Երևան
12 °C
searchclose
menuclose
Երևան
12 °C
Արդեն չորս օր է, ինչ խորհրդարանական արտահերթ ընտրությունների նախընտրական քարոզարշավի մեկնարկը տրվել է:
Չնայած Կենտրոնական ընտրական հանձնաժողովի կոչին՝ նախօրեին քարոզարշավը աչքի ընկավ ընտրություններին մասնակցող քաղաքական ուժերի կողմից ատելության խոսք տարածելով, հայհոյանքների եւ սպառնալիքների տեղատարափով:
Քաղաքական ուժերի ղեկավարները անգամ դուելի են հրավիրում, նախընտրելով զենքը միմյանց հետ բանավիճելուց: Ընտրությունների ֆոնին երկրում ստեղծված մթնոլորտին երեկ արձագանքեց Մարդու իրավունքների պաշտպան Արման Թաթոյանը:
Թաթոյանն արձանագրել էր՝ մթնոլորտը, որում ընթանում է նախընտրական քարոզարշավը, խորացնում է հասարակությունում բեւեռացվածությունը, խարխլում է երկրում համերաշխությունը վերականգնելու հեռանկարը:
«Այսպես շարունակել չի՛ կարելի: Բոլոր քաղաքական ուժերը պետք է բացառեն վիրավորանքն ու հայհոյանքը, ատելության ու բռնության հետ առնչվող ցանկացած խոսք: Ընտրություններին մասնակցող բոլոր քաղաքական ուժերի վարչապետի թեկնածուները պարտավոր են հաշվի առնել, որ իրենց կողմից օգտագործվող ամեն բառ տարածվում է կողմնակիցների վրա, հետո նրանք այդ նույն բառերով վիրավորում ու հայհոյում են իրար»,- նշում է Թաթոյանը:
«Իրավունքի Եվրոպա» կազմակերպության համանախագահ, իրավապաշտպան Լուսինե Հակոբյանը ՀԺ-ի հետ զրույցում նշեց, որ այս մթնոլորտը արդյունք է այն բանի, որ քաղաքական ուժերը չունեն բովանդակային նյութ, որի մասին կնախընտրեին խոսել.
«Քաղաքական ուժերի ներկայացուցիչներն իրենց խոսքը պետք է ուղղեն դեպի բովանդակություն եւ ներկայացնեն տեսլական, թե ինչպես են պատրաստվում լուծել երկրում տիրող ճգնաժամը, ոչ թե քարոզարշավը կառուցեն փոխադարձ վիրավորանքների հիմքի վրա»:
Համեմատելով նախորդ այլ ընտրությունների նախընտրական քարոզարշավները, իրավապաշտպանը նկատեց՝ 2021-ինը ինչ-որ չափով նման է 2008-ի քարոզարշավին.
«Ինչ-որ չափով կարող ենք համեմատել 2008-ի ընտրությունների հետ այս ընտրությունները: Դրանից հետո չեմ հիշում այսպիսի մթնոլորտով անցկացվող քարոզարշավ»:
Հակոբյանը նշեց, որ իրենց կազմակերպությունը մոնիթորինգ էր անցկացրել իրավապաշտպանների նկատմամբ տարածվող ատելության խոսքի եւ վիրավորանքների մասով.
«Մեր անցկացրած մոնիթորինգը ցույց էր տվել, որ ատելության խոսքի աղբյուրը այսօրվա քաղաքական ուժերից երկուսն են: Դրանք Ռոբերտ Քոչարյանի եւ Միքայել Մինասյանի աջակիցներն ու այդ քաղաքական ուժերի կողմից հովանավորվող լրատվամիջոցներ էին: Այս քարոզարշավի ընթացքում կրկին այդ ուժերն են ատելության խոսք եւ սպառնալիք պարունակող բառամթերք օգտագործում: Բայց նկատում եմ, որ այսօրվա իշխանություններն էլ են սկսում մրցել նրանց հետ: Եվ ես կարծում եմ, որ այս ամեն ինչի պատճառը բովանդակության բացակայությունն է»:
Իրավապաշտպանը նշեց, որ չի հասցրել բոլոր քաղաքական ուժերի խոսքին հետեւել, բայց կարող է մի քանի ուժերի անուններ տալ, որոնք ատելության խոսք չեն տարածում.
«Օրինակ՝ «Շիրինյան- Բաբաջան», ՀԱԿ, «Ինքնիշխան Հայաստան», «Հանրապետություն» ուժերը ատելության խոսք չեն տարածում, բայց էլի եմ նշում, ես բոլոր ուժերի խոսքին չեմ հասցրել հետեւել»:
Հարցին՝ կարո՞ղ ենք արձանագրել, որ կա օրենքի բաց՝ ատելության խոսքի տարածման առումով, ինչն էլ այսպիսի ամենաթող իրավիճակ է ստեղծում քաղաքական դաշտում, Հակոբյանը պատասխանեց.
«Այո, երբ ժամանակին մենք իշխանություններին ասում էինք, որ պետք է օրենքով սահմանափակումներ լինեն, այդ ընկալումն այդպես էլ չձեւավորվեց, պատշաճ միջոցներ չձեռնարկվեցին՝ ոչ օրենսդրական մակարդակում, ոչ էլ՝ իրավակիրառ պրակտիկայում: Այս ամենը նաեւ փոխկապակցված է դատարանների հետ: Երբ դատարաններում նման հայցեր են լինում, պատշաճ միջոցներ չեն ձեռնարկվում կամ հայցադիմումները տեւական ժամանակ վարույթ չեն ընդունում՝ գլխացավանքի տակ չմտնելու համար: Եվ այս ամենը հանգեցնում է անպատժելիության մթնոլորտի»:
Ճշտող հարցին՝ այսինքն բոլոր ժամանակների իշխանություններին էլ ձեռնտու չի՞ եղել օրենսդրական բացի լրացումը, իրավապաշտպանը նկատեց.
«Նախկիններին՝ այո, իսկ այս իշխանություններն ուղղակի կոմպետենտ չեն, ռացիոնալ խոսքին ականջալուր չեն լինում»:
Լուսինե Հակոբյանը շեշտեց՝ այպիսի մթնոլորտում քարոզարշավի իրականացումը բերելու է ազգի միասնականության խաթարման.
«Այս լեքսիկոնը, որը մենք լսում ենք, չի նպաստում բովանդակության զարգացմանն ու ստեղծմանը: Իսկ մենք հիմա կանգնած ենք այնպիսի մարտահրավերների առջեւ, որ մեզ պետք է հստակ խոսք՝ մեր անելիքների ու հետագա քայլերի մասին»,- եզրափակեց իրավապաշտպանը:
Անյուտա Աթանեսյան
«Հայկական Ժամանակ»-ը Telegram-ում
Զինվորականների ըմբշամարտի աշխարհի 37-րդ առաջնությունը կլինի Երևանում. Գիլոյանն ու մրցավարները հանդիպել են
Ներկայացված բոլոր ծրագրերն առաջիկայում կքննարկվեն. ՀԲ ֆինանսների պրակտիկայի ղեկավարը՝ ԲՏԱ փոխնախարարին
Խաբեբաներ եք, անուղղելի շառլատաններ. ավագանու նիստում իրավիճակը լարվել է, գրիչներ են շպրտում (տեսանյութ)
8 ժամով գազազրկված է Աջափնյակ վարչական շրջանի մի մասը
Արա Մկրտչյանն ազատվել է շրջակա միջավայրի փոխնախարարի պաշտոնից
Միայն այս տարի շինարարության ոլորտից 18 մլրդ դրամ ավել է հավաքագրվել. քաղաքապետ
Երվանդ Քոչարի թանգարանից անհետացել է նկարչի 7 ստեղծագործություն՝ ընդհանուր 500,000 դոլար արժողության
Հայկոյի խմբակցությունը թքած ունի տրանսպորտի սակագնի վրա, հիմա էլ՝ «սուպեր շառլատան» են խաղում. Խաչատրյան
Ալիևն անձամբ է տվել կարգադրություն. Փալոնն անդրադարձել է Բաքվում իր դեմ ուղղորդված արշավին և հալածանքներին
Բռնցքամարտիկ Յուրի Սաքունցը հաղթել է Թուրքիայի ներկայացուցչին՝ նվաճելով չեմպիոնական գոտին
Չենք ուզում ռեֆորմից հետո թողնել փլատակներ. Տիգրան Ավինյան
Վարչապետը փոխել է «Ֆեյսբուք»-ի ետնանկարը և գլխավոր նկարը
Քառօրյա և 44-օրյա պատերազմների զոհերի հարազատները կերթևեկեն անվճար. Սուրեն Գրիգորյան
Որ խմբերն արտոնություններ կստանան միասնական տոմսային համակարգին անցնելիս. Սուրեն Գրիգորյանը մանրամասնել է
Թրամփը խոստացել է անօրինական միգրանտների զանգվածային արտաքսում
Երևանի ավագանու «ՔՊ» խմբակցության անդամ Լուսինե Գևորգյանը վայր է դրել մանդատը
Եթե վալիդատորն անսարք է, քաղաքացուց ալտերնատիվ միջոցով վճարել չի պահանջվում. Սուրեն Գրիգորյան
Արդարադատության միջազգային դատարանը մեկ տարի ժամանակ է տվել Բաքվին և Երևանին
Նորայր Շողիկյանը նշանակվել է արդարադատության նախարարի խորհրդական
Ծովինար Խաչատրյանը նշանակվել է Արդարադատության նախարարի մամուլի քարտուղար
ԵՄ դիտորդական առաքելության ժամկետի երկարաձգման որոշումը «դեռ վերջնականացված չէ»
Թբիլիսիում կրքերը չեն հանդարտվում. հատուկ ջոկատայինները ուժով ու ջրցան մեքենաներով ցրել են ցուցարարներին
Դեսպան Տոլմաջյանը հանդիպումներ է ունեցել Ֆրանսիայի նախկին նախագահներ Նիկոլա Սարկոզիի և Ֆրանսուա Հոլանդի հետ
Մեկուկես ժամ Հռոմում. Աննա Հակոբյանը տեսանյութ է հրապարակել
Մի շարք շրջաններում ձնախառն անձրև է տեղում
«Տոյոտա»-ն դուրս է եկել ճանապարհի երթևեկելի հատվածից և բախվել կայանած «Ֆորդ»-ին. կա տուժած
Աբխազ ցուցարարների պահանջը կատարվեց. նախագահը հրաժարական է տվել՝ նշելով պայմաններ
Սևանում ձյուն է տեղում, ՀՀ որոշ ավտոճանապարհների առկա է մերկասառույց
Ինչ քաղաքական խնդիր է դրվելու նոր պաշտոնյաների առջև. Վահագն Ալեքսանյանը մանրամասնել է
Մոլդովայի ներքին գործերի նախարարը հրաժարական է ներկայացրել
ԵՄ-ն մեծ ներդրումներ է կատարել հօգուտ Լոռու, Տավուշի, Շիրակի, Սյունիքի մարզերի կրթության. Մարագոս
ՌԴ-ին ուղղված հեռահար հարվածը կփոխի հակամարտության էությունը, Մոսկվայի պատասխանը կլինի համարժեք. Զախարովա
Հայտնաբերվել և վնասազերծվել է «Գորիս» ՔԿՀ-ից Երևան տեղափոխվելիս փախուստի դիմած կալանավորը
Վրաստանի ընտրությունների արդյունքները կբողոքարկվեն. Զուրաբիշվիլին կդիմի Սահմանադրական դատարան
Ավտոմեքենան բախվել է էլեկտրական սյանն ու շրջել այն
ԵՊՀ հոգաբարձուների խորհուրդը Իջևանի մասնաճյուղի տնօրենի թափուր պաշտոնի համալրման մրցույթ է հայտարարել
«Համբերության բաժակը լցվել է». ինչու վարչապետը ազատեց կառավարական կաբինետի պաշտոնյաներին (տեսանյութ)
ՄԱԿ-ի դատարանը փաստաթղթերի պատրաստման համար Երևանին և Բաքվին մեկ տարի ժամանակ է տվել
ՀՀ նախագահը նոր դատավորներ է նշանակել
Բորելը ԵՄ-ին կոչ է արել արագացնել զենքի մատակարարումները Կիևին
