Հայաստանում կորոնավիրուսի դեմ պատվաստվել է բնակչության 0,07 տոկոսը. տարածաշրջանում սա ամենափոքր թիվն է

Հայաստանում կորոնավիրուսային հիվանդության դեմ պատվաստումները սկսվելու առաջին օրվանից մինչեւ ապրիլի 26-ը «AstraZeneca» և «Sputnik-V» պատվաստանյութերով պատվաստվել է մոտավորապես 2200 քաղաքացի կամ բնակչության 0,07 տոկոսը: Այս մասին տեղեկացանք առողջապահության նախարարությունից:

Քովիդի դեմ պատվաստումները մեզ մոտ սկսվել են դեռևս ապրիլի 13-ից: Առաջին պատվաստվողները բուժաշխատողները եւ ռիսկի խմբի մեջ մտնող 65 տարեկանից բարձր անձինք էին: Այնուհետև պետք է պատվաստվեին տարեցների խնամքի կենտրոնների բնակիչները և աշխատակիցները, սոցիալական խնամքի կենտրոնների աշխատակիցները, 65 և բարձր տարիքի անձինք, 18-ից 64 տարեկան քրոնիկ հիվանդները: Սակայն նախարարությունը փոփոխություններ է կատարել պատվաստման խմբերի և ընթացակարգերի մեջ:

Այսուհետեւ կորոնավիրուսային հիվանդության դեմ Հայաստանում կարող են պատվաստվել նաև այն մարդիկ, որոնք ռիսկային խմբում չեն, բայց պատվաստվելու ցանկություն ունեն, ինչպես նաև ռիսկային խումբը ներկայացնող, բայց Հայաստանի քաղաքացիություն չունեցող, այստեղ ապրող ու կացության իրավունք ունեցող մարդիկ:

Բացի այս, եթե նախկինում վիրուսի դեմ պատվաստվելու համար անհրաժեշտ էր, որ քաղաքացիները դիմեն իրենց տարածքային պոլիկլինիկաներ, ապա այժմ կարելի է դիմել ցանկացած պոլիկլինիկա:

Այս ամենին զուգընթաց, սակայն, քաղաքացիներից շատերը կարծես թե այդքան էլ համաձայն չեն կորոնավիրուսային հիվանդության դեմ պատվաստվելուն: Մեր հարցմանը մասնակցած տարբեր տարիքային խմբի պատկանող 40 քաղաքացիներից 20-ի կարծիքով՝ պատվաստվելու կարիք չկա, որովհետև իրենք հաղթահարել են և կարող են հաղթահարել վիրուսը, 13-ը նշեցին՝ պատվաստանյութերի նկատմամբ դեռ բավարար վստահություն չունեն, նրանց մտահոգում է հատկապես «AstraZeneca» պատվաստանյութը: Մյուս 7-ի խոսքով կպատվաստվեն, բայց ոչ «AstraZeneca» պատվաստանյութով և ոչ հիմա:

Որոշ քաղաքացիներ էլ մեզ հետ զրույցում նշեցին՝ ճիշտ է, իրենց տարածքային պոլիկլինիկաներից պարբերաբար զանգեր և հաղորդագրություններ են ստանում պատվաստվելու վերաբերյալ, սակայն, միևնույն է, պատվաստվել չեն ցանկանում:

«Այդքան բան ենք տեսնում հեռուստացույցներով, այդքան բան ենք լսում: Մեկը ասում է՝ այս պատվաստանյութն է լավը, մյուսը՝ այն: Չես կարողանում կողմնորոշվել: Կպատվաստվեմ, բայց երևի մի քանի ամիս հետո. տեսնեմ՝ էլ ինչ պատվաստանյութ են ներկրում ու ինչ է կատարվում ամբողջ աշխարհում»,- մեր հարցմանը պատասխանելով՝ ասաց 41-ամյա մի կին:

«Ռիսկային խմբում եմ, անընդհատ զանգում են, բայց գնամ պատվաստվելու ինչի՞ համար: Ինչ իմանամ՝ ինձ հետ ինչ կլինի պատվաստվելուց հետո»,- մտավախություն ունի մեկ այլ՝ 65 տարեկան կինը:

«Չեմ ցանկանում պատվաստվել, 29 տարեկան եմ, ճիշտ է, չեմ էլ ուզում վիրուսով վարակվեմ, բայց չեմ գնա պատվաստվելու, եթե գնամ էլ, կցանկանամ «Sputnik-V»-ով պատվաստվել»,- ասաց երիտասարդը:

Չնայած մեզ հանդիպած քաղաքացիների կողմից հնչեցված կարծիքները պատվաստվելու վերաբերյալ բացասական են, բայց պարզվում է, այնուամենայնիվ, կան մարդիկ, որոնք ցանկանում են պատվաստվել COVID19-ի դեմ: Ըստ առողջապահության նախարարի խոսնակ Հռիփսիմե Խաչատրյանի՝ պատվաստման ընթացակարգի մեջ փոփոխությունները արվել են՝ հաշվի առնելով վիրուսի դեմ պատվաստվելու մարդկանց ցանկությունը: Նրա խոսքով՝ COVID-19-ի դեմ պատվաստվելու համար դիմում են 18 տարեկանից սկսած անձինք:

Հայաստանում պատվաստումների վերաբերյալ չհուսադրող վիճակագրության մասին ֆեյսբուքյան իր էջում նշել է Երևանի Մխիթար Հերացու անվան պետական բժշկական համալսարանի ռեկտոր Արմեն Մուրադյանը: Ըստ նրա՝ տարածաշրջանում ամենաքիչ պատվաստումները արվել են Հայաստանում:

«2021 թվականի ապրիլի 25-ի դրությամբ ամբողջ աշխարհում ներարկվել է պատվաստանյութի շուրջ 1.02 միլիարդ դեղաչափ: Պատվաստումների տեմպը ներկայում կազմում է շուրջ 17,8 մլն դեղաչափ օրական:

ԱՄՆ-ում ներարկվել է 231 մլն դեղաչափ (hամապատասխանում է շուրջ 29 տոկոսին -խմբ.) միջինում՝ շուրջ 2,74 մլն դեղաչափ օրական:

ՌԴ-ում իրացվել է 17,9 մլն դեղաչափ, համապատասխանում է բնակչության շուրջ 9,1%-ին, օրական՝ տեմպը շուրջ 74 հազ. դեղաչափ:

Թուրքիայում՝ 21,1 մլն, համապատասխանում է բնակչության շուրջ 12,7%-ին, օրական՝ տեմպը շուրջ 156 հազ. դեղաչափ:

Ադրբեջանում՝ 1,4 մլն, համապատասխանում է բնակչության շուրջ 7,1%-ին, օրական տեմպը՝ շուրջ 13,8 հազ դեղաչափ:

Իրանում՝ շուրջ 718,5 հազ, համապատասխանում է բնակչության շուրջ 0,4%-ին, օրական տեմպը՝ շուրջ 41,9 հազ. դեղաչափ:

Վրաստանում՝ շուրջ 37,5 հազ մարդ, համապատասխանում է բնակչության շուրջ 0,5%-ին, օրական տեմպը՝ շուրջ 1,2 հազ դեղաչափ:

Իսրայելը պատվաստել է բնակչության շուրջ 62,2%-ին, այդ թվում՝ 70 և բարձր տարիքային խմբի բնակչության 88%-ից ավելիին: Տարեսկզբից COVID-19-ի նոր դեպքերի թիվը Իսրայելում նվազել է շուրջ 70%-ով:

ԵՄ երկրներում իրականացվել է 122,6 մլն պատվաստում: Բնակչության շուրջ 24.2% ստացել է առաջին դեղաչափը, իսկ 8,9%-ը՝ երկրորդը: Դեղաչափերի ներարկման միջև տարբերությունը կազմում է 21-42 օր: Oxford-AstraZeneca պատվաստանյութ ներարկվել է շուրջ 31,68 մլն դեղաչափ, Pfizer-BioNTech՝ 95,1 մլն, Moderna՝ 12,06 մլն, Sputnik V՝ 1,3 մլն»,- գրել է Արմեն Մուրադյանը՝ հավելելով.

«Սիրելի քաղաքացիներ, ևս մեկ անգամ խնդրում եմ ու հորդորում՝ պատվաստումների թեման մի դարձրեք շահարկման թեմա, դա վտանգավոր է․․․ Այլընտրանք չկա, պետք է ընտրել հրատապ լուծման եղանակը՝ պատվաստումը»:

Տպել
2146 դիտում

Կանանց ներգրավվածությունը ՆԳՆ բարեփոխումների բաղադրիչ է․ Երևանում կայացել է «Կանայք ոստիկանությունում» համաժողովում

«Խաղաղության խաչմերուկը» կարևոր է հնդկական օվկիանոսի ենթակառուցվածքային ծրագրերի առումով․ «Հնդկաստան» հիմնադրամի տնօրեն

Արթուր Դավթյանը ոսկե մեդալ է նվաճել աշխարհի գավաթի խաղարկության երկրորդ փուլի հենացատկ վարժությունից

Երևանի և մի քանի մարզերի որոշ հասցեներում լույս չի լինի

Հայաստանի նախկին իշխանությունները երկար ժամանակ չէին ցանկանում Ադրբեջանի հետ խնդրահարույց հարցերը լուծել․ Լուկաշենկո

Խոյ համայնքում անվճար ուսանողական երթուղի է գործելու, այն կլինի կտրոններով

Լոռու մարզում հայտնաբերել են մի քանի օր անհետ կորած համարվող 50-ամյա տղամարդու դին, այն եղել է մասամբ հոշոտված

Հայաստանի բասկետբոլի հավաքականն այսօր կխաղա Ալբանիայի դեմ․ ովքեր են ընդգրկված հայտացուցակում

Արարատի մարզի սուպերմարկետներից մեկի տարածքում հրդեհ է բռնկվել, այրվել են կուտակված պլաստամասե արկղերը

Էկոնոմիկայի նախարարությունում խնդիրները պատկերացնելի են, պատրաստվում ենք ծանր գրաֆիկով աշխատել․ Պապոյան

Կիևն Արևմուտքի զենքերը չի օգտագործի Ռուսաստանի տարածքում թիրախների դեմ․ Զելենսկի

Ձորաղբյուր գյուղի փոքր գերեզմանատան մոտակայքում ավտոմեքենան կախվել է դեպի ձորակը

Ուկրաինայում իրավիճակը առաջիկա ամիսներին կարող է որոշվել․ Բորել

Մալաթիա-Սեբաստիա վարչական շրջանում նշվել է Անդրանիկ Օզանյանի ծննդյան օրը

Փարաքարում կկառուցվի շուրջ 3000քմ ընդհանուր մակերեսով մարզադպրոց․ Դավիթ Մինասյան

Պուտինը հայտարարել է, թե Ղրիմը Ռուսաստանի անբաժանելի մասն է

Առաջիկա օրերին մանդատս վայր կդնեմ. Պապոյանը՝ էկոնոմիկայի նախարար նշանակվելու մասին

Ուկրաինան հույս ունի ստանալ ՆԱՏՕ-ին անդամակցելու հրավերը հուլիսին կայանալիք գագաթնաժողովում

Որդիս ասաց, որ շատ է ուզում՝ այս մրցանակը տուն տանեի․ Խաչանովը խոսել է Դոհայում ունեցած հաղթանակի մասին

Կիևում պայթյուններ են որոտացել․ օդային տագնապ է հայտարարված մի քանի մարզերում

Գերմանիայի ԱԳ նախարարն Օդեսայում է․ անվտանգության նկատառումների տեսանկյունից նրա այցի մասին չի հայտարարվել

Ինչ փոխարժեքներ է առաջարկում տարադրամի շուկան այսօր

Լուկաշենկոն 8-րդ անգամ անընդմեջ առաջադրվելու է Բելառուսի նախագահի պաշտոնում

Ինչ իրավիճակ է Լարսի ճանապարհին

ՀԱՊԿ-ն առանց Հայաստանի չի փլուզվի․ Լուկաշենկոն հայկական կողմին խորհուրդ է տվել չշտապել

Ադրբեջանի ՊՆ ղեկավարը հանձնարարել է բարձրացնել ստորաբաժանումների մարտունակությունը

Հայաստանում խաղաղություն պաշտպանելը նշանակում է հարգել ՀՀ երեխաների հիշատակը, որոնք լքել են իրենց երկիրը․ Լըկորնյուն

Խոշոր ավտովթար Երևանում․ 2 հոգի մարմնական վնասվածքներով տեղափոխվել են հիվանդանոց

Այն, ինչ անում է Իսրայելի կառավարությունը Գազայում, դա ցեղասպանություն է․ Բրազիլիայի նախագահ

Արարատ Միրզոյանը ցավակցություն է հայտնել Վալենսիայում տեղի ունեցած հրդեհի հետևանքով զոհվածների հարազատներին

Ինչու է Ռուսաստանում սկսվել նախագահական ընտրությունների վաղաժամկետ քվեարկությունը

Սպասվում են տեղումներ և մառախուղ․ առաջիկա օրերի եղանակային կանխատեսումը

Առավել կզարգացնենք և կխորացնենք հարաբերությունները․ վարչապետի ուղերձները՝ Քուվեյթի Պետության էմիրին և վարչապետին

Ողբերգական դեպք Կոտայքում․ մեքենան մխրճվել է բնակչի տան մեջ, կա զոհ

G7-ը պատժամիջոցներ կկիրառի Ռուսաստանին աջակցող երկրների դեմ

Մխչյան գյուղում տուն է այրվել

Վահագն Դավթյանը՝ Աշխարհի գավաթի օղակների բրոնզե մեդալակիր

Կապան, Գորիս քաղաքներում ձյուն է տեղում․ ինչ իրավիճակ է ՀՀ ավտոճանապարհներին

«Իմ ուժն ինձ հետ է»․ Զախարովան հեղինակել է երգ, որը համերգի ժամանակ կատարել է Ուսպենսկայան

Նախնական վարկածով՝ հրազենային վիրավորումից զինծառայող է մահացել