Բրյուսելում մեկնարկել է Եվրամիության երկօրյա գագաթնաժողովը. քննարկվող թեմաները հայտնի են

Բրյուսելում մեկնարկել է Եվրամիության երկօրյա գագաթնաժողովը, որի հիմնական թեման համաճարակի դեմ պայքարն ու դրանից հետո երկրների վերականգնումն է: Թեմաներից են նաև ԵՄ քաղաքացիների իմունիզացումը, պատվաստումների վկայագրերը և դրան զուգահեռ ամառային արձակուրդի ժամանակահատվածի պատշաճ կազմակերպումը, ինչպես նաև վիրուսի նոր շտամների վտանգը:

ԵՄ-ին անհրաժեշտ է ընդհանուր մոտեցում ճանապարհորդության կանոնակարգերի նկատմամբ`կանխելու համար ավելի վարակիչ Delta շտամի տարածումը: Այս մասին գագաթնաժողովին ժամանելուն պես հայտարարել է Գերմանիայի կանցլեր Անգելա Մերկելը:

ԵՄ երկրների և կառավարությունների ղեկավարները կքննարկեն նաև Թուրքիայի և Բելառուսի հետ հարաբերությունները:

Euronews-ը գրում է, որ այս գագաթնաժողովի քննարկման թեմաներից է նաև միգրացիայի խնդիրը, որի շրջանակում կքննարկվի Թուրքիային նոր ֆինանսական միջոցների տրամադրումը:  ԵՄ առաջնորդներն ամենայն հավանականությամբ, կհամաձայնեն շարունակել վճարել Թուրքիային՝  փախստականներին ընդունելու և Հունաստանից անօրինական ներգաղթյալներին հետ ընդունելու համար: Բրյուսելը նաև Անկարային մասնակցություն է խոստանում նորացված մաքսային միությանը: Թուրքիայի տարածքում կա 3 միլիոն օտարերկրացի, որոնք ցանկանում են հասնել Եվրոպա:

ԵՄ պետությունների և կառավարությունների ղեկավարների աշխատանքային ընթրիքի ժամանակ կառաջարկվի այլ թեմաների ընդարձակ ցանկ: Միության անդամներն ավելի մանրամասն կքննարկեն Ռուսաստանի հետ ռազմավարական հարաբերությունները: Վերջին տարիներին տեղի է ունենում Ռուսաստանի մերձեցում Թուրքիայի հետ, որը, հակառակ Բրյուսելի դժգոհության, նրանից գնել է С-400 հակաօդային պաշտպանության համակարգեր: ԵՄ ղեկավարությունն այդքան էլ հավանություն չի տալիս ռազմական  բնույթի քննարկումների համար նախագահներ Էրդողանի և Պուտինի հանդիպումներին:

Ֆորումի մեկ այլ թեման, որը հայտնի դարձավ նախօրեին, Ռուսաստանի հետ հարաբերությունների ռազմավարական քննարկումն է`հիմնված Մոսկվայի վերաբերյալ Եվրամիության դիվանագիտության ղեկավարի ներկայացրած զեկույցի վրա: Հայտնի է, որ գագաթնաժողովից առաջ Գերմանիայի ղեկավարությունը հանդես էր եկել նախաձեռնությամբ, որով առաջարկվում էր ԵՄ բոլոր ղեկավարներ ու Ռուսաստանի նախագահ Վլադիմիր Պուտինի հետ հանդիպումների կազմակերպում: Եվ եթե Ֆրանսիան և Ավստրիան արդեն աջակցել են այս գաղափարին, ապա Բալթյան մի շարք երկրներ դեմ են արտահայտվել, իսկ Նիդերլանդները թերահավատորեն է տրամադրված:  Մերկելը և Մակրոնն առաջարկել են Ղրիմի միացումից հետո առաջին անգամ Պուտինին հրավիրել ԵՄ գագաթնաժողով:

«Ինչպես տեսանք ԱՄՆ նախագահ Ջո Բայդենի օրինակով, հակամարտությունները լավագույնս լուծվում են միմյանց հետ խոսելով: Այսպիսով, մենք ունենք ամբողջական օրակարգ: Ես անհամբեր սպասում եմ քննարկումներին»,-ասել է Գերմանիի Կանցլեր Անգելա Մերկելը:

Ֆրանսիայի նախագահ Էմանուել Մակրոնն էլ հայտարարել է, որ իրենք չեն կարող համակերպվել Ռուսաստանի հետ երկխոսության բացակայության հետ:

«Մենք պետք է պաշտպանենք եվրոպական երկրների շահերը և դա անենք ամենայն ճշգրտությամբ: Բայց այս, երկխոսությունը կարևոր է ամբողջ եվրոպական մայրցամաքի կայունության համար: Ի վերջո, մենք վերջերս ականատես եղանք Ռուսաստանի Դաշնության և Միացյալ Նահանգների նախագահներ Վլադիմիր Պուտինի և Ջո Բայդենի կառուցվածքային քննարկմանը»,-ասել է Մակրոնը:

Financial Times-ն ավելի վաղ հայտնել էր, որ վերջին օրերին Մերկելը այս թեմայով բանակցություններ է վարել եվրոպական երկրների հետ. Մակրոնը և Իտալիայի վարչապետ Մարիո Դրագին ժամանել են  Բեռլին՝ այս հարցի շուրջ քննարկման:  ԱՄՆ պետքարտուղար Էնթոնի Բլինկենը, ըստ թերթի աղբյուրների, նույնպես Գերմանիայի մայրաքաղաքում բանակցություններ էր վարում կառավարության հետ:

Ռուսաստան-ԵՄ վերջին գագաթնաժողովը տեղի է ունեցել 2014 թվականի հունվարի 28-ին Բրյուսելում. 1990-ականների կեսերից դրանք անցկացվում էին գրեթե ամեն տարի, հաճախ տարին երկու անգամ, Ռուսաստանում և Եվրամիության տարածքում: Երկրորդ գագաթնաժողովը, որը նախատեսված էր 2014 թ., չեղյալ է հայտարարվել, և ԵՄ անդամ երկրները որոշել են չանցկացնել կանոնավոր երկկողմ գագաթնաժողովներ, ինչը կապված էր Ղրիմ թերակղզու` ՌԴ կազմում ներառման հետ:

Ինչպես գրել է Եվրոպական խորհրդի ղեկավար Շառլ Միշելը գագաթնաժողովին եվրոպական առաջնորդներին ուղղված հրավերում,, Ռուսաստանի հետ հարաբերությունները կքննարկվեն վերջերս Եվրահանձնաժողովի և Բորելի կողմից Մոսկվայի հետ հարաբերությունների հետագա համապարփակ մոտեցման վերաբերյալ տեղի ունեցած ռազմավարական բանավեճերի համատեքստում:

Եվրոպական առաջնորդների կողմից Բորելին հանձնարարվել էր պատրաստել զեկույցը մայիսին կայացած նախորդ գագաթնաժողովում: Փաստաթուղթը խոսում է եվրոպա-ռուսական հարաբերություններում «բացասական պարույրի» մասին, որի համար պատասխանատու է Մոսկվան: Այս կապակցությամբ Բորելը առաջարկել է Ռուսաստանի նկատմամբ կիրառել նոր ռազմավարություն, որը համատեղելու է երեք սկզբունք` հեռավորություն, ճնշում և երկխոսություն Եվրամիության համար հետաքրքրություն ներկայացնող հարցերի շուրջ: Մասնավորապես, Մոսկվայի հետ երկխոսությունն առաջարկվում է անցկացնել առողջապահության, կլիմայի, Իրանի միջուկային ծրագրի, ահաբեկչության դեմ պայքարի, Մերձավոր Արևելքի, Աֆղանստանի և Արկտիկայի զարգացման վերաբերյալ: Բացի այդ, առաջարկվում է ակտիվորեն կապեր հաստատել Ռուսաստանի ժողովուրդների և Եվրամիության երկրների միջև, որի կապակցությամբ Բորելը առաջարկել է «ավելի առատաձեռն վիզային քաղաքականություն» վարել Ռուսաստանի քաղաքացիների, հատկապես ուսանողների նկատմամբ: Միևնույն ժամանակ, առաջարկվում է կառավարության հետ շփումներն ավելի տեխնիկական դարձնել:

Բացի այդ, ԵՄ դիվանագիտության ղեկավարն առաջարկում է շարունակել քննարկել ուկրաինական կարգավորման խնդիրը, կիբերհարձակումները, ապատեղեկատվությունը: Միևնույն ժամանակ, ԵՄ-ն ցանկանում է նաև «սահմանափակել ռեսուրսները», որոնք Ռուսաստանի կառավարությունն օգտագործում է «արտաքին քաղաքականություն վարելու համար»:

Տպել
435 դիտում

Ճամբարներում իրականացվել են առողջ ապրելակերպի խթանմանն ուղղված իրազեկման աշխատանքներ

Նպատակ կա ՀՀ բոլոր բնակավայրերը միացնել լայնաշերտ ինտերնետ կապին. Հայկ Չոբանյան (տեսանյութ)

Ալավերդու համայնքապետարանը սոցիալական խմբերին արժեթղթեր է տալիս, և նրանք ստիպված են գնումներ կատարել կոնկրետ խանութից

Թուրքիան անտառային հրդեհների ճիրաններում է հայտնվել

Այն ինչ հիմա պետք է մեր երկրին, կրթված հասարակությունն է. Արամ Հայրյան

Մասիսում անասնագոմ է այրվել

ԱԹՍ օդանավակայան կառուցելու համար անհրաժեշտ գումարը հավաքվեց 15 օրում. այն կկառուցվի Լեռնապատ համայնքում

Մինչև տարկետում տալու որոշում է կայացվում, օլիմպիադան ավարտվում է. ԿԳՄՍՆ համագործակցելու պատրաստակամություն է հայտնում

ԱՄՆ կոնգրեսականը հորդորել է Ադրբեջանին անհապաղ դուրս գալ Հայաստանի տարածքից և դադարեցնել բռնությունը. «Արմենպրես»

Գագիկ Ջհանգիրյանը շրջայց է կատարել մարզերի ընդհանուր իրավասության դատարաններում (տեսանյութ)

Իրանում Էկոնոմիկայի փոխնախարարը քննարկել է դեղագործության ոլորտում ներդրումային ծրագրեր իրականացնելու հնարավորությունը

10 հազար դոլարի փոխարեն 2 հազար դոլար. քթի պլաստիկ վիրահատության համար օտարերկացիները գալիս են Հայաստան

Մեկնարկել են Condor ավիաուղիների Ֆրանկֆուրտ-Երևան-Ֆրանկֆուրտ երթուղով չվերթերը

Օդի ջերմաստիճանը կբարձրանա 2-ից 3 աստիճանով

Կրակոցներ Երևանում, կասկածյալներից 3-ը եղբայրներ են. shamshyan.com

Երևան քաղաքապետարանի պատվիրած ավտոբուսներն ուղևորվել են Շանհայի նավահանգիստ, ՀՀ կհասնեն հոկտեմբերին (լուսանկարներ)

Վաղը ներհանրապետական էլեկտրագնացքներով երթևեկություն կլինի անվճար՝ բացառությամբ Երևան-Գյումրի էքսպրեսների

Կարգալույծ է հռչակվել Տեր Պետրոս աբեղա Ազարյանը

Երևանում անցկացվել է Ատոմյաին տեխնոլոգիաների երեկո

Բողոքի նամակ համաշխարհային ճանաչում ունեցող հայագետներից. ՀՀ-ն չի ընդգրկվել միջազգային գիտաժողովի մասնակիցների ցանկում

Ավտոմեքենայի զննությամբ հայտնաբերվել են «Դերրինգեր» գրառմամբ լիցքավորված ատրճանակ, 50 փամփուշտ և փայտե մահակ

Փանիկում տուն է այրվել

Ժամը 06։30-ին ադրբեջանական ԶՈՒ- ն կրակ է բացել Երասխի հայկական դիրքերի ուղղությամբ.ՊՆ

Հաստատվել է կորոնավիրուսի 243 նոր դեպք, մահացել է 6 մարդ

Վերին Շորժայում մարդիկ ադրբեջանական ուղիղ նշանառության տակ են. ՄԻՊ

Փայտածխով բեռնված մեքենա է այրվել

Օրակարգային է Գյումրիում փողոցաշինության ընթացքում «Վեոլիա Ջուր» ընկերության հստակ համագործակցությունը. Շիրակի մարզպետ

ՀՀ տարածքում ավտոճանապարհներն անցանելի են

ՀՀ-ն հաստատակամ է տարածքային ամբողջականության ապահովման հարցում օգտագործելու ինքնապաշտպանության օրինական իրավունքը. ԱԳՆ

Չաուշի փողոցում մեքենա է այրվել. վարորդը հոսպիտալացվել է

Ադրբեջանցին հեռացավ առանց ձեռքսեղման. Հովհաննես Բաչկովի հաղթական մենամարտի տեսագրությունը (տեսանյութ)

Տոկիո-2020 Հովհաննես Բաչկովը հաղթեց ադրբեջանցուն ու դուրս եկավ քառորդ եզրափակիչ

Պատվաստվել, թե չեն պատվաստվել մշակույթի ու շոուբիզնեսի գործիչները. հարցում

Տեսչական մարմինը դիտարկումներ է իրականացրել հանրային տրանսպորտի հավաքակայաններում

Տիգրան Ավինյանն աշխատանքային շրջայց է կատարել Երևանի 33-րդ (Ֆիրդուսի) թաղամասում

Արմեն Սիմոնյանը Երկաթուղայինի օրվա առիթով պատվոգրեր է հանձնել համակարգի մի շարք աշխատողների

Արմեն Շեկոյանի հոգեհանգստի արարողությունը տեղի կունենա հուլիսի 31-ին, հուղարկավորությունը՝ օգոստոսի 1-ին

ԳԹԿ-ն նախաձեռնում է ստեղծել հայոց լեզվի ավարտական և միասնական քննությունների թեստերի նոր առաջադրանքների պաշարներ

Վահան Քերոբյանը Վրաստանի գործընկերոջ հետ խոսել է արագընթաց գնացքի գործարկման հնարավորության մասին

ՄԱԿ-ում Հայաստանի մշտական ներկայացուցիչը նամակ է հղել կառույցի Անվտանգության խորհրդի նախագահող Նիկոլա Դե Ռիվիերին