«Ուզում էի ուշադրություն հրավիրել». գագարինցի Խաչատուր Աբովյանը՝ կամուրջը պայթեցնելու ահազանգի եւ իր «կորելու» մասին

Լուսանկարում՝ ԱԺ «Իմ քայլը» խմբակցության պատգամավոր Նարեկ Գրիգորյան

Փետրվարի 17-ին Գեղարքունիքի մարզի Գագարին համայնքի բնակիչ Խաչատուր Աբովյանը զանգահարել էր ՀՀ աշխատանքի եւ սոցիալական հարցերի նախարարություն՝ հայտնելով, որ պատրաստվում է պայթեցնել Գագարինի կամուրջը: Երեկվանից տեղեկությունը տարածվել է մամուլում, սակայն թե ինչ է կատարվել իրականում նշված չէ: Այդ զանգից հետո Աբովյանին բերման են ենթարկել ոստիկանություն, նա բացատրություն է տվել, ապա բաց է թողնվել:

ՀՀ ոստիկանությունից ՀԺ-ին հայտնեցին, որ այս պահին դեռ նյութեր են նախապատրաստվում ոստիկանության Սեւանի բաժնում:

«Հայկական ժամանակ»-ը զրուցել է Խաչատուր Աբովյանի հետ՝ հասկանալու համար, թե որն էր սոցապ նախարարություն կատարած զանգի պատճառը:

- Խաչատուր, ինչո՞ւ էիք զանգահարել աշխատանքի եւ սոցիալական հարցերի նախարարություն եւ հայտնել, որ Գագարինի կամուրջը պայթեցնելու եք:

- Բիզնեսով զբաղվող տղա եմ, խնդիրն էն է, որ ուզում եմ տարածք գրավ դնեմ, փող վերցնեմ: 5 մլն դրամ վարկ եմ ուզում՝ գործերս առաջ տանելու համար: Հաստոցաշինական գործունեություն եմ ուզում ծավալել: Իմ շինությունը, որ պետք է գրավադրեմ, ուզածս վարկի չափից 4 անգամ թանկ արժե: Բայց բանկից չեն հաստատում գործարքը՝ պատճառաբանելով, որ գրավադրվող գույքը Գագարինում է, իսկ Գագարինը կարգավիճակ չունի. ոչ ավան է, ոչ թաղամաս է, ոչ գյուղ է: Դրա համար էլ բանկերը չեն կողմնորոշվում՝ ինչ կարգավիճակով գրավ վերցնեն դա: Մի քանի բանկի եմ դիմել: Գնացել եմ ֆինանսների նախարարության կազմակերպություններից մեկը՝ կորոնավիրուսի համար նախատեսված միջոցառումներից օգտվելու եւ վարկ վերցնելու հարցով, բայց դրա համար էլ պիտի մեր շրջանից 2 մեծ ընկերություն երաշխավոր կանգնի, որ տան. կարգն այդպես է:

- Գագարինը Սեւան քաղաքի մեջ չի՞ մտնում:

- Եթե գնամ քաղաքապետարան ինչ-որ բան լրացնելու, կգրվի Սեւան՝ Գագարին. ասում են թաղամաս է ոնց որ: Իմ շենքի վկայականի մեջ գյուղ Գագարին է գրված, անձնագրիս մեջ Գագարին ավան է գրված: Այս վիճակն է մեզ մոտ, ես բանկին չեմ մեղադրում:

- Մինչեւ հիմա ձեր գյուղում մարդիկ վարկեր չե՞ն կարողացել վերցնել:

- Կարողացել են, ասենք մեքենա են գրավ դրել, այլ շարժական գույք: Թե էլ ինչ ձեւերով են վարկ վերցրել՝ չեմ կարող ասել, բայց շատերին չեն տալիս՝ իմ նշած պատճառով:

- Վերադառնանք առաջին հարցին՝ այդ դեպքում ինչո՞ւ էիք զանգահարել սոցապ նախարարություն:

- Իմ արած քայլի պատճառն էն էր, որ ուշադրություն հրավիրեմ, մարդ գա՝ հասկանան ինչ խնդիր է: Ես ավելի շատ նեղացա ֆինանսների նախարարության պատասխանից հետո, ես որտեղի՞ց 2 ընկերություն գտնեմ, որ գան երաշխավոր լինեն ինձ համար:

- Բայց պատրաստվում էի՞ք պայթեցնել Գագարինի կամուրջը:

- Չէ այ ցավդ տանեմ, ես ասեցի ուշադրություն գրավեմ, որ մեկին ուղարկեն: Ես ոչ ցուցարար եմ, ոչ շոու եմ անում: Էսօր վարչապետը կողքը մարդ չունի, ես ուզում էի, որ իր ականջը գոնե ընկնի, մեկին ուղարկի՝ ասի գնացեք տեսեք մեր բնակիչն ինչի է տենց քայլի դիմում: Բացի այդ, սոցապ զանգելուց անմիջապես հետո ես զանգել եմ ԱԻՆ՝ 911 համարով, ասել եմ ժողովուրդ ջան, զանգել եմ էսինչ համարով ասել եմ, թե պայթեցնում եմ կամուրջը, բայց ես թուրք չեմ, որ իմ հայոց հողի, հայ ժողովրդի սարքած կամուրջը պայթեցնեմ, իզուր մի եկեք: Հարցրել եմ՝ ձայնագրվո՞ւմ է, որ էսքան բանը խոսում եմ, ասել են՝ հա: Այնպես չի, թե ես արել եմ, հետո փոշմանել: Մտածված ցանկացել եմ ուշադրություն գրավել:

- Ձեր միակ պահանջն այն է, որ Գագարինին կոնկրետ կարգավիճակ տրվի, որ կարողանաք վա՞րկ վերցնել՝ գույքը գրավ դնելով:

- Հա, բացի կարգավիճակին թող մի հատ ուշադրություն դարձնեն: Սահմանամերձ չենք, բայց էս կարգավիճակի մեջ ենք: Ամբողջ գյուղը զզվել է էս հարցը բարձրացնելուց: Թող մի հոգի նախարարություններից գա իմ հարցին պատասխանի, էլի:  

- Մարզպետարան դիմե՞լ եք այս հարցով:

- Փոքր գյուղ է, մեկն ասում է մարզպետն եկավ սենց ասաց՝ չարեց, կոնկրետ ես մարզպետարան չեմ գնացել, չեմ դիմել:

- Ինչքա՞ն ժամանակ է Գագարինը կոնկրետ կարգավիճակ չունի:

- 30 տարի կլինի: Ինձ բանկից ասացին ձեր վարկը հաստատված է, բայց Գագարինից մենք գրավ չենք վերցնում:

- Խաչատուր, տեղյա՞կ եք, որ մամուլում ավելի շատ աղմուկ է բարձրացրել ոչ թե ձեր խնդիրը, այլ ահազանգը՝ Գագարինի կամուրջը պայթեցնելու մասին:

- Սխալ է ներկայացվել, ես մտածում եմ անգամ դատի տամ նման բան գրողներին: Ես աշխատում եմ նաեւ «Գազպրոմ»-ում, զանգել են մեր գրասենյակ, ասել են՝ էդ ո՞ւմ եք ընդունել, անադեկվատ է: Հուսամ չեն ազատի աշխատանքից:

- Ոստիկանությունը ձեզ բերմա՞ն է ենթարկել այդ զանգից հետո: Քրեական գործ հարուցվե՞լ է:

- Ոստիկանության բաժնի տղերքը նորմալ ձեւով կանչել են, հարցաքննել են, ինչը ձեզ եմ ասում՝ իրենց էլ եմ ասել: Ոստիկանությունը 2 ժամվա մեջ քննեց, բաց թողեց: Սա փոքր գյուղ է, ինձ իմացել են, եկել էին տանելու, ասացին այ ախպեր ջան, քեզնից ի՞նչ տեռորիստ, էս ինչ արեցիր, մեզ էլ գցեցիր կրակը: Ասում են՝ լավ բան չես արել, սաղին խառնել ես իրար: Քրեական գործի մասին չեմ հարցրել:

Խնդրի վերաբերյալ փորձեցինք պարզաբանում ստանալ Գեղարքունիքի մարզպետ Գնել Սանոսյանից, սակայն ողջ օրվա ընթացքում նա այդպես էլ մեր հեռախոսազանգերին չպատասխանեց:

Գեղարքունիքի մարզից ԱԺ «Իմ քայլը» խմբակցության պատգամավոր ընտրված Նարեկ Գրիգորյանը «Հայկական ժամանակ»-ի հետ զրույցում ասաց, որ Վարչատարածքային բաժանման ժամանակ Սեւանը դարձել է ինքնուրույն համայնք եւ իր մեջ ներառել է Ցամաքաբերդ, Գոմաձոր թաղամասը եւ Գագարին գյուղը: Այսինքն Գագարինը որպես այդպիսին ունի գյուղի կարգավիճակ Սեւանի կազմում:

«Պետք է մանրամասն նայել, կարծես քաղաքացուն ասել են կարգավիճակ չկա հստակ Գագարինի հետ կապված, բայց իրականում հստակ է այդ կարգավիճակը: Գուցե նաեւ խնդիր կա անձնագրերի հետ կապված, միգուցե այն ժամանակ այլ բան են գրել: Նախկինում էլ է նման խնդիր եղել»,- ասաց պատգամավորը:

Նա հայտնեց, որ հարցը կուսումնասիրվի եւ եթե կարիք լինի կդիմեն անձնագրային եւ վիզաների վարչություն՝ փոփոխություններ կատարելու համար:

«Ես խոսել եմ Գագարինում ինձ ծանոթ բնակիչների հետ, կապ եմ հաստատել մարզպետարան, պարզվել է, որ Գագարինում անշարժ գույքերը գրավադրվում են, բայց այս դեպքում չգիտեմ ինչն է խնդիր եղել: Գուցե բանկն է խնդիր առաջացրել»,- նշեց նա:

Դիտարկմանը, Գագարինի բնակչի պնդմամբ, նման խնդրի գրեթե բոլորը բախվել են իրենց մոտ, Գրիգորյանն արձագանքեց. «Համենայնդեպս այս հարցը ինձ համար գոնե նոր էր: Ընդհանրապես այս հարցով չեն էլ դիմել, որ ինչ-որ բան անեմ, բայց քանի որ սա ազդակ էր՝ կուսումնասիրենք, կհասկանանք, թե խնդիրն ուր է տանում»:

Պատգամավորի խոսքով՝ Գագարինն ըստ կարգի ենթարկվում է քաղաքապետարանին եւ կարգավիճակի ճշգրտման որեւէ խնդիր այս առումով չկա. «Կհասկանանք, թե ինչի հետ է կապված կոնկրետ խնդիրը, եթե անձնագրային վարչությունում է՝ պետական կառույց է կփորձենք շտկել: Իսկ, եթե բանկերի հետ կապված լինի խնդիրը, դա արդեն մասնավոր բիզնես է»,-եզրափակեց պատգամավորը:

Տպել
7936 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում