Հաղթելու ենք նաեւ կրթությամբ ու գիտությամբ․ մեդալակիր հայ երիտասարդները մտադիր են իրենց գիտելիքով հզորացնել հայրենիքը

26/10/2020 schedule23:37

Աստղագիտության եւ աստղաֆիզիկայի 14-րդ միջազգային օլիմպիադայի ժամանակ հայ բոլոր 4 մասնակիցները մեդալների են արժանացել։ Օլիմպիադային մասնակցել է 40 երկրի ավելի քան 280 հոգի։

Սեպտեմբերի 25-27-ը տեւած առցանց օլիպիադայի ընթացքում հայերը մեկ ոսկի, երեք արծաթ են շահել (համավարակի պատճառով օլիպիադան անցկացվել է առցանց)։ Մրցույթն ունեցել է 3 փուլ։ 

Բոլոր մասնակիցներն ունեն իրենց երազանքներն ու իրենց երկրին օգնելու գլխավոր նպատակները։ Մեզ հետ զրույցում նրանք խոսել են օլիպիադայի, իրենց նպատակների ու երազանքների մասին։

Արտաշես Գյոլեցյան, ոսկե մեդալակիր

Արտաշես Գյոլեցյանը Երեւանի Ա. Շահինյանի անվան ֆիզմաթ հատուկ դպրոցում է սովորում։ Այս տարի առաջին անգամ է այս օլիպիադային մասնակցել։ Ցանկանում է ինժեներական ուղղությամբ ուսումը շարունակել, որ հետագայում իր գիտելիքներով հայրենիքին օգտակար լինի։ Պատմեց, որ մրցույթի ժամանակ լուծել են տարբեր տեսակի խնդիրներ։ Փուլերից մեկը վերաբերում էր աստղերի իմացությանը։ Նախկինում մասնակիցները աստղադիտակներով դուրս էին գալիս եւ երկնքում գտնում այս կամ այն օբյեկտը։ Այս անգամ, քանի որ առցանց էր օլիպիադան, քարտեզների միջոցով պետք է նույնը կատարեին։ Ըստ նրա՝ խնդիրները շատ բարդ չէին, բայց հեշտ էլ չէին։ Մոտ 6-8 ամիս ակտիվ աշխատել է՝ այս օլիպիադային մասնակցելու համար։

«Կրթությունը կարեւոր է, քանի որ երկիրը զարգացնելու համար պետք է տնտեսություն, արդյունաբերություն։ Այդ ամենն օդից չի առաջանում, պետք է ունենանք կրթված մասնագետներ, կրթված մարդիկ։ Այդ դեպքում երկիրը հնարավորություն կունենա ոտքի կանգնելու, հզորանալու։ Պետք է աշխատենք այս ուղղությամբ, որ առաջ գնանք։ Կրթությունն այս իրավիճակի (պատերազմական) համար էլ է շատ կարեւոր՝ սպառազինության առումով։ Երբ երկիրն ունենա, արտադրի անօդաչու սարքեր, հրթիռային համակարգեր, շատ մեծ առավելություն կունենա։ Դրանք կլինեն ավելի էժան, վստահ կլինենք, որ միշտ ունենք մերը։ Պետք է սա զարգացնենք մեր երկրում, քանի որ մեր երկիրը գտնվում է ոչ բարիադրացիական քաղաքական դիրքում։ Կցանկանամ շարունակել ուսումս ինժեներական ուղղությամբ, հուսամ գիտելիքներս պետք կլինեն, հնարավոր կլինի օգտագործել այստեղ։ Շատ ուրախ կլինեմ՝ օգտակար լինել իմ երկրին, իմ հայրենիքին։ Ձգտման պատճառներից մեկը հենց դա է»,- ասաց Արտաշեսը։

Եվա Հունանյան, արծաթե մեդալակիր

Եվա Հունանյանը նախկին ֆիզմաթցի է, այժմ Երեւանի պետական համալսարանում է սովորում։ Կարծում է՝ կրթության, գիտության զարգացումը կարեւոր է մեր երկրի հզորացման համար։ Պատմեց, որ օլիպիադայի ամենաերկար փուլը տեսականն է եղել․ 5 ժամ է տեւել։ Առցանց մրցույթի ժամանակ ավելի քիչ է անհանգստացել, որովհետեւ տանն էր՝ իրեն ծանոթ միջավայրում։ Մյուս կողմից էլ նախկինում ավելի հետաքրքիր էր, քանի որ էքսկուրսիաների էին գնում, շփվում այլ երկրների մասնակիցների հետ։

«10-րդ եւ 11-րդ դասարաններում էլ եմ մասնակցել այս օլիպիադային։ 10-րդ դասարանում արծաթե մեդալի եմ արժանացել, 11-րդ դասարանում՝ բրոնզե։ Տարեցտարի ավելի են բարդանում խնդիրները։ Կարծում եմ՝ լավ կլինի՝ օլիպիադաներին ավելի շատ մարդիկ փորձեն մասնակցել, որպեսզի մրցակցությունն ավելի շատ լինի, ավելի հետաքրքիր։ Միջազգային օլիպիադաներում հաղթանակները կարեւոր են ապագայի համար, որովհետեւ արտասահմանյան համալսարաններ ընդունվելիս այսպիսի մեդալները հաշվի են առնում։

Կրթությունը պետք է խրախուսվի, որքան ավելի շատ մարդիկ լինեն շահագրգռված կրթության ոլորտում, այնքան ավելի մեծ ներդրում կկարողանանք ունենալ երկրի ապագայի, զարգացման մեջ, որն էլ կապահովի մեր հաղթանակը»,- նկատում է Եվան։

Դավիթ Գյուլամիրյան, արծաթե մեդալակիր

Քվանտ վարժարանում սովորող Դավիթի խոսքով՝ առցանց օլիմպիադայի վատն այն է, որ  համացանցի կապը, լույսերը կարող են կեսից անջատվել, նման դեպքեր, լավ է, որ այս անգամ չեն եղել։ Ինչպես նշեց, Աստղագիտության եւ Աստղաֆիզիկայի միջազգային օլիմպիադան բավականին ճանաչված է աշխարհում։ Նրա կարծիքով՝ օլիպիադաներին մասնակցությունը նաեւ կարող է օգնել մարտի դաշտում, քանի որ սովորում են կրիտիկական ժամանակներում սթափ մտածել։ Դեռ կոնկրետ չգիտի՝ որտեղ է շարունակելու ուսումը ավարտելուց հետո, բայց որտեղ էլ սովորի, ետ է գալու Հայաստան։

«Եթե ժամանակը մի քիչ շատ լիներ, ավելի լավ արդյունք կունենայի։ Սիրում եմ մրցույթներ, մրցումը շատ կարեւոր է։ Առանց խելացի ու կրթված լինելու՝ չես կարող օգնել պետությանը, ընդհանրապես մարդկությանը։ Միշտ ցանկացել եմ տիեզերք թռչել։ Արդեն աշխարհում պլանավորում են մարդկանց խմբեր ուղարկել Մարս ու Լուսին։ Շատ եմ ուզում մասնակցել, նաեւ ուզում եմ մի այդպիսի կազմակերպություն հիմնել Հայաստանում»,- ասում է Դավիթը։

Կարեն Բաղդասարյան, արծաթե մեդալակիր

Կարեն Բաղդասարյանը եւս ավարտել է Ֆիզմաթ դպրոցն ու այժմ սովորում է ԵՊՀ-ում։ Մտադիր է ուսումը շարունակել Քեմբրիջի համալսարանում, ապագա աստղագետ է։ Նա նախորդ տարի էլ է մասնակցել այս օլիմպիադային ու նորից արծաթե մեդալ նվաճել։

«Օնլայն տարբերակով օլիպիադան առանձնապես բարդ չէր, խնդիրների քանակը քիչ էր, բայց դրան համապատասխան ժամանակն էլ էր քիչ։ Կրթութայն մակարդակն ուղղակիորեն կապված է ապագա մասնագետների մակարդակի ու իրենց կազմակերպվածության հետ։ Ինչքան ավելի կազմակերպված լինեն կրթությունն ու անցկացվող քննությունները, այդքան ավելի կազմակերպված կլինեն մեր մասնագետները»,- կարծիք հայտնեց Կարենը։

Հավելենք, որ նշված օլիմիպիադային մասնակցել են նաեւ Ադրբեջանի եւ Թուրքիայի ներկայացուցիչներ, սակայն ոչ մի մեդալ չեն նվաճել։

Տպել
559 դիտում

Նիկոլ Փաշինյանն առաջիկա մեկուկես ժամվա ընթացքում հանդես կգա հեռուստաուղերձով

Ադրբեջանն արհեստական ձգձգում է գերիների ու դիերի փոխանակման գործընթացը և շարունակում դաժան վերաբերմունքը. ՄԻՊ

Հայաստանի և Ադրբեջանի միջև տեղի է ունեցել ժամանակավոր մարտական հենակետերի տեղակայման կետերի հստակեցում

ՀԿԵ-ն ավարտել է Երևանի ջէկի կառուցման համար նախատեսված խոշոր ծավալաչափի բեռների փոխադրումները

Ստեփանակերտում էլեկտրաէներգիայի եւ գազի մատակարարումը վերականգնվել է 95-97 տոկոսով

Հաստատվել է կորոնավիրուսի 1476 նոր դեպք. գրանցվել է 30 մահ, 8-ը՝ այլ հիվանդությունից

Հրապարակվել է հայրենիքի պաշտպանության մարտերում զոհված 34 զինծառայողի նոր անուն

Արագածոտնի մարզի որոշ ճանապարհներ դժվարանցանելի են, Շուռնուխ գյուղի ճանապարհին տեղ-տեղ մերկասառույց է

Լոս Անջելեսում տեղի ունեցած 23-րդ ամենամյա հեռուստամարաթոնի ժամանակ 22.990.898 դոլար է հանգանակվել

4 բալ ուժգնությամբ երկրաշարժ է գրանցվել Սոթք գյուղի մոտ, Վարդենիսում

Այսօր վթարային ջրանջատում է սպասվում Արարատի մարզի 2 համայնքում

Վարչապետը հանդիպել է անհետ կորած եւ գերեվարված զինծառայողների ընտանիքի անդամների հետ

Էլեկտրաէներգիայի պլանային անջատումներ կլինեն Երևանում, Արագածոտնում, Կոտայքում և Շիրակում

Ճամբարակ քաղաքում տեղում է ձյուն, Սյունիքի մարզի Գորիս քաղաքում՝ ձնախառն անձրև

Լաչինի միջանցքի, անհետ կորածների, գերիների ու այլ հարցերի մասին հեռախոսազրույցներ են ունեցել Փաշինյանն ու Պուտինը

Վարչապետը քիչ անց կհանդիպի անհետ կորած եւ գերեվարված զինվորների ընտանիքների անդամներին․ վարչապետի մամուլի խոսնակ

ՀՀ սահմանից ներս ներխուժում տեղի չի ունցել, որևէ նոր զիջում տեղի չի ունեցել. Ռուբեն Ռուբինյան

ԵՄ-ն խիստ պատժամիջոցներ կկիրառի Թուրքիայի դեմ՝ Միջերկրական ծովում ապօրինության եւ Ղարաբաղում միջամտության համար

ՀՀ սահմաններից ներս ադրբեջանական բանակի զինվորներ չկան․ Գնել Սանոսյան

Գյումրիում ռուս զինծառայողի դի է հայտնաբերվել. ռուսական կողմը քննություն է սկսել