Երևան
12 °C
Նախորդ ուրբաթ օրվա դրությամբ 1600 անձ դիմել է Ոստիկանության անձնագրային եւ վիզաների վարչություն՝ պատգամավորության թեկնածու լինելու համար անհրաժեշտ տեղեկանք ստանալու համար: Մինչեւ այսօր ժամը 18:00-ն, երբ ավարտվելու է կուսակցությունների կողմից ԿԸՀ ցուցակների ներկայացման ժամկետը, նախնական կանխատեսմամբ 3000 անձ արդեն դիմած կլինի այդպիսի տեղեկանք ստնալու համար: «Հայկական ժամանակ»-ի հետ զրույցում այսպիսի կանխատեսում արեց Ոստիկանության անձնագրային եւ վիզաների վարչության պետ, գնդապետ Արա Մկրտչյանը:
Հունիսի 20-ի արտահերթ խորհրդարանական ընտրություններին ընդառաջ ընտրացուցակների մաքրման, անձնագրայինում մեծ հերթերի, ընտրողների թվի մեծացման, 2020-ին ՀՀ քաղաքացիություն ստացած անձանց թվի մասին մեր զրույցը ոստիկանության գնդապետի հետ՝ ստորեւ.
- Պարոն Մկրտչյան, հունիսի 20-ին արտահերթ ընտրություններ են սպասվում մեր երկրում։ Գաղտնիք չէ, որ լավ ընտրություններ անցկացնելու ամենակարեւոր նախապայմաններից մեկը ընտրացուցակներն են։ Ի՞նչ հանձնարարություն ունի Ոստիկանության անձնագրային եւ վիզաների վարչությունը ոստիկանապետից, ի՞նչ աշխատանքներ են տարվում՝ ցուցակները մաքրելու համար։
- Համամիտ եմ՝ լավ ընտրություններ անցկացնելու հիմնական գրավականներից մեկը լավ ընտրական ցուցակներն են։ Ոստիկանապետի կողմից առաջին հերթին հանձնարարական է տրված՝ գործելու օրենքի սահմաններում, լիարժեք իրականացնելու այն ամբողջ գործիքակազմը, որն անհրաժեշտ է ցուցակները կազմելու համար: Այդ աշխատանքները հավուր պատշաճի կազմակերպելու նպատակով մենք օգտագործում ենք ոչ միայն Ոստիկանության, այլ նաեւ պետական մյուս մարմինների ռեսուրսները: Մասնավորապես, բացի թղթային, էլեկտրոնային եւ փոստային տեղեկատվությունից, որը մենք պաշտոնապես ստանում ենք ցուցակների հետ կապված, ոստիկանությունը նաեւ իր ունեցած ռեսուրսների շնորհիվ ստուգում է ընտրողների հաշվառումները եւ իրականացնում է այցեր փաստացի բնակության վայրեր, համապատասխանեցնում ցուցակները իրական պատկերի հետ։
Այս հսկայածավալ աշխատանքը, որ ներկայումս կատարվում է ընտրացուցակները մաքրելու համար, չի կարող բացառել որոշակի թերացումներ: Ուստի, նախնական ցուցակները հրապարակելուց հետո մենք ակնկալելու ենք բոլորից՝ հասարակությունից, լրագրողներից ներկայացնել բացթողումների վերաբերյալ տեղեկություններ, որպեսզի հիմնական ցուցակները հրապարակելիս բոլոր թերությունները վերացված լինեն։
- Ես ճի՞շտ հասկացա, որ ոստիկանները տուն առ տուն, հասցե առ հասցե ստուգումներ են իրականացնում։ Եթե այդպես է, ապա կարո՞ղ եք նշել, թե այս ընթացքում քանի անուն է դուրս եկել ցուցակից այդ այցերի շնորհիվ:
- Ճիշտ հասկացաք, այցեր կատարվում են բնակարաններ եւ մարդկանց բնակության վայրեր՝ ցուցակների իսկությունը ճշտելու համար, սակայն կոնկրետ անհամապատասխանությունների քանակ ես այս պահին նշել չեմ կարող, որովհետեւ դա ամփոփված չի, նման հաշվառում մենք չենք տանում: Նշեմ սակայն, որ անհամապատասխանություններ լինում են մշտապես, ինչը բնական է, քանի որ կյանքը առաջ է գնում եւ յուրաքանչյուր ընտրությունից հետո փոփոխություններ են լինում մարդկանց հաշվառման, բնակության վայրերի տվյալներում: Բացի այդ, ցավոք մարդիկ մահանում են: Կամ 18 տարին լրանալու կապակցությամբ նոր անձինք են ստանում ընտրելու իրավունք: Այս պրոցեսը անընդհատ է եւ դրա համար պետք է մշտապես աշխատել, ճշգրտումներ կատարել։
- Տարիներ առաջ «մեռած հոգիներ» կոչված երեւույթը ընտրացուցակներում օրինաչափություն էր համարվում։ Վերջին տարիներին բավական առաջընթաց կար այդ առումով, բայց կարծեք թե չէր հաջողվում ունենալ իդեալական ցուցակներ։ Երբ որ 2020-ին հանրաքվեի էինք պատրաստվում, որը հետո չեղարկվեց, անձնագրային եւ վիզաների վարչությունից ասում ին, որ թաղման բյուրոների հետ են այդ կապակցությամբ աշխատում։ Հիմա ի՞նչ է արվում այդ ուղղությամբ։
- Նախկին տարիներին ձեր նշած այդ երեւույթի հետ կապված ես մանրամասներ չեմ կարող ասել, սակայն ներկայումս աշխատանքներ իրականացվում են, որ այդ անհամապատասխանությունները լինեն հնարավորինս քիչ։ Ձեր առաջին հարցի պատասխանում ես արդեն նշեցի, որ մենք համագործակցում ենք ոչ միայն ոստիկանության մյուս ստորաբաժանումների, այլեւ մյուս պետական կառույցների հետ, դրանցից մեկն էլ ձեր նշած գերատեսչությունն է, որի հետ անմիջական եւ ուղիղ համագործակցության մեջ ենք գտնվում, նրանցից ստանում ենք մահացած անձանց տվյալները եւ ցուցակները մաքրում դրանցից։
Ես պետք է նշեմ, որ այստեղ մենք ունենք մեկ լուրջ խոչընդոտ, որը հիմնական պատճառն է հանդիսանում, որ մահացած մարդու տվյալը մնում է ընտրացուցակում։ Մեր հայրենակիցներից շատերը մահանում են ոչ թե Հայաստանում, այլ Հայաստանի սահմաններից դուրս եւ նրանց հարազատները մահվան իրավական հիմքերը չեն ներկայացնում ՀՀ որեւէ իրավասու պետական գերատեսչություն: Այսինքն մենք այդ տեղեկատվությունը չենք ստանում եւ տեղյակ չենք լինում, որ այս կամ այն ընտրողը ՀՀ սահմաններից դուրս մահացել է, որպեսզի նրան դուրս բերենք ընտրական ցուցակից։ Սա իրականում խնդիր է, որը հնարավորնս պարզում ենք այդ անձնական այցերի ժամանակ, սակայն լինում են նաեւ դեպքեր, որոնք դժվար է լինում պարզելը:
- Իսկ եթե անձը չի մահացել, բայց տասնամյակներով Հայաստանում չէ, որեւէ մեխանիզմ կա՞ նրա անունը ցուցակից հանելու:
- ՀՀ-ից ելքի ժամանակ որեւէ ընտրողի տվյալ ընտրացուցակից դուրս չի հանվում, նման սահմանափակում չկա օրենքով, բոլոր ընտրողները ներառված են ցուցակում։
- Կապ չունի՞ քանի տարի չի եկել Հայաստան։
- Այո, այո, գործող օրենսդրությամբ նման լիազորություն չկա՝ անկախ նրանից, թե քանի տարի չի եկել Հայաստան:
- Պարոն գնդապետ, սովորաբար ընտրական խնդիրներից մեկն էլ առաջանում էր մի բնակարանում կամ տանը մի քանի տասնյակ մարդկանց գրանցման պատճառով։ Սա միշտ խնդիր է եղել, ինչ-որ լուծում գտնվե՞լ է այս խնդրին։
- Հարցը բաժանենք երկու մասի․ կան հասցեներ, որտեղ մեկ հասցեի անվան տակ փաստացի բազմաթիվ շինություններ են կամ սեփական տներ, այսինքն հասցեն մեկն է եւ 10 տուն, իրար հարազատ կամ ոչ հարազատ մարդիկ գրանցված են այդ տներում եւ ստացվում է, որ մեկ հասցեում մենք ունենք մի քանի տասնյակ հաշվառումներ։ Բայց դա չի նշանակում, որ դա մի բնակարան է կամ մեկ տուն։
- Դա օրինակա՞ն է, երբ մի հասցեի տակ 10 տուն է։
- Այո, օրինական կերպով որոշակի տների խմբաքանակի տրված է մեկ հասցե։
Եվ հարցի երկրորդ կողմը, որ կան բնակարաններ կամ տներ, որոնցում հաշվառված մարդկանց քանակը բավականին շատ է․ասեմ, որ օրենսդրական կարգավորումներով որեւէ արգելք չկա սեփականատիրոջ կողմից իր հասցեում անձանց հաշվառում իրականացնելու: Անձնագրային եւ վիզաների վարչությունը դիմում ստանալուց հետո իրավունք չունի մերժել սեփականատիրոջը՝ պատճառաբանությամբ, որ գիտեք ինչ, այս կամ այն անձը, ում համար դուք դիմել եք հաշվառման, չի կարող հաշվառվել, քանի որ շատ մարդիկ են հաշվառված ձեր տանը։ Օրենսդրական նման արգելք չկա եւ մենք պարտավոր ենք յուրաքանչյուր նման դիմումի պատասխան տալ եւ հաշվառել։ Թե ինչ նպատակով են իրենց տներում շատ մարդկանց հաշվառում՝ ես այդ հարցին չեմ կարող պատասխանել եւ իրավասու չեմ, յուրաքանչյուրը կարող է մի նպատակ հետապնդել։ Իհարկե այն բոլոր տները, որտեղ հաշվառված անձանց քանակը մեծ է, մենք նրանց մասին ունենք տեղեկատվություն եւ դրանք գտնվում են ոստիկանության ստորաբաժանումների աշխատակիցների տեսադաշտում, սակայն օրենսդրական սահմանափակում չունենք, որ արգելենք այդ գործընթացը։
- Ընտրողների նախնական թիվը ոստիկանության վերջին տվյալներով 2 մլն 583 823 է։ 2018-ի դեկտեմբերի խորհրդարանական ընտրությունների ժամանակ հրապարակվել էր 2 մլն 573 779 թիվը։ Այսինքն ավելացե՞լ է ընտրողների թիվը։
- Այո՛, բնականաբար, նայեք 2018 թվականից հետո անցել է քանի տարի․դա բնական պրոցես է: Վերցրեք նույնիսկ 1995 թվականի տվյալները, առ այսօր ընտրողների թիվն անընդհատ աճում է, դա տեղի է ունենում բնակչության պոպուլյացիայի, բնական աճի հաշվին։
- Արտագաղթն այս թվի վրա չի ազդում, որովհետեւ արտագաղթածների անունները դուրս չեն գալիս ցուցակից:
- Այո, եթե անձը ունի հաշվառում՝ անկախ նրանից նա Հայաստանից դուրս է գալիս, թե ոչ, նա գտնվում է ընտրացուցակում։ Բացի այդ, մենք ունենք տենդենց, որ ավելի շատ մարդիկ են ստանում ՀՀ քաղաքացիություն, քան դադարեցնում են, դա նույնպես աճի միտումներից մեկն է։
- Դուք շուրջ մեկ տարի է արդեն անձնագրային եւ վիզաների վարչության պետն եք, կարո՞ղ եք տվյալ հրապարակել՝ քանի՞ անձ է քաղաքացիություն ստացել։
- ՀՀ քաղաքացիություն ստանալու վերաբերյալ թվերը գաղտնիք չեն, դրանք անընդհատ հրապարակվում են ոստիկանության կողմից: Ես, օրինակ, կարող եմ ասել, որ 2020 թվականին 2585 ընտրող, այսինքն 18 տարեկանից բարձր անձ, ստացել է ՀՀ քաղաքացիություն։
- Պարոն Մկրտչյան, վերջին շրջանում հաճախ են դիմում քաղաքացիներ՝ հետաքրքրվելով, թե արտերկրում ինչպե՞ս կարող են մասնակցել ընտրություններին: Եթե չեմ սխալվում՝ օրենքով դա հնարավոր չէ, պետք է անձամբ ՀՀ գալ՝ բացառությամբ դիվանագիտական ներկայացուցիչների աշխատակիցների։ Խնդրում եմ պարզաբանել:
- Այո, արտերկրում բնակվող մեր քաղաքացիները ընտրություններին հենց արտերկրում մասնակցելու հնարավորություն չունեն, եթե նրանք դիվանագիտական ծառայության մեջ չեն կամ արտերկրում սովորող զինվորական չեն: Մնացած բոլոր մեր քաղաքացիները ընտրություններին մասնակցելու համար պետք է գան Հայաստանի Հանրապետություն։
- Վերջին օրերին անձնագրային եւ վիզաների վարչության տարբեր ստորաբաժանումներում հերթեր են: Սա պայմանավորված է միայն ընտրություններո՞վ:
- Այո, արտահերթ խորհրդարանական ընտրությունների հետ կապված անձնագրային եւ վիզաների վարչությունը եւ ոստիկանության ստորաբաժանումները իրոք աշխատում են գերծանրաբեռնված: Մեր քաղաքացիներից ներողություն եմ խնդրում, որ մեր ստորաբաժանումներում, մասնավորապես Երեւան քաղաքի ստորաբաժանումներում շատ հերթեր են: Կարճ ժամկետները եւ ընտրությունների հետ կապված թեկնածուների այս աննախադեպ քանակը այս իրավիճակն են ստեղծել։ Մեր անձնակազմն ամեն ինչ անում է բոլոր մարդկանց պատշաճ սպասարկելու համար, մարդիկ աշխատում են նույնիսկ աշխատանքային ժամերից դուրս։
Ակտիվություն են ցուցաբերում ոչ միայն թեկնածուները, այլեւ քաղաքացիների անձնագրավորման հետ կապված նույնպես ակտիվություն կա: Բոլորը թող հավատացած լինեն, որ ստորաբաժանման աշխատակիցները սրտացավ ձեւով ամեն ջանք գործադրում են, որ կարողանան ճիշտ ժամանակին սպասարկել մեր բնակչությանը։
- Պատգամավորի բոլոր թեկնածուները իրենց թեկնածություն առաջադրելու համար պետք է ստանան տեղեկանք՝ միայն ՀՀ քաղաքացի հանդիսանալու եւ վերջին 4 տարվա ընթացքում ՀՀ-ում բնակվելու մասին։ Կարո՞ղ եք ասել՝ քանի՞ անձ է դիմել եւ ստացել նման տեղեկանք։
- Ես կարող եմ ասել, որ ուրբաթ օրվա դրությամբ մենք ամփոփել էինք այդ թվերը, 1600 դիմում ունեինք: Թե այս պահի դրությամբ որքան է այդ թիվը՝ հստակ չեմ կարող ասել, քանի որ ամբողջական ամփոփում չունենք, որովհետեւ ուղղակի ժամանակ չունենք ամփոփելու: Բայց իմ կանխատեսումներով 3000-ը անցնելու է։ Սա ուղղակի կանխատեսում է, հստակ տվյալ կկարողանամ ասել պրոցեսը ավարտվելուց հետո։
«Հայկական Ժամանակ»-ը Telegram-ումՀրշեջ-փրկարարական խմբեր Գյումրու քաղաքապետարանում. ինչ ահազանգ է ստացվել. լուսանկարներ, տեսանյութ
Վիտալի Բալասանյանը «կապիկություն» է անում, ռուսները խաբեցին, էլի թավալվում են ոտքերի տակ. Մելքոնյան. տեսանյութ
Մարտուն Գրիգորյանի հոր և որդու գործի նախաքննությունն ավարտվել է, այն կուղարկվի դատարան. Արթուր Նահապետյան
Իմպիչմենտի գործընթացը ևս մեկ անգամ կամրապնդի վարչապետի դիրքերը. Ստեփանյան. տեսանյութ
Բաքվում շարունակվել է Ռուբեն Վարդանյանի շինծու դատավարությունը. նա և փաստաբանը կրկին բողոք են ներկայացրել
Տեղի է ունեցել «Քաղաքացիական պայմանագիր» կուսակցության վարչության նիստ. այն վարել է Նիկոլ Փաշինյանը. տեսանյութ
Գնա՞լ Մայիսի 9-ին Մոսկվա, թե՞ ոչ. կրեմլյան շքերթին մասնակցելու և չմասնակցելու մարտահրավերները. տեսանյութ
Օտարերկրացուց սինթետիկ թմրամիջոց ձեռք բերած երիտասարդը ձերբակալվել է․ նոր բացահայտում
Սովետական անսարք տիեզերանավը կարող է ընկնել Թուրքիայի վրա
ՆԳՆ շրջիկ սպասարկման գրասենյակները ծառայություններ կմատուցեն Տավուշի և Շիրակի մարզերում. ժամանակացույց
Իմ սիրտ. Անդրեն դստեր հետ տեսանյութ է հրապարակել
Քրեական հեղինակություն Կանևսկոյին և նրա հետ գտնված անձանց ոստիկանները փողոցից տեղափոխել են գլխավոր վարչություն
Մասուդ Փեզեշքիանը պատրաստ է միջնորդի դեր ստանձնել Հայաստանի և Ադրբեջանի միջև
Լևոն Տեր-Պետրոսյանը վիրահատության է ենթարկվել
ԲՏԱ նախարարությունն առաջին անգամ «ՀԱՅԱՍՏԱՆ» միասնական տաղավարով մասնակցել է Աթենքի պաշտպանական ցուցահանդեսին
Պուտինն ու Նեթանյահուն տարածաշրջանային արդիական հարցեր են քննարկել
Սուրեն Պապիկյանը Հունաստանում մասնակցել է «DEFEA-2025» միջազգային պաշտպանական ցուցահանդեսի բացմանը
Ազգային փոքրամասնություններով համայնքները լրացուցիչ ուժ են տալիս մեր պետությանը. Արայիկ Հարությունյան
ՌԴ քաղաքացին ռուսական զորամասի «ՈւԱԶ»-ով Գյումրի-Ոսկեհասկ ճանապարհին հետիոտնին վրաերթի է ենթարկել
Երևան-Երասխ ճանապարհին 4 մեքենա է բախվել. տուժածները հոսպիտալացվել են
Վրաստանի հետ հարաբերությունների խորացումը ՀՀ արտաքին քաղաքականության կարևոր առաջնահերթություններից է. Պապոյան
Ֆրիդրիխ Մերցը՝ Գերմանիայի կանցլեր. քվեարկության երկրորդ փուլն ավարտվել է
19 և 16 տարի ժամկետով ազատազրկում սպանություններ կատարած 2 անձի նկատմամբ. կայացվել է մեղադրական վերդիկտ
Կարեն Սեդրակյանի լիազորությունները համարվում են դադարած. արձանագրություն
ԱՍՀ նախարարն այցելել է մտավոր խնդիրներ ունեցող անձանց ծառայություններ մատուցող «Երջանկության ճանապարհ» ՀԿ
Վարչապետը ծանոթացել է «Հոգեկան առողջության պահպանման ազգային կենտրոն»-ի արդիականացման աշխատանքներին. տեսանյութ
Ագրոտեխնոլոգիայի խմբակի աշակերտները մասնակցում են գործնական դասընթացին ՀԱԱՀ Սիսիանի մասնաճյուղում. «Իմ քայլը»
Գագիկ Սուրենյանը եղանակի վերաբերյալ նոր գրառում է արել
Առաջին կադրերը Հայաստանի ներկայացուցիչ Պարգի եվրատեսիլյան փորձից. լուսանկարներ
ՍԱՏՄ նախկին ղեկավար Արմեն Դանիելյանը կալանավորվել է
Անտառտնտեսության տնօրենի և անտառապետների կաշառքի գործի նախաքննությունն ավարտվել է
Մհեր Գրիգորյանն ընդունել է Զինծառայողների ապահովագրության ազգային հիմնադրամի հոգաբարձուների խորհրդի նախագահին
Վարչապետի գլխավորությամբ քննարկվել է ՀԸԳՀ իրագործման ընթացքը. Նիկոլ Փաշինյանը հանձնարարականներ է տվել
Էթիկան և դուք իրարից այնքան հեռու եք, որքան Գառնիկ Դանիելյանն ու Մոնիկա Բելուչին. ինչո՞ւ է ՔՊ-ն դեմ քվեարկել
Շիրակի մարզպետարանի կրթության վարչության նախկին պետ Հրայր Կարապետյանը դատապարտվել է ազատազրկման
Gallup-ը համոզում է, որ Քոչարյանի վարկանիշը բարձրացել է, իսկ Gallup-ի վարկանիշից ի՞նչ կա. Չախոյան
Ի՞նչ փոփոխություններ է արձանագրել տարադրամի շուկան մայիսի 6-ին
Սա վտանգավոր նախադեպ է և բացահայտ անհարգալից վերաբերմունք տեղահանված անձանց հանդեպ. ԼՂ փախստականների միություն
Շուրջ 15 կգ թմրամիջոց Իրանից մաքսանենգությամբ տեղափոխվել է Հայաստան. 4 անձ կալանավորվել է
«Ռուսական համայնքի» ուժայինները ներխուժել են Լենինգրադի բնակարաններից մեկը․ ՀՀ քաղաքացի է մահացել. տեսանյութ
© 2025 Հայկական ժամանակ
Website by MATEMAT