Բերքահավաք՝ հրետակոծությունների ու ԱԹՍ-ների պայթյունների տակ. Վարդենիսում կարտոֆիլի մի մասը դեռ հողում է (լուսանկարներ)

Պատերազմն սկսելուց ի վեր հակառակորդը մի քանի անգամ անօդաչու թռչող սարքերով ռմբակոծեց Գեղարքունիքի մարզի սահմանամերձ Վարդենիսի տարածաշրջանի մի շարք համայնքներ: Փլուզվեց սեփական տուն, զոհվեց խաղաղ բնակիչ: Ռմբակոծությունների հետեւանքով վնասվեցին դպրոցներ, մի շարք քաղաքացիական ենթակառուցվածքներ: Վիրավորվեցին խաղաղ բնակիչներ, որոնց մեջ նաեւ՝ հողագործական աշխատանքներ կատարող 14-ամյա Նարեկը:

Չնայած չդադարող պայթյուներին, Վարդենիսի տարածաշրջանում գյուղատնտեսական եռուզեռ է: Թե տղամարդիկ, թե կանայք, ամեն օր մեկ բռունցք դարձած վաղ առավոտից կարտոֆիլի դաշտերում են, բերքը հավաքել է պետք ինչ գնով էլ որ լինի:

Մարտական տրամադրությամբ ու տրամադրվածությամբ, պայթած ռումբերի կողքին ու թշնամու խոցվող ԱԹՍ-ների ձայնից ոգեւորված կանայք կարտոֆիլն են հողից հանում, լցնում պարկերը, տղամարդիկ՝ բեռնատարներն են բարձում: Կարտոֆիլի մեծ մասը զինվորինն է, որ ուղեւորվելու է սահման: «Տրամադրություններս լավ է, անգամ շատ լավ է, թող մենակ այս կրակի վրա ջուր լցվի, խախանդվենք, տեսնենք ինչ կլինի մեր վիճակը»,- ՀԺ-ի թղթակցի հետ զրույցում շտապեց հայտնել Սոթքի դաշտերում կարտոֆիլ տղամարդկանցից մեկը:

Համագյուղացու խոսքը շարունակում է մեկ այլ տղամարդ. «Մենք արդեն հաղթել ենք, պայքարելու ենք մինչեւ վերջ»,- ասաց Սոթքեցի տղամարդը՝ առաջարկելով մինչ հարցազրույցը համտեսել հողից նոր հանված ու աթարի փռան մեջ խորովվող կարտոֆիլը: Հարցից՝ չեն վախենում հակառակորդի արձակած ԱԹՍ-ներից ու հնարավոր վտանգներից, տղամարդկանց հայացքն ու ձայնը միանգամից է փոխվում. «Հասարակ մի բան հարցնեմ, ղարաբաղցին Ղարաբաղում վախենու՞մ ա, որ մենք այստեղ վախենանք, մենք մեր հողի ջրի մեջ վախենալու բան չունենք, մեր երեխեքը էնտեղ են, որ մենք էստեղ մեզ լավ զգանք, մեր բերքը հավաքենք ու մեր աջակցությունը փոխանցենք մեր երեխեքին, մեր զինվորների, եթե իրենք ճակատն են ամուր պահում, մենք էլ պարտավոր ենք թիկունքը ամուր պահել, մեկ էլ Ալիեւին փոխանցիք՝ թող ինքը վախենա, մենք վախենալու ոչ մի բան չունենք, պետք է՝ ամբողջ ազգով կիջնենք այնտեղ, բայց որ ազգով իջանք՝ դրանք սաղ փախչելու են»:

Դաշտում աշխատող գյուղացիների հետ զրույցի ընթացքում չեն դադարում լսվել հրետակոծության ձայները, գյուղացիները շտապում են ցույց տալ սարից այն կողմ երկինք բարձրացող թանձր ծուխը՝ մերոնք էլի խփեցին:

Տղամարդկանցից քիչ այն կողմ, վառող արեւի տակ, հավաքած բերքի կողքին կանայք են, մոտենում եմ զրուցելու, ստացվում է այնպես, որ իրենք են ինձ հարցեր տալիս: Ծիծաղում են՝ լրագրողի հետ դերերով փոխվել ենք:

«Թող Աստված պահապան լինի մեր զինվորներին, մեր մատղաշ երեխեքին, թող թուրքին այնպես ջախջախեն, որ… մենք հույս ունենք, մենք վստահ ենք, որ մեր տղերքը հաղթանակով են հետ գալու, ոչնչացնելու են դրանց մինչեւ վերջ, ու հաղթանակը մերն է լինելու, մեր տղերքը ուրիշ տղերք են, մեր տղերքը հերոս տղերք են…»,-ասում են կանայք ու փորձում թաքցնել արցունքները՝ թշնամին չպետք է տեսնի իրենց արտասուքը. «Սաղ Ալիեւ կոչվածն է անում, ես վստահ եմ, իրենց շատ երեխեք էլ չէին ուզի էս պատերազմը»:

Կանայք մեկ առ մեկ հիշում են թշնամու ԱԹՍ-ների բոլոր հարվածները, թե որը որ ժամին ու որտեղ ընկավ: Հարվածների ժամանակ պատսպարվել են, հետո վերադարձել իրենց աշխատանքին, հայացքը պահած երկնքին, մտքերով՝ սահմանում գտնվող ու հայրենիքը պաշտպանող իրենց տղաների, ամուսինների ու որդիների հետ: «Լավ է լինելու, կասկած չկա»,- զրույցը եզրափակում են կանայք ու ու հորդորում՝ թողեք աշխատենք, օրը ճաշ դարձավ:

Վարդենիսում բերքն այս տարի չափից առատ է: Գյուղացիների հիմնական դժգոհությունը իրացման հետ է կապված: Հողից հանում, պահեստավորում են, մինդեռ այն նաեւ վաճառել է պետք: Ոչ միայն մթերողներն են քիչ, այլ նաեւ վաճառքի գինն է ընկել:

Գեղարքունիքի մարզպետ Գնել Սանոսյանը ՀԺ-ի հետ զրույցում հայտնեց՝ գյուղատնտեսական տարին, հատկապես կարտոֆիլի մասով, բերքառատ է, սակայն սրան զուգահեռ՝ գյուղատնտեսական աշխատանքները հետ են ընկել՝ ելնելով պատերազմական դրությունից ու բնակչության անվտանգությունից. «Ընդհանուր առմամբ եւ Վարդենիսի տարածաշրջանում եւ մարզի մյուս տարածաշրջաններում, հատկապես կարտոֆիլի բերքի առումով, բարենպաստ ու բերքառատ տարի է, բայց պատերազմական իրավիճակից ելնելով որոշակի խոչընդոտներ ու խնդիրներ են առաջացել հատկապես Վարդենիսի տարածաշրջանում, Մասրիկի դաշտերում: Ներկա դրությամբ մոտ 1200 հա կարտոֆիլի դաշտեր կան, որտեղ կարտոֆիլը հանված չէ: Հիմնական պատճառը՝ պատերազմական իրավիճակն է»,- ասաց Գնել Սանոսյանը` հավելելով. «Գյուղատնտեսական տարին այդ պատճառով որոշակիորեն հետ է ընկել, հիմա մենք փորձում ենք ֆերմերների հետ համագործակցել եւ այլ տեղերից որոշակի գյուղատնտեսական տեխնիկաներ բերենք, որոնց միջոցով հնարավոր կլինի հնարավորինս արագ կարտոֆիլը հավաքել»:

Մարզի ղեկավարի խոսքով՝ եթե պատերազմ չլիներ, կարտոֆիլը հողից վաղուց հանված կլիներ. «Քանի որ օրեր շարունակ այդ տարածաշրջանում ունեցանք եւ ռմբակոծություններ, եւ ԱԹՍ-ների կողմից որոշակի հթրիռակոծություններ ոչ միայն շենք-շինությունների վրա, այլ նաեւ հողամասերում, դա բերեց նրան, որ բնակչության անվտանգությունից ելնելով որոշ ժամանակով կասեցվեցին աշխատանքները, ինչի հետեւանքով էլ դեռեւս բավականին ցանքատարածություններ կան չքանդված»:

Հարցին՝ չկա մտավախություն, որ դաշտում մնբացած կարտոֆիլն այդպես էլ չի հանվի հողից, Սանոսյանն ասաց. «Համենայնդեպս եւ մենք, եւ ֆերմերները, եւ համայնքապետերը փորձում ենք ամեն ինչ անել, որ նման խնդրի առաջ չկանգնենք»:

Ինչ վերաբերվում է բնակիչների բարձրացրած մթերման խնդրին, մարզպետը նկատեց՝ դրա մասին դեռ վաղ է խոսել, քանի որ բերքը դեռեւս պահեստավորման փուլում է:

 

Տպել
977 դիտում

Արտադրական փակ տարածքներում հակահամաճարակային նորմերի պահպանման թերություններ է արձանագրվել․ ԱԱՏՄ

Դատարանը հեռացավ խորհրդակցական սենյակ՝ Քոչարյանի գործով դատախազների բացարկի միջնորդության վերաբերյալ որոշում կայացնելու

Վահան Քերոբյանը հանդիպում է ունեցել Սյունիքի մարզպետ Մելիքսեթ Պողոսյանի հետ․ քննարկվել են գյուղատնտեսական խնդիրները

Նկատողություն Ռոբերտ Քոչարյանին, Յուրի Խաչատուրովին, մեղադրող դատախազին եւ պաշտպանին

Հայտնաբերվել է տոպրակ` առանձնապես խոշոր չափի թմրանյութով (տեսանյութ)

Մեկնարկել է «i-Portunus» արվեստագետների ճամփորդական դրամաշնորհի մասնակցության հայտերի ընդունումը

4-րդ զորամիավորումում ամփոփվել է 2020 թ. ուսումնական տարին (լուսանկարներ)

Արմեն Փամբուխչյանը և Ֆրանսիայի դեսպանության ներքին անվտանգության կցորդ Էրվե Ժամենը քննարկել են համագործակցության ծրագրեր

Տղամարդու կեցվածքի մեջ ինձ համար ամենաանընդունելի բանը լաչառությունն է. Ռոբերտ Քոչարյան

Գերիների ու անհետ կորածների ընտանիքներին չպետք է միայնակ թողնել, բայց դա պետք է անել հնարավորինս աննկատ․ Ա. Քոչարյան

Վարդենյաց լեռնանցքը փակ է, ՀՀ 9 մարզում ձյուն է տեղում

Ուսուցիչներին տրվող լրավճարների չափը կենթարկվի՞ փոփոխության. ԿԳՄՍՆ-ից պարզաբանում են, որ բանաձեւը լրամշակման փուլում է

Դուք դավաճանների աջակիցն եք. Խաչատուրովը՝ դատավորին

Նիկոլ Փաշինյանը և Նիդերլանդների դեսպանը քննարկել են երկկողմ կապերի զարգացման օրակարգը (լուսանկարներ)

Առանց պետական գրանցման ու լիցենզիայի կազմակերպվել են «պոկեր» կենդանի խաղեր․ պետությանը պատճառվել է 5,5 մլրդ դրամի վնաս

«Շուշին հանձնողներից մեկն ես, էլի». վիճաբանություն Քոչարյանի, նրա պաշտպանների եւ մեղադրող դատախազի միջեւ

Առաջին զորամիավորումում անցկացվել է ռազմաբժշկական պատրաստության պարապմունք (լուսանկարներ)

Արման Թաթոյանը Գերմանիայի դեսպանի հետ քննարկել է Ադրբեջանում պահվող հայկական կողմի գերիների վերադարձի հետ կապված հարցեր

ՀՀ պետական սահմանի հայ-ադրբեջանական շփման գծի ամբողջ երկայնքով շարունակվել է պահպանվել կայուն օպերատիվ իրավիճակ․ ՊՆ

Ժաուտիկովյան միջազգային 17-րդ օլիմպիադայում Հայաստանի մասնակիցները վաստակել են այնքան մեդալ, որքան նախորդ 10 տարիներին

Վարազդատ Դալիբալթայանը նշանակվել է պաշտպանության նախարարի խորհրդական

Կտրուկ ավելացել են ՀՀ պաշտպանության նախարարությանը վերաբերող ապատեղեկատվությունները․ ՊՆ հայտարարությունը

Դավիթ Անանյանն էլ չգիտեմ քանի գլխանի է եղել, որ չի եկել ձեր հանձնաժողովի նիստերին․ Արման Բաբաջանյանը՝ Սերգեյ Բագրատյանին

Նոյեմբերյան-Ջուջևան ավտոճանապարհը և Դիլիջանի ոլորանները փակ են բեռնատարների համար

Վանաձորում բացվեց կրծքագեղձի քաղցկեղի վաղ հայտնաբերման շարժական մամոգրաֆը․ ախտորոշումը և բուժումը կլինեն անվճար

Հրապարակվել է վարորդական իրավունքի վկայական ստանալու նոր կարգը (տեսանյութ)

«Ես չեմ հրաժարվի «ժեխ» բառն օգտագործելուց». Զոհրաբյանը՝ Վ. Մանուկյանի «բոմժ» արտահայտության եւ դրա տարբերության մասին

Ժառանգության պահպանություն. ստեղծվել են հայկական ավանդական խաղերի և ուտելի բույսերի շտեմարաններ

Սյունեցիները փակել են ճանապարհը, վանկարկում են «Վազգեն դավաճան». «Հայրենիքի փրկության շարժումը» պնդում է՝ նա Երեւանում է

Սյունիքում պայթյունից տուժած փրկարարներից մեկի վիճակը ծանր է

Իրանը Բայդենից առաջարկ չի ստացել ԱՄՆ-ի միջուկային գործարքին վերադառնալու վերաբերյալ

Մեղրիի տարածաշրջանում պայթյուն է տեղի ունեցել. երկու փրկարար տեղափոխվել է հիվանդանոց

Քննարկվել է ՀՀ ոստիկանության և Ֆրանսիայի ՆԳ նախարարության տարեկան գործողությունների ծրագիրը

Ասում եք՝ ինչո՞ւ եք գրել՝ փորձել ենք. եթե կարողանայինք՝ կգրեի հարձակվել ենք՝ այս խնդիրը լուծելու համար. Սերգեյ Բագրատյան

Եթե եկամուտը մնում է նույնը, իսկ ապրանքի գինը թանկանում է, բոլորն էլ դա զգում են․ Գեւորգյան

Աշոցքում անցկացվել է Հայաստանի դահուկավազքի առաջնության առաջին փուլը. պատրաստվում են աշխարհի գավաթին

Դեպի Արցախ անվճար ուղևորափոխադրումները կատարվում են ամեն օր. ԱՀ ՏԿԵՆ

Ադրբեջանը ձգձգում է գերիների վերադարձը. Արցախի ԱԳՆ-ն նամակներ է հղել միջազգային կառույցներին

Քոչարյանի եւ մյուսների գործով նիստը մեկ ժամով ընդմիջվեց

Պետական կառավարման համակարգը ռեսթարթի անհրաժեշտություն ունի, որը պետք է սկսվի վարչապետի աշխատակազմից. Նիկոլ Փաշինյան