Երևան
12 °C
Հունիսի 20-ի խորհրդարանական արտահերթ ընտրություններին մասնակցող ուժերն այս օրերին զբաղված են նախընտրական շտաբների կազմավորման աշխատանքներով։
Որոշ քաղաքական ուժեր արդեն վերջնական որոշում ունեն, թե ինչ ձեւաչափով են հանդես գալու ընտրություններին, ոմանք էլ դեռ մտորումների մեջ են։ Երեկվա դրությամբ ընտրություններին մասնակցելու ձեւաչափի վերջնական որոշում ունեին հետեւյալ ուժերը. «Քաղաքացիական պայմանագիր», «Բարգավաճ Հայաստան», «Հանրապետություն», «Լուսավոր Հայաստան», «Ալյանս» կուսակցությունները, որոնք հանդես կգան միայնակ, «Հայաստանի Հանրապետական» եւ «Հայրենիք» կուսակցությունները հանդես կգան դաշինքով, ՀՅԴ-ն եւ «Վերածնվող Հայաստանը» նույնպես դաշինքով՝ Ռոբերտ Քոչարյանի հետ։
Անկախ պատգամավոր Արման Բաբաջանյանի հիմնած «Հանուն Հանրապետության» կուսակցությունը նույնպես մասնակցելու է խորհրդարանական ընտրություններին, սակայն ձեւաչափի մասին տեղեկություններ դեռեւս չկան։ Կուսակցության անդամ Ռուբեն Մեհրաբյանը ՀԺ-ի հետ զրույցում ասաց.
«Ինտենսիվ հանդիպումներ, կոնսուլտացիաներ են ունենում, որպեսզի վերջնական որոշման հանգենք։ Գործընթացը շարունակվում է։ Առնվազն մեկ բան կարող եմ ասել, որ մեր կուսակցությունը մասնակցելու է ընդլայնված կազմով, այսինքն լինելու են ցուցակում մարդիկ, ովքեր կուսակցության անդամ չեն, օրինակ՝ փաստաբան Սեդա Սաֆարյանը»։
Դիտարկմանը՝ մամուլում տեղեկություններ են շրջանառվում, որ ՊՎԾ նախկին ղեկավար Դավիթ Սանասարյանն իրենց կուսակցության ցուցակով է առաջադրվելու, Մեհրաբյանն ասաց, որ Սանասարյանի հետ քննարկումներ ունեցել են. «Չեմ կարող 100 տոկոսով նման բան ասել, քննարկում եղել է, վերջնական որոշում դեռեւս չկա»,-նշեց Մեհրաբյանը, հավելելով, որ ընտրությունների մասնակցության ձեւաչափի եւ այլ մանրամասների մասին հայտնի կդառնա առաջիկա օրերին:
«Քաղաքացու որոշում» կուսակցությունը, որը մասնակցել է 2018 թվականի խորհրդարանական ընտրություններին, այս տարի վերջնական որոշման մասին կհայտնի խորհրդի նիստ անելուց հետո։: «Քաղաքացու որոշում» կուսակցության գործադիր մարմնի քարտուղար Սուրեն Սահակյանը ՀԺ-ի հետ զրույցում նշեց, որ ընտրություններին մասնակցելու, դրա ֆորմատի եւ այլ մանրամասների մասին քննարկելու են խորհրդի նիստում, որի օրը դեռեւս որոշված չէ։
«Ալյանս» կուսակցության ղեկավար Տիգրան Ուրիխանյանը ՀԺ-ին փոխանցեց, որ ընտրություններին մասնակցելու մանրամասները հայտնի կդառնան մայիսի 15-ին, կուսակցության համագումարում, որը տեղի կունենա Կառավարության նիստերի դահլիճում։ Ուրիխանյանը մեզ նաեւ հայտնեց, որ «Ալյանս» կուսակցությունը հուշագիր կստորագրի «Ռուսաստանի հայերի միության» հետ: «Փոխգործակցության հուշագիր է ստորագրվելու մեր եւ միության միջեւ»,- հավելեց նա: Հարցին՝ հնարավո՞ր է՝ «Ռուսաստանի հայերի միության» ղեկավար Արա Աբրահամյանն արտահերթ ընտրություններին ներկայանա «Ալյանս» կուսակցության ընտրացուցակով, Տիգրան Ուրիխանյանը կոնկրետ պատասխան չտվեց: «Կա համագործակցություն Արա Աբրահամյանի հետ ու միշտ եղել է, սա առաջին անգամը չէ»։ Ճշտող հարցին՝ ի՞նքն է գլխավորելու կուսակցության ցուցակը, Տիգրան Ուրիխանյանը նշեց. «Դժվար է ասել։ Համագումարի ընթացքում ընտրություն կլինի»։
ԲՀԿ պատգամավոր Շաքե Իսայանն էլ ՀԺ-ին միայն փոխանցեց, որ ընտրությունների ընթացքում «Բարգավաճ Հայաստան» կուսակցության գրասենյակի աշխատանքները համակարգելու է ԲՀԿ-ական պատգամավոր Վարդան Վարդանյանը. «Կարգախոս, ընտրացուցակում ներգրավվածներ, ընտրական ծրագիր, այս ամենը հիմա քննարկումների փուլում է։ Մոտ ժամանակներս ամեն բան արդեն վերջնական պարզ կլինի» ։ Նշենք, որ ԲՀԿ ցուցակը գլխավորելու է կուսակցության ղեկավար Գագիկ Ծառուկյանը ։
«Լուսավոր Հայաստան» կուսակցությունը մայիսի 15-ին «Մարիոթ» հյուրանոցում պատրաստվում է համագումար հրավիրել։ Կուսակցության անդամ Դավիթ Խաժակյանը մեզ հետ զրույցում նշեց, որ կուսակցության՝ ընտրություններին մասնակցելու հանգամանքի հետ կապված մանրամասների մասին հայտնի կդառնան հենց այդ օրը։ Նշենք, որ ավելի վաղը ԼՀԿ ղեկավար Էդմոն Մարուքյանը հայտնել է, որ կուսակցության ցուցակն ինքն է գլխավորելու, իսկ գրասենյակի ղեկավար կլինի Դավիթ Խաժակյանը։
«Հանրապետություն» կուսակցության ընտրական ցուցակն էլ կգլխավորի Արամ Սարգսյանը։ Այլ մանրամասներ կուսակցության անդամ Անի Խաչատրյանը չհայտնեց։ Նշեց, որ ունեն մի քանի թեկնածու գրասենյակի ղեկավարի համար, սակայն դեռ վերջնական որոշում չունեն։ Նախընտրական ծրագրի, կարգախոսի, ընտրական ցուցակների մասին նույնպես Խաչատրյանը կոնկրետ պատասխան չտվեց, նշելով, որ շուտով հայտարարություն կանեն։
ՀՀԿ եւ «Հայրենիք» կուսակցությունների դաշինքը կոչվելու է «Պատիվ ունեմ», որը գլխավորելու է «Հայրենիք» կուսակցության ղեկավար Արթուր Վանեցյանը, ՀԺ-ին հայտնեց «Հայրենիք» կուսակցության մամուլի խոսնակ Սոս Հակոբյանը, սակայն այլ հարցերի չպատասխանեց։ Հակոբյանը նկատեց, որ դեռեւս դաշինքի ստեղծման պաշտոնական արարողություն չի եղել: «Ստորագրումից հետո նոր այլ մանրամասներ կհայտնենք»,- ասաց կուսակցության մամուլի խոսնակը։
ՀՅԴ-ն եւ նորաստեղծ «Վերածնվող Հայաստան» կուսակցությունը, որի հիմնադիրը Սյունիքի նախկին մարզպետ Վահե Հակոբյանն է, միավորվել են Ռոբերտ Քոչարյանի շուրջ, որն էլ ղեկավարելու է դաշինքը։ Երեք ուժերի ստեղծած դաշինքը կոչվում է «Հայաստան»։ Դաշինքի գլխավոր շտաբը ղեկավարում է Արմեն Գեւորգյանը, դաշինքի պաշտոնական ներկայացուցիչը Քոչարյանի պաշտպան Արամ Վարդեւանյանն է։ Վերջինս ՀԺ-ին փոխանցեց, որ ցուցակի մասին ոչինչ այս պահին չի կարող փոխանցել, հավելելով, որ իրեն 2-3 օր ժամանակ է պետք ընտրությունների հետ կապված բոլոր հարցերին պատասխանելու համար։
Իշխող «Քաղաքացիական պայմանագիր» կուսակցությունը 2021-ի արտահերթ ընտրությունների հանդես կգա միայնակ՝ առանց դաշինքի։ Կուսակցության ցուցակը կգլխավորի վարչապետի պաշտոնակատար Նիկոլ Փաշինյանը։ Նախընտրական գրասենյակի ղեկավարը ՏԿԵ նախարարի պաշտոնակատար Սուրեն Պապիկյանն է։ Նրան օգնելու են Շրջակա միջավայրի նախարարի պաշտոնակատար Ռոմանոս Պետրոսյանը, վարչապետի պաշտոնակատարի աշխատակազմի ղեկավար Արսեն Թորոսյանը եւ գլխավոր խորհրդական Արայիկ Հարությունյանը։ Կուսակցության կարգախոսն է «Ապագա կա, կա ապագա»։ Կուսակցության ցուցակում ներգրավված անունների մասին տեղեկություններ դեռեւս չկան։
Նշենք, որ կուսակցությունները եւ դաշինքները գրանցման համար փաստաթղթերը ԿԸՀ պետք է ներկայացնեն մինչեւ մայիսի 26-ը՝ ժամը 18:00-ն: Կուսակցությունների ու դաշինքների ցուցակները պետք է գրանցվեն մայիսի 26- 30-ը:
Անյուտա Աթանեսյան
«Հայկական Ժամանակ»-ը Telegram-ումՎահագն Դավթյանը ոսկե մեդալ է նվաճել աշխարհի գավաթի առաջին փուլում
Հոսպիտալում հիվանդության հետևանքով զինծառայողի մահվան դեպք է արձանագրվել. ՊՆ
Երևանի քաղաքապետարանը զգուշացնում է
2021-2025 թվականներին Փարաքար համայնքում կառուցվել և շահագործման է հանձնվել 2 դպրոց
«Բոշա՛», «բոշան դո՛ւ ես» ոճի մեղադրանքներ կամ ինչու Թրամփը բռնեց ռուսական գիծը՝ ակնհայտ լարվելով Զելենսկիի հետ
Դավիթ Բեկ համայնքում կրակոցներ չեն հնչել և տուժածներ չկան. ՆԳՆ
15 տարվա դպրոցի ճաշարանը խուց է, գրադարանը՝ հավաբնի չափ, պետության ներդրումը եղել է փող աշխատելու ձև. նախարար
Դիտորդները չեն ծեծվի, լցոնում չի չլինի. ինչ խնդիրներ կան Սահմանադրության մեջ, ինչպես կշտկվեն դրանք
Ռուս-ամերիկյան 2-րդ բանակցությունները կկայանան հաջորդ շաբաթ. Թրամփ
ՄԻՊ աշխատակազմը, ՔԿԾ ղեկավարն ու «Նուբարաշեն» ՔԿՀ պետը քննարկել են հիմնարկում արձանագրված խնդիրները
ԱՄՆ կոնգրեսականները տրամադրված չեն Ուկրաինային նոր օգնություն տրամադրել. Ջոնսոն
Երևանում փետրվարի 24-ի գիշերը սպասվում է -15․․․-17 աստիճան ցուրտ․ Լևոն Ազիզյան
«BMW»-ն դուրս է եկել ճանապարհի երթևեկելի գոտուց, բախվել հողաթմբին և գլխիվայր շրջվել
Շենքը՝ շենք, բայց այն ապրելու է ձեզնով ու այնպես, ինչպես դուք եք ապրեցնելու. վարչապետը՝ Փոքր Վեդիի դպրոցում
Ըմբշամարտիկ դառնալու համար էլ պետք է լավ սովորել. վարչապետը շրջայց է կատարել Փոքր Վեդիի դպրոցում. տեսանյութ
Քայլում ենք միջազգային զարգացումներին համընթաց՝ ապահովելով նոր առաջընթաց միջուկային բժշկության մեջ. Ավանեսյան
«Ինտերը» կարող է խզել Մխիթարյանի պայմանագիրը
Լավրովն առաջիկա օրերին կմեկնի Թեհրան
Հանրապետությունում 1 օրում արձանագրվել է 578 ճանապարհատրանսպորտային պատահար, վնասվածքներ ստացել՝ 35 քաղաքացի
Ջրաբեր-Ֆանտան ավտոճանապարհը բացվել է բոլոր տեսակի տրանսպորտային միջոցների համար. տեսանյութ
Որոշ մարզերում գիշերային ժամերին կդիտվի -27, -28 աստիճան ցուրտ, լեռնային շրջաններում՝ բուք, ուժգին քամի
Թրամփը չի պատրաստվում մայիսի 9-ին մեկնել Ռուսաստան
Թրամփն ու Զելենսկին գտնվում են վերբալ փոխհրաձգության մեջ. ինչու է ԱՄՆ-ն «երես թեքում» Ուկրաինայից
Եվրամիությանը ՀՀ-ի անդամակցությունը ձեռնտու կլինի ինչպես Երևանի, այնպես էլ Բրյուսելի համար․ շվեդ պատգամավոր
Վերին Լարսում մոտ 700 հայկական բեռնատար է կուտակվել
«Զվարթնոց» տանող ճանապարհին բախվել է 6 ավտոմեքենա
27-ամյա երիտասարդը շարժասանդուղքից ընկել ու վնասվածքներ է ստացել
Փոքր Վեդիիի նոր դպրոցը հանձնվել է շահագործման. վարչապետը ներկա է գտնվել բացման արարողությանը. տեսանյութ
ԱԳՆ-ում քննարկվել է Քիմիական զենքի կոնվենցիայից բխող պարտավորությունների իրականացման ընթացքը
Նման կետեր խաղաղության պայմանագրում չեն քննարկվում. Ռուբեն Ռուբինյան
Լոռու և Սյունիքի բոլոր ավտոճանապարհները բեռնատարների համար փակ են, ՀՀ բազմաթիվ հատվածներ՝ դժվարանցանելի
Հարկերն իջել են, իսկ միջին աշխատավարձն աճել է 66 տոկոսով․ Պապոյանը թվեր է հրապարակել
ՀՀ-ում ԱՊՊԱ պայմանագրերը սպասարկող ընկերությունները 1 օրում ավելի քան 1000 վթար են գրանցել
Սիմոնյանն իտալացի գործընկերների ուշադրությունն է հրավիրել Ադրբեջանում պահվող հայ գերիների հայրենադարձի խնդրին
Արմեն Սարգսյանի սպանության գործով Մոսկվայում ձերբակալվել են պարողներ. 2-ն էլ՝ ՀՀ քաղաքացի
Վեճի ժամանակ հեռախոսը պատուհանից նետել է․ Երևանի «Կանտար» հյուրանոցից ձերբակալվել են Իրանի և ՌԴ-ի քաղաքացիներ
Երբ հասկանում ես՝ այստեղ երկրորդ պլանի դերասան մնալդ երկար չի տևի, հավաքում ես իրերդ, գնում Իսպանիա․ Վարդանյան
2-3 ամսից ԵԱՏՄ-ի և ԱՄԷ-ի միջև ազատ առևտրի գոտու մասին պայմանագիր կկնքվի
Պետությանը և համայնքին պատճառված մոտ 40 մլն դրամ վնասի վերականգնում․ ամփոփվել է Լոռու դատախազության աշխատանքը
Մինչև հուլիսի 1-ը պարգևատրական զենքերը պետք է ներկայացնել ոստիկանություն. կարգավորումները խստացվում են
© 2025 Հայկական ժամանակ
Website by MATEMAT