Պատերազմի օրերին վիրավորված պայմանագրային զինծառայողին հարկավոր է հաստ աղիքի փոխպատվաստում․ այն Հայաստանում չեն անում

Պատերազմի օրերին թշնամու անօդաչու սարքերից վիրավորված պայմանագրային զինծառայող Վահագն Հովհաննիսյանն արդեն մեկ ամսից ավելի է ծանր վիճակում գտնվում է հիվանդանոցում։ 30-ամյա Վահագնը պատերազմի թեժ օրերին, երբ Սյունիքի մարզի ուղղությամբ էլ էր թշնամին կրակում, վիրավորվել է այդ մարզի Խնձորեսկի հատվածում։

Պատերազմի առաջին օրերին նրան Արարատի մարզից ծառայակիցների հետ միասին ուղարկել են Ջաբրայիլ: Ջաբրայիլից երկու օրով գնացել է տուն, հոկտեմբերի 21-ին ծառայության են տեղափոխվել Խնձորեսկ, որտեղ էլ 22-ին վիրավորում է ստացել:

Վահագն Հովհաննիսյանի կինը՝ Սաթենիկ Մհերյանը «Հայկական ժամանակի» հետ զրույցում ասաց, որ ամուսինը մարտական ընկերներին հաց տանելիս է վիրավորել։

«Սկզբից տաք է եղել, չի զգացել, թե ինչ է կատարվում, մոտ 15 կիլոմետր այդ վիճակով քայելել է մինչեւ հասնի Գորիսի հոսպիտալ։ Առաջին անգամ գնալու ամսաթիվը չեմ հիշում արդեն, բայց գիտեմ, որ դրանից հետո մոտ մեկ ամիս տուն չէր եկել։ Եկավ, լողացավ, երեխային տեսավ, հոկտեմբերի 19-ին էր նորից գնաց, ամսի 22-ին բերեցին»,- պատմեց Սաթենիկը։

Վահագնը ու իր դուստրը

Վահագն Հովհաննիսյանն այժմ Քանաքեռի ուռուցքաբանական ազգային կենտրոնում է գտնվում։ «Մեկ վիրահատություն է տարել Գորսում։ Տեղափոխել են Երեւան, քանի որ վիճակը բավականին բարդ է եղել։ Չգիտեմ ինչպես, բայց ամուսինս հայտնվել է այստեղ։ Բժիշկներից հոգաչափ գոհ ենք։ Կոնքհատվածի երկկողմանի վիրավորում է ստացել։ Երկաթի կտորներ են աջ կողմից մտել, ձախից դուրս եկել։ Բավականին խոր վերքեր ունի, ու բուժման համար դեռ երկար ժամանակ կպահանջվի։ Հաստ աղին է վնասվել, կողքից կախված է։ Վնասվել է դեպի հետանցք գնացող բավականին մեծ հատված»,- ասաց Սաթենիկը։

Նա նշեց, որ ամուսնուն հաստ աղիքի փոխպատվաստում է հարկավոր։ Բուժող բժիշկն ասել է, որ 80 տոկոսով այն այլեւս հնարավոր չէ վերականգնել ։

«Մեզ ասացին, որ այստեղ չեն անում այդ վիրահատությունը, քանի որ պրակտիկայում դրա անհրաժեշտությունը շատ հազվադեպ կարող է առաջանալ։ Ես էլ եմ տեսնում, որ այն բաժնմունքում, որտեղ ամուսինս է բուժում ստանում, հիմնականում տատիկ, պապիկներ են։ Ասացին, որ նրանց դեպքում էլ տարիքային ռիսկերից ելնելով հաճախ փոխպատվաստում եւ վիրահատական միջամտություն չեն անում»,- նկատեց մեր զրուցակիցը։

Սաթենիկը նաեւ շեշտեց՝ ամուսինը երիտասարդ տղամարդ է, ուստի իրենք ցանկանում են ամեն գնով փոխպատվաստում իրականացնել, չեն ուզում նա այդ վիճակով մնա։ Կինը նաեւ ուրախությամբ փաստեց, որ վերջին մի քանի օրը Վահագնի մոտ բավականին դրական դինամիկա է նկատվում․ եթե նախկինում անշարժ պառկած էր մեջքի վրա, այժմ փոքրիկ միջամտությամբ կարողանում է պառկած տեղից թեքվել։

Խոսելով Վահագնի հետվիրահատական եւ բուժման ընթացքի բոլոր դժվարությունների մասին՝ Սաթենիկը շտապեց հայտնել, որ պայմանագրային զինծառայող ամուսինը կտրականապես դեմ է, որ իրեն հաշմանդամության խումբ տան, ուզում է հնարավորինս արագ առողջանալ ու շարունակել աշխատանքը։

Նա պատմեց, որ Վահագնը իր աշխատանքը շատ-շատ է սիրում։ Ամսվա կեսը աշխատանքի է, մյուս կեսը՝ տանը։

«Ծառայությունը՝ զորամասում աշխատանքը, ամուսնուս համար շատ կարեւոր ու սիրելի էր։ Իր զենքը, համազգեստը, զինվորական պարտականությունները առաջնային ու շատ կարեւոր ու տեղում էին։ Մինչեւ վերջերս չէինք ասել, որ փոխպատվասպման կարիք ունի, բավականին ծանր էր վիճակը, բայց ինքը տեղյակ չէր։ Չեր համբերում, թե երբ է լավանալու, որ ծառայության անցնի»,- պատմեց Սաթենիկը։

Նա նաեւ նշեց, որ քանի որ Վահագնը բարձրագույն կրթություն չունի, հնարավոր չէ ծառայության մեջ կարիերայի աճ ապահովել, որոշել էին, որ այս տարի հեռակա կարգով բարձրագույն կրթություն ստանա, որպեսզի աշխատանքում առաջընթաց ունենա։ Այժմ Սաթենիկը մի կերպ զսպելով հուզմունքը ասաց՝ արդեն չգիտի, թե ինչ կլինի․․․ Աստծուց միայն խնդրում է, որ Վահագնը շուտ լավանա, մեր բոլոր վիրավորները շուտ լավանան։

Սաթնիկի խոսքով՝ ամուսնու առաջնային խնամքի համար որոշ նրբություններ հիվանդանոցում արդեն սովորել է բուժքույրերից, Վահագն էլ չի ցանակնում ամեն հարցում բժիշկներին անհանգստացնել․ «Արդեն կարողանում եմ գիշերվա ժամին իր վիրակապը փոխել կամ նմանատիպ թեթեւ աշխատանք անել, ասում է մի կանչի հերթապահ բժշկին կամ բուժքրոջը, մեղք են, շատ են տանջվում»։

Վահագն ու Սաթենիկը դեռ մեկ երեխա ունեն՝ 7 տարեկան Անգելինան, որն անհամբեր ամեն օր սպասում է, թե երբ են ծնողները տուն գնալու։

Վահագնի ընտանիքը

Ինչ վերաբերում է Վահագնի բուժումն արտերկրում կազմակերպելուն, ապա Սաթենիկը հայտնում է, որ ՀՀ աշխատանքի եւ սոցիալական հարցերի նախարարությունից իրենց ասել են, որ հնարավոր է դրսում բուժում իրականացնել պետական աջակցությամբ, սակայն պետք է որոշակի փուլերով անցնել։ ԱՍՀ նախարարությունից նրանց հայտնել են, որ պետական մակարդակով աջակցության եւ արտերկրում բուժման համար պետք է ՀՀ -ում գործող համապատասխան բոլոր հիվանդանոցներից տեղեկագիր ունենան այն մասին, որ տվյալ վիրահատությունն այստեղ հնարավոր չէ իրականացնել։ Նաեւ պիտի համապատասխան փաստաթուղթ բերեն արտերկրի այն բուժհաստատությունից, որը պատրաստակամություն է հայտնում ստանձնել տվյալ բուժումը։

«Հայկական ժամանակն» առողջապահության նախարարությունից հետաքրքրվեց, թե եթե անձը պատերազմի հետեւանքով է վիրավորում ստացել եւ բուժումն արտերկրում շարունակելու անհրաժեշտություն է առաջնում, այս դեպքում պետությունը կամ հենց նախարարությունը որեւէ աջակցություն տրամադրո՞ւմ է։ Խնդրել էինք նաեւ նշել, թե ինչ ընթացակարգ է նախատեսված։

ԱՆ խոսնակ Ալինա Նիկողոսյանը մեզ փոխանցեց, որ նախ, հարկավոր է հիվանդի բոլոր փաստաթղթերն ու փաթեթներն ուղարկել նախարարություն, որոնցով կհիմնավորվի, որ այդ բուժումն իսկապես անհնար է Հայաստանում։ Դրանից հետո նախարարությունը դիմում է կառավարություն պետական բյուջեից գումար տրամադրելու համար։ «Նման դեպքեր մենք ունեցել ենք, որ զինծառայողները, թե Ապրիլյան պատերազմից հետո եւ թե այլ մարտական գործողությունների դեպքում վիրավորում ստանալու պարագայում շարունակել են իրենց բուժումը արտասահմանում, բայց վերը նշված բոլոր կետերին ապահովելը պարտադիր է»,- ասաց խոսնակը։

Տպել
1371 դիտում

Հակամարտությունը մտել է մի նոր փուլ, որտեղ անհրաժեշտ է հայկական կողմերի միասնական օրակարգ ձևավորել․ Արա Այվազյան

Տնտեսական եւ տրանսպորտային կապերի ապաշրջափակումը չի կարող դրական ազդեցություն չունենալ տնտեսության վրա․ փոխվարչապետ

Ավետիք Իսահակյանի տուն-թանգարանում տեղի կունենա դասական երաժշտական համերգ՝ նվիրված Հայոց բանակի օրվան

Խնդրի ճիշտ լուծումը կարող է լինել անվտանգության երաշխիք. փոխվարչապետը՝ հաղորդակցությունների ապաշրջափակման մասին

Ադրբեջանի հետ Հայաստանի սահմանների որոշման գործընթացը չունի լեգիտիմություն և պետք է անհապաղ դադարեցվի կամ վերանայվի․ ՄԻՊ

ՀՀԿ թեկնածուի օգտին քվեարկելու համար թոշակառուին կաշառք տված թաղապետարանի նախկին աշխատակիցը դատապարտվել է

Մայրաքաղաքում ձնամաքրման աշխատանքներին ներգրավվել են «ԵԱՍՄ» 51 հատուկ տեխնիկա և շուրջ 300 աշխատակից (տեսանյութ)

ՀՀ պետական սահմանի հայ-ադրբեջանական շփման գծի ամբողջ երկայնքով շարունակվել է պահպանվել կայուն օպերատիվ իրավիճակը

Էկոնոմիկայի նախարար Վահան Քերոբյանն այցելել է Ագրարային համալսարան (լուսանկարներ)

Արա Այվազյանը ԵԱՀԿ ՄԽ համանախագահ երկրների ներկայացուցիչների հետ քննարկել է Արցախում ստեղծված հումանիտար իրադրությունը

Մարտակերտում, Մարտունու Կարմիր Շուկա համայնքում վնասազերծվելու է չպայթած զինամթերք. ԱԻՊԾ

Քննարկվել են Հյուսիս-հարավ ճանապարհային միջանցքի Թալին-Գյումրի հատվածի շինարարությանն առնչվող հարցեր

Նարինե Խաչատուրյանն ազատվել է ԿԳՄՍ փոխնախարարի պաշտոնից

Մեր թիմի ներսում կա կոնսենսուս, որ Նիկոլ Փաշինյանը կարող է շարունակել բանակցությունները․ Հրաչյա Հակոբյան

Թրամփի վարչակազմի վերջին ժամերին ԱՄՆ-ը և Թուրքիան «աղետալի» համաձայնագիր են ստորագրել մշակութային սեփականության մասին

Հունվարի 21-ի առավոտյան ավտոճանապարհները պատվելու են մերկասառույցով. Սուրենյանը վարորդներին զգոն լինելու կոչ է անում

Տաշիրի հրշեջ-փրկարարական ջոկատը ճանաչվել է մարզային լավագույն ջոկատը

Լոռու մարզում նախորդ տարի արտակարգ դեպքերի հետեւանքով զոհվել է 34, վիրավորվել՝ 869 քաղաքացի

Ճանապարհային ոստիկանությունը հորդորում է վարչական ակտերի, տուգանքների գումարները վճարել 30-օրյա ժամկետում

Մայթեզրերին տրանսպորտային միջոցների վաճառքի ու վարձույթի խնդիրը կլուծվի․ԱԺ-ն ընդունեց պատգամավորների հեղինակած նախագիծը

Երևանի 12 վարչական շրջաններից 10-ում կվերացվեն «կարմիր գծերը». նախագիծն ընդունվել է

Նախկին կադաստրային արժեքով ինքնակամ կառույցների օրինականացման համար պետք է դիմել մինչեւ հունվարի 31-ը. քաղաքապետարան

Կիպրոսի Պաթոս քաղաքը հայկական և հունական համայնքների խնդրանքով Թալեաթ փաշայի փողոցը վերանվանեց «Արդարադատության» փողոց

Թոշակի անցած երկարամյա զինվորականներին մինչև 2022 թ. դեկտեմբերի 1-ը կտրամադրվեն բնակարանի գնման վկայագրեր

Մատուցվող ծառայությունները սոցիալական ապահովության ոլորտում պետք է լինեն մաքսիմալ արժանապատիվ ու որակյալ. վարչապետ

Հայաստանի ամենախոշոր հարկատուն Վարդանյանների ընտանիքին պատկանող «Գրանդ Տոբակո»-ն է․ ՊԵԿ-ը հրապարակել է ցանկը

Մանվել Գրիգորյանի գերազմանը չեն քանդել. պաշտպան

Լոռու մարզում գյուղատնտեսության ոլորտում դեռ խնդիր է ոռոգման ցանցի ու հակակարկտային կայանների բացակայությունը

Բացահայտվել են Երևանում կատարված բնակարանային գողության, գողության փորձի և գողության կատարմանն օժանդակելու դեպքերը. ՔԿ

Սեպտեմբերի վերջին շաբաթ օրը կնշվի որպես ազգային փոքրամասնությունների օր․ ԱԺ-ն առաջին ընթերցմամբ ընդունեց նախագիծը

Հաստատվել են դպրոցի զարգացման ծրագրի մշակման պահանջները և ձևաչափը

Հաշմանդամային սպորտին հատկացվող գումարն ավելի քան եռապատկվել է

Արցախը Հայաստանին կապող միջպետական ավտոճանապարհները դժվարանցանելի են

Արցախում պետությունը գործատուներին կփոխհատուցի վարձու աշխատողների եկամտահարկը

Հայաստանում հաստատվել է կորոնավիրուսի 309 նոր դեպք, առողջացել է 357 քաղաքացի

24-ամյա երիտասարդին մեղադրանք է առաջադրվել առանց տրանսպորտային միջոց վարելու իրավունքի ավտոմեքենա վարելու համար

Հրապարակվել է Դոնալդ Թրամփի հրաժեշտի ելույթը. նա, ի վերջո, ընդունել է Բայդենի հաղթանակը (տեսանյութ)

ԱԺ նիստն ընդմիջվեց. որոշ պատգամավորներ խցանումների պատճառով դեռ ճանապարհին են

Ինչ է պետք տնտեսական ակտիվության միջավայրի վերականգնման համար

Երևան-Մեղրի հատվածում արգելափակվել է 100, իրար բախվել՝ 12 ավտոմեքենա, «ԿամԱԶ»-ը սահել է ձորը