Ջոզեֆ Բայդենի եւ Քեմալլա Հարրիսի երդմնակալությունը ( լուսանկարներ). ՈՒՂԻՂ. ԹԱՐՄԱՑՎԱԾ

23:15- ԱՄՆ-ի նորընտիր նախագահ Ջոզեֆ Բայդենը, պաշտոնը ստանձնելուց հետո հանդես է եկել ելույթով՝ դիմելով ներկաներին եւ բոլոր ամերիկացիներին: Ելույթը, ինչպես և ամբողջ երդմնակալության արարողությունը, ուղիղ հեռարձակմամբ ցուցադրվել է ամերիկյան գրեթե բոլոր հեռուստաալիքներով, լրատվական կայքերով, ամերիկյան բոլոր նահանգների խոշոր քաղաքներում տեղակայված փողոցային էկրաններով:

Իր երդմնակալության ելույթում նոր նախագահը խոստացել է առաջնորդ լինել բոլոր ամերիկացիների համար՝ ընդ որում՝ իր օգտին չքվեարկած քաղաքացիների՝ խնդրելով նրանց հավատալ իրեն և տալ շանս՝ աշխատելու ու խոստումներն իրականացնելու համար: Բայդենը խոստացել է  նաև վերականգնել ազգի միասնությունն ու համերաշխությունը, ակտվացնել Ամերիկայի արտաքին քաղաքականությունը:

22:28- Բայդենը ստորագրել է նախագահի պաշտոնում իր առաջին հրամանագրերը: Նա իր ստորագրությունն է թողել նաեւ ինաուգուրացիոն մատյանում: Քիչ անց նա ստուգելու է ամերիկյան զորքերը՝ անցնելով ամերիկյան զինված ուժերի ստորաբաժանումների մոտով որպես երկրի նոր գերագույն գլխավոր հրամանատար:

22:00- ԱՄՆ-ի արդեն նախկին նախագահ Դոնալդ Թրամփին ու վերջինիս տիկնոջը Ֆլորիդա հասցնելուց հետո ամերիկյան թիվ 1 բորտը վերադարձել է Վաշինգտոն: Այն արդեն պաշտոնապես սպասարկելու է նորընտիր նախագահ Բայդենին:

21:18- Այս տարվա արարողությանը ԱՄՆ-ի հիմնը կատարել է աշխարհահռչակ երգչուհի Լեդի Գագան: 

Գագան նախկին նախագահ Թրամփի ամենամոլի քննադատներից է: Թվիթերի իր միկրոբլոգում երգչուհին հայտնել է, որ իր համար մեծա պատիվ է երկրի հիմնի կատարումը: Ավելի վաղ արված գրառմամբ, նա նշել էր, որ ցանակնում է, որպեսզի իր կատարմամբ մոռացվեն Թրամփի նախագահության նախորդ 4 տարիներին քաղաքացիների միջեւ սկսված տարաձայնությունները:

21:02- Քեմալա Հարրիսից անմիջապես հետո ԱՄՆ 46-րդ նախագահ Ջոզեֆ Բայդենը  երդվեց՝ պաշտոնապես ստանձնելով երկրի ղեկավարի պաշտոնը:

Ջո Բայդենը երդվեց՝ ձախ ձեռքը դնելով Աստվածաշնչի վրա, որն իր առջևում էր պահել  կինը ՝ Ջիլլ Բայդենը:

Երդվելուց հետո նրան շնորհավորեց  երդումն ընդունած ԱՄՆ-ի Գերագույն դատարանի անդամ Ջոն Ռոբերթսը, ով կանգնած էր նրա առջև: Բայդենը երդվել է Աստվածաշնչով, որը 127 տարի պատկանել է իր ընտանիքին, նա այն օգտագործել է նաև 2009 և 2013 թվականներին փոխնախագահի պաշտոնը ստանձնելիս:

20:50- ԱՄՆ-ի նորընտիր փոխնախագահ Քեմալա Հարրիսը երդվեց՝ հավատարմորեն ծառայել Ամերիկայի Միացյալ Նահգանգներին ու ամերիկացիներին: Երդմնակալության արարողոըթյունը տեղի ունեցավ Կապիտոլիումի աստիճաններին: 

Փոխնախագահը երդվեց ավանդական կանոնակարգով՝ ձախ ձեռքը դնելով Աստվածաշնչի վրա, որը պահվում էր իր ամուսնու ՝ Դուգլաս Էհմհոֆի կողմից:

«Շնորհավորում եմ, տիկին փոխնախագահ», - ասաց նրանց երդումն ընդունած ԱՄՆ-ի գերագույն դատարանի անդամ Սոնիա Սոտոմայորը:

20:30- Արդեն ժամանել է նաեւ նորընտիր նախագահ Ջոզեֆ Բայդենը՝ տիկնոջ՝ Ջիլլ Բայդենի հետ: Վերջինս նուրբ  փիրուզագույն հագուստով է, նույնատիպ դասական վերարկուով ու բարձրակրունկներով, նաեւ նույն երանգի դիմակ ու կաշվե ձեռնողներ է կրում: Բայդենը նուրբ մանուշակագույն փոխկապով, մուգ կապույտ կոստյումով է:

20:25- Րոպեներ առաջ կապիտոլիումի աստիճաններին դիմավորեցին ԱՄՆ-ի նոր փոխնախագահ Քեմալլա Հարրիսին՝ ամուսնու հետ:

20:17- Ժամանել է նաեւ ԱՄՆ-ի նոր փոխնախագահ Քեմալլա Հարրիսը՝  ամուսնու՝ Դուգլաս Էմհոֆի հետ միասին: Ներս մտնելով նրանք ողջունեցին առաջին շարքում կանգնած Օբամաներին, այնուհետ՝ մյուս հյուրերին:

20:10- Ներկա են նաեւ Ջորջ Բուշ կրտսերը՝ տիկնոջ՝ Լորայի հետ:

20:02- Արդեն ժամանել են ԱՄՆ-ի նախկին նախագահ Բարաք Օբաման՝ կնոջ՝ Միշելի հետ: Նրանց դիմավորեցին ծափահարություններով: Արարողությանը ներկա կլինեն նաեւ նախկին նախագահներ Ջորջ Բուշ կրտսերը եւ Բիլ Քլինթոնը: 

19:50- Մեկնարկել է երդմնակալության արարողությունը: Դասական երաժշտության հնչյունների ներքո Կապիտոլիումում դիմավորում են հյուրերին ու մասնակիցներին: Նրանց թվում են գործող եւ նախկին պաշտոնյաներ, ԱՄՆ-ի նախկին նախագահներից մի քանիսը:

19:45- Այսօր ԱՄՆ-ում կարեւոր իրադարձություն է: Երկրի 46-րդ նախագահ Ջոզեֆ Բայդենը ժամեր անց պաշտոնապես կերդվի եւ կստանձնի երկրի նախագահի պաշտոնը: Միացյալ Նահանգներում վերջին մեկ շաբաթում արտասովոր եռուզեռ է:

Իր նախագահության վերջին րոպեները վայելող Դոնալդ Թրամփը կնոջ՝ Մելանյայի հետ քիչ առաջ լքել է Վաշինգտոնը: Նրանք վերջին անգամ, որպես երկրի ղեկավար, օգտվում են ամերիկյան թիվ 1 բորտից՝ նախագահական օդանավից: Ուղղաթիռը, Մերիլենդի զինվորական օդանավակայանից օդ բարձրանալով, ուղեւորվում է Ֆլորիդա՝ Մար-ա-Լագոյում տեղակայված նստավայր:

Ջոզեֆ Բայդենը իր օր սկսել է սուրբ Մատթեոս առաքյալի տաճար այցելությամբ, որը գտնվում է Սպիտակ տնից բառացիորեն հարյուր մետր հեռավորության վրա: Բայդենին ուղեկցում էին կին՝ Ջիլլ Բայդենն ու ընտանիքի անդամները:

Եկեղեցու մոտ նրանց են միացել ԱՄՆ նորընտիր փոխնախագահ Քամալա Հարիսն ու նրա ամուսինը՝ Դուգլաս Էմհոֆը, ինչպես նաեւ Կոնգրեսի մի քանի անդամներ:

Ջո Բայդեն սոցցանցի իր էջերում լուսանկար է հրապարակել եւ կից գրառել․ «Սա նոր օր է Ամերիկայում»:

Իսկ Բարաք Օբաման «Թվիթերի» իր էջում շնորհավորել է Ջո Բայդենին․

«Սա քո ժամանակն է»,- գրել է Օբաման։