«Մեր արածը գնահատվեց, գլուխ գովել չլինի, բայց դա այդպես է». տարվա լավագույն դերասանը՝ «Համազգայինի» 6 մրցանակների մասին

Այս տարի «Արտավազդ-2020/2021» թատերական մրցանակաբաշխության տարբեր անվանակարգերում ստացած մրցանակների մեծ թվով աչքի ընկավ Սոս Սարգսյանի անվան «Համազգային» թատրոնը: Մարտի 27-ին կայացած 20-րդ հոբելյանական «Արտավազդ» մրցանակաբաշխությանը համազգայինցիներին շնորհվեց միանգամից 6 մրցանակ:

Հայաստանի թատերական գործիչների միության (ՀԹԳՄ) նախագահ, Հակոբ Պարոնյանի անվան երաժշտական կոմեդիայի թատրոնի գլխավոր ռեժիսոր Հակոբ Ղազանչյանի խոսքով՝ վերջին անգամ նման նախադեպ ունեցել էին մոտավորապես 7 տարի առաջ. Պատանի հանդիսատեսի թատրոնի բեմում ներկայացված Գոռ Մարգարյանի «Մեղրի համը» բեմադրությունը միանգամից 6 մրցանակի էր արժանացել:

«Մրցանակաբաշխության ժամանակ նման զարգացումները եւս մեկ անգամ ապացուցում են, որ ժյուրին օբյեկտիվ է գործում: Ե՛վ այն ժամանակ էր օբյեկտիվ, ե՛ւ հիմա: Գավառական այն մոտեցումը, թե ամեն մեկին մի բան տանք՝ պրոֆեսիոնալ մրցանակաբաշխության մեջ երբեք չի կարող կիրառվել: Կարծում եմ՝ ինչպես նախկինում, այնպես էլ այս տարի ժյուրին շատ ճիշտ որոշում կայացրեց: Իդեալական գործ արեցին»,-ասաց նա: Ղազանչյանը նաեւ նկատեց՝ լավագույն դերակատարը, եթե լավ գործ է բեմադրել, ապա չպիտի տուժի եւ դրա համար մրցանակի չստանա միայն այն պատճառով, որ մեկ մրցանակ արդեն ստացել է, որպես լավագույն դերասան կա՛մ մեկ այլ անվանակարգում:

ՀԹԳՄ նախագահն անդրադարձավ նաեւ այն բազմաթիվ քննադատություններին, որոնք ուղղված էին մասնավորապես մրցանակաբաշխության ընթացքում հակահամաճարակային կանոնները չպահպանելուն: «Ինչ ասեմ՝ դա մեր բացթողումն էր, բայց մյուս կողմից էլ, բոլորն ուզում էին ներկա գտնվել: Պատկերացրեք նույնիսկ այդ լեփ-լեցուն դահլիճի պայմաններում մարդիկ են եղել, որ հրավիրատոմսեր չեն ստացել ու նեղացել են: Մենք բարդ իրավիճակում էինք հայտնվել: Թատրոններից դերասանները գալիս են առանց հրավերի՝ չենք կարող արգելել, ուսանողները մտնում են ուսանողական տոմսերով, նույնպես արգելել չենք կարող, քանի որ նրանք ամեն տարի սրտատրոփ սպասում եւ ուզում են ներկա գտնվել»,-ասաց Ղազանչայնը: 

Հիշեցնենք՝ «Արտավազդ» մրցանակաբաշությանը տարվա «Լավագույն դերասանուհի» մրցանակին է արժանացել «Համազգային» թատրոնի դերասանուհի Տաթեւ Ղազարյանը («Փափլիկը»):

«Լավագույն դերասան» մրցանակին է արժանացել «Համազգայինի» տնօրեն, դերասան, Արման Նավասարդյանը՝ (Հեղինակ - Սաքո) «Լոռեցի Սաքոն» ներկայացման համար: Դերասանուհի Նարինե Գրիգորյանը մրցանակներ է ստացել երկու տարբեր անվանկարգերում «Լավագույն ռեժիսուրա»՝«Լոռեցի Սաքոն» եւ «Փափլիկը» ներկայացումների համար եւ «Լավագույն ներկայացում» դարձյալ «Փափլիկը» ներկայացման համար: «Համազգային» թատրոնի երիտասարդ դերասան Նարեկ Բաղդասարյանն էլ արժանացել է «Լավագույն երիտասարդ դերասան» մրցանակին («Փափլիկը» ներկայացում): «Լավագույն պիես» մրցանակին է արժանացել Սառա Նալբանդյանը՝ Համազգային թատրոնում բեմադրված «Հաղթանակի գենեզիս» ներկայացման համար:

Տարվա լավագույն դերասանի մրցանակին արժանացած Արման Նավասարդյանը «Հայկական ժամանակի» հետ զրույցում նկատեց, որ նախկինում էլ մի քանի անգամ առաջադրված է եղել նույն անվանակարգում, սակայն սա առաջին մրցանակն էր: «Գուցե այն ժամանակ այնքան էլ չեն հավանել կամ ինձնից ավելի արժանիներն են եղել: Դերասանի կյանքն է այդպես. խեղճ Դիկապրիոյին ինչքան տարան-բերեցին, մինչեւ մի բան տվեցին»,-կատակեց դերասանը:

Համազգային թատրոնի տնօրենը նաեւ ցանկացավ շեշտել, որ անցած երկու տարիների ընթացքում թատրոնն իսկապես վիթխարի գործ է արել: «Գիտեք՝ բազմաթիվ ներկայացումներ բեմադրեցինք, բայց այդ քանակի մեջ որակը չկորցրեցինք, որովհետեւ ուժերը կարողացանք ճիշտ բաժանել: Մեր արածն այսօր գնահատվեց, գլուխ գովել չլինի, բայց դա այդպես է»,-ասաց նա:

Նավասարդյանը նաեւ շեշտեց, որ «Համազագայինում կային դերասաններ, որոնք իր կարծիքով արժանի էին ու պիտի ստանային մրցնականեր. «Գտնում եմ, որ մրցանակի էին արժանի էին նաեւ մեր Ստեփանը Ղամբարյան, Արմինեն»:

Բուռն ստեղծագործական գործունեություն ծավալող ու բազմաթիվ մրցանակների արժանացած այս թատրոնը սակայն դեռեւս չունի իր շենքը եւ շարունակում է հանդիսատեսին ներկայանալ Թատերական ինստիտուտի առաջին հարկում: Նոր շենքն արդեն կանգուն է, արտաքին տեսքը գրեթե պատրաստ, բայց ներքին հարդարման աշխատանքները համավարկով պայմանավորված սահմանափակումներից հետո դեռ չեն վեսկսվում:

«Դարձել եմ Սոս Պետրոսյանը, ամեն անգամ ասում եմ՝ այս տարի (կրկեսի գեղարվեստական ղեկավարին նկատի ունի-խմբ.), Ժիրայր Դադասյանն էլ Մնջախաղի թատրոնի հետ կապված է ասում, բայց դե դադասյանենք 90-ականներից են ասում, ու դեռ շենք չունեն»,-կես կատակ ասաց Նավասարդյանը:

Սեպտեմբերին «Համազգային» թատրոնի 30-ամյակն է: Տնօրենը հույս ունի, որ եթե ոչ սեպտեմբերին, ապա այս տարվա ընթացքում կհասցնեն 30-ամյակը նոր շենքում տոնել:

«30-ամյակն էլ մի կլոր տարի է, էլի, հուսամ կհասցնենք: Թեթեւ թղթաբանական հարցեր կան, դրանք են կարգավորվում, որպեսզի վերսկսենք աշխատանքները: Հանդիպումներ ենք ունեցել կառուցապատող ընկերության եւ պատկան մարմինների հետ: Կարծում եմ՝ ամեն ինչ նորմալ կլինի: Առավելագույնը երեւի թե մի քանի ամիս պահանջվի վերջանական պատրաստի թատրոնի շենք ունենալու համար»,-ասաց թատրոնի տնօրենը՝ չցանկանալով շատ հարցեր մանրամասնել:

Հիշեցնենք՝ Սոս Սարգսյանի համազգային թատրոնին պետությունն անժամկետ տարածք է տրամադրել Երեւանի «Անրի Վերնոյ» փողոցում: Շինությունը կառուցվում է Երեւանի թատրոնի եւ կինոյի պետական ինստիտուտի հարեւանությամբ գտնվող Ֆինանսաբանկային քոլեջ հիմնադրամի վթարային շենքի տեղում: Երրորդ հանրապետությունում սա առաջին թատրոնի շենքն է, որը հիմքից է կառուցվում:

Տպել
3089 դիտում

Վարչապետ Փաշինյանը հանդիպել է Ֆրանսիայի Սենատի նախագահ Ժերար Լարշեին

Ֆրանսիայի նախագահ Էմանուել Մակրոնը հայերենով գրառում է արել

Ելիսեյան պալատում կայացել է Նիկոլ Փաշինյանի և Էմանուել Մակրոնի հանդիպումը. կողմերի հայտարարությունները

Նիկոլ Փաշինյանը Էմանուել Մակրոնի հետ հանդիպման արդյունքներով գրառում է արել

Արթիկի տարածաշրջանի ճանապարհներին ձյուն է տեղում

Անհրաժեշտ է, որ Ադրբեջանը փարատի երկիմաստությունը ՀՀ-ի տարածքային ամբողջականության և քարտեզների վերաբերյալ․ Մակրոն

Փաշինյանը Մակրոնին հրավիրել է Հայաստան

Ճանաչում ենք հարևանների տարածքային ամբողջականությունը, մեր խնդիրը տարածաշրջանում ճիշտ բալանս ձևավորելն է. Փաշինյան

Տվել ենք մեր համաձայնությունը՝ պաշտպանական զինտեխնիկա ուղարկել Հայաստան․ Մակրոն

Սյունիքում տեղի ունեցած միջադեպերը վկայում են՝ էսկալացիայի վտանգը իրական է մնում․ Մակրոն

Գործարքը հնարավոր է իրականացնել առանց Ռուբեն Վարդանյանի անմիջական մասնակցության․ փորձագետ

Ուկրաինայի վարչապետը խոստովանել է զինված ուժերի ոչ շահավետ դիրքը մարտի դաշտում

Մենք կարևորում ենք ԵՄ դիտորդական առաքելության ներդրումը Հարավային Կովկասում կայունության խթանման գործում․ Միրզոյան

Միացյալ Նահանգները Հայաստանի կողքին է՝ որպես գործընկեր և բարեկամ. 1 տարի առաջ ՀՀ ժամանած դեսպան Քրիստինա Քվինի ուղերձը

ՀՀ ԱԳՆ-ն կարևորել է ԵՄ դիտորդական առաքելությունը տարածաշրջանում կայունության ապահովման համար

Հարցվողների կեսից ավելին՝ 53%, նշել է, որ նկատել է ոստիկանության աշխատանքի բարելավում. ՆԳՆ

Ադրբեջացի գործարարը ներգրավված է ռուսական նավթի առևտրի գաղտնի օղակում. The Wall Street Journal-ի հոդվածը

Վերջին երկու տարում ՀՀ-ԵՄ հարաբերություններն ինտենսիվ ընդլայնվում են. Արմեն Գրիգորյան

Արտագնա աշխատանքի մեկնած քաղաքացիներին ուղարկվել են միայն ծանուցումներ, վարչարարություն չի իրականացվի. ՊԵԿ նախագահ

Հայաստանի դատական իշխանության անկախության ինդեքսը աճ է գրանցել. Դատական դեպարտամենտ

Ռուսներին չի հաջողվի գրավել Դոնեցկն ու Լուգանսկը․ Բուդանով

Երևանում անցկացվել է բացօթյա հուշ-ցերեկույթ՝ նվիրված Միսաք Մանուշյանին

Տիգրան Ավինյանը և Ղազախստանի դեսպանն անդրադարձել են Երևանի և Աստանայի միջև համագործակցության սերտացմանը

Ավանեսյանն ու Անդրեասյանը ստորագրել են պաշտոնական հրաման, որով կներդրվի հետբուհական մասնագիտական կրթական նոր ծրագիր

Հրազդանում կասեցվել է մանկապարտեզի խոհանոցի արտադրական գործունեությունը

Հայաստանը դիվերսիֆիկացնում է իր անվտանգությունը և արտաքին քաղաքականությունը. ԱԽ քարտուղար

Մեղադրանքներն անհիմն են. Մարագոսը՝ ԵՄ առաքելության վերաբերյալ Ադրբեջանի ԱԳՆ հայտարարության մասին

Նիկոլ Փաշինյանը ժամանել է Փարիզ

Հայ-ադրբեջանական սահմանին միջադեպերի քանակը նվազել է, բայց մարտահրավերներ կան․ Ստեֆանո Տոմատ

«Վերջապես». Լուսինե Թովմասյանը դիմավորել է սկեսրայրին (լուսանկար)

Քյամիլ Զեյնալլին ազատ է արձակվել և այսօր կվերադառնա Բաքու

Պատգամավոր Գագիկ Մելքոնյանին տեղափոխել են հիվանդանոց

ԵՄ դիտորդական առաքելությունը նպաստել է հայ-ադրբեջանական սահմանին միջադեպերի քանակի նվազմանը. Մարկուս Ռիտեր

Ռուսական կողմին պետք է հարցնել, թե ինչու է մեր մուտքն արգելված եղել Ներքին Հանդ․ ԵՄ դիտորդական առաքելության ղեկավար

Միսաք Մանուշյանի և նրա կնոջ աճյունները կվերահուղարկավորվեն պանթեոնում. Ջոնաթան Լաքոտ

Պետությանը պատճառվել է 80 մլն դրամի վնաս, մեղադրանք է ներկացվել նախկին պաշտոնատար անձանց. նախաքննությունն ավարտվել է

Ողբերգական ավտովթար Արագածոտնի մարզում. կա 1 զոհ, 2 վիրավոր

ՀՀ-ն ստացել է խաղաղության պայմանագրի Ադրբեջանի տարբերակը, շարունակում ենք աշխատել․ Գրիգորյան

Այդ խնդիրը կա. Գրիգորյանը՝ ԵՄ դիտորդների մուտքը Ներքին Հանդում ռուսների կողմից խոչընդոտելու մասին

ԵՄ-ում համաձայնեցրել են ՌԴ-ի դեմ պատժամիջոցների 13-րդ փաթեթը