Փոխելու ենք զինանշանը և օրհներգը. Նորայր Նորիկյանը՝ «Արդար Հայաստան»-ի ծրագրերի և քարոզարշավի մասին

«Մեր առաքելությունն է Հայաստանը դարձնել ուժեղ եւ ազդեցիկ պետություն, ստեղծել կոռուպցիայից զերծ արդյունավետ կառավարում եւ կայացնել իրապես իրավական պետություն»:

Ահա այսպես է իր ընտրողներին ներկայանում «Արդար Հայաստան» կուսակցությունը նախընտրական քարոզարշավին, որի ընթացքում կուսակցության անդամները Նորայր Նորիկյանի առաջնորդությամբ շրջում են փողոցներում, թռուցիկներ բաժանում քաղաքացիներին եւ ներկայացնում իրենց նախընտրական ծրագիրը։

«Արդար Հայաստան» կուսակցությունն իր ծրագրում նշում է՝ ստեղծելու են որակապես նոր ազգային անվտանգության ռազմավարության հայեցակարգ։ Պարտադիր ժամկետային զինծառայությունը դարձնելու են 18 ամիս։ Վերականգնելու են կիսանախագահական համակարգը։ Աշխարհում ապրող բոլոր հայերին հնարավորություն են տալու լինել ՀՀ քաղաքացի։ Բարձրացնելու են մի շարք բնագավառներում աշխատողների աշխատավարձերը, լուծելու են երիտասարդների զբաղվածության խնդիրը, փոխելու են Հայաստանի պետական զինանշանը եւ պետական օրհներգը...

Կուսակցության ծրագրային այլ դրույթների, քարոզարշավի եւ ընտրությունների ելքի մասին ՀԺ-ն զրուցել է կուսակցության ղեկավար Նորայր Նորիկյանի հետ։

- Պարոն Նորիկյան, արդեն մի քան օր է՝ սկսվել է խորհրդարանական արտահերթ ընտրությունների քարոզարշավը, որը անցնում է բավականին բուռն մթնոլորտում՝ սպառնալիքներ, ատելության խոսք, հայհոյանքներ... Ինչպե՞ս եք վերաբերում քարոզչություն անցկացնելու այս տարբերակին, մի՞թե գաղափարները հետին պլան չեն մղվում։

-Որեւէ քաղաքական գործչի պատիվ չի բերում այսպիսի բառամթերքով խոսել ոչ միայն միմյանց հետ, այլեւ ներկայանալ հանրությանը։ Եկել է սթափվելու ժամանակը, այդ թվում Ռոբերտ Քոչարյանը, Սերժ Սարգսյանը, Նիկոլ Փաշինյանը պետք է հաշիվ տան իրենց ու հասկանան, թե ինչ կարգավիճակ են զբաղեցնում։ Նրանց միջեւ ընթացող «փոխհրաձգությունը» դրական բան չի կարող առաջարկել մեր քաղաքական դաշտի առողջացման համար։

- Շատերը գուժում են՝ քաղաքացիական պատերազմ է լինելու։

- Այո, ես կանխատեսում եմ հետընտրական զարգացումներ, բայց թույլ տվեք ասել, որ մեր ժողովուրդը իր նորանկախ պատմության ընթացքում ունեցել է բավականին լուրջ կրիտիկական իրավիճակներ, բայց այնուամենայնիվ այդ թույլատրելիության սահմանը չի հատել։  Ես հեռու եմ այն մտքից, որ մեր ժողովրդի մի հատվածը կարող է հարձակվել մյուս հատվածի վրա։ Կարծում եմ՝ կլինեն քաղաքական ուժեր, որոնք կփորձեն գեներացնել այդպիսի մթնոլորտ եւ տանել բախումներին։

-Անվտանգային առումով ՀՀ-ն այս պահին գտնվում է պայթյունավտանգ իրավիճակում։ Տեւական ժամանակ է, ինչ ադրբեջանական զինված ուժերը գտնվում են Սյունիքի եւ Գեղարքունիքի մարզերի սահմանային հատվածներում։ Եթե ընտրությունների արդյունքներով հենց «Արդար Հայաստան» կուսակցությունը դառնա իշխանություն, ինչպե՞ս եք պատկերացնում այս հարցի լուծումը։

-Քաղաքական ուժերի մի մասը խոսում է ռուսական կոնտինգենտի ընդլայնման մասին, մի մասը խոսում է տարածաշրջանում ֆրանսիական զորախումբ բերելու անհրաժեշտության մասին, ոմանք խոսում են ԱՄՆ-ի մասին, որեւէ մեկը չի խոսում հայկական բանակի մասին։ Մեզ անհրաժեշտ է բանակի հզորացում։  Պետք է ստեղծենք այնպիսի մարտունակ բանակ, որը կլինի տարածաշրջանում լավագույնը։

-Հայաստանը հիմա պատրա՞ստ է ունենալ տարածաշրջանի ամենամարտունակ բանակը։ Ինչպե՞ս եք դրան հասնելու։

-Պետք է աշխատել, գումար ունենալու համար պետք է աշխատել, օր ու գիշեր, 24 ժամ։ Մենք այլ տարբերակ չունենք։ Ինչ գնով էլ ուզում է լինի, մենք պետք է գտնենք այդ նյութական միջոցները, որ կարողանանք ապահովել բանակի մարտունակությունը: Եթե մենք չզբաղվենք մեր երկրի սահմանների պաշտպանությամբ, ուրիշները այդ գործով չեն զբաղվի։

-Ո՞ր երկրին եք տեսնում մեզ դաշնակից։

-Հայաստանը պետք է կարողանա վարել հավասարակշռված արտաքին քաղաքականություն։ Մենք պետք է օգտվենք բոլոր այն կազմակերպություններից, որոնց անդամակցում ենք։ Ես շատ կարեւորում եմ նաեւ ՍԵՊԱ-ի համաձայնագիրը։ Մենք պետք է կարգավորենք հարաբերությունները ՌԴ-ի հետ, հասկանանք, թե ՀԱՊԿ-ն որ պայմաններում է աշխատում։ Ինձ մոտ տպավորություն է՝ քանի Մոզամբիկի կամ ԱՄՆ-ի զորքերը չեն մտնում Հայաստան, ՀԱՊԿ-ն չի համարելու, որ դա հարձակում է Հայաստանի վրա։

-Պարոն Նորիկյան, անցում կատարենք դատական համակարգի բարեփոխումներին. ձեր ծրագրում նշված է՝ Սահմանադրական փոփոխությունների ուժով, ինչպես նաեւ դրանից բխող նոր ընդունվող Դատական օրենսգրքի ուժով ինչ-որ մի պահից դադարեցնելու ենք  գործող բոլոր դատավորների գործունեությունը: Այս պրոցեսը չի՞ խաթարի դատական համակարգի գործունեությանը:

-Նոր դատական օրենսգրքի ընդունումից հետո կլինեն անցումային դրույթներ, որ որեւէ փուլում կդադարեցվեն բոլոր դատավորների լիազորությունները։ Բայց  գործող դատավորներից շատերը թեստավորման ու մրցույթի արդյունքում հնարավորություն կունենան շարունակել աշխատել, քանի որ ունեն իսկապես պահանջվող բոլոր որակները, իսկ ոմանք ուղղակի հրաժեշտ կտան դատավորի աշխատանքին։

-Մասնավորապես ի՞նչ փոփոխություններ եք բերելու իրավական ոլորտում։

-Մենք գտնում ենք, որ ՀՀ բոլոր մարզերում եւ Երեւանում պետք է լինեն արդարադատության պալատներ, որտեղ կներառվեն այն բոլոր պետական ծառայությունները, որպեսզի մարդիկ կարողանան մի շենքում կատարել շատուշատ գործառույթներ։ Ինչպես նաեւ մեկ տարվա ընթացքում ստեղծելու ենք գործադիր իշխանությունից բացարձակ անկախ հակակոռուպցիոն կոմիտե՝ կոմիտեի նախագահի թեկնածուի առաջադրումը վերապահելով խորհրդարանական ընդդիմության փոխհամաձայնության արդյունքում առաջադրած թեկնածուին: Ոստիկանության համակարգում նույնպես անելու ենք բարեփոխումներ, որպեսզի քաղաքացին ոստիկանին չընդունի որպես «գործ տվող» կամ «մլիցա», այլ իրեն պաշտպանող։

Անյուտա Աթանեսյան

Տպել
5992 դիտում

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր