Վազգենի արածն անելն այս փուլում եւ ընդհանրապես շատ դժվար գործ է. Արամ Սարգսյան

«Հանրապետություն» կուսակցության անդամները երեկ օնլայն պատասխանել են քաղաքացիների հարցերին: Նրանց նախընտրական թերթիկների ներքեւի հատվածում քաղաքացիներին հնարավորություն է տրված հարցեր տալ եւ առաջարկներ ներկայացնել կուսակցության ներկայացուցիչներին:

Քաղաքացիները հարցադրումներ են արել ամենատարբեր թեմաներով՝ անվտանգային, տնտեսական ռազմական, սոցիալական: Հետաքրքրվել են, թե հզոր բանակ ունենալու ինչպիսի՞ տեսլական ունի «Հանրապետություն» կուսակցությունը: Առաջարկել իշխանության գալուն պես լուծել Ադրբեջանում գտնվող հայ ռազմագերիների հարցը:

Առաջարկ-խնդրանքներից մեկն էր, որ «Հանրապետություն» կուսակցության առաջնորդ Արամ Սարգսյանն ընտրվելու դեպքում առաջնահերթ լծվի եղբոր՝ Վազգեն Սարգսյանի կիսատ թողած գործին. Վազգենի նման հզոր հայկական բանակ ստեղծի: Ի պատասխան, Արամ Սարգսյանը նկատեց՝ Վազգենի արածն անելը այս փուլում եւ ընդհանրապես շատ դժվար գործ է:

«Այլեւս 1980- 90-ականները չեն, աշխարհը փոխվել է: Խնդիրն այն է, որ այսօր անվտանգության հիմնական բաղադրիչ է հանդիսանում տնտեսությունը. ունես ուժեղ տնտեսություն՝ կունենաս ուժեղ բանակ: Դրա համար էլ դեռ 1990-ականներին, մասնավորապես՝ 1998 թվին, եղբայրս ՊՆ-ից տեղափոխվեց քաղաքականություն, դարձավ վարչապետ, որպեսզի կարողանար պայքարել կոռուպցիայի դեմ, տեղից պոկեր Հայաստանի տնտեսությունը, որովհետեւ հասկանում էր, որ միայն ուժեղ տնտեսությամբ է հնարավոր հասցնել այն սպառազինությունը, որն անհրաժեշտ էր հայկական բանակին»,- ասաց Արամ Սարգսյանը: Նա նաեւ նշեց՝ այսօր էլ այդ խնդիրների լուծման համար իրենք առաջարկում են Հայաստանի տնտեսությունը հզորացնել՝ օգտագործելով հանքարդյունաբերությունը, ջրային ռեսուրսները, ինչպես նաեւ մեր գիտական ու մարդկային պոտենցիալը: 

«Հանրապետություն» կուսակցության անդամ, ՀՀ արդարադատության նախկին նախարար Արտակ Զեյնալյանն էլ նկատեց՝ այսօր դժվար է պատկերացնել ջոկատ, որը չունի աերոտիեզերական հետախուզական աջակցություն: «Բնականաբար, դրա համար պետք են մեծ գումարներ, իսկ այդ գումարները մենք պատրաստվում ենք վաստակել ինքներս մեր ունեցած բնական ռեսուրսները շահագործելու հաշվին»,- շեշտեց նա:

Անդրադառնալով քաղաքացիների կողմից արված մեկ այլ հարցադրման, թե որքանո՞վ իրականություն կդառնան «Հանրապետություն» կուսակցության ասածներն ու խոստումները՝ Արամ Սարգսյանը վստահեցրեց՝ ցանկացած քաղաքացու քվեի վերաբերվելու են ամենայն խնամքով:

«Մենք շատ մեծ փորձառություն ունենք թե՛ իշխանության մեջ, թե՛ ընդդիմության: Սիրելի ժողովուրդ, մեզ ընտրելու եք դուք, այլմոլորակայինները մեզ ձայն չեն տալու: Ինչքան քվե տաք, այդքան քվեի չափով մաքսիմալ ծառայելու ենք ձեզ: Մենք ճանապարհ անցած մարդիկ ենք, արդեն բավական հասուն տարիքի, հասկանում ենք՝ ինչ ենք ասում: Մենք պայքարել ենք շա՜տ դժվարին իրավիճակներում: Մենք ապրիլի 12-ի ջարդեր ենք տեսել, մեր գրասենյակի կապարակնքում, մենք 1000-ից ավելի քաղբանտարկյալներ ենք ունեցել, Մարտի 1-ով ենք անցել, «Ելք» դաշինքով ենք անցել»,- նկատեց Սարգսյանը:

Քաղաքացիներից Անահիտ Ավանեսյանն էլ հետաքրքրվել է, թե ընտրվելուց անմիջապես հետո ինչպես է լուծվում գերեվարվածների, բանակի եւ աշխատատեղերի հարցերը:

«Նորից պիտի կրկնեմ, որ 21-րդ դարում պատերազմներում հաղթում են միայն ուժեղ պետությունները: 1994 թվականին Ադրբեջանը ստորագրեց խաղաղության մի փաստաթուղթ, որը կարելի էր նվաստացուցիչ համարել իրենց համար: Կորցրել էին 7 շրջան եւ կորցրել էին իրենց ամենամեծ ինքնավար մարզը: Երեք տարի հետո ՀՀ առաջին նախագահն ասաց, որ աշխարհը մեզ առաջարկում է ընտրություն կատարել վատի ու շատ վատի միջեւ, գրեց «Պատերազմ եւ խաղաղություն» հոդվածը: Այսինքն՝ երեք տարում Ադրբեջանը կարողացավ իր դիվանագիտական եւ տնտեսական պոտենցիալն այնպես օգտագործել, որ պարտված պետությունը քաղաքական առումով դարձավ թելադրող, եւ մենք սկսեցինք մտածել պատերազմի մասին: Եթե Ադրբեջանը կարողացել է, ուրեմն մենք էլ կարող ենք: Հետեւաբար պիտի ոտքի հանենք մեր տնտեսությունն ու ճիշտ դիվանագիտական հարաբերություններ հաստատենք աշխարհի այն երկրների հետ, որոնց շահերն այսօր համընկնում են մերի հետ: Երեք տարի հետո մենք էլ կարող ենք ուժեղի դիրքերից խոսել»,- ասաց Արամ Սարգսյանը:

Անդրադառնալով գերիների հարցին՝ Արտակ Զեյնալյանը նշեց, որ Ժնեւի կոնվենցիայի համաձայն՝ գերիների հարցն արդեն լուծված պիտի լիներ: «Բացի Ժնեւի կոնվենցիայից, նոյեմբերի 9-ի հրադադարի հայտարարության կետերից մեկի համաձայն՝ պիտի գերիները վերադարձված լինեին: Բայց Ադրբեջանն այսօր դա չի կատարում, որպեսզի կարողանանք հասնել դրան, պետք է գործարկենք իրավական, քաղաքական եւ դիվանագիտական բոլոր գործիքները, նաեւ պիտի լինենք ուժեղ»,- ասաց Զեյնալյանը:

Քաղաքացիներից մեկն էլ հանձնարարել է «Հանրապետություն» կուսակցությանը ընտրվելուց անմիջապես հետո փոխել Սահմանադրությունը, հիմնն ու զինանշանը:

«Սահմանադրական փոփոխություններ մենք անպայման նախատեսում ենք: Կարեւոր ենք համարում կառավարման մոդելի փոփոխությունը՝ Խորհրդարանական կառավարման ձեւից անցնել նախագահականի: Ոչ թե կիսանախագահականի, այլ ամբողջական նախագահականի»,- ասաց Զեյնալյանը: Իսկ ինչ վերաբերում է հիմնն ու զինանշանը փոխելուն, նկատեց՝ առաջիկայում դա ամենակարեւոր հարցը չէ:

«Հանրապետություն» կուսակցության անդամներին առաջարկվել է ընտրվելուց անմիջապես հետո լուծել ամուսնացած տղամարդկանց խոպան գնալու հարցը: Անդրադառնալով վերոնշյալ խնդրանք-առաջարկին՝ Արամ Սարգսյանը նկատեց՝ դա այսօր մեր գերկարեւոր խնդիրներից մեկն է:

«Պիտի խոստովանենք, որ այստեղ նաեւ բարոյականության խնդիր կա: Այս խնդիրն աչքաթող անելու չէ, որովհետեւ ամուսինները տարով բացակայում են իրենց տնից: Այդ առումով մեր պետության նախկին բոլոր ղեկավարները, ելնելով շուկայական մոտեցումներից, ասել են՝ պետության խնդիրը բիզնեսի հնարավորություն ստեղծելն է, եւ զբաղվածության հարցը պետության խնդիրը չէ: Մենք այդպես չենք կարծում, մենք համարում ենք, որ մեր քաղաքացու զբաղվածության հարցը պետության խնդիրն է: Պետությանը պիտի մտահոգի իր քաղաքացիների աշխատանք ունենալու եւ աշխատատեղերի խնդիրը»,- ասաց Սարգսյանը:

Նա եւ նշեց, որ անչափ կարեւորում են կանանց աշխատատեղերի հարցը: Գտնում են, որ մաքսիմալ աշխատատեղերով կարող են ապահովել միայն ծանր արդյունաբերությանը զարկ տալու պարագայում:

Քաղաքացիներին քաղաքական հարցերից զատ, հետաքրքրում էր նաեւ թե ինչ բրենդ են կրում Արտակ Զեյլանյանն ու Արամ Սարգսյանը: «Ես պահպանողական եմ այդ առումով, մշտապես օգտագործում եմ նույն օծանելիքը՝ «Շանել Էգոիստ»: Ես ամեն ինչի իտալականն եմ սիրում եւ արդեն 15 տարի է՝ իտալական բրենդի հագուստներ եմ կրում»,- ասաց Արամ Սարգսյանը: Իսկ Արտակ Զեյնալյանն ասաց. «Ես հագնում եմ մեր հագուստի պահարանից ինչ պատահի, ինչ այնտեղ կինս կախի»:

Տպել
419 դիտում

Տոկիո-2020. Արթուր Դավթյանի պարգևատրման արարողությունը (տեսանյութ)

Հեղափոխությունից հետո Հայաստանում հաստատված անգլիացի կենսաթոշակառուն գրախանութ է բացել. այնտեղ իր հին ու թանկ գրքերն են

Տոկիո-2020. Արթուր Դավթյան. «Եթե մարզաձևի պայմանները Հայաստանում բավարար լինեին, կարող էր ավելի մեծ հաջողություն լինել»

Գերությունից վերադարձած Արեգն օգնության կարիք ունի

ՍԴ-ն հակասահմանադրական է ճանաչել «Բարձագույն կրթության և գիտության մասին» օրենքի որոշ դրույթներ

Տոկիո-2020. Մարմնամարզիկ Արթուր Դավթյանն առաջին մեդալը նվաճեց Հայաստանի համար (տեսանյութ)

Տոկիո-2020. Արթուր Ալեքսանյանը վնասվածք ստացավ, բայց կարողացավ դուրս գալ եզրափակիչ (տեսանյութ)

Տոկիո-2020. Ըմբիշներ Կարապետ Չալյանն ու Արթուր Ալեքսանյանը կիսաեզրափակչում են (տեսանյութ)

Տոկիո-2020. Արթուր Ալեքսանյան և Կարապետ Չալյան. Ռևանշի ցանկությամբ

Տոկիո-2020. Արմեն Մելիքյանը մեկ հաղթանակ տարավ ու մեկ պարտություն կրեց (տեսանյութ)

Տոկիո-2020. Արման Դարչինյանը պարտվեց նոկաուտով (տեսանյութ)

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում

Ավտոմեքենայի զննությամբ հայտնաբերվել են «Դերրինգեր» գրառմամբ լիցքավորված ատրճանակ, 50 փամփուշտ և փայտե մահակ

Փանիկում տուն է այրվել

Ժամը 06։30-ին ադրբեջանական ԶՈՒ- ն կրակ է բացել Երասխի հայկական դիրքերի ուղղությամբ.ՊՆ

Հաստատվել է կորոնավիրուսի 243 նոր դեպք, մահացել է 6 մարդ

Վերին Շորժայում մարդիկ ադրբեջանական ուղիղ նշանառության տակ են. ՄԻՊ

Փայտածխով բեռնված մեքենա է այրվել

Օրակարգային է Գյումրիում փողոցաշինության ընթացքում «Վեոլիա Ջուր» ընկերության հստակ համագործակցությունը. Շիրակի մարզպետ

ՀՀ տարածքում ավտոճանապարհներն անցանելի են

ՀՀ-ն հաստատակամ է տարածքային ամբողջականության ապահովման հարցում օգտագործելու ինքնապաշտպանության օրինական իրավունքը. ԱԳՆ