Մանկապարտեզ չունեցող 270 համայնքների մի մասը հետաքրքրված է պետության այլընտրանքային ծրագրերով, մի մասը դրա կարիքը չունի

25/03/2021 schedule11:25

Հայաստանի շուրջ 270 բնակավայրերում ներկայումս նախադպրոցական հաստատություններ չկան, իսկ դա նշանակում է, որ նախադպրոցական տարիքի երեխաների մի մասի համար ապահովված չէ համապատասխան կրթական ծառայության հասանելիությունը: Խնդրի կարգավորման նպատակով Կրթության, գիտության, մշակույթի և սպորտի նախարարությունը նախատեսում է նախադպրոցական հաստատություններ չունեցող բնակավայրերում կրթության այլընտրանքային ծառայություններ հիմնել. այդ նպատակով առաջիկայում կհայտարարվի դրամաշնորհային մրցույթ:

ԿԳՄՍ նախարարության հանրակրթության վարչության հանրակրթության և արտադպրոցական կրթության քաղաքականության մշակման և վերլուծության բաժնի գլխավոր մասնագետ Թեհմինե Կարախանյանը մեզ հետ զրույցում նշեց, որ նախադպրոցական կրթության այլընտրանքային մոդելների ներդրումը հնարավորություն կընձեռի մեծացնել նախադպրոցական ծառայություններում ընդգրկված երեխաների թիվը: Բացի դրանից, այդպիսի հաստատությունները կլինեն ծախսարդյունավետ. մեծ ծախսեր չեն առաջացնի համայնքների համար:

«Մրցույթին կարող են դիմել այն համայնքները, որտեղ նախադպրոցական կրթության որեւէ ծառայություն չի մատուցվում, այսինքն՝ չկան գործող մանկապարտեզներ եւ չկան դպրոցին կից նախակրթարաններ, որոնք հիմնվել են Համաշխարհային բանկի աջակցությամբ: Համայնքները հնարավորություն կունենան առաջարկվող 8 մոդելային նախագծերից իրենց բնակավայրի համար ընտրել առավել նպատակային տարբերակը: Գործընթացը կընթանա հետևյալ փուլերով՝ համայնքների հայտերի ներկայացում, դրանց գնահատում, բնակավայրերի ընտրություն ու համապատասխան մոդելի հաստատում, դրամաշնորհի հատկացում և հաշվետվությունների ընդունում»,- նշեց մասնագետը:

Առաջարկվող 8 մոդելները տարբեր են եւ բազմազան. կան 3.5-4 ժամ տևողությամբ ծառայություններ՝ առանց ցերեկային քնի ապահովման, 4-4.5 ժամ տևողությամբ ծառայություն՝ տվյալ համայնքի համապատասխան պայմաններ ունեցող տանը, դպրոցներում 1-ամյա նախադպրոցական կրթական ծրագրերի իրականացում 5-6 տարեկանների համար եւ այլն:

Առաջարկվող մոդելային նախագծերում կա նաև շարժական նախադպրոցական ծառայությունների կազմակերպման հնարավորություն: Ի դեպ, խոսքը չի վերաբերում մանկապարտեզ շարժական լինելուն: «Այս ծառայությունից կարող են օգտվել այն համայնքները, որտեղ երեխաների թիվը մինչև 15 է, համայնքում առկա է նախադպրոցական կրթությունը կազմակերպելու համար համապատասխան շինություն, սակայն կա մասնագետների խնդիր: Ձեւավորվելու է մասնագիտական խումբ, որը ժամանակացույց է կազմելու, օրվա ընթացքում շրջելու եւ մասնագիտական ծառայություն է ցուցաբերելու համայնքի մի քանի բնակավայրերում»,- պարզաբանեց Թեհմինե Կարախանյանը:

Նշեց նաեւ, որ նախադպրոցական այլընտրանքային հաստատություններում աշխատող բոլոր մասնագետները պարտադիր անցնելու են մասնագիտական վերապատրաստումներ:

Հարցին, թե ի՞նչ առաջնահերթություններով են ընտրվելու համայնքները, Կարախանյանը պատասխանեց.

«Առաջնահերթություն կտրվի սոցիալական աջակցություն ստացող բնակավայրերի ցանկում ընդգրկված եւ աղքատության եւ գործազրկության բարձր մակարդակ ունեցող համայնքներին: Առաջնահերթություն կտրվի նաեւ այն համայնքներին, որոնք բնակեցված են ազգային փոքրամասնություններով: Քանի որ ազգային փոքրամասնություններով բնակեցված բնակավայրեր ունենք Արագածոտնի, Արարատի, Շիրակի մարզերում, ուստի հնարավորություն կստեղծվի նաև այդ բնակավայրերի նախադպրոցահասակ երեխաների կրթությունը կազմակերպել վերջիններիս մայրենի լեզվով: Առաջնահերթությունները կտրվեն այն համայնքներին, որոնք ավելի լավ կներկայացնեն ծառայությունների շարունակականության ապահովումը»,- ասաց նախարարության աշխատակիցը՝ հավելելով, որ կա միջգերատեսչական աշխատանքային խումբ, որտեղ ընդգրկված են Տարածքային կառավարման և ենթակառուցվածքների նախարարությունից, Կրթության, գիտության, մշակույթի և սպորտի նախարարության մասնագետներ, որոնք, կարգի համաձայն, կուսումնասիրեն հայտերը եւ կընտրեն համապատասխան համայնքները:

Նշենք, որ 2021 թվականի պետական բյուջեում այլընտրանքային նախադպրոցական ծառայությունների ապահովման համար նախատեսված է շուրջ 154 մլն դրամ:

Որոշ համայնքների ղեկավարներից փորձեցինք տեղեկանալ, թե իրենց համայնքում առաջարկվող ծառայությունների ո՞ր մոդելն է ավելի նպատակահարմար իրագործել, սակայն պարզեցինք, որ նրանցից ոմանք նույնիսկ անտեղյակ էին ծրագրից: Մեզնից իմացան եւ սկսեցին հետաքրքրվել ծրագրի նպատակի, նշանակության մասին: Որոշ ղեկավարներ էլ նշեցին, որ նպատակահարմար չեն համարում ծրագրին դիմելը եւ չեն հասկանում փոքրիկ համայնքներում մանկապարտեզների ներդրման գաղափարը:

Նախադպրոցական հաստատություն չունեցող համայնքներից մեկը Արագածոտնի մարզի Ծաղկասարն է: Ըստ համայնքի ղեկավար Հովհաննես Աբաջյանի՝ համայնքը բավականին փոքր է, ընդամենը՝ 8 տուն, եւ մանկապարտեզ ունենալու հեռանկար ինքը չի տեսնում:

«Թեկուզ եթե պետությունն է դրամաշնորհ հատկացնում, դիմելու իմաստ չեմ տեսնում: Ի՞նչ իմաստ ունի գումարները վատնել, եթե համայնքում նախադպրոցական տարիքի ընդամենը 3 երեխա կա, որոնցից մեկը գյուղում հաշվառված է, սակայն ընտանիքով քաղաք են տեղափոխվել: Մյուս երեխան մեկ տարեկան է, իսկ երրորդը՝ մի քանի ամսական: Կան գյուղեր, որտեղ, իրոք, դրանց կարիքը կա, մեր գյուղում անիմաստ է պարզապես»,- նշեց նա:

Նույն մարզի Թլիկ համայնքի ղեկավար Սլավիկ Սալոյանը եւս նպատակահարմար չհամարեց ծրագրին դիմելը:

«Չնայած մենք կիսակառույց մանկապարտեզի տարածք ունենք, սակայն նախադպրոցական տարիքի ընդամենը երկու-երեք երեխա կա համայնքում: Նրանց ծնողներն էլ մեզ մոտ անասնապահությամբ են զբաղվում, 6 ամիս այստեղ են, 4 ամիս՝ Արմավիրում»,- ասաց համայնքի ղեկավարը:

Շիրակի մարզի Հովունի համայնքի ղեկավար Լեւիկ Խաչատրյանն էլ նշեց, որ Հովունիում նախադպրոցական երեխաների թիվը բավականին շատ է: Դպրոցի ներսում նախակրթարան կա, որտեղ միայն 4-6 տարեկան երեխաներն են հաճախում: Իսկ ավելի փոքր տարիքի երեխաների մի մասը մանկապարտեզ է հաճախում քաղաքում, իսկ մյուս մասն էլ պարզապես չի հաճախում:

Համայնքի ղեկավարի խոսքով՝ իրենք վաղուց էին ցանկանում մշակույթի տունը մանկապարտեզ դարձնել: Ծրագիրը, ըստ նրա, բավականին լավն է, իրենք կհետաքրքրվեն եւ անպայման կդիմեն:

Շիրակի մարզի Կարմրավան համայնքի ղեկավար Ալինա Կարապետյանը եւս մեզ հետ զրույցում տեղեկացավ ծրագրի մասին, սակայն նշեց, որ անպայման կուսումնասիրի տարբերակները եւ համայնքի համար կընտրի համապատասխան տարբերակը, որովհետեւ համայնքի մոտ 30 նախադպրոցական տարիքի երեխաներ զրկված են կրթությունից:

«Երկու-երեք ծնողներ կան, որոնց հնարավորությունները թույլ են տալիս, եւ նրանք երեխաներին տարել են Աշոցքի մանկապարտեզ, սակայն մնացած երեխաները ոչ մի տեղ չեն հաճախում»,- ասաց նա:

Ըստ տիկին Կարապետյանի՝ համայնքում մանկապարտեզ ունենալը որոշակիորեն կլուծի նաեւ աշխատատեղերի խնդիրը, որովհետեւ իրենք շատ մասնագետներ ունեն, որոնք անգործ են:

Արմավիրի մարզի Բերքաշատ համայնքի ղեկավար Հարություն Չվչյանը նշեց, որ համայնքում մոտ 30 նախադպրոցական տարիքի երեխա կա, սակայն համայնքը ոչ մի հնարավորություն չունի կազմակերպելու նրանց կրթությունը.

«Գյուղում ոչ մի տեսակի հնարավորություն չկա: Կանգնած ենք փաստի առաջ. նույնիսկ աշխատողներին չենք կարողանում աշխատավարձ տալ: Ծրագիրն էլ 10 տոկոսով պիտի համայնքը մուծի: Դե, մեզ մոտ հնարավոր չէ դա իրականացնել»,- ասաց նա:

Մարիամ Գևորգյան

Տպել
2301 դիտում

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները