Ես չեմ ուզում՝ կինս մահացած կամ խեղված երեխա լույս աշխարհ բերի. Լոռիում տապալեցին հանքի շահագործման թեմայով լսումները

Լոռու մարզում նախատեսվում է նոր՝ պղնձի ու ոսկու հանքերի շահագործում, ինչն առաջացրել է բնակիչների ու բնապահպան ակտիվիստների մտահոգությունները:

«Լուսաջուր Վենչերզ Ինվեստ» ՍՊ ընկերության ներկայացուցիչներն այսօր նախատեսել էին հանրային քննարկումներ իրականացնել մարզի Մարգահովիտ, Վահագնաձոր, Վահագնի, Դեբետ, Եղեգտնուտ եւ Քարաբերդ համայնքներում:

Ընկերության առաջին կանգառը Մարգահովիտ համայնքն էր: Բնապահպան ակտիվիստներն ու Մարգահովիտի մի խումբ բնակիչներ ընկերության ներկայացուցիչներին թույլ չտվեցին մտնել համայնքապետարանի շենք՝ նշելով, որ մարզում, առավել եւս՝ իրենց համայնքներում, նոր հանքեր չեն բացվելու, քանի որ, ըստ նրանց, եղած հանքերն իրենց բացասական հետքն են թողել մարզի բնակչության առողջության վրա, իսկ նոր հանքը պարզապես կվերացնի նաեւ մարզում տուրիզմը:

Նկատենք, որ տարիներ շարունակ մի շարք հետազոտական ընկերություններ ահազանգում են Թումանյանի տարածաշրջանի բնակչության առողջական խնդիրների վերաբերյալ, որը հանքարդյունաբերության հետեւանք է:

Ընկերության ներկայացուցիչների հետ էր նաեւ սոցապ ծառայության նախկին պետ Վազգեն Խաչիկյանը, ով հայտարարեց, որ որոշել են նաեւ մարզում հանքային տուրիզմը զարգացնել, իսկ ինքն էլ «Լուսաջուր Վենչերզ Ինվեստ» ՍՊ ընկերության՝ տուրիզմի գծով խորհրդականն է: Թե ինչ է ենթադրում հանքային տուրիզմ ասվածը, Խաչիկյանն այդպես էլ չկարողացավ պարզաբանել, փոխարենը հորդորեց կայքերում որոնել:

Խաչիկյանը, որ ծնունդով Ախթալայից է, քաջատեղյակ է տարիներ շարունակ Ախթալայի բնակչության առողջության հետ կապված մի շարք բացասական զեկույցներին, այսօր, սակայն, ամեն կերպ ջանում էր համոզել հավաքված բնակչությանը, թե նոր բացվող հանքը որեւէ վտանգ չի ներկայացնում, փոխարենը՝ ամեն ինչ լավ կլինի: Հավաքված բնակիչները Խաչիկյանին հիշեցրին մահացածների թոշակների յուրացման փաստով հարուցված քրեական գործերն ու հորդորեցին հեռու մնալ ոչ միայն Մարգահովիտից, այլ նաեւ մարզի մյուս համայնքներից:

Մարգահովիտի բնակիչ Արսեն Մարտիրոսյանը ՀԺ-ի հետ զրույցում ասաց՝ նոր բացվող հանքին միանշանակ դեմ է, պատճառը՝ նախկին հանքերի ու հանքերի տարածքում ապրող մարդկանց առողջական վիճակն է, իսկ ինքը չի կարող թույլ տալ, որ նույնը նաեւ իրեն ու իր ընտանիքին սպառնա. «Արոտավայրերը վերացնելու են, այդ ամբողջ փոշին խառնվելու է ջրին, հողին, թունավորելու են մեր կյանքը, սա անթույլատրելի է»,- ասաց նա:

«Լոռու տուրիզմի զարգացման» կենտրոնի տնօրեն, «Ռաֆթինգը Հայաստանում» ընկերության ղեկավար Գեւորգ Վարդանյանն էլ ասում է՝ նոր հանքերը վերջակետ կդնեն մարզում զբոսաշրջության զարգացմանը: Մարզում էկոլոգիապես մաքուր չնչին հատված է մնացել, այսօր, ըստ Վարդանյանի, փորձում են դա էլ վերացնել. «Մարզի 5 համայնքներում նոր հանքեր են ուզում բացել, այդտեղ զբոսաշրջության մասին այլեւս հնարավոր չի լինի խոսել, իսկ այն, որ ասում են, թե ուզում են հանքային տուրիզմ զարգացնել, թող իրենց հանքային տուրիզմը գնան Ախթալայում, Շամլուղում, Թեղուտում ու Արմանիսում շարունակեն, իսկ այն հատվածը, որը մաքուր է մնացել մինչ օրս, չենք թույլ տալու ապականել, սեփականատերերի նշած տնտեսական աճն էլ միայն բաժնետերերն են զգալու, անգամ հանքում աշխատողները հետագայում իրենց այդ աշխատավարձը ծախսելու են իրենց առողջության պահպանման վրա, որի դառը փորձը արդեն մենք ունենք: Միանշանակ ասում եմ՝ հանք այդ համայնքներում չի բացվելու»:

Գյուղապետարանի բակում երկար քննարկումներից հետո ընկերության ներկայացուցիչները հեռացան հաջորդ համայնք՝ արձանագրելով, որ հանրային լսումը Մարգահովիտում չկայացավ:

Հանրային լսումը տապալվեց նաեւ Վահագնաձորում: Այստեղ եւս ընկերության ներկայացուցիչները չկարողացան մտնել համայնքապետարան, իսկ հետո՝ հեռացան: Տապալված հանրային լսումները արձանագրվեցին համայնքապետի կողմից:

Ընկերության ներկայացուցիչները, սահմանված գրաֆիկով պետք է մյուս համայնքներ եւս այցելեին, սակայն տեսնելով Մարգահովիտում ու Վահագնաձորում տիրող մթնոլորտը՝ այլ համայնքներ չայցելեցին:

Ընկերության ներկայացուցիչներից Մհեր Պողոսյանը ՀԺ-ի հետ զրույցում կարծիք հայտնեց, որ ավելի շատ ոչ թե բնակիչներն են դեմ հանքի շահագործմանը, այլ ուրիշ տեղից եկած բնապահպանները. «Ու լրիվ ինձ թվում է անօրինական է, գյուղապետարանի դուռը փակել են, չեն թողում՝ մենք հանրային լսում անենք ու մեր նախագիծը ներկայացնենք, որ ընդամենը հետախուզական աշխատանքներ են լինելու, բայց արդեն սարքել են հանքի շահագործում, գործարանի կառուցում՝ վտանգավոր պոչամբարներով»:

Ընկերության ներկայացուցիչները պնդում են՝ իրենք ներկայումս ցանկանում են միայն հետախուզական աշխատանքներ կատարել, բայց դրանից հետո, եթե տվյալները լավը եղան, հանքն անպայման կշահագործեն: Բնապահպաններն ու համայնքների բնակիչները ներկայացուցիչների պարզաբանումները «լոլոներ» որակեցին՝ մեկ անգամ եւս պնդելով՝ մարզում նոր հանք չի բացվելու:

«Լուսաջուր Վենչերզ Ինվեստ» ընկերությունը, ըստ մարզ այցելած ներկայացուցիչների, չեխական ընկերություն է, թե ովքեր են ղեկավարները, այդպես էլ ազգանուններ չկարողացան նշել՝ պատճառաբանելով, թե չեխական ազգանուններն արտաբերելը դժվար է:

Նոր հանքեր բացելու թեման բուռն քննարկվում է նաեւ սոցիալական ցանցերում: Բոլորին է հայտնի Արմանիսի, Թեղուտի, Ախթալայի ու Շամլուղի հանքարդյունաբերության հետեւանքները, դրանց վնասակարությունն ու շրջակա միջավայրի վրա թողած ազդեցությունը:

Հիշեցնենք՝ մեկ հանք էլ որոշել էին Լոռիում բացել դեռ 2017թ.-ին Արդվիում, որը բնակչության ջանքերով ի սկզբանե տապալվեց, իսկ ծրագիրը չեղարկվեց: Լոռեցիները վստահ են՝ Արդվիի օրինակը շարունակական է լինելու:

Տպել
1784 դիտում

Մանկապարտեզները 100 տոկոսով պատրաստ են ընդունելու երեխաներին. Հակոբ Կարապետյան

Ալենն իր կյանքում միշտ էր պատերազմում ու պայքարում, բայց՝ գրքով ու գրչով. պայքարող Ալենի մասին գիրք է հրատարակվել

Ժամանակավոր դադարեցվում է Ցեֆտոնուս դեղափոշի ներարկման լուծույթի շրջանառությունը

Ավտոմեքենաների համարանիշների հափշտակությունը կքրեականացվի. միայն Երեւանում արձանագրվել է 306 դեպք

Հանվել է երկարօրյա ծառայությունների եւ արտաուսումնական խմբակների կազմակերպման արգելքը, բայց սահմանվել են նոր կանոններ

Անահիտ Ավանեսյանն ընդունել է Չինաստանի դեսպան Ֆան Յունին․ կողմերն անդրադարձել են պատվաստումային գործընթացին

Աննա Հակոբյանը և Լենա Նազարյանը ներկա են գտնվել Վանաձորի N25 հիմնական դպրոցի նորոգված մարզադահլիճի բացման արարողությանը

Դժվար է լինելու, բայց ոչ անհնարին. հունահռոմեականների վիճակահանությունը օլիմպիական վարկանիշային մրցաշարում

Տեր-Պետրոսյանի հրապարակած հայտարարության տեքստը Սարգսյանը տեսնում է առաջին անգամ․ Սերժ Սարգսյանի գրասենյակի արձագանքը

ԱԺ-ն երկրորդ ընթերցմամբ ընդունեց «Ընտրական օրենսգրքի» փոփոխությունների փաթեթը

Կորոնավիրուսային հիվանդության դեմ պատվաստումների շեմն անցել է 10 հազարը

Հայաստանի տարբեր մարզերում ընթանում են ճանապարհների բարեկարգման աշխատանքներ (տեսանյութ)

Գերիների ազատ արձակման հարցում ուժեղացող միջազգային ճնշման ներքո Ադրբեջանը փորձում է առաջ քաշել կեղծ օրակարգեր․ ԱԳՆ

Ստեփանակերտ-Ասկերան ճանապարհին ավտոմեքենան գլորվել է և հայտնվել Կարկառ գետում․ վարորդը մահացել է

Արմեն Սարգսյանը մայիսի 8-ից կգտնվի կարճատեւ արձակուրդում, որը կանցկացնի Մոսկվայում

«Նախապես ասեմ՝ մերժելու ենք...». Նիկոլ Փաշինյանի խորհրդականի հումորային արձագանքը՝ Տեր-Պետրոսյանի առաջարկների շարքին

Մոդուլային դպրոցներ կկառուցվեն Մեդովկա և Հագվի համայնքներում, նաեւ մոդուլային մանկապարտեզ՝ Սպիտակ համայնքում

Վահրամ Դումանյանը Շուշիի Ղազանչեցոց մայր տաճարի վերաբերյալ նամակ է հղել ՅՈՒՆԵՍԿՕ-ի գլխավոր տնօրենին

Լեւոն Տեր-Պետրոսյանը օրեր առաջ հանդիպել է Սերժ Սարգսյանին եւ առաջարկել ՀԱԿ-ՀՀԿ դաշինք ստեղծել

Ոչ նախկիններին ենք սպասարկել, ոչ ներկաներին ենք սպասարկում, ոչ էլ ապագաներին ենք սպասարկելու. Վազգեն Ռշտունի

Գեղամ Հովեյանը ընտրվեց Հաշվեքննիչ պալատի անդամ

Տեղի է ունեցել Անասնաբույժների ազգային ասոցիացիայի տարեկան հաշվետու ժողովը

Վերականգնվում է Մ-1-Ներքին Սասնաշեն-Մեծաձոր մոտ 9.8 կմ երկարությամբ ճանապարհահատվածը

Արմեն Սարգսյանը հյուրընկալել է Հայրենական մեծ պատերազմի մի խումբ վետերանների

Ունեմ հիմքեր կարծելու՝ սա միջամտություն է իմ ազատությանը. դատավորը՝ իր դեմ հարուցված կարգապահական վարույթի մասին

Մանկապարտեզներում սահմանափակումները հանվում են. նախարարի հրամանն ուժի մեջ կմտնի վաղվանից

Ցուցակների 1-ին համարների միջև հեռուստաբանավեճը պարտադիր կլինի. այլ կարևոր փոփոխություններ ևս «Ընտրական օրենսգրքում» կան

Սակրավորներն այսօր աշխատում են Ստեփանակերտի և Մարտունիի տարածքներում. պայթեցումներ կլինեն այլ համայնքներում

Ուժեղ իմունային համակարգը կարևոր է. Դավիթ Բաբայանը պատվաստվել է կորոնավիրուսի դեմ

Վերականգնվում է Ներքին Սասնաշեն-Մեծաձոր մոտ 9.8 կմ երկարությամբ ճանապարհահատվածը. Պապիկյան

Օրիգինալն է, այնքան էլ ծանր չէ, ես եմ բերել. Արամ Խաչատրյանի հետմահու դիմակն արդեն Երեւանում է՝ իր տուն-թանգարանում

Կոմանդոսի ողջ կյանքը հայրենիքին անմնացորդ նվիրվելու օրինակ էր. նախագահն ընդունել է նրա անվամբ ՀԿ-ի նախագահին

Դեռահասների շրջանում կախվածությունների թվի ավելացումը անհանգստացնող է. դասընթացներ Երևանի դպրոցներում

Հակամարտությունից տուժած Հայաստանում գտնվող ընտանիքները կստանան Համաշխարհային բանկի աջակցությունը

Պատգամավորները ԱԺ-ում պատվաստվում են կորոնավիրուսի դեմ

Պատերազմից հետո անհրաժեշտ է փոխել մոտեցումները գյուղատնտեսական ոլորտի խնդիրների լուծման նկատմամբ. ԱՀ նախագահ

Բարի ճանապարհ եմ մաղթում, իրենք ինձ կհետաքրքրեն, երբ իմ լիազորությունների տիրույթում հայտնվեն. Դավթյանը՝ Վանեցյանի մասին

Այսօր ու առաջիկա օրերին անձրևն ու ամպրոպը կշարունակվեն. հնարավոր է կարկուտ

Ձերբակալվել է «օրենքով գողի»՝ քրեական աստիճանակարգության բարձրագույն կարգավիճակ ունեցող անձ. դատախազություն

Համայնքներում կարող են ծառայողական Range Rover կամ Lexus գնել, ոչ ոք չի կարող ասել՝ ինչո՞ւ ես գնել. Գեղամ Հովեյան