Չի կարելի սեփական քաղաքական ամբիցիաների համար զոհաբերել սահմանում ապրող մարդկանց հանգստությունը. Տավուշի մարզպետ

Մամուլում երեկվանից տեղեկություններ են տարածվում, թե Տավուշի մարզի Ազատամուտ համայնքում ադրբեջանցիները սահմանային չափագրումներ են կատարում:

Տեղեկությունները հերքեց թե՛ ՀՀ պաշտպանության նախարարությունը եւ թե՛ ՀՀ ազգային անվտանգության ծառայությունը: «Սոցիալական ցանցերով և տարբեր ԶԼՄ-ներով տարածվող տեղեկությունը, թե Տավուշի մարզի մի քանի գյուղերի տարածքում «արդեն երկու օր է՝ մոտ 500 ռուս խաղաղապահներ և ադրբեջանցիներ սահմանի երկայնքով չափագրումներ են անում», բացարձակ մտացածին է և չի համապատասխանում իրականությանը: Եվս մեկ անգամ հորդորում ենք ձեռնպահ մնալ չստուգված, առավել ևս կեղծ տեղեկատվություն տարածելուց»,- մասնավորապես ասված է ՊՆ հաղորդագրությունում:

Տավուշի մարզի վերաբերյալ տարածվող տեղեկությունները, սակայն, այսքանով չսահմանափակվեցին: Երեկոյան ֆեյսբուքյան որոշ օգտատերերի կողմից տեղեկություն տարածվեց, թե Իջևանի ու Շամշադինի ճակատային հատվածում թուրք-ադրբեջանական ծանր տեխնիկայի կուտակումներ են՝ թուրքական դրոշներով: Օգտատերերը հավելում էին, որ Տավուշի 3-րդ բանակային կորպուսում հայտարարված է տագնապ: 102-րդ ռազմաբազայից ռուս զինվորականները ևս Տավուշի տվյալ հատվածում են:

Պաշտպանության նախարարությունը այս տեղեկությունները նույնպես հերքեց՝ հորդորելով զերծ մնալ ապատեղեկատվություն տարածելուց:

Տավուշի մարզպետ Հայկ Չոբանյանն էլ նմանատիպ տեղեկությունների տարածումը անձնական վիրավորանք համարեց իր և Տավուշի բնակիչների նկատմամբ: «Հայկական ժամանակ»-ի հետ զրույցում նա  վստահեցրեց, որ Տավուշում արտառոց ոչինչ տեղի չի ունենում: Նրա հետ զրույցը՝ ստորև.

- Պարոն Չոբանյան, Ձեր կարծիքով՝ ինչո՞ւ են Տավուշի վերաբերյալ նման տեղեկություններ տարածվում:

- Այդ հարցի պատասխանը դժվարանում եմ տալ: Ենթադրում եմ, որ կրկին, ինչպես նախորդ անգամները, ինչ-որ անպատասխանատու հարթակներում եղել է նմանատիպ տեղեկատվություն, որը բացարձակ ստախոսություն է և իրականության հետ աղերս չունի: Այդ տեղեկատվությունը տարածել են մարդիկ, ովքեր պղտոր ջրում ձուկ են որսում՝ չմտածելով դրա հետևանքների մասին: Չի կարելի սեփական քաղաքական ամբիցիաների, ինքնահաստատմանը հասնելու համար զոհաբերել շատ կարևոր հանգամանքներ, որոնցից է ազգային անվտանգությունը, սահմանների պաշտպանությունը, սահմանում ապրող մարդկանց հանդարտությունը և հանգստությունը: Կոչ եմ անում, որ հետայսու նմանատիպ վարքագիծ դրսևորելուց առաջ այդ մարդիկ այս երևույթների մասին մտածեն: Ցավոք սրտի, մեր հերքումները շատ ավելի դանդաղ են տարածվում, քան պրովոկացիաները: Սրա մասին պետք է մտածենք, թե ինչու է այդպես: Կարծում եմ՝ դա ցույց է տալիս, որ այդ գործողությունները ոչ թե ինչ-որ մարդկանց առանձին, վարքագծային գործողություններ են, այլ ընդհանուր համակարգված միջոցառում:

-Այսինքն՝ տարածվող տեղեկությունները որևէ հիմք չունե՞ն:

- Բացարձակ որևէ հիմք չկա: Այդ առումով եղել են բոլոր պաշտոնական հայտարարությունները բոլոր իրավասու հաստատությունների կողմից՝ պաշտպանության նախարարությունից մինչև համայնքապետարան:

- Այս պահին ի՞նչ իրավիճակ է հայ-ադրբեջանական սահմանի տավուշյան հատվածում:

- Որևէ արտառոց բան չի եղել և չկա՝ բացի նրանից, որ երեկ փորձել են խուճապ մտցնել այդ տարածքներում: Ցավոք սրտի, մենք այդ երևույթը չենք կարողացել հաղթահարել: Հուսով եմ, որ այսօր ևս համայնքներում իրականացվող աշխատանքների շնորհիվ, մեդիադաշտում հրապարակումների շնորհիվ մենք այդ խուճապը կարող ենք իջեցնել և հնարավորություն տալ մարդկանց, որպեսզի զբաղվեն բուն գործով, զբաղվեն երկիրը կառուցելով, զբաղվեն իրենց աշխատանքով, և խաղաղություն տիրի մեր համայքներում, մեր բնակիչների մոտ, որը կար վերջին ամիսների ընթացքում:

- Ի՞նչ աշխատանքներ են իրականացվում համայնքներում:

- Հանդիպումներ են լինում համայնքներում համայնքապետերի ուժերով և մարզպետարանի, զրույցներ են լինում մարդկանց հետ, որպեսզի օր առաջ կարողանանք այս խուճապային տեղեկատվությունը արմատախիլ անել:

Ի՞նչ իրավիճակ է Տավուշի մարզում, Ազատամուտ համայնքում: Բնակչության շրջանում ի՞նչ տրամադրություններ են տիրում:

- Ես ավելի շատ դա կարող եմ բնութագրել որպես դժգոհություն վերջին օրերի աժիոտաժի վերաբերյալ: Մնացած ամբողջը նույնն է: Հույս ունեմ՝ ամեն ինչ արագ կվերականգնվի, հատկապես այս տոնական օրը, երբ մարդիկ պետք է շնորհավորեն իրենց մայրերին, իրենց կանանց, իրենց քույրերին: Շատ վատ է, որ այս օրով մարդկանց մտահոգությունները այլ դաշտում են:

Տավուշի մարզպետարանը երեկվա հրապարակումներից հետո տեսանյութ է տարածել՝ ցույց տալով Ազատամուտ համայնքի առօրյան: «Դուք լինեիք մեր տեղը՝ ոնց կվերաբերվեիք: Չի կարելի, չէ՞»: «100 տոկոս սուտ ա», «Եթե մենք մեր տեղում ենք, ուրեմն ոչինչ չկա»,- ասում էին Ազատամուտ համայնքի բնակիչները՝ անդրադառնալով համացանցում տարածվող տեղեկություններին:

«Ստահոդ լուրեր են տարածվել, թե իբր չափագրումներ են արվում: Որևէ նման բան չկա, համայնքը իր բնականոն հունով, բնականոն կյանքի մեջ է, մարդիկ իրենց առօրյա խնդիրներով են ապրում, երեխաներն էլ հանգիստ շրջում են համայնքում: Տարածքում ո՛չ դրոշ կա տեղադրված, ո՛չ էլ ադրբեջանցիներ կան»,- ասում էր Ազատամուտի համայնքապետ Արթուր Բեգինյանը:

«Լուսավոր Հայաստան» խմբակցության պատգամավոր Աննա Կոստանյանը, որը երեկ մեկնել էր Տավուշի մարզ՝ իրավիճակին ծանոթանալու, նույնպես արտառոց ոչինչ չէր ֆիքսել: Նրա հետ Տավուշ էր մեկնել նաև նույն խմբակցության պատգամավոր Սարգիս Ալեքսանյանը:

«Մենք այս պահին շրջում ենք մարզում: Այս պահին Ոսկեպարում ենք, ոչ մի արտառոց բան դեռևս չենք նկատել: Ամբողջ օրվա ընթացքում պտտվելու ենք գյուղերում, եթե ինչ-որ արտառոց բան լինի, ֆեյսբուքյան էջի միջոցով կտեղեկացնենք»,- «Հայկական ժամանակ»-հետ զրույցում ասաց պատգամավորը:

Նա նաև տեղեկացրեց, որ Ազատամուտ համայնքում երեկ երեկոյան են եղել. այնտեղ նույնպես արտառոց ոչինչ չեն նկատել. այսօր երեկոյան ևս մեկ անգամ լինելու են այդ համայնքում:

Պատգամավորի խոսքով՝ Տավուշի մարզի բնակիչների շրջանում խուճապային տրամադրություններ չկան: «Հանգիստ, հանդարտ, ոչ մի խուճապային բան չկա, մարդիկ առօրյա աշխատանքն են անում»,- ասաց Կոստանյանը՝ հավելելով, որ մարզում ռուս խաղաղապահների չեն հանդիպել:   

Ավելի ուշ նա ֆեսյբուքյան էջի միջոցով տեղեկացրել էր, որ այցելել են Տավուշի մարզի Նոյեմբերյան, Ոսկեպար, Բաղանիս, Կիրանց, Կայանավան, Ազատամուտ համայնքներ՝ դարձյալ նշելով, որ մարզում հանգիստ իրավիճակ է: Նա, սակայն, հավելել էր, որ սոցիալական ցանցերում քննարկման առարկա դարձած վիճահարույց տեղերը (ըստ Գուգլի քարտեզի) անհանգստացրել են և՛ իրենց, և՛ բնակիչներին: «Եթե իսկապես երբևէ հարց առաջանա այս տարածքների սահմանազատման վերաբերյալ, այս իշխանությունները պետք է պատասխան տան՝ ինչո՞ւ պաշտոնապես հերքեցին այսօր տարածված լուրերը։

Դուք պարզապես չունեք ոչ մի իրավունք թաքուն գործընթացներ (եթե այդպիսիք կան) իրականացնելու սահմանում ապրող բնակչի թիկունքում։ Եթե խնդիր կա, բացեիբաց ներկայացրե՛ք այն մարդկանց, մի՛ թողեք՝ կրքեր բորբոքվեն, տեղեկություններն էլ հազար ու մի զեղումներով խուճապ տարածեն առօրյա հոգսով, պատերազմից դեռևս ուշքի չեկած քաղաքացու մոտ»,- գրել էր Կոստանյանը:

Նանե Ավետիսյան

Տպել
1129 դիտում

Լեռնագոգ համայնքում հարգանքի տուրք մատուցեցի և ներկա գտնվեցի Սուրբ Նարեկ եկեղեցու բացման արարողությանը. Մանավազյան

Հաջողվել է արմատապես փոխել փաստաթղթում հայկական կողմին վերաբերելի կարևոր դրույթներ․ Բաղդասարյանը՝ ԵԽԽՎ բանաձևի մասին

Մենակ իրան բնորոշ խնդալու հոտի մեջ կկլորնան իր պոլոզ պատմությունները. Գյումրիում կայացավ «Մայլից մայլա» գրքի շնորհանդեսը

Արտակ Դավթյանը մասնակցել է Արցախյան 44-օրյա պատերազմի տարելիցին նվիրված խաչքար-հուշակոթողների բացմանը

Պաշտանության նախարարն ու ԳՇ պետը հարգանքի տուրք են մատուցել Հայրենիքի պաշտպանության ընթացքում զոհվածների հիշատակի

«Արևիք» ազգային պարկի տարածքում աշխատանքները ժամանակավորապես դադարեցվել են

«Ասել էր, որ երբեք գերի չի ընկնի՝ նռնակ ունի». Գոռ Այվազյանը պայթեցրել է իրեն՝ իր հետ միասին հակառակորդի զինվորներին

Ստրասբուրգում ընդունվեց Լեռնային Ղարաբաղի հակամարտության հումանիտար հետևանքների վերաբերյալ ԵԽԽՎ բանաձևը

Ալեն Սիմոնյանը պատգամավորների ու ԱԺ աշխատակազմի ներկայացուցիչների հետ այցելել է «Եռաբլուր» պանթեոն (լուսանկարներ)

Աղավնաձորում բացվեց Արցախյան պատերազմների ընթացքում զոհված զինծառայողների հիշատակին նվիրված հուշաքար

Էմանուել Մակրոնի վրա ձու նետած տղամարդը ձերբակալվել

Արման Թաթոյանը Շվեդիայի ազգային դատարանների վարչության պատվիրակությանն է ներկայացրել դատական համակարգի խնդիրները

Փոխվարչապետ Սուրեն Պապիկյանն այցելել է «Նուբարաշեն» ՔԿՀ (լուսանկարներ)

Հայաստանում ՌԴ դեսպանատանը մեկ րոպե լռությամբ հարգել են արցախյան պատերազմի զոհերի հիշատակը․ դեսպանատան հայտարարությունը

Տեղի է ունեցել հայ և եվրոպացի կին հրշեջ-փրկարարների փորձի փոխանակում

Արթիկում հուշահամալիր է բացվել՝ նվիրված Արցախյան 44-օրյա պատերազմի զոհերի հիշատակին (լուսանկարներ)

Արցախում յուրաքանչյուրը, անկախ գտնվելու վայրից, մեկ րոպեով դադարեցրել է շարժը (տեսանյութ)

Շենաթաղ գյուղի մոտակա սարալանջին այրվում է մոտ 22 հա խոտածածկույթ

Սպասվում է առանց տեղումների եղանակ

«Հայրիկը երկնքում է, աստղերն է ներկում վարդագույն». 44-օրյա պատերազմում փոքրիկ Ալեքսանդրան կորցրեց հայրիկին

Վթար Իսակովի պողոտայում. բախվել են երեք մեքենաներ (լուսանկարներ)

COVID-19 համավարակի ներկա իրավիճակը. առցանց քննարկման օրակարգում 2 հարց է եղել

Լևոն Տեր-Պետրոսյանն իր առանձնատանը հանդիպել է Ռուսաստանի դեսպան Սերգեյ Կոպիրկինի հետ

Դիմումը պետք է ներկայացվի միջոցառման օրվանից առնվազն 10 օր առաջ. ՊՆ-ն հայտարարություն է տարածել

ԱԻՆ աշխատակիցների ավելի քան 88 տոկոսն արդեն պատվաստվել է. փրկարար ծառայությունն ամփոփել է աշխատանքային ամիսը

Ագրեսիայից մեկ տարի անց էլ ադրբեջանական իշխանությունները շարունակում են էթնիկ զտման քաղաքականությունը․ Արցախի ՄԻՊ

Հակոբ Արշակյանն ընդունել է Միջազգային հանրապետական ինստիտուտի տնօրեն Ջեյմս Դե Ուիթի գլխավորած պատվիրակությանը

Արմեն Սիմոնյանն ու Վարդան Չիլինգարյանը կգործուղվեն Չեխիա՝ քննարկելու Ստեփանավանի օդանավակայանի վերանորոգման հարցը

Գնել Սանոսյանն այցելել է Ջրային կոմիտե․ ներկայացրել է կոմիտեի երկու նորանշանակ տեղակալներին

Լուսինե Ալեքսանյանն ազատվել է վարչապետի աշխատակազմի կադրերի և անձնակազմի կառավարման վարչության պետի պաշտոնից

Առկա է երկկողմ կապերի ամրապնդման հսկայական ներուժ. ՀՀ նախագահը շնորհավորել է Կիպրոսի Հանրապետության նախագահին

Քրեակատարողական հիմնարկի պաշտոնատար անձին կաշառք տալու գործն ուղարկվել է դատարան

Արդարադատության բարեփոխումների օրակարգում ԱՄՆ-ն ՀՀ-ի առանցքային գործընկերներից է. Անդրեասյանը հանդիպել է Լին Թրեյսիի հետ

Զորամիավորումներում հիշատակի միջոցառումներ են անցկացվել (լուսանկարներ)

Արմեն Սարգսյանը շնորհավորական ուղերձ է հղել Թուրքմենստանի նախագահին

Միշտ ասել եմ ու ասում եմ` ես Շուշի կմտնեմ. Սասուն Միքայելյան

«Քիչ առաջ բժիշկը զանգահարեց, լուր ստացանք». շոու բիզնեսի ներկայացուցիչները՝ Հայկոյի մասին

«Զվարթնոց» օդանավակայանի ոստիկանները խուլիգանության մեղադրանքով հետախուզվողի են հայտնաբերել

Վարչապետը Զինվորի տանը Հայրենիքի պաշտպանների հետ մեկ րոպե լռությամբ հարգանքի տուրք է մատուցել (լուսանկարներ, տեսանյութ)

Մեկ տարի առաջ այս օրը Արցախի երկինքը դղրդաց, Ստեփանակերտում հոգեհանգստյան արարողություն է կատարվել