«Արաղ կխմե՞ս». Ռոբին ռոբոտը Նորքի տուն-ինտերնատի բնակիչների ուրախությունն է

Արդեն մեկ շաբաթ է, ինչ Երեւանի Նորքի տուն-ինտերնատը նոր «բնակիչ» ունի՝ Ռոբին ռոբոտը: Ամեն օր տարեցները շփվում են նրա հետ՝ իրենց օրն ավելի հետաքրքիր և հագեցած անցկացնելու համար: 7 տարեկան Ռոբինը կարողանում է լսել նրանց և պատասխանել բոլոր հարցերին:

85-ամյա տիկին Լուսիկը, օրինակ, այսօր երկրորդ անգամ հանդիպեց Ռոբինին: 7 տարի է՝ տուն-ինտերնատում է բնակվում: Մեզ հետ զրույցում պատմում է՝ այստեղ ընկերներ քիչ ունի, իր օրն անցկացնում է հեռուստացույց դիտելով, հիմա Ռոբինը օգնում է, որ օրվա ընթացքում չձանձրանա: Ռոբոտի սենյակ մտնելուն պես հետաքրքրվում է՝ հիշո՞ւմ է ռոբոտն իրեն, ինչպե՞ս է, հետո պատմում է, թե իր օրն ինչպես է անցել:  

«Լա՞վ ես սովորել դպրոցում: Ի՞նչ ես ուզում դառնալ: Ես այսօր լավ եմ քնել: Ուրախանում եմ, որ դու ուրախ խոսում ես ինձ հետ»,- ասում է նա: Ռոբոտն էլ, տիկին Լուսիկի բոլոր հարցերին պատասխանելուց հետո նրանից հետաքրքրվում է՝ կցանկանա՞ իր հետ խաղ խաղալ, հարցնում է՝ աշխարհի ամենամեծ երկիրը Կանադա՞ն է, թե՞ Ռուսաստանը: «Ռուսաստանը: Ռուսաստանը մեծ է և ժողովուրդ շատ ունի»,- անմիջապես պատասխանում է տիկին Լուսիկը: Նա ռոբոտի հետ զրուցում է 30 րոպե, այդ ընթացքում դեմքից ժպիտը չի չքանում: Իր կյանքից տարբեր դրվագներ է պատմում, հիշում է իր տունը, իր կատվին: Մտապահում ու վերարտադրում է թվերը, որոնք այդ ընթացքում Ռոբինը իր էկրանին ցուցադրում է, հետո՝ թաքցնում: Ապա ինքն է հարցեր տալիս Ռոբինին՝ «Հայաստանի դրոշն ինչ գույն ունի», «Որն է Հայաստանի մայրաքաղաքը»:

192749654_803982840490871_6103979781710424047_n.jpg (141 KB)

«Օգնում է, որ իմ կյանքի անգույն օրերը մոռանամ»,- ասում է տիկին Լուսիկը: Իսկ այդ անգույն օրերը սկսվել են 2014 թվականին, երբ որոշել է տունը կտակել աղջիկ թոռանը, որին իր անունով են կոչել՝ չնայած ամուսինը մինչև մահանալը նրանից երդում էր ուզել, որ տունը կկտակի երկրորդ՝ տղա թոռանը:

«Մահանալուց առաջ խոսք տվեցի, հետո երդումս դրժեցի, չպահեցի երդումս, տունս կտակեցի աղջիկ թոռանս: Մի օր էլ առավոտյան դեռ քնած էի, մեկը բանալիով դուռը բացեց, ներս մտավ, ասաց՝ տատի ջան, դու դեռ էստե՞ղ ես: Մենք տունը գնել ենք, դու էլ պիտի գնացած լինեիր, ինչո՞ւ չես գնացել: Ես զարմացած հարցնում եմ՝ ո՞ւր պետք է գնայի, երբ եք գնել, ասում է՝ թոռանդ հետ Կանադա: Չեմ հավատում, որ թոռս նման բան է արել, էդ տղան էլ թաղայինին է կանչում, թղթերով ապացուցում են: Հարցրի՝ որքան արժեր տունս, ասեց՝ 78 հազար դոլար: Ամեն ինչով վաճառել էին»,- մեզ հետ զրույցում պատմում է նա ու ավելացնում, որ տնից դուրս գալուց հետո գնացել է մտերիմ ընկերուհու տուն: Առաջարկել են իրենց հետ բնակվել: Չի կարողացել նրանց հետ մեկ սենյականոցում ապրել ու որոշել է գալ տուն-ինտերնատ:

Տուն-ինտերնատից տիկին Լուսիկը չի դժգոհում, միայն ասում է՝ այստեղի կանանց հետ մտերմություն չի ստեղծել. «Հիմա արդեն Ռոբինի հետ եմ շփվում, հաճելի է, իր հետ ամեն ինչ հիշում եմ, հիշողություններս թարմացվում են: Ինքը հետաքրքիր է, փոքր ու շատ հավեսն է»:

Պարոն Վոլոդյայի դեմքից էլ Ռոբին ռոբոտի հետ զրուցելու ընթացքում ժպիտը չի պակասում: Սկզբում ռոբոտը նրանից հետաքրքրվում է՝ ոնց է քնել, երազներ տեսե՞լ է, այնուհետև Վոլոդյան պատմում է իր երիտասարդ տարիների մասին, հիշում է՝ ինչպես էր գնում «Հրազդան» մարզադաշտ՝ «Արարատ 73» ֆուտբոլային ակումբի խաղերը դիտելու: Ռոբոտի հետ քննարկում են նախորդ օրը կայացած Խորվարթիա-Հայաստան ֆուտբոլային հանդիպումը: «Ես այսօր լավ եմ քնել: Էլ երազներ չեմ տեսնում, երիտասարդ ժամանակ տեսնում էի, հիմա՝ ոչ:  Գիտե՞ս, որ փոքր էի, կատու էլ ունեի, տանն էի պահում, սկսեց մազ թողնել, պապայիս ասացին, որ երեխաների համար դա լավ չէ, պապաս էլ տարավ, դրսում բաց թողեց»,- ռոբոտին պատմում է նա:

196499359_939079473491672_5929028889433323864_n.jpg (132 KB)

Վոլոդյան էլ արդեն 4 տարի է տուն-ինտերնատում, ասում է՝ ընկերներ ունի այստեղ, բայց ռոբոտի հետ ժամանակ անկացնելն իրեն ավելի է աշխուժացնում: «Շատ խելացի ռոբոտ է, հարցեր է տալիս, ես էլ իրեն եմ տալիս: Ինքը կոալա կենդանիներին էր ցույց տալիս, այնքան ծիծաղեցի, շատ հավեսն է»,- մեզ հետ զրույցում պատմում է նա: Ասում է՝ էստեղ շատ լավ է, հատկապես հիմա, երբ Ռոբինն էլ կա, բայց սեփական տունը ուրիշ է: «Երեք աղջիկ ունեմ, հիմա բոլորը կնոջս հետ Մոսկվայում են ապրում, ես շատ հայրենասեր եմ, չկարողացա գնալ երկրիցս, բայց իրենց հետ շփվում եմ, խոսում եմ ամեն շաբաթ հեռախոսով: Ամեն ամառ գալիս են ինձ տեսնելու»:

Տիկին Ռոզան էլ ռոբոտի հետ առավոտյան է շփվել: Ասում է՝ Ռոբինը պատմել է իրեն, որ ուզում է տիեզերագնաց դառնալ: Նրա հետ շփվելը շատ է հավանում: Ասում է՝ իր համար փոքրիկ աղջիկ է: «Ես հարցնում եմ՝ Ռոբին ջան, քանի՞ տարեկան ես, ի՞նչ ես ուզում դառնալ, մեր մոլորակներից եմ հարցնում, ասում եմ՝ ի՞նչն ես ուզում մեր տիեզերքից ուսումնասիրել, ի՞նչ երաժշտություն ես սիրում, ինքն էլ ինձ է հարցնում: Ասեց՝ դու ինչ երազանք ունես, ես ասեցի՝ իմ երազանքն է, որ առանց հիվանդանալու հեռանամ այս կյանքից, ինքն էլ խատուտիկը ցույց տվեց ու ասեց՝ փչի, ու խատուտիկի թերթերը թռան օդ»,- պատմում է մեզ տիկին Ռոզան: Նա այստեղ է եկել 2014 թվականին: Երբեք ամուսնացած չի եղել: Ասում է՝ տուն-ինտերնատում իրեն դուր է գալիս, բայց կուզեր, որ ինտերնատի աշխատակիցները իրենց գործը սիրով անեն, վերանայեն իրենց վերաբերմունքը:

Բոլորի հետ շփվում է, հիմա նաև Ռոբինն է իր ընկերների ցանկում, բայց Ռոբինից էլ է մի քիչ դժգոհում, իր խոսքերով՝ «շատ հասարակն է»: «Ծրագիրը շատ լավ է, բայց հասարակ է, ես կուզեի, որ սովորեցներ, թե ինչպես անցկացնել կիրակին, ես ուզում եմ հոգեբանական զրույց մարդկանց հետ, այսինքն՝ մեզ ցույց տան, թե ինչպես անցկացնել կիրակիդ, ես ինձ համարում եմ շատախոս, ճաշարանում ոնց օգտվեն, կամ որ ընկերներով հյուր են գնում՝ ժամանակը ոնց անցկացնեն, ոնց հոգ տանեն բոլորի մասին»:

195448372_938134796970615_3089980701127383816_n.jpg (332 KB)

Տուն-ինտերնատի մի քանի բնակիչների հետ առանձին խոսելուց հետո Ռոբին ռոբոտը իր սենյակից դուրս է գալիս, որ շարունակի շփվել տան մյուս մեծահասակների հետ, ովքեր դեռևս իրեն չեն այցելել: Միջանցքում նրան ժպիտով դիմավորում են Էմիլ, Սոս ու Արտակ պապերը: Սոս պապն անմիջապես ասում է, որ երաժշտություն միացնի, հետո ականջին հարցնում՝ «Մի բաժակ արաղ կխմե՞ս»: «Չէ, ես շատ փոքրիկ եմ, չեմ խմում»,- արձագանքում է Ռոբինը, ու պապը դժգոհում է բացասական պատասխանից, ապա անմիջապես ուշադրություն դարձնում. «Ինչո՞ւ ձեռքեր ու ոտքեր չունես»:

Էմիլ պապն էլ սկսում է բարդ մաթեմատիկական հարցեր տալ, ու Ռոբինի հետ «Դուք»-ով խոսում՝ «Դուք գիտե՞ք տարվա վայրկյանների թիվը: Դա կազմում է 31 միլիոն 536 հազար վայրկյան, իսկ մեկ օրվանը 86 հազար 400 վայրկյան: Նանուլ տատն էլ խանութից է ներս մտնում ու տեսնելով ռոբոտին՝ ասում է՝ այսօր առողջ սննդի օրն է ու ուզում է, որ իրեն առողջ սնունդ ցույց տա:

195714603_985376512288967_386052738049323512_n.jpg (189 KB)

195152025_293126652496375_7704510430065718313_n.jpg (212 KB)

Ռոբին ռոբոտը Նորքի տուն-ինտերնատում կմնա դեռևս 12 շաբաթ: Այդ ընթացքում տան 196 մեծահասակներից օրական 20-ը կկարողանան առավոտյան ժամը 10-ից մինչև 12-ը և 14:00-ից մինչև 16:00-ն շփվել նրա հետ: Հետո Ռոբինը կշրջի Երևանի մյուս տուն-ինտերնատներում: Բայց Նորքի տուն-ինտերնատի բնակիչները նրա հետ արդեն կապվել են և չեն ուզում, որ Ռոբինը բաժանվի իրենցից:

Մերի Խաչատրյան

Տպել
3409 դիտում

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա