուցիչները եվրոպական լրատվամիջոցներին հայտնել են, որ ճանապարհները փակելու եւ բողոքի ձայնը բարձրացնելու ակցիաները չեն դադարելու՝ քանի դեռ Եվրոպան լուռ է Ղարբաղում տեղի ունեցող իրադարձությունների նկատմամբ:

Հիշեցնենք, զուգահեռ ցույցեր են իրականացվում Ամերիկայի Միացյալ Նահանգներում ու աշխարհի գրեթե բոլոր կետերում, որտեղ հայ համայնք կա:

Տպել
952 դիտում

Արա Այվազյանն ու Սերգեյ Լավրովը հեռախոսազրույցում մտքեր են փոխանակել դեկտեմբերի 7-ին Մոսկվա կատարելիք այցի շուրջ

Կարևոր է միջազգային ասպարեզում արցախահայության իրավունքների և շահերի լիարժեք հասցեագրումը. ՀՀ, ԱՀ ԱԳ նախարարներ

ՃՏՊ Գյումրիում․ կա տուժած

Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

15 տարի կպահանջվի Լեռնային Ղարաբաղի տարածքն ամբողջությամբ ականազերծելու և պայթուցիկներից մաքրելու համար (տեսանյութ)

Ֆիզուլիում ականի պայթյունից 4 ադբեջանցի է զոհվել

Դեկտեմբերի 1-ից Բագրատաշենի մաքսակետը կանցնի բնականոն աշխատանքի. ՊԵԿ

«Սոթբի»-ի աճուրդի տանը վաճառքի է հանվել 17-րդ դարի հայերեն ձեռագիր. նախնական արժեքը՝ 10.000 Ֆունտ սթերլինգ

Մայր Աթոռ Սուրբ Էջմիածնում նշվեց հայոց առաջին լուսավորիչների տոնը (լուսանկարներ)

ՏԿԵ նախարարը վերահաստատել է հայ–իրանական համագործակցությանն ուղղված հայկական կողմի պատրաստակամությունը

Երեկ 10-ից ավելի զինծառակողներ չեն գերեվարվել. Հայկական միասնական տեղեկատվական կենտրոնը հերքում է տարածված լուրերը

«Մշտապես զգացել ենք բարեկամ Ֆրանսիայի աջակցությունը». վարչապետն ընդունել է հումանիտար առաքելության պատվիրակությանը

Կալանավայրում վարչապետի հրաժարականը պահանջող Վահագն Վերմիշյանը դադարեցրել է հացադուլը

ՄԻԵԴ-ն Ադրբեջանից հայ գերիների մասին փաստաթղթավորված տեղեկություն է պահանջել

Մինչև մեր երեխաները չհասնեն տուն, ոչ մի սանտիմետր մեր հողից. Երևանում բողոքի ակցիա են անցկացրել արվեստագետները

Հայաստանը կարևորում է Ալբանիայի հետ համագործակցության զարգացումը.Նիկոլ Փաշինյանը շնորհավորական ուղերձ է հղել Էդի Ռամային

Վաղարշակ Հարությունյանը հանդիպել է ԿԽՄԿ ներկայացուցիչների հետ (լուսանկարներ)

2020թ. մարտից մինչև նոյեմբերի 1-ը ԱՆ-ն կորոնավիրուսի դեմ պայքարում ծախսել է 15.168.400.586 դրամ

Բարձր ենք գնահատում Ֆրանսիայի կողմից ցուցաբերված ցանկացած աջակցություն. Արսեն Թորոսյան

Տեղի կունենա ՀԱՊԿ անդամ երկրների արտաքին գործերի նախարարների խորհրդի նիստ