«Արցախի հերոսի» կոչումն ինձ մոտ ոչ մի բան չի փոխել, ես նույն Յուրան եմ. «Արցախի հերոս» Յուրա Ալավերդյան

Շարքային Դավիթ Լյովայի Գրիգորյան, սերժանտ Էդգար Էդվարդի Մարկոսյան, ավագ սերժանտ Յուրա Հայկարամի Ալավերդյան. 2020 թվականի հոկտեմբերի 4-ին՝ Արցախում սկիզբ առած պատերազմի առաջին օրերին, ժամկետային զինծառայող այս տղաների անունները պատմության մեջ մտան՝ որպես «Արցախի հերոսների»:

Նրանցից Յուրա Ալավերդյանը՝ մեր կողքին ապրող 20-ամյա հերոսը, պաշտոնական հաղորդագրության հրապարակման պահին՝ նույն հոկտեմբերի 4-ին, արդեն իսկ Կարախամբելիի եւ Ֆիզուլիի հատվածներում թշնամու 9 տանկ եւ 1 միավոր ավտոտեխնիկա էր ոչնչացրել, որից հետո խոցել է ևս 3 տանկ՝ ընդհանուր թիվը դարձնելով 12, շարքից հանելով նաև ռազմական այլ տեխնիկական միջոցներ:

Բանակ զորակոչվելիս երևանցի փոքրամարմին այս տղայի մտքով անգամ չի անցել, որ պատերազմի մասնակից է դառնալու և այդ պատերազմում սխրագործելու է ու հերոսանալու. «Ինձ 4 ամիս էր մնացել զորացրվելու, ու ընդհանրապես չէի էլ մտածում, որ կարող է պատերազմ սկսել, ու ամեն ինչ միանգամից եղավ»,- անկեղծանում է նա:

Ու թեև պատերազմն այլևս իրողություն է, և նա էլ այդ պատերազմում հերոսացել է, բայց, այնուամենայնիվ, Արցախի բարձրագույն կոչմանն արժանացած երիտասարդը երկար չի սիրում խոսել կատարած հերոսական գործողությունների և, առհասարակ, պատերազմի մասին: Միայն համառոտ պատմում է, թե ինչպես առան պատերազմի լուրն ու նկարագրում թշնամուն պատճառած վնասները:

«Պատերազմը երբ սկսվեց, մենք դիրքերում էինք՝ առաջնագծից 7 կմ հեռու, և մեզ համար արդեն պարզ էր, թե ինչ է կատարվում: Դրանից հետո մեզ տագնապով տարան առաջնագիծ, ու ճակատային գծի տարբեր ուղղություններում խոցեցի թշնամու տանկեր, զրահատեխնիկաներ և այլ սպառազինություն»,- այս մի քանի բառերով է Յուրա Ալավերդյանը ամփոփում 44-օրյա ահեղ պատերազմի սկիզբն ու ավարտը:

May be an image of կանգնած և outerwear-ը

Յուրա Ալավերդյանը ծառայակից ընկերոջ հետ

Իր իսկ հերոսանալու մասին լուրը նա իմացել է հրամանատարական դիտակետից, երբ նրան տեղափոխել են այնտեղ, որպեսզի անձամբ ռադիոկապի միջոցով լսի Արցախի նախագահ Արայիկ Հարությունյանի ուղերձը, որի ժամանակ էլ հնչել է նաև իր անունը:

Ընտանիքի անդամները, որոնք որդու հերոսանալու մասին տեղեկացել են մամուլից, զարմացել են ու շփոթվել, բայց ոչ այն պատճառով, որ իրենց 20-ամյա փոքրամարմին տղան արժանացել է հերոսի կոչման, այլ որ մասնակցում է մարտական գործողություններին, քանի որ Յուրան, ինչպես մեր տղաներից շատերը, հարազատներին վստահեցրել էր, թե առաջնագծում չէ:

«Սկզբում չէի ասել, որ մասնակցում եմ պատերազմին, հետո երբ զանգեցի, տանեցիները տեղյակ էին արդեն: Արայիկ Հարությունյանի խոսքից իմացել էին, որ մասնակցում եմ պատերազմին և իմ ներդրումն եմ ունենում»,- պատմում է նա ու նշում, որ հուզմունքն ու ուրախությունը ընտանիքի անդամների մոտ այդ ժամանակ միախառնվել էին, և հեռախոսային մի քանի րոպեանոց զրույցի ժամանակ Ալավերդյանները, իրար հերթ չտալով, շնորհավորել են որդուն:

Ի տարբերություն թիկունքում գտնվողների, սակայն, առաջնագծում տղաները ո՛չ հուզվելու, ո՛չ ուրախանալու, ոչ մի զգացմունք արտահայտելու ժամանակ ու հնարավորություն չեն ունեցել. միակ բանը, որ 44 օր շարունակ արել են, հայրենիքի համար մարտնչելն է եղել:

«Մեր հոգեվիճակը էնպիսին չէր, որ կարողանայինք հուզվել կամ ուրախանալ: Բայց ասեմ՝ մտքովս անգամ չէր անցնում, որ ես կարող եմ նույնիսկ կրծքանշան ստանալ»,- անկեղծանում է «Ոսկե արծիվ» շքանշանի ասպետը՝ ասելով, որ իրեն շնորհված կոչման համար նաև մեծ ներդրում ունեն իր մարտական ընկերները, որոնք առաջին օրվանից մինչև վերջին օրը իր կողքին կռվել են՝ առանձնահատուկ հիշատակելով նահատակված մարտական ընկերներից մեկին՝ նույնպես «Արցախի հերոսի» կոչման արժանացած Դավիթ Լյովայի Գրիգորյանին, որի հետ ծառայել են նույն մարտկոցում և կռվել նույն տեղում:

May be an image of 6 մարդ, outerwear և military uniform-ը

Յուրա Ալավերդյանը ծառայակից ընկերների հետ

Պատերազմը շատ բան է փոխել իր կյանքում, նկատում է Յուրան, փոխվել են կյանքի հանդեպ պատկերացումները, բայց ամենակարևոր բանը, որը է՛լ ավելի է սկսել արժևորել, հենց կյանքն է: «Պատերազմի ժամանակ սկսում ես արժևորել կյանքդ, ապրածդ ամեն մի վայրկյանը քեզ համար արդեն թանկ է դառնում»,- ընդգծում է նա ու խոստանում այսուհետ ապրել կյանքի ամեն վայրկյանը գնահատելով:

Յուրան նաև նշում է, որ հերոսի կոչումն իր կյանքում ոչինչ չի փոխել, ո՛չ դրանից մեծամտացել է, ո՛չ էլ իրեն առավել վեր է դասում մյուսներից, ինքը նույն Յուրան է, ինչպես ճանաչել են իրեն, և կապ չունի, որ հիմա հերոս է. «Ես ընդհանրապես բոլորին էլ ցուցաբերել եմ նույն վերաբերմունքը, նկատի ունեմ՝ անծանոթներին: Դե, բնականաբար, մոտիկներին ավելի ջերմ վերաբերմունք եմ ցուցաբերել, ու «Արցախի հերոսի» կոչումը ինձ մոտ ոչ մի բան չի փոխել»:

Նրա հերոսանալու լուրը նաև առանձնահատուկ ոգևորություն է առաջացրել Երևանի թիվ 150 դպրոցում, որտեղ երիտասարդը սովորել և ավարտել է: ՀՀ կրթության, գիտության, մշակույթի և սպորտի նախարարության կողմից էլ դպրոցը ստացել է ոսկե մեդալ՝ ապագա հերոս ուսանելու համար:

Զորացրվելուց հետո առաջին վայրերից մեկը, որ այցելել է Յուրան, հենց հարազատ դպրոցն է եղել, որտեղ էլ նրա մեջ ներարկվել են հայրենիքի հանդեպ սերը՝ նաեւ հանուն հայրենիքի ընկած հերոսների մասին պատմություններով:

«Այն դասարանը, որտեղ ես սովորել եմ, իմ նկարը փակցված է պատին, դպրոցի դռան մուտքի մոտ էլ է փակցված նկարս: Մեծ հպարտության զգացում է, երբ որ տեսնում ես՝ քո նկարը հայտնվել է այնպիսի մարդկանց նկարների կողքին, ովքեր քո հերոսներն են, ում կենսագրությունները դու սովորել ես, և մի օր գալիս ես կանգնում այդտեղ և տեսնում, որ քո նկարն էլ կա իրենց նկարների կողքին, ու դու էլ ես մտել Հայոց պատմության մեջ»,- ասում է մեր ժողովրդի պատմության էջերում անունը գրած երիտասարդը և նշում, որ հայրենիքն իր համար է՛լ ավելի է կարևորվում և արժևորվում, որովհետև ունեցել ենք Մոնթե Մելքոնյանի՝ Ավոյի պես հերոս:

Սակայն Ավոյի կերպարով ոգեշնչված Յուրան հետագա կյանքը բանակում չի պատկերացնում, նրան առավել ձգում է քաղաքացիական կյանքը, ծրագրավորողի մասնագիտությունը:

«Ընդհանրապես չեմ հետաքրքրվում այդ ոլորտով: Ճիշտ է, առաջարկներ եղել են, և անգամ առաջարկել են սպայական կոչման արժանացնել, սակայն չեմ համաձայնել: Զորացրվել եմ ավագ սերժանտով: Ծրագրավորողի մասնագիտությունն էլ ինձ ավելի հոգեհարազատ է, և պատրաստվում եմ շարունակել ուսումս ու աշխատել հենց այդ ոլորտում»,- վստահ է նա:

Յուրայի սիրտն էլ դեռ զբաղված չէ, բայց ասում է, որ պատերազմից հետո էականորեն մեծացել է երկրպագուհիների բանակը: Նա ամոթխածությամբ է խոսում այդ մասին, ժպտալով նշում է, որ դեռ ընտանիք կազմելու համար շուտ է, անելիքներ շատ կան:

«Արցախի հերոսին», սակայն, փողոցում դեռ շատերը չեն ճանաչում, բայց դեպքեր լինում են, երբ անցնելիս երկար են նայում կամ ժպտում են, երբեմն՝ նաև հեռվից ողջունում։ «Ոմանք ճանաչում են, ոմանք՝ չէ»,- ասում է նա և հավելում. «Բայց ասեմ, որ դեռ դեպք չի եղել, որ փողոցում մոտենան, խոսեն»:

Բնութագրությունը հասանալի չէ

Կյանքի ու մահվան սահմանագծում հայտնված Յուրայի հետ զրույցն ավարտում ենք՝ կրկին վերադառնալով բանակին ու պատերազմին: Հիմա նրա համար Հունվարի 28-ը՝ Բանակի օրը, այլ խորհուրդ է ստացել: Ասում է, որ նորից, եթե հարկ լինի, ինքը սահմանին կլինի։ Որքան էլ որ զինվորականի մասնագիտությունն իրենը չէ, բայց հայրենիքի պաշտպանությանը բոլորը պիտի մասնակցեն։ «Անկախ ամեն ինչից, մենք կանգնուն ենք մնացել ու կմնանք, և եթե էլի նմանատիպ գործողություններ լինեն, ես վստահ եմ, որ բոլորն էլ մինչև վերջ կանգնելու են սահմանին»,- համոզմունք է հայտնում հերոսը և որպես Բանակի օրվա մաղթանք՝ ցանկանում, որ զոհված մարտական ընկերների հոգիները հանգիստ լինեն, իսկ գերեվարված տղաները շուտ վերադառնան հայրենիք:

Գագիկ Ավետիսյան

Տպել
1355 դիտում

Քննարկվել են դեղատոմսով բաց թողնվող դեղերն առանց դեղատոմս իրացնելու, դեղերի հետկանչի իրականացման խնդիրները

«Նոայի» իտալական դժվարություններն ու գերմանական կասկածները

Գործնական պարապմունքներ են անցկացվել մարտական հերթապահության մեկնող ստորաբաժանումների անձնակազմի հետ

Շիրակի մարզում կորոնավիրուսային ստաբիլ վիճակ է, թվերը չեն աճել

Ինչպիսի տարի էր 2020-ը ԵԱՏՄ երկրների համար եւ ինչ է սպասվում 2021-ին. պատասխանում է ԵՏՀ նախարարը

Մարդու իրավունքների պաշտպանը առաջարկում է Սյունիքում ապառազմականացված անվտանգության գոտի ստեղծել

Մանկապարտեզներում երեխաների թիվը մեծացնելու խնդիրը դեռեւս չի լուծվում. դժգոհող ծնողներն ԱՆ-ում քննարկման են մասնակցել

Պատգամավորն առաջարկում է պատվին, կամ գործարար համբավին պատճառված վնասի հատուցման գործերը քննել 2 ամսում

Կոտայքի մարզպետն ընդունել է ՀՀ-ում Ֆրանսիայի դեսպան Ջոնաթան Լաքոտին

Սոնան պատերազմի մասնակիցների համար հանդես կգա մենահամերգով

ՊՆ-ն՝ հայ-ադրբեջանական շփման գծի իրավիճակի մասին

Լարսը բաց է բոլոր տեսակի տրանսպորտային միջոցների համար․ ռուսական կողմում կուտակված է մոտ 600 բեռնատար

Կայացել է շրջակա միջավայրի նախարարին կից հասարակական խորհրդի առաջին նիստը

ՀՀ պաշտպանության նախարարն աշխատանքային շրջայցեր է կատարել ԶՈՒ ստորաբաժանումներ (լուսանկարներ)

Հայ խաղաղապահների հերթական զորախումբը վերադարձել է հայրենիք

Վաղարշակ Հարությունյանը պարգևատրել է կին զինծառայողներին և կուրսանտներին (լուսանկարներ)

Ամենայն Հայոց Կաթողիկոսը հյուրընկալել է «Նագգաշյան մանուկների տան» մանկավարժներին և շրջանավարտներին

Քննարկվել է Հայաստանում խոշոր եղջերավոր կենդանիների համարակալման և հաշվառման ծրագրի ընթացքը

ԳՇ հայտարարությունը ռազմական հեղաշրջման փորձ է. Արամ Սարգսյան

Վերսկսվում է Կորոնավիրուսի տնտեսական հետևանքների չեզոքացման 17-րդ միջոցառման դրամաշնորհների տրամադրումը

Եղվարդի 29-ամյա բնակիչը փորձել է հրկիզել 17 մլն 375 հզ դրամին համարժեք զինվորական հանդերձանք. ոստիկանների բացահայտումը

«Հայաստան» համահայկական հիմնադրամի դրամահավաքի միջոցներով ձեռքբերված ոտքի պրոթեզների նոր խմբաքանակն արդեն Հայաստանում է

Հաստատվել են 4-րդ, 9-րդ և 12-րդ դասարաններում սովորողների քննությունների օրերը

Մենք պարտք ունենք քո առջեւ, սպարապե՛տ, մենք պարտք ունենք մեր հերոս նահատակների առաջ․ Սպարապետն այսօր կդառնար 62 տարեկան

ՃՈ հաշվառման-քննական ստորաբաժանումների երկու տեսուչի մեղադրանք է առաջադրվել (տեսանյութ)

Գերիների ծնողները բացել են Շիրակի մարզպետարանի մուտքը. կառույցն անցել է բնականոն աշխատանքի

Վերաքննիչ քրեական դատարանի որոշմամբ Արա Սաղաթելյանը ազատ արձակվեց

Գորիսի տարածաշրջանի ավտոճանապարհներին և Մեղրիի լեռնանցքում մառախուղ է, տեսանելիությունը՝ 50-100 մետր

Ապառիկ վարկերի ակցիա գարնանային տոների նախօրեին

Վահագն Թեւոսյանն ու Վահրամ Մարտիրոսյանը նշանակվել են Հանրային հեռարձակողի խորհրդի անդամներ

Ամերիաբանկ. 2021 թ. լավագույն ներդրումային բանկը Հայաստանում ` ըստ «Global Finance» հեղինակավոր ամսագրի

Տեղի է ունեցել «Մեղրի-2» և «Որոտան-1» էլեկտրատեղակայանքներում համակարգային վթարի վերաբերյալ հանձնաժողովի նիստ

8 օր, 8% cashback «Մերի» խանութ-սրահներում IDBank-ի Visa քարտերով

Պարզվել է թմրամիջոցների ապօրինի շրջանառությամբ զբաղվող խմբի անդամների ինքնությունը. մեղադրանք է առաջադրվել ևս 5 անձի

Արթուր Վանեցյանն անկեղծ չէ, գերիների հարցը երկու օրվա լուծելու չէ. Քոչարյան

ԳՇ հայտարարությունը հայտարարություն էր, այն քաղաքական հայտարարություն չէր. Գալուստ Սահակյան

Անցած չորս օրում արձանագրված 26 դեպքով հաշվարկվել է 67.231.184 ՀՀ դրամի չափով շրջակա միջավայրին հասցված վնաս. ԲԸՏՄ

Եթե Կենտրոնական բանկի որոշումը լինի, թոշակառուները իրենց գումարը նորից կստանան կանխիկ՝ փոստից

Հայաստանի առաջարկը՝ Թուրքիան հանել ԵԱՏՄ սակագնային արտոնություններից օգտվող երկրների ցանկից, ընդունվել է

Վերականգնողական վարժություններ COVID-19 երկարատև հիվանդությունից հետո