Պատերազմում ոտքերից զրկված կամավորականին չի հաջողվում հաշմանդամության կարգ ստանալ․ ԲՍՓ աշխատակիցները կայցելեն նրանց տուն

Արցախում վերսկսված պատերազմի առաջին իսկ օրը՝ սեպտեմբերի 27-ին կամավորագրված Արգիշտի Միքայելյանին մարտի դաշտից բերել են անդամահատված վիճակում։ 30-ամյա Արգիշտին Մատաղիսում է վիրավորվել։ Ծնկից ներքեւ կորցրել է երկու ոտքերը։

Առաջին բուժօգնությունը ստացել է Արցախում։ Ստեփանակերտում նրան վիրահատել են, սակայն առողջական վիճակը վատթարացել է, ու ստիպված հոկտեմբերի 6-ին տեղափոխել են Երեւան։ Հոկտեմբերի 7-ին Արգիշտիին կրկին վիրահատել են, այս անգամ Էրեբունի բժշկական կենտրոնում։ Բարեբախտաբար ամեն ինչ բարեհաջող է անցել, Միքայելի կյանքին վտանգ չի սպառնում։

Երեւան քաղաքի բնակիչն արդեն մեկ ամիս է՝ դուրս է գրվել հիվանդանոցից, բայց ոչ մի կերպ չի կարողանում հաշմանդամության կարգ ստանալ։ Կամավորականն ունի կենսական կարիքները հոգալու ու դեղորայքի խնդիր։ Արգիշտիի կինը՝ Տաթեւ Միքայելյանը «Հայկական ժամանակի» հետ զրույցում հայտնեց, որ չեն կարողանում որեւէ պետական օգնություն ստանալ, քանի որ ամուսնու հաշմանդամության կարգն ամեն կերպ ձգձգվում է, իրենք էլ չեն պատկերացնում, թե ուր պիտի դիմեն եւ ինչպիսին է զինհաշմանդամության դեպքում կարգ ստանալու ընթացակարգը։

Մի թղթի խուճուճ պատմություն

Տաթեւ Միքայելյանի խոսքով՝ Արգիշտիի եղբայրը՝ Անդրանիկ Միքայելյանը, ինքն էլ հաշմանդամություն ունենալով ու մոտավորապես իմանալով, թե ինչ փաստաթղթերի անհրաժեշտություն կա, բոլորը հոգացել է։ Անդրանիկին գրեթե մեկ ամիս տարբեր հաստատություններից այս ու այն կողմ են ուղարկել, սակայն եղբոր թոշակի հարցը չի լուծվել։

Էրեբունի ԲԿ-ից Արգիշտիին տրված թղթերում նշված է եղել, որ հոկտեմբերի 22-ին պիտի փաստաթղթերով մոտենա Երեւանի կենտրոնական կլինիկական զինվորական հոսպիտալ (Մուրացանի զինվորական հոսպիտալ), որտեղից էլ պիտի հետազոտությունների արդյունքները վերցնեն, ապա դրանք էլ կցած մոտենան հարակից Կենտրոնական ռազմաբժշկական հանձնաժողով (ԿՌԲՀ) ու եզրակացություն վերցնեն։ Այնուհետեւ թղթերը պիտի տանեն Պաշտպանության նախարարություն ու հետո միայն հաշմանդամության կարգի մասին կարելի կլինի մտածել։ Ոչ մի տեղ նրանց չեն ասել, թե կարգ ստանալու համար ուր պետք է դիմեն։ Այս մարդիկ մոտեցել են նաեւ զինվորական սոցիալական աջակցման կենտրոն, հույս ունենալով, որ այդտեղից կուղղորդեն, այնտեղ էլ ասել են՝ մոտեցեք, երբ կարգ ունենաք։

Մուրացանի հոսպիտալից համապատասխան փաստաթուղթը չեն կարողացել վերցնել։ Արգիշտիի հարզատների խոսքով՝ երեք բժիշկներ երեք տարբեր պատճառաբանություններ են ներկայացրել։ «Սկզբում մոտեցանք, բժիշկներից մեկը նայեց, ասաց, վերքերը շատ լավ վիճակում են, պիտի գնանք պրոթեզները դնենք, նոր թղթերը կտան։ Ավանում պրոթեզավորման կետ կա, այնտեղ Արգիշտիին ասացին դեռ շուտ է, պատրաստ չէ պրոթեզներ հագնելու։ Նորից գնացինք հոսպիտալ, ստուգեց մեկ այլ բժիշկ ու ասաց, որ դեռ ժամանակը չէ։ 30 օր արձակուրդ ուղարկեցին։ Ասացին, գնացեք՝ 30 օրից եկեք, նորից կստուգենք, կհասկանանք գուցե ընթացքում բարդություններ առաջանան։ Բայց թուղթն էլի չտվեցին։ Երրորդ բժիշկն էլ թե բա՝ ՊՆ-ից դեռ հրաման չունենք, թե զինհաշմանդամների այս խմբի դեպքում ինչ ենք անելու։ Ընթացակարգը դեռ հստակեցված է։ Պետք է սպասեք»,- պատմեցին Տաթեւն ու Անդրանիկը։

Նրանք նշեցին, որ որքանով իրենք են հասկանում, ապա կարելի էր կարգը սահմանել, որպեսզի կարողանային պետությունից աջակցություն ստանալ, գոնե մինիմալ ծախսերը հոգային։ «Ենթադրում ենք, որ զինվորների հարցով առանձին ընթացակարգ պիտի ստեղծվի, որպեսզի հարազատներն այսքան քաշքշուքների մեջ չընկնեն։ Կամ էլ հոսպիտալից հատուկ են ձգձգում, որ պրոթեզներով քայլի, իրեն առաջին կարգ չտան, միանգամից երկրորդ տան։ Ուրիշ պատճառ չենք կարողանում մտածել»,-նկատեց Տաթեւը։

Երկու մանկահասակ երեխա ունեցող ընտանիքին սնունդ ու գումար է հարկավոր

Արգիշտիի ընտանիքը հենց հիմա ունի ֆինանսական աջակցության կարիք։ Տան միակ աշխատողն ինքն է եղել։ Ունի 2 անչափահաս երեխա՝ 2 եւ 4 տարեկան որդիներ։ Երեւանում վարձով են ապրում։ Բացի այդ, կամավորականին նաեւ դեղորայք է անհրաժեշտ, վերականգնվելու համար էլ նորմալ սնունդ ու խնամք։ Կնոջից հետարքրքվեցինք, թե այս ընթացքում այդ ծախսերն ինչպես է հոգում, նշեց, որ բարեկամները, ամուսնու ընկերներն են օգնում, բայց դա էլ հո հավերժ շարունակվել չի կարող։ Կինն իրեն անպաշտպան է զգում։

Արգիշտի Միքայելյանի ընտանիքը

Տաթեւ Միքայելյանի խոսքով՝ այս ամենի մեջ միակ սփոփիչ ու դրական բանն է այն է, որ ամուսինը կոտրված չէ, հոգեբանորեն կայուն վիճակում է, ու դեռ ինքն է կնոջն ու հարազատեներին հանգստացնում, վստահեցնում, որ ամեն ինչ լավ է լինելու։

Նախարարությունը ներկայացնում է ընթացակարգը

ՀԺ-ն աշխատանքի եւ սոցիալական հարցերի նախարարությունից հետաքրքրվեց, թե եթե քաղաքացին վիրավորում է ստացել պատերազմական գործողություններին մասնակցելիս, նրան զինվորական հաշմանդամության կարգ տրամադրելու ինչ ընթացակարգ է գործում։

Մեզ հայտնեցին, որ առհասարակ հաշմանդամության կարգ ստանալու նպատակով անձը (խոսքը նաեւ ռազմական գործողությունների ընթացքում վնասվածք ստացած զինապարտների, զինծառայողների ու կամավորականների մասին է) պետք է դիմի իրեն համապատասխան բուժում կամ սպասարկում իրականացնող բժշկական կազմակերպություն (պոլիկլինիկա), որտեղից էլ նրան կուղեգրեն բժշկասոցիալական փորձաքննության (ԲՍՓ)՝ տրամադրելով համապատասխան ուղեգիր: Իսկ որպեսզի կարգը լինի զինհաշմանդամության, անհրաժեշտ է ԲՍՓ ներկայացնել նաեւ զինվորական ծառայության հետեւանքով առաջացած վնասվածքների վերաբերյալ եզրակացություն, որը տրամադրվում է պաշտպանության նախարարության Կենտրոնական ռազմաբժշկական հանձնաժողովի (ԿՌԲՀ) կողմից։

Եթե բժշկական կամ ռազմաբժշկական փաստաթղթերում առկա չեն զինվորական պատճառական կապը հաստատող փաստեր կամ բացակայում են հաշմանդամության առաջացման պատճառի մասին տվյալներ, ապա հաշմանդամության առաջացման պատճառը սահմանվում է ընդհանուր հիվանդությամբ, այսինքն ոչ որպես զինհաշմանդամություն։

Անձը ԲՍՓ է ուղեգրվում բժշկասոցիալական փորձաքննության ախտորոշիչ, բուժական եւ վերականգնողական միջոցառումների իրականացումից հետո։ Իսկ տեւական բուժում պահանջող հիվանդությունների դեպքում նաեւ բուժման ընթացքում է ուղեգրվում ԲՍՓ։ Սակայն այդ դեպքում էլ ուղեգրումը պիտի լինի ոչ վաղ, քան բուժման սկզբից 3 ամիս հետո:

Նախարարությունից, սակայն, ընդգծում են, որ ըստ գործող կարգի, եթե չկա առողջական վիճակի վերականգնման հեռանկար, վիրավորում ստացած անձը ԲՍՓ է ուղեգրվում առանց վերը նշված եռամսյա ժամկետի պահպանման։

Առողջական վիճակի վերականգնման հեռանկարի բացակայություն է դիտարկվում անձի հետեւյալ 7 առողջական խնդիրները՝
1) ստամոքսի լրիվ հեռացում
2) մեկ թոքի հեռացում
3) անդամահատված ծայրատներ
4) կոկորդի հեռացում
5) միզապարկի հեռացում
6) հաստ եւ ուղիղ աղու հեռացում` հակաբնական հետանցքի տեղադրում
7) մեկ ակնագնդի կամ երկու ակնագնդերի բացակայության դեպքերում։

ՀՀ աշխատանքի եւ սոցիալական հարցերի նախարարությունից նաեւ հետաքրքրվել էինք, թե հաշմանդամության ինչ կարգ է նշանակվում երկու ոտքերն անդամահատված անձին։ Խնդրել էինք մանրամասնել հատուկ այս դեպքի համար ինչ ընթացակարգ է գործում։

Ի պատասխան հայտնում են, որ մասնավորապես անդամահատումների դեպքում հաշմանդամության կարգ նշանակելիս հաշվի է առնվում նաեւ վերջույթի (վերջույթների) հետագա պրոթեզավորման հնարավորությունը, արդյունավետությունը, հարմարվողականությունը եւ այլ նեղ մասնագիտական հանգամանքներ։

Նախարարությունից տեղեկացնում են, որ բժշկական հաստատության տրամադրած ուղեգրի առկայության դեպքում անձը կամ նրա ներկայացուցիչը կարող է դիմել Աշխատանքի եւ սոցիալական հարցերի նախարարության ԲՍՓ գրասենյակ կամ ԲՍՓ տարածքային բաժիններ։ Վերոնշյալ բաժիններ կարող են դիմել ինչպես գրավոր, այնպես էլ բանավոր՝ զանգահարելով հետեւյալ հեռախոսահամարներով՝ 055-72-83-07, 060-65-28-72։ Դիմումները կարող են ուղարկվել առձեռն կամ փոստով կամ էլեկտրոնային եղանակով (հետեւյալ էլ. հասցեով՝ [email protected]

Հիշեցնենք նաեւ, որ մի քանի օր առաջ ՀՀ աշխատանքի եւ սոցիալական հարցերի նորանշանակ նախարար Մեսրոպ Առաքելյանը ֆեյսբուքյան իր գրառման մեջ նշել էր, որ զինվորներին հաշմանդամության կարգի տրամադրման ամբողջ գործընթացը կազմակերպվելու է աշխատանքի եւ սոցիալական հարցերի նախարարության միջոցով։ Եվ այն անձինք, որոնք ծանր վիրավորում են ստացել եւ տեղաշարժման խնդիր ունեն, նրանց ներկայանալու կարիք չկա․ նախարարության աշխատակիցները կմոտենան այդ անձնաց բնակության վայրեր։

ՀԳ․ Երեկ, երբ հոդվածն արդեն պատրաստ էր հրապարակման, ՀՀ աշխատանքի եւ սոցիալական հարցերի նախարարությանը կից բժշկասոցիալական փորձաքննության գործակալությունից ՀԺ-ին հայտնեցին, որ այցելելու են Արգիշտի Միքայելյանի բնակարան, որպեսզի տեղում ծանոթանան հիվանդի առողջական վիճակի մասին վկայող ընդհանուր փաստաթղթերին, ըստ այդմ միանգամից կտրամադրեն նաեւ հաշմանդամության կարգ։

ԲՍՓ աշխատակիցը նշեց, որ քաղաքացու դեպքում ապակողմնորոշում է եղել։ Վերջինիս հարազատներին նախ ճիշտ չեն ուղղորդել, ինչն էլ բարդացրել է նրանց գործը։ Իրազեկվածության խնդիր է եղել։ «Վերցրել են անհրաժեշտ փաստաթղթերը գնացել են պրոթեզարան, մինչդեռ կարգի համար, նախ պիտի գնային ՀՀ աշխատանքի եւ սոցիալական հարցերի նախարարություն։ Փաստաթղերի հիման վրա ԲՍՓ-ն պիտի տար կարգ։ Եթե ՊՆ-ից էլ համապատսխան թուղթն ունենան միանգամից զինհաշմանդամի կարգ ենք նշանակում, եթե ոչ հետագայում, երբ էլ վերցնեն ու մոտենան կփոխենք»,- մանրամասնեց աշխատակիցը։

Տպել
2839 դիտում

ՄԻՊ-ը Ֆրանկոֆոնիայի խորհրդարանական վեհաժողովի պատվիրակությանը ներկայացրել է հայ գերիների վերադարձի հրատապությունը

ՃՈ-ն ուժեղացված ծառայություն է իրականացրել մի շարք քաղաքներում․պահպանվող հատուկ տարածքներ է տեղափոխվել 32 ավտոմեքենա

Ամաչե՛ք, ես ձեր փոխարեն գետինն եմ մտնում. ՇՊՀ ուսխորդի նախագահը ԵՊՀ-ի ակադեմիական շրջանակներին

Առաջարկվում է դպրոցի տնօրենի ընտրությունն իրականացնել մինչև գործող տնօրենի պաշտոնավարման ավարտը․ Ժաննա Անդրեասյան

Ավերածություններ Շիրակի մարզում. վնասի չափերը ճշտվում են (լուսանկարներ)

Իսլամի դեմ պայքարի ու քաղաքացիական պատերազմի վտանգի մասին Մակրոնին ուղղված նամակը մեծ իրարանցում է առաջացրել

ՄԻՊ-ը Ֆրանկոֆոնիայի խորհրդարանական վեհաժողովի պատվիրակությանը ներկայացրել է գերիների վերադարձի հրատապությունը

Նախագահն ստորագրել է հունիսի 20-ին Ազգային ժողովի արտահերթ ընտրություն նշնակելու մասին հրամանագիրը

Ես ամեն մի հիմար ձայնագրություն չեմ մեկնաբանում․ Վարդազարյանը՝ իրեն վերաբերող ձայնագրության մասին

ԱԻՆ ղեկավարն ընդունել է բարեգործ ֆրանսահայերի. գերատեսչությունը պատրաստ է շարունակական համագործակցության

Նիկոլ Փաշինյանի եզրափակիչ ելույթն Ազգային ժողովում՝ վարչապետի ընտրության հատուկ նիստին

Զորամասերում անցկացվել են Մեծ հայրենականի հերոսների հիշատակին նվիրված միջոցառումներ

Հայաստանի Պրեմիեր լիգայի առաջատարների խաղում գոլեր չխփվեցին

Ժողովրդի կամքի արտահայտման ոտնահարման ցանկացած փորձ արժանանալու է ամենախիստ արձագանքի. Լիլիթ Մակունց

ՌԴ-ում Հայաստանի դեսպանությունը հայտնում է, որ որոշ անձինք քաղաքացիներին փորձում են շփոթմունքի մեջ գցել

Հեղափոխական իշխանության դեպքում ընդդիմություն լինելը մոտավորապես անեծքի պես բան էր. Էդմոն Մարուքյան

Մահացել է «Սանտա Բարբարա» հեռուստասերիալի դերասանուհիներից Թոնի Քիթեյնը

Անկախ հիվանդանալու հանգամանքից պատվաստումը պետք է իրականացվի

Բեկթաշյանի ձայնին նման էր․ Բեքմեզյանը՝ դատավորի մասնակցությամբ աղմկահարույց ձայնագրության մասին

Հենց դա չի ներվում մեզ, ձեզ. մարդիկ չեն հասկանում՝ ոնց կարելի է չծախվել, երբ բորսայում ամենաբարձր գներն են. Փաշինյան

Չի կարելի վիճարկել մի բան, որում վստահ չես. Վահրամ Դումանյանը՝ Պոլիտեխնիկի ռեկտորի ընտրության արդյունքների մասին

Այդպես է սիրտս թելադրել. Նիկոլ Փաշինյանի թեկնածությանը կողմ քվեարկած պատգամավորը «Իմ քայլից» է

Վրաստանի վարչապետ Իրակլի Ղարիբաշվիլիի գլխավորած պատվիրակությունը պաշտոնական այցով կժամանի Հայաստան

Ազգային ժողովը 2-րդ անգամ վարչապետ չընտրեց. գործող խորհրդարանը համարվում է իրավունքի ուժով արձակված

Վանաձոր-Ալավերդի-Վրաստանի սահման միջպետական ճանապարհին ընթանում են ասֆալտապատման աշխատանքներ

Ղարաբաղյան հակամարտությունը չունի ռազմական լուծում, այն քաղաքական խնդիր է. Լենա Նազարյանը՝ Ֆրանկոֆոնիայի պատվիրակությանը

Արա Այվազյանը և Անտոնիո Գուտերեշը քննարկել են Արցախում ստեղծված իրադրությունը մեղմելու ուղղությամբ քայլերի ձեռնարկումը

4 անշարժ գույք, 5 մլն դրամ, 50 հազար դոլար. ԿԳՄՍ նախարարի պաշտոնակատարի ունեցվածքը

Պետական սահմանում իրավիճակի փոփոխություն չի արձանագրվել

Բնապահպանական ծրագրերի իրականացման գրասենյակը տնօրենի նոր պաշտոնակատար ունի

Նպատակը ոչ թե փակուղի տանելն էր կամ տապալելը, այլ ավելի աշխատանքային մթնոլորտ ստեղծելը. ԿԳՄՍ նախարարը՝ նոր որոշման մասին

Ռուստամ Բադասյանը եւ Սուրեն Գրիգորյանը կգործուղվեն Մոսկվա

Մարգարյան փողոցի ծառերը հատվել են տարածքում վագոն-տնակ տեղադրելու նպատակով. Երևանի քաղաքապետարան

Վլադիմիր Պուտինը եւ Իլհամ Ալիևը քննարկել են երկկողմ հարաբերություններին վերաբերվող մի շարք հարցեր

Մխիթարյանը 10 գոլի ու 10 գոլային փոխանցման հեղինակ դարձած 9-րդ ֆուտբոլիստն է Եվրոպայի թոփ-5 առաջնություններում

Հայաստանի Հանրապետության քաղաքացին գիտի, որ ինքը որոշում է. Նիկոլ Փաշինյանի ելույթը ԱԺ-ում

Ընտրական հանցագործությունների արարքները կոնկրետացնող, իսկ պատիժները խստացնող օրինագիծն այլեւս օրենք է․ Հովակիմյան

Եվս երկու ուղեգիր Տոկիոյի օլիմպիական խաղերի համար․ հունահռոմեական ոճի ըմբիշները հիանալի ելույթ ունեցան Սոֆիայում

Շարժական պատվաստումային խմբերը կավելանան եւս մեկով, այն կգործի Դիլիջանի քաղաքապետարանի հարևանությամբ

Make It Bright Համաշխարհային փորձառնության մարտահրավեր