ՊԵԿ-ը եւ հարկատուները արդյունավետ են համարում դեմ առ դեմ հանդիպումը. 600-ից 700 հարկ վճարող է մասնակցել դրան

ՀՀ պետական եկամուտների կոմիտեի ներկայացուցիչները փետրվարի 10-12-ը հանդիպումներ եւ քննարկումներ են ունեցել 11 ոլորտի հարկ վճարողների հետ: Հանդիպումներն իրենց ծավալով վերջին տարիների համար աննախադեպ են համարվում, քանի որ մասնակցել են շուրջ 600-700 հարկ վճարող:

«Հայկական ժամանակ»-ը հանդիպումների եւ դրանց արդյունավետության մասին փորձել է մանրամասներ պարզել հանդիպման մասնակիցներից:

ՊԵԿ հարկ վճարողների ընթացիկ հսկողության հարկային տեսչություն-վարչության պետ Արթուր Հարությունյանը ՀԺ-ի հետ զրույցում նշեց, որ կարեւորում են ՊԵԿ-ի եւ հարկատուների միջեւ գործընկերային հարաբերությունների հաստատումը: Եվ այդ հանդիպումների բուն նպատակը, ըստ նրա, հարկատուների հետ անկեղծ զրույց ունենալն է եղել:

«11 ոլորտի հարկ վճարողների հետ հանդիպում ենք ունեցել եւ անկեղծ նրանց ներկայացրել, թե այդ ոլորտներում որոշակի հարկ վճարողների մոտ, մեկի մոտ՝ շատ, մեկի մոտ՝ քիչ, ինչ ռիսկեր ենք տեսնում»,- ասաց նա:

ՊԵԿ պաշտոնյայի խոսքով՝ ագրեսիվ հարկային պլանավորման, հարկային պլանավորման չարաշահման սխեմաներ են տեսել, որոնք հանգեցնում են կամ կարող են հանգեցնել հարկերի թերհայտարարագրման. «Մենք հանդիպման ժամանակ ասել ենք՝ հարգելի հարկ վճարողներ ջան, մենք այս ոլորտներում այս-այս ռիսկերն ենք տեսնում: Մանրամասն թվարկել ենք ռիսկերը եւ նշել, թե այդ ռիսկի արդյունքում ինչպես կարող է հարկային պարտավորություն նվազեցվել»:

Նա ընդգծեց՝ հարկատուներին հայտնել են, որ եթե կան իրենց մոտ այդ ռիսկերը, թող հենց այդ օրվանից խնդիրները շտկեն եւ ինքնահայտարարագրվեն. «Դա եղել է որպես կանխարգելիչ միջոցառում: Այսինքն՝ չսպասենք խախտումը լինի՝ հետո գնանք արձանագրենք: Մենք ազնվորեն իրենց հետ կիսվել ենք»:

Հարությունյանն ասաց, որ հարկատուներն էլ իրենց հուզող հարցերն են բարձրաձայնել եւ նշել, թե օրենսդրական ինչ կարգավորումներ են պետք, որ իրենց գործն էլ հեշտ լինի: «Այն առաջարկները, որոնք վերաբերում էին ավելի գլոբալ լուծման, որոշակի նշումներ ենք կատարել մեզ մոտ: Ես հաշվետվության տեսքով կներկայացնեմ ՊԵԿ նախագահին, կնշեմ, որ բիզնեսն այսպիսի առաջարկներ է ներկայացրել, որոնք որոշ դեպքերում քննարկման կարիք ունեն»,- ասաց նա:

Հարցին՝ ՊԵԿ-ն ու բիզնես դաշտը այս հանդիպումների արդյունքում կարողանո՞ւմ են խնդիրների լուծման հասնել, Հարությունյանը պատասխանեց, որ, ելնելով ստացած արձագանքներից, կարծում է, որ ճիշտ ֆորմատ է ընտրված. «Հանդիպման ժամանակ ես ասացի՝ ՊԵԿ-ը ձեզ ձեռք է սեղմում, բայց դուք էլ պետք է բռնեք այդ ձեռքը, որպեսզի այն օդում չմնա: Մենք ասել ենք՝ այո՛, կան խնդիրներ, եկեք լուծեք այդ խնդիրները, ու խնդրում ենք, որ մեր մեկնած ձեռքը օդում չմնա: Հուսով եմ, որ իրենք ըմբռնումով են մոտեցել: Բոլորն էլ տեսնում են, որ ՊԵԿ-ի տեղեկատվական բազան, վերլուծական կարողությունները այնքան են ընդլայնվել, որ եթե այսօր խնդիրը չտեսնենք, վաղը հաստատ տեսնելու ենք»:

Թեմայի վերաբերյալ զրուցել ենք նաեւ հանդիպմանը մասնակից ընկերություններից մի քանիսի ներկայացուցիչների հետ:

«Պելոտեքս» ՍՊ ընկերության գլխավոր հաշվապահ Լիանա Մանկիկյանը ՊԵԿ-ի ներկայացուցիչների հետ դեմ առ դեմ հանդիպումն արդյունավետ որակեց:

«Դեմ առ դեմ հանդիպումները սովորաբար շատ արդյունավետ են լինում: Այսինքն՝ թե՛ մեր կողմից, եթե կան որոշակի հարցեր, բարձրաձայնվում են, թե՛ հարկային մարմինների կողմից են ներկայացվում թերություններ, որոնք շարունակական բնույթ են կրում: Այս քննարկումների հիմնական նպատակը դա է»,- ասաց Մանկիկյանը: Նրա կարծիքով՝ ե՛ւ բիզնեսը, ե՛ւ ՊԵԿ-ը այդ հանդիպումների ժամանակ բաներ են լսում, որոնց մասին գրված չէ Հարկային օրենսգրքում կամ այլ տեղերում:

Հարցին՝ խնդիրները լուծում ստանո՞ւմ են, Մանկիկյանը պատասխանեց. «Երբ հարկ վճարողը բարձրացնում է որոշակի խնդիրներ, որոնք անլուծելի են թվում, եթե անգամ տվյալ պահին լուծում էլ չեն ստանում, հետագա քննարկումների ժամանակ, նախագծեր կազմելիս այդ ամեն ինչը հաշվի է առնվում»:

Հարցին՝ ի՞նչ խնդիրներ կան, որոնք բիզնեսի համար այսօր խոչընդոտ են, եւ սպասում են դրանց լուծմանը, նա պատասխանեց, որ երբ լինում են օրենսդրական փոփոխություններ, եւ դրանք սկսում են ընթացիկ կիրառվել, այդ ժամանակ կարող է որոշակի խնդիր առաջանալ, որը հանդիպումների ժամանակ լուծում է ստանում: 

Նրա կարծիքով՝ հարկային համակարգը գնալով կատարելագործվում է, եւ տարին տարվա վրա ավելի ճկուն եւ թափանցիկ է դառնում ամեն ինչ:

«Ֆլեշ» ՍՊ ընկերության գլխավոր հաշվապահ Կարեն Պետրոսյանը ՀԺ-ի հետ զրույցում նշեց, որ ՊԵԿ-ի հետ հանդիպումներն այնքանով են արդյունավետ, որ բիզնեսը ներկայացնում է, թե ինչ թերություններ ու բացթողումներ կան ոլորտում. «Եթե այդ ամենով կոմիտեն զբաղվի, շատ արդյունավետ կլինի բոլոր տնտեսվարողների համար»: Անդրադառնալով այն խնդիրներին, որոնք բարձրաձայնել են կոմիտեի ներկայացուցիչների հետ հանդիպմանը՝ Պետրոսյանն ասաց, որ, օրինակ, կորուստների նորմատիվը տարբեր ոլորտներում տարբեր ձեւերի է, որը չի համապատասխանում միջազգային մյուս երկրների ստանդարտներին. «Մեր մոտ ավելի քիչ է սահմանված, որից տուժում է տնտեսվարողը»:

Հարցին՝ ՊԵԿ-ն ի՞նչ մոտեցում է ցույց տալիս տնտեսվարողներին, լուծումների տարբերակներ կա՞ն, նա պատասխանեց. «Կարծում եմ՝ եթե իրենք իրենց կողմից շահագրգիռ են, մենք էլ՝ մեր, որ ինչ-որ բան ուղղենք այս երկրում, լինի մաքուր եւ թափանցիկ ամբողջ աշխատանքը, ապա պետք է, որ տարբերակներ լինեն: Բայց սա արդեն իրենց պետք է հարցնեք՝ մեր ասածը հաշվի առնվում է, թե չէ»:

Դիտարկմանը՝ նախկինում շատ էր խոսվում, թե ՊԵԿ-ը տեռորի կամ բիզնեսի կաշին քերթելու տարբերակների էր դիմում, Պետրոսյանն արձագանքեց, որ ո՛չ նախկինում, ո՛չ հիմա նման բան չեն նկատել, օրենքով ինչ սահմանված էր, դա էլ արել են:

Նրա խոսքով՝ կան մի շարք հարցեր, որոնք լուծման կարիք ունեն, օրինակ՝ ծրագրային առումով որոշակի խնդիրներ կան ՊԵԿ-ում. «Մենք բավականին առաջ ենք այլ երկրներից, բայց լինում են խափանումներ, որոնք խանգարում են բիզնեսի բնականոն աշխատանքը»:

Պետրոսյանը նշեց նաեւ, որ օրենսդրական փոփոխությունների ժամանակ մանրամասն պարզաբանումները հիմա շատ չեն տրվում, եւ, ըստ նրա, նման փոփոխություններից առաջ պարտադիր պետք է քննարկումներ լինեն:

Տպել
1389 դիտում

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են